БСТ | Яңылыҡтар

Өфөлә шәхси медицина клиникаһында эш хаҡын түләмәү факты тикшерелә Башҡортостан Дүәләт хеҙмәт инспекцияһы Өфөләге шәхси медицина клиникаларының береһендә тикшереү башлаған. Медицина үҙәге етәкселеге үҙ хеҙмәткәрҙәренә былтырҙан алып эш хаҡын түләмәй. Клиниканың ябылыуы һәм эшһеҙ ҡалыуҙары тураһында ла бер көн эсендә хәбәр итәләр.

Баҡалы районында МХО-ла ҡатнашыусыларға һәм уларҙың яҡындарына берҙәм ярҙам үҙәге асылды Баҡалы районында махсус хәрби операцияла ҡатнашыусыларға һәм уларҙың яҡындарына берҙәм ярҙам үҙәге асылды. Тантаналы сара дәүләт һәм йәмәғәт ойошмаһы ағзалары, ветерандар, ирекмәндәр ҡатнашлығында үтте.

Иглин районының Урман ауылы ирекмәндәр штабына-ике йыл Махсус хәрби операция башланыу менән Иглин районында 20-гә яҡын ирекмәндәр төркөмө төҙөлә. Урман ауылы халҡы ла изге эштән ситтә ҡала алмай. Ике йыл элек фронтҡа ярҙам итеү маҡсатында штаб ойошторола, урындағы халыҡ маскировка селтәрҙәре үреү, окоп шәмдәре ҡойоу, йылы ойоҡбаштар бәйләү эшенә тотона.

Баймаҡта беренсе тапҡыр «Йәш шайморатовсылар балы» үтте Шайморатов кластарынан 100-яҡын бала ҡатнашты. Хәрби-спорт байрамы хаҡында киләһе яҙмала.

Радий Хәбиров Салауат районында һәләк булған яугирҙарҙың ғаиләләре менән осрашты Республика башлығы Салауат районына рәсми эш сәфәре барышында махсус хәрби операцияла һәләк булған яугирҙарҙың яҡындары менән осрашты. Радий Хәбиров ата-әсәләрҙең ҡайғыһын уртаҡлашты, рәхмәт әйтеп, еройҙарҙың туғандарына генерал Миңлеғәле Шайморатов орденын тапшырҙы.

Радий Хәбиров Мәләүездән 100 йәшлек көмөш ирекмән Полина Чельник хаҡында яҙҙы Беҙҙең көмөш ирекмәндәр-ғәжәп кешеләр. Радий Хәбировтың социаль селтәрҙәге сираттағы яҙмаһы ошондай кешеләрҙең береһе-Мәләүездән Полина Афанасьева Чельникҡа бағышланған. «Ул быйыл үҙенең бер быуатлыҡ юбилейын ҡаршы аласаҡ. Мин уның тураһында Дәүләт Йыйылышы-Ҡоролтайға мөрәжәғәтнамәлә һөйләгәнем дә инде, хәҙер ентекләберәк»Һоҡланғыс кешеләрҙең тормошо«рубрикаһында яҙам,»-тигән республика етәксеһе.

Башҡорт дәүләт ҡурсаҡ театры ойошторолоуына 94 йыл тулыуҙы билдәләне Башҡорт дәүләт ҡурсаҡ театры ойошторолоуға-94 йыл. Төрлө быуын тамашасылары яратып йөрөгән учреждение үҙ шаршауын 1932 йылдың 5 февралендә «Шалҡан» әкиәте менән асҡан. Бөйөк Ватан һуғышы йылдарында театр коллективындағы бөтә ир-егеттәр фронтҡа китә. Артистарҙың бер өлөшө нацистарға ҡаршы сатирик әҫәрҙәр менән госпиталдәрҙә сығыш яһаған. Бөгөн Башҡорт дәүләт ҡурсаҡ театры күләмле реконструкциянан һуң эшләй.

