Egydose

مستخدمين تلفونات هواوى اللى مش بتدعم خدمات جوجل، هيقابلك مشكلة فى تسجيل الدخول بالجيميل زى ما فى الصورة، تعمل ايه؟ هتنزل برنامج اسمه Gspace ، ده الموقع بتاعه gspaceteam.com، نزله وثبته، وافتح ابلكيشن Egydose من خلاله ابلكيشن Gspace هيخلى تلفونك الهواوى يدعم خدمات جوجل، وهيحل لك اي مشكلة كانت بتقابلك بسبب عدم دعم خدمات جوجل

مميزات تفعيل النسخة الكاملة لابلكيشن Egydose ١-الحقن هتفتح مباشرة من غير ما يطلب منك تشوف اعلان ٢-الاعلانات كلها هتختفى بجميع اشكالها ٣-البحث عن الادوية بالاندكيشن والكاتيجورى ٤-استخدام القايمة المفضلة ٥-مميزات اخرى فى التحديثات القادمة ان شاء الله مميزات تفعيل النسخة الكاملة لابلكيشن TTG ١-فتح جميع الاقسام مباشرة ٢-الاعلانات كلها هتختفى بجميع اشكالها ٣-استخدام القايمة المفضلة #Egydose #Topical_Treatment_Guide

تحديث جديد من ابلكيشن Topical Treatment Guide اصدار رقم 6.1 ده ابلكيشن خاص بالادوية الموضعية زى الكريمات والمراهم والقطرات متقسم لأقسام عشان توصل للدوا اللى محتاجه بسهولة بيقدملك معلومات عن طريقة الاستخدام والتحذيرات والتوافق مع الحمل ممكن تنزل اخر اصدار من اللينكات دى للاندرويد https://bit.ly/ttg_6_1 للايفون والايباد والماك https://apps.apple.com/us/app/topical-treatment-guide/id6451004185 للويندوز https://bit.ly/ttg-windows_6_1 وممكن دايما تزور الموقع الرسمى www.egydose.com عشان تنزل اخر اصدارات من التطبيقين #Egydose #Topical_Treatment_Guide

غالبا فئة الدكاترة كلهم انطوائيين وعندهم توحد 😂 دى تانى مرة اعمل عرض ان لو شخصين او اكتر مع بعض يبقى لهم خصم اكبر، وملاقيش اقبال عليه، معظم الدكاترة جايين فردانى فعشان كده اولا مش هعمل العرض ده تانى ، هبقى اعمل عروض تانية وثانيا البوست ده للمتوحدين اللى حابين يستفيدو بخصم اكبر، كلمنى على ماسنجر الصفحة، وقولى ان عندك توحد 😂 وهقولك تعمل ايه عشان تفعل النسخة الكاملة زى سعر الشخصين مع بعض #Egydose

تابعنا على صفحة الفيسبوك https://www.facebook.com/egydosecalc

تفعيل النسخة الكاملة بيكون مرتبط بالايميل بتاعك، يعنى الاشتراك هيفضل سارى حتى لو غيرت التلفون او مسحت الابلكيشن ونزلته تانى او بعد التحديثات تفعيل النسخة الكاملة للتطبيقين بيكون مدى الحياة مش اشتراك شهرى ولا سنوى، هى مرة واحدة ومش هتحتاج تشترك تانى الا فى حالات معينة، زى لو غيرت التلفون من اندرويد لايفون مثلا او العكس، وده بسبب قيود من شركة ابل، مقدرش اعمل كده والا هيمسحو الابلكيشن من الستور الاشتراك فى الاندرويد بيكون شامل الويندوز، يعنى ممكن تشغل النسخة الكاملة على الويندوز باستخدام نفس الايميل اللى اشتركت بيه فى الاندرويد من غير ما تدفع تانى والاشتراك فى الايفون بيكون شامل الايباد ولابات ابل (الماك) باستخدام نفس الايميل وفرصة تستفيد من العرض الحالى، التفاصيل فى البوست السابق #Egydose

