جامعة طيبة

بخصوص قواعد البيانات🫂👆🏼

بالنسبة لقواعد البيانات ف درستها على ترمين قواعد البيانات ١ وقواعد البيانات ٢ قواعد البيانات ١ كانت تجربتي فيها جدا رهيبة مادة سهلة خفيفة والدكتورة اللي درستني اياها برضو الله يسعدها ساعدت انه المادة تكون حلوة. المادة تشبه برمجة ١ كثير بحيث انه فيها عملي ونظري اذكر انها كانت ٦ او ٧ شباتر (الشابتر الواحد مقسم لأجزاء اتذكر فيه شابتر الثالث مدري الرابع كان اربع اجزاء) اول شابتر كالعادة راح يكون مقدمة عن قواعد البيانات DB أهميتها وفي ايش نستخدمها ونظام ادارة قواعد البيانات DBMS ومميزاته وزي كذا كلام نظري برضو الثاني كان كلام نظري عن data model وdata schema بعدها تعلمنا عن ER diagram في البداية شرح عنه كلام نظري بعدها نتدرب كيف نرسم سهل وبسيط بس نعرف رموز وكيف نستخدمها هذا اهم جزء في المادة كلها بالنسبة لي لانه اللي بعده كله يعتمد عليه سواء العملي او فهم بقية الشباتر وهو ممكن يخدعك بسهولته بس يبغاله تدريب وتحريك يد فالواجبات اللي تعطيها الدكتورة رغم انها ما كانت تشوفها بس لازم تنحل لانه صدق مهم، بعدها اخذنا عن EER diagram وهو نفس اللي قبل بس عليه إضافات (E جايه من enhanced) ما اتذكر عنه كثير بس سهل بعدها اخذنا عن Relational model والقيود كان شابتر نظري اكثر شي واخر شي كان كيف تحولين ER وEER إلى Relational model برضو سهل كان خطوات وبس تطبيقينها وفي الاخير سوينا مشروع وهو كيف نسوي قواعد بيانات من والى بداية من الرسمات إلى التطبيق العلمي اللي كنا نستخدم فيه لغة SQL باختصار المادة جدا ممتعة وسهلة وتجيبين فيها A+ بالراحة بس لازم تتذاكر اول بأول لانه فيها كلام كثير مو صعب بس كثير الصدق 😭😭 + الشباتر تتعمد على بعض يعني لو رحتي الشابتر حق EER diagram وانتِ مو فاهمة ER diagram بتتوهقين وتلقين انه الشابتر حق التحويل ما فهمتيه وهكذا، الاختبارات كانت سهلة كلها ما فيها مقالي بس الميد جانا رسم EER والنهائي جانا نكتب كود كمان اتذكر الاختبار النهائي كان اغلبه من الكويز والميد وكان فيه مشروع بالنسبة لقواعد بيانات ٢ بالرغم من اني درستها مع نفس الدكتورة وبرضو درجتي كانت فيها حلوة إلا اني للامانه ما استمتعت فيها وللان مو فاهمتها كويس كانت مادة نظرية بشكل بحت بعض مواضيعها تشبة نظم التشغيل والبنية التحتية كانت تتكلم عن اجهزة التخزين وفين تتخزن قواعد البيانات وكيف توصلين لها وزي كذا كمان تتكلم عن تحسين الاستعلامات وكان فيه رسمات كمان جاتنا في النهائي كمان تتكلم المادة عن أمان قواعد البيانات و data wherehouse بشكل عام كانت مادة ثقيلة ونظرية كمان ما كان فيه لها شروحات في اليوتيوب بالنسبة للاختبارات كلها كانت موضوعية ما عدا الاختبار النهائي كان فيه مقالي مقارنه وتعريف وتعداد بالإضافة إلى الرسمات عشان كذا لازم مو تتذاكر لا تنحفظ اول بأول لأنه إذا بتجين فجأة النهائي بتحفظين كل شي ما بتقدرين