Тәтешле районы ауылдары клуб һәм балалар майҙансығы өсөн 5 млн һум йәлеп итә Тәтешле районының Яңы Ҡайпан һәм Ҡашҡаҡ ауылдары ял һәм социаль әүҙемлек мөхите өсөн биш миллион һум аҡса йүнәлтмәксе. Сумма ауыл клубын төҙөкләндереү һәм балалар майҙансығы төҙөүгә тотоноласаҡ.

Хәйбулла районында «Йыл уҡытыусыһы» муниципаль конкурс финалы үтте Педагогтар бәйгеһендә еңеүҙе Уфимский ауылынан биология уҡытыусыһы Роза Ғәзизова яуланы. Бәйге барышында райондың иң яҡшы уҡытыусылары үҙҙәренең уҡытыу методикаларын, оҫталығын һәм педагогик тәжрибәһен күрһәтте.

Өфөлә Рәсәй фәне көнө алдынан студенттар кампусында фәнни саралар үтте Фәнде һәм ғилми тикшеренеү эшен популярлаштырыуға йүнәлтелгән мөһим саралар. Рәсәй фәне көнө алдынан юғары уҡыу йорттары араһындағы студенттар кампусы асыҡтан-асыҡ аралашыу мөхитенә әйләнде. Евразия фәнни белем биреү үҙәгенең ҡунаҡ бүлмәһе ғалимдарыбыҙҙың эш һөҙөмтәләрен күрһәтеү өсөн төп майҙансыҡтарҙың береһе булып тора.

Башҡортостанда дәүләт хеҙмәте академияһы асыҡ ғилми гранттар конкурсы иғлан итте Башҡортостан Башлығы ҡарамағындағы Башҡортостан дәүләт хеҙмәте һәм идара итеү академияһы асыҡ ғилми гранттар конкурсы иғлан итте. Был хаҡта академияның ғилми советының Фән көнөнә арналған тантаналы ултырышында әйтелде. Конкурс фәнни тикшеренеүҙәрҙе үҫтереү өсөн киң мөмкинлектәр аса. Грант алыуға академия хеҙмәткәрҙәре һәм уҡыусылары ғына түгел, ә ғилми һәм эксперт эш тәжрибәһенә эйә булған башҡа ойошмаларҙан белгестәр ҙә дәғүә итә ала.

Шишмә районында һәләк булған яугир ҡәберенә Ҡыҙыл берет һалынды Шишмә районында махсус хәрби операция биләмәһендә ҡаһармандарса һәләк булған яугир ҡәберенә ҡыҙыл берет һалынды. Яугир һәләк булғандан һуң махсус тәғәйенләнештәге подразделениела хеҙмәт итеүҙең иң юғары баһаһын алды. Хәтер сараһында беҙҙең ижади төркөм дә булды.

Радий Хәбиров ҡатнашлығында 4 районда модулле ҡатын-ҡыҙҙар консультациялары асылды Башҡортостандың 4 районында бөгөн модулле ҡатын-ҡыҙҙар консультацияһы файҙаланыуға тапшырылды. Яңы медицина учреждениеһы «Ғаилә» милли проекты сиктәрендә Рәсәйҙә тәүгә тормошҡа ашырыла. Социаль объекттар Радий Хәбиров ҡатнашлығында Салауат районында ойошторолған видеоэлемтә аша асылды. Республика башлығы эш сәфәре барышында төбәк өсөн әһәмиәтле башҡа объекттарҙы ла ҡараны.

Бәләбәй районы Мәтәүбашта урындағы башланғыстар программаһы буйынса ауыл техникаһы яңыртыла Ауыл тракторына тағылма һәм башҡа кәрөк-яраҡтар. Бәләбәй районы Мәтәүбаш ауыл биләмәһе урындағы башланғыстар программаһы ярҙамында техника паркын тулыландырырға йыйына.