بمناسبة مرور ٥ سنين على اصدار اول نسخة لابلكيشن Egydose عرض خاص لمدة شهر ونص يعنى لحد نهاية شهر ١٢ ——————— أولا: مستخدمى الايفون ممكن تتواصل معايا لو حابب تدفع بطريقة تانية (العدد محدود) ١-ابلكيشن Egydose -لو شخص واحد هيبقى ٧٠٠ جنيه بدل ٨٠٠ -لو شخصين او اكتر هيبقى الواحد بـ ٦٠٠ جنيه ٢-ابلكيشن TTG -لو شخص واحد هيبقى ٢٠٠ جنيه بدل ٢٥٠ -لو شخصين او اكتر هيبقى الواحد بـ١٥٠ جنيه ——————— ثانيا: مستخدمى الاندرويد (شامل الويندوز) ١-ابلكيشن Egydose -لو شخص واحد هيبقى ٤٠٠ جنيه بدل ٥٠٠ -لو شخصين او اكتر هيبقى الواحد بـ ٣٥٠ جنيه ٢-ابلكيشن TTG -لو شخص واحد هيبقى ١٥٠ جنيه بدل ٢٠٠ -لو شخصين او اكتر هيبقى الواحد بـ ١٠٠ جنيه #Egydose

تحديث جديد من ابلكيشن Egydose فى التحديث ده واللى قبله اتحلت مشكلة تسجيل الدخول بالجيميل، غير اضافات وتظبيطات تانية محتاجين بوست منفصل لكل منها على الفيسبوك غالبا فى الاندرويد هتلاقى التحديث من داخل التطبيق بطيء جدا، فممكن تنزل اخر اصدار من اللينكات اللى فى البوست ده او البوست المثبت على الفيسبوك او من الموقع الرسمي لينكات التحميل للاندرويد https://bit.ly/egydose_12_4 للايفون والايباد والماك https://apps.apple.com/us/app/egydose/id6452034344 للويندوز https://bit.ly/egydose-windows_12_4 او من الموقع الرسمى www.egydose.com #Egydose

مستخدمين الايفون بالنسبة لاخر اصدار لابلكيشن Egydose اللى نزل للاندرويد والويندوز واللى المفروض يكون نزل زيه للايفون، فيه مشكلة حاليا مع ابل ربنا ياخدهم ومش عارف انزله، دعواتكم ان المشكلة تتحل ان شاء الله -------------------- مستخدمين الاندرويد والويندوز لو فيه اي مشكلة فى تنزيل الابلكيشن او تحديثه من اللينكات اللى فى البوست المثبت او الموقع او من داخل التطبيق، ممكن تنزله مؤقتا من اللينكات دى ،لان الموقع اللى برفع عليه الابلكيشن فيه مشكلة طريقة التنزيل فى الاندرويد: لو اللينك فتح فى متصفح كروم مباشرة نزله علطول وبعدين ثبته، والا اعمل زى ما فى الصور كده Egydose for android https://www.mediafire.com/file/2abw74ddiuqggyh/Egydose_12.3.apk/file Egydose for windows https://www.mediafire.com/file/t51elg9we4afhva/Egydose_12.4.rar/file Topical Treatment Guide fir android https://www.mediafire.com/file/crrqprwqdee9js7/Topical_Treatment_Guide_6.0.apk/file Topical Treatment Guide fir windows https://www.mediafire.com/file/6hqqljiebilsdq0/Topical_Treatment_Guide_6.0.rar/file #Egydose

الرسالة دى المفروض بتظهر لو تلفونك هواوى او لو مفيش نت لما تيجي تعمل تسجيل دخول بالجيميل والعملية تفشل بس فى اخر اصدار رقم 12.1 بتظهرالرسالة دى فى اى تلفون وفى وجود نت كويس لو جيت تسجل دخول، فعادى خالص لو ظهرت اطلع من الابلكيشن وافتحه تانى وهتلاقى تسجيل الدخول تم ان شاء الله فى الاصدار القادم هتتحل المشكلة دى

تحديث جديد من ابلكيشن Egydose اصدار رقم 12.1 بتاريخ اليوم ١٤ سبتمبر ٢٠٢٤ الجديد فى الاصدار ده اضافة مجموعة من ادوية الاورام واضافة Body Surface Area Calculator كان موجود عدد قليل من ادوية الاورام وكانت الجرعة فيه معتمدة على الوزن دلوقتى جرعات الادوية دى هتعتمد على BSA عشان تكون الجرعة أدق هشرح استخدامه فى بوست منفصل او فيديو ان شاء الله وترقبو التحديثات القادمة ان شاء الله، هتكون تحديثات دسمة فيها اضافات جديدة تتمحور حول الجرعات برضه وغالبا هتكون متاحة للمشتركين فقط لينكات اخر اصدار للابلكيشن للاندرويد https://bit.ly/egydose_12_1 للايفون والايباد والماك https://apps.apple.com/us/app/egydose/id6452034344 للويندوز https://bit.ly/egydose-windows_12_1 #Egydose

