Dil chizgilarim...

Sogʻinchlar jonimga oʻt qoʻydi... Yondim, Yurak sen deb yigʻlar, senga ichikkan. Seni sogʻinishga bugun kech qoldim, Negadir kech qoldim... Essiz kechikkan... Yurak jon hovuchlab turar, diydirab, Men ozod boʻlmagan bir bandi qushman. Men oʻzini anglab yetmagan odam, Men oʻzimga  doʻst-u, oʻzimga dushman. Toʻgʻri, koʻnglingga hech arzimayman men, Aytgin, ishqda ado boʻlganlar kammi? Meni sevolmasang oʻlganim boʻlsin!... (Bevaqt oʻlib ketsam achinmaysanmi?) 2021.

Sogʻinding birinchi muhabbatingni... Daydi xayollaring ketdi qaygadir. Unutding dunyoning goʻzallarini Endi sarkash oʻylar miyyangda daydir. Eslaysan, oʻylaysan, xayollar chalkash, Yuraging notekis ura boshlaydi. Koʻzingga koʻrinar allanarsalar, Har neni "U" deya koʻra bishlaydi. Eslaysan, qoʻlining haroratini, Qaynoq nafaslarin qumsaysan soʻzsiz. Yodingga tushadi aytgan gaplari: "Men seni hech qachon qoʻymayman yolgʻiz..." Titranib ketasan... Koʻkda suzar oy, Parishonsan yana, xayolparastsan. Ergashib ketasan chorlasa nogoh U bitta soʻz aytsa... Tamom! Sen mastsan. Tonggacha shu ahvol... Oʻyga ergashib Uxlolmay chiqasan, tong ham otadi. U qalbingga qadab ketgan umidlar... Oʻtkir tikan kabi dilga botadi. Ne qilsang qil endi... Befoyda bari Yaxshisi Xudodan ofiyat tilan! Endi bir umrga zanjirbansan sen Bir umr yashaysan sogʻinching bilan... 01.08.2023

Sizga koʻngil bersam maylimi, bugun Erta-indin tugab qolishi mumkin. Nima boʻlishini hech kim bilmaydi, Ertaga har narsa boʻlishi mumkin... Sizga koʻngil bersam maylimi, bugun, Axir sevib qoldim... Aybga buyurmang. Sizga sovgʻa boʻlsin mayli bu koʻngil, Erta bir kun mayli, qaytarib bermang. Sizga koʻngil bersam maylimi, bugun, Yetar... Kunduz bemor, tun bedor qilmang. Iltimos kuttirmang, "mayli bering", - deng, Meni bemajol-u, intizor qilmang... Sizga koʻngil bersam maylimi, bugun, Olib ketardingiz... Oʻzingiz bilan...

Bugun kanalimiz asoschisi va admini Mammadaliyev Samandarning tugʻilgan kuni ekan . Kanal adminstratorlari va kanal a'zolari nomidan ularni ushbu ayyomlari bilan tabriklaymiz😄 P/s: ©Soʻzga chechan boʻlmagan admin

Beeline ga minnatdorchiligimni izhor etaman

Yozishim mumkin... (Atalgan she'r) Eplay olsang har kun tushlarimga kir, Ista, xayolimda aylan kun-u tun... Amallab xotirda qoldirgin tasvir, Bir kun sening haqda yozishim mumkin. U go‘zal edi, deb, ko‘rkam edi, deb, Mendan bir nimalar so‘rgan edi deb, Hatto she'rlarimni ko‘rgan edi deb, Bir kun sening haqda yozishim mumkin. Bir kun vaslingga mos so‘zlar topganda, O‘qib siyratingni ko‘zlar topganda, Bir kuni baxt, bir kun omad chopganda, Bir kun sening haqda yozishim mumkin.