Өфө ҡалаһы тарихы музейында «Үтеккә 390 йыл» күргәҙмәһе үтә Экспозицияла музей коллекцияһынан 16 үтек. Уларға ҡарап үтектең барлыҡҡак килеү тарихын өйрәнергә була. Электр моделдәренән тыш ағастан яраҡлаштырылғандары, күмер менән эшләгәндәре лә бар. СССР-ҙың 50 йыллығы исемендәге Өфө агрегат етештереү ойошмаһында сыҡҡандарын да күрергә мөмкин. Күргәҙмә 15 февралгә тиклем дауам итә.

Ҡаҙағстанда Айгиз Баймөхәмәтовтың «Ташлама, әсәй» әҫәре буйынса төшөрөлгән фильмдың премьераһы үтте Ҡаҙағстанда Айгиз Баймөхәмәтовтың «Ташлама, әсәй» әҫәре буйынса төшөрөлгән фильмдың премьераһы үтте. Был Рәсәйҙән ситтә башҡорт яҙыусыларының әҫәре буйынса ҡуйылған беренсе кино. Фильм башлыса Алматы эргәһендәге ҙур булмаған Текели ҡалаһында төшөрөлә. Эш процесына 70-тән ашыу кеше йәлеп ителә.

Мәжит Ғафуриҙың мемориаль йорт-музейында Ғәли Соҡоройҙоң ижади мираҫына арналған күргәҙмә асылды Мәжит Ғафуриҙың мемориаль йорт-музейында Ғәли Соҡоройҙоң ижади мираҫына арналған күргәҙмә асылды. Ул билдәле шағир, мәғрифәтсе, дин әһеленең 200 йыллығына бағышланған. Ғәли Соҡоройҙоң ижады тиҫтәләгән китап, йөҙгә яҡын ҡулъяҙманы үҙ эсенә ала. Уның һәр әҫәре мәғрифәтселек, мәҙәни үҫеш һәм наҙанлыҡты тәнҡитләү тураһында тәрән уйланыуҙар менән һуғарылған.

Рәсәйҙә 2026 йылдан мәғариф өлкәһендә күләмле реформа көтөлә Үҙгәрештәргә ярашлы бакалавриат-магистратура белем биреү системаһын бөтөрөү буйынса пилот проект тормошҡа ашырыласаҡ. Ғәмәлдәге бакалавриат-магистратура программаһы урынына СССР дәүерендәге кеүек ике кимәлдән торған яңы уҡыу системаһын индереү өсөн һынауҙар ойошторола.

Башҡортостанда дөйөм хаҡы 3 миллион һумлыҡ техника урлауҙа ғәйепләнеүсе ир ҡулға алынған Полиция хеҙмәткәрҙәре уның Архангел районы Абҙан ауылындағы шәхси йорттан ҡарҙан йөрөүсе ике транспорт сараһын һәм видеокамера яҙмаларын урлауын асыҡлай. Дежур бүлеккә ғаризаны йортто ҡарауыллап ҡалған хужабикәнең күршеһе яҙа. Эске эштәр министрлығы һәм Росгвардия хеҙмәткәрҙәре енәйәттә ғәйепләнеүсене Иглин районы Аҡбирҙе ауылында ҡулға ала.

Өфөлә күҙ ауырыуҙарын диагностикалау һәм дауалау өсөн роботлаштырылған лазер комплексы эш башланы Диагностика һәм дауалау бер аппаратта. Өфө күҙ ауырыуҙары ғилми-тикшеренеү институтында НавилАс тип аталған роботлаштырылған юғары теүәллектәге лазер комплексы эшләй башланы. Заманса ҡоролма күҙ күҙәнәктәре сирҙәрен асыҡлау һәм дауалау өсөн иҫәпләнгән. Аппарат диабетик ретинопатия һәм ауырыу селтәрле шекәрәне дауаларға мөмкинлек бирә.