تحديث جديد من ابلكيشن Topical Treatment Guide اصدار رقم 5.9 بتاريخ اليوم ٢٧ اغسطس ٢٠٢٤ المفروض هيجيلك رسالة لما تفتح الابلكيشن ان فيه تحديث، اضغط عليها عشان تنزل التحديث وتثبته ابلكيشن Topical Treatment Guide خاص بالادوية الموضعية زى الكريمات والمراهم والقطرات، لان ابلكيشن Egydose مفيهوش الحاجات الموضعية لو الرسالة مجتش ممكن تنزل اخدر اصدار من اللينكات دى للاندرويد https://bit.ly/ttg_5_9 للايفون والايباد والماك https://apps.apple.com/.../topical-treatment.../id6451004185 للويندوز https://bit.ly/ttg-windows_5_9 وممكن دايما تنزل اخر اصدارات للتطبيقين من الموقع الرسمي www.egydose.com #Egydose #Topical_Treatment_Guide

مستخدمين التطبيق الغير مشتركين، ازاي تتعامل مع الاعلانات ابلكيشن Egydose ممكن تستخدمه مجانا بدون تفعيل النسخة الكاملة، الحقن بس هى اللى بتحتاج تشوف اعلان قبل ما تفتحها، كل اعلان تشوفه هيديك ٥ نقط تفتح بيهم الحقن ٥ مرات، ممكن تشوف كذا اعلان ورا بعض لما تكون فاضي بحيث تجمع نقط اكبر تستخدمهم عشان متتعطلش فى وسط الشغل او لما ميكنش فيه نت مثلاتجميع النقط بحد اقصى ٣٠ نقطة، لما الاعلان بيخلص هيعرض عليك تشوف اعلان تانى، او ممكن من القايمة الجانبية من العلامة اللى شبه الفيديو وجواها رقم (الرقم ده هو عدد النقط) نفس فكرة تجميع النقط موجودة برضه فى ابلكيشن Topical Treatment Guide ، فى النسخة المجانية منه ممكن تبحث عن اي دوا عادى وتفتح قسم Skin بس، باقى الاقسام هى اللى بتحتاج مشاهدة اعلان، والفيديو بيديك هنا ٧ نقط اللى فات ده الاعلان حضرتك بتختار تشوفه بنفسك، لكن فيه اعلانات تانية ممكن تظهر لوحدها مع الاستخدام، دى ممكن تعمل لها skip بعد ٥ ثوانى، وغالبا الصوت هيبقى مكتوم فيها عشان متتخضش الاعلانات براجعها باستمرار عشان اتاكد ان مفيهاش حاجة خارجة الاشتراك فى النسخة الكاملة بيلغى الاعلانات دى كلها وبيفتح كل حاجة، بالاضافة لمزايا تانية زى البحث بالاندكيشن فى Egydose واستخدام القايمة المفضلة فى التطبيقين، فباستثناء المزايا دى ممكن تعتبر الابلكيشن مجانى تماما لو هتقدر تستحمل شوية اعلانات #Egydose

تحديث جديد من ابلكيشن Egydose اصدار رقم 12.0 بتاريخ اليوم ١١ اغسطس ٢٠٢٤ تم تحديث الجرعات والمصادر واضافة بعض الادوية المفروض هيجيلك رسالة لما تفتح الابلكيشن بتقولك ان فيه تحديث، اضغط عليها عشان تنزله وتثبته، او ممكن تنزله من اللينكات دى اخر اصدار للاندرويد https://bit.ly/egydose_12_0 اخر اصدار للايفون والايباد والماك https://apps.apple.com/us/app/egydose/id6452034344 اخر اصدار للويندوز https://bit.ly/egydose-windows_12_0 وممكن دايما تزور الموقع الرسمي للابلكيشن عشان تنزل اخر اصدار www.egydose.com #Egydose

لمستخدمين الايفون اصحاب ايفون 6 وايفون 5S التحديثين اللى فاتو 11.7 و 11.8 مكانوش بيشتغلو على التلفونين دول التحديث الاخير رقم 11.9 رجع يدعمهم تانى فممكن تنزل اخر تحديث دلوقتى وهيشتغل عندك ان شاء الله بس للاسف هى مسألة وقت على ما اكون مضطر انزل تحديث جديد ميشتغلش عليهم، الله اعلم امتى، وده هيكون حال معظم التطبيقات مش ايجي دوز بس #Egydose

تحديث جديد من ابلكيشن Egydose اصدار رقم 11.8 بتاريخ اليوم 21 يوليو الاصدار ده اتحلت فيه مشكلة الجرعة اللى كانت مبتظهرش فى الايفون، وكمان اتحلت فيه مشكلة الكيبورد اللى كانت مبتظهرش لما بتبحث عن دوا وتم تحديث الجرعات واضافة بعض الادوية والتحسينات وللاسف الابلكيشن مبقاش بيدعم ايفون ٦ او اقدم فلو التحديث نزل عندك مش هتقدر تفتح الابلكيشن، وفى الحالة دى هتحتاج ايفون جديد اوتستخدم تلفون اندرويد حسب رغبتك ممكن تنزل اخر اصدار للاندرويد والايفون والويندوز من اللينكات دى للاندرويد https://bit.ly/egydose_11_8 للايفون https://apps.apple.com/us/app/egydose/id6452034344 للويندوز https://bit.ly/egydose-windows_11_8 وممكن دايما تزور الموقع الرسمي عشان تنزل اخر اصدارات للتطبيقين www.egydose.com #Egydose

مستخدمين الايفون تم عمل تحديث جديد لابلكيشن Egydose اصدار رقم 11.7 فيه حل لمشكلة الكيبورد اللى مش بتظهر لما تبحث عن دوا لتانى مرة لسة مشكلة الجرعة اللى مش بتظهر، دى حلها بيختلف من واحد للتانى، فلو الجرعة مش بتظهر عندك تواصل معايا عشان اقول لك على الحل، وبعد ما تتحل هحتاج منك بس انك متمسحش التطبيق من عندك لحين حل المشكلة نهائيا

مستخدمين الايفون، التحديث الاخير لابلكيشن Egydose فيه كذا حاجة حابب انوه عنهم -------------------------------- اولا: ممكن تلاقى عندك الجرعة مش ظاهرة، المشكلة دى ليها حل، كلمنى على ماسنجر الصفحة لو الجرعة مش ظاهرة عندك، وبعد ما تتحل حاول ماتمسحش الابلكيشن من التلفون دلوقتى لحد ما احل المشكلة دى نهائيا فى تحديث قادم ان شاء الله. الابلكيشن وظيفته الاساسية حساب الجرعات فاكيد مش هشيل جزئية الجرعة عن عمد سواء حضرتك كنت مشترك او لا، دى مشكلة مؤقتة وحلها سهل، كلمنى بس على الماسنجر لان كل واحد له حل مختلف عن التانى -------------------------------- ثانيا: بداية من التحديث الاخير هتلاقى الابلكيشن مش شغال على iPhone 6 او الايفونات الاقدم ، الابلكيشن حاليا هيشتغل على iPhone 6s و iPhone 6s plus اللى هما انتاج ٢٠١٥ وانت طالع لان التلفونات دى هى اللى تقدر تحدث نظامها ل iOS 13 اللى هو اقل اصدار الابلكيشن بيدعمه، فلو تلفونك iPhone 6 او اقدم الابلكيشن مش هيشتغل معاك، دى حاجة لابد منها، لانى عشان ادعم ايفون جديد لازم الدعم ينشال من ايفون قديم المفروض ان الاب ستور مكنش يسمح لك بالتحديث اصلا، انما يخليك تحدث الابلكيشن لاصدار هو عارف انه مش هيشتغل على تلفونك فدى حاجة غريبة، فالحل انك تشترى ايفون موديل جديد، او لو عاوز نصيحتى هات اندرويد احسن عشان الايفون حواراته كتير على الفاضي 😃 -------------------------------- ثالثا: فيه كذا مستخدم للابلكيشن اشتكى ان الكيبورد مش بتظهر لما بتضغط على خانة البحث، ممكن بتظهر اول مرة بس تانى مرة لا، فلو المشكلة دى بتحصل عندك معلش هتضطر تطلع من الابلكيشن وتفتحه تانى، وهحل المشكلة دى ان شاء الله فى التحديث القادم -------------------------------- مستخدمين الاندرويد مفيش الكلام ده عندكم، انتم تمام 👍 😃

مستخدمين الايفون اخر نسخة هتلاقى الجرعة مش ظاهرة عندك ، كلمنى على ماسنجر الصفحة عشان اقول لك على الحل، لان الحل مش واحد لكل الناس بعد ما تكلمنى واقول لك على الحل متمسحش التطبيق من التلفون لحين حل المشكلة بشكل جذرى ان شاء الله فى التحديث القادم الجرعة هى اساس البرنامج اصلا وانا اكيد مش هتعمد امسحها سواء كنت مشترك او لا دى غلطة برمجية وهتتحل قريب ان شاء الله #Egydose