اهلاً ، يومكم سعيد ❤️‍🔥 زي ماوعدتكم بحكي لكم عن تجربتي في مادة الخوارزميات.! هذا المقرر تحديدًا شايفتكم شايلين همه وخايفين منه كثير والكثير بيسأل عنه .! ودي أقولكم سيبو كل الكلام إلي سمعتوه و ركزوا شوي أنا بقول لكم ايش قصة هادي المادة بعدها بقول لكم هل تستحق كل هذا الكلام عنها ولا لأ.! مادة الخوارزميات مادة تحتاج منك فهم فهم فهم ( اي يحتاج تفهم حتى تستوعب) المادة فيها حفظ للأكواد لبعض التعريفات لكن.! مارح تحل اذا ماكنت فاهم خصيصًا أسألة المقالي 🙆🏻‍♀️ بإختصار ياريناد عطينا الزبده! بإختصار المقرر مو بسهولة برمجة ١ وليس بصعوبة برمجة ٢ بالمختصر يعني🌚 ريناد هل هذا المقرر يعتمد على شطارتي في البرمجة؟ الجواب ببساطه انو رح تعدي عليكم مفاهيم كتير درستوها في البرمجة مره تانيه في الخوارزميات👏🏼 رح تكتبوا اكواد وبتحفظوها بعد! هادي الأكواد لازم تفهموا كيف شكل الأوت بوت إلي بتطلعه ! يعني ياريناد بتجينا أسألة أوت بوت🌚؟ اي اي بتجيكم بس واحد او اثنين لكن لابد منها هالمادة بإختصار بتعلمكم كيف نرتب البيانات بطرق مختلفه داخل البرنامج كيف ننظمها ونحللها بأكواد مختلفه 🙆🏻‍♀️ طب ريناد انت انت كيف كانت تجربتك؟ انا بالنسبه لي اشوف الماده فيها كمية متعة ( ايييي متعة لأنها تعتمد على الفهم) المنهج مو دسم ومايخوف بالعكس مره لطيف لكن العيب الوحيد إنو ماكنت ألاقي مصادر عربية تشرح المقرر يعني تفرجت على هادي القناة بس ماكملت لأنو مافي شروحات كتيره https://youtu.be/Day3_mw1F-Y?si=gFuZFTftEnlXhLmP هالمادة اختيارك فيها لدكتور كووويس جدًا مهم .! لازم تكون حريص ان الدكتور كويس لأن لازم يفهمك عشان تحل .! هل في مشروع ؟ على ايامي ماعملنا مشروع هل في اختبار عملي؟ كلها كم كود إلي رح تدرسوهم فما اعتقد يعملوا عليها عملي لأنو على ايامي برضو ماكان في عملي هل تحتاج مذاكره اول بأول؟ جددددًا قلت لكم انها فهم يعني ايه؟🫢 ريناد بنشوف شباترك 🙆🏻‍♀️ اكيد طبعًا نزلتها كلها هنا شوفوها وكاتبه عليها ملاحظاتي🫂 https://t.me/GDSCYanbu24/4 بالمختصر المادة يبغالها شدة حيل لكنها مو غثيثة ابدًا سيطروا عليها من آول السمتسر وأموركم بتكون قشطة وبالعكس رح تحسوا بالمتعه لمن تفهموها👏🏼 كُل التوفيق لكم❤️‍🔥

أهلاً أهلاً مساء الخيرات إلي بيدرسوا خوارزميات الترم الجي بحكي لكم عن تجربتي في هذا المقرر وكيف تدرسوه🫂 وإلي رح يدرسوا برمجة ١. او تراكيب متقطعه او فيزياء رح ارجع امنشن لكم على تجربتي بهالمقررات 👏🏼 وإلي حابب يحكي عن تجربتوا وعن النصايح إلي وده يشاركها يرسلها على قروب المناقشه وبنزلها في القناة 😎❤️‍🩹 كونوا بخير🙅🏻‍♀️

أهلاً وسعدًا ...🫡 بداية كل سنة بنسوي حفل ضخم جدًا مقدم من إدارة عمادة شؤون الطلاب بجامعة طيبة فرع ينبع لإستقبال الطلبة المستجدين " مستعد" وبيدأ العمل على هذا الحدث الضخم من وقت مبكر وضمن فريق فنااان تحت رعاية إدارة شؤون الطلاب بالجامعة لذلك إذا كنت طالب أو طالبة في الجامعة فرع ينبع تحديدًا .. حابب تشارك في هذا الحدث وتكون ضمن فريق العمل ؟ شايف نفسك فناااااااااااااان وعندك أفكار مجنونة وعندك نفس للعمل في بيئة جماعية ؟ سجل في هذا الفورم ووخلينا نشوف كل طاقتك الرهيبة إلي ممكن تخلي حفل مستعد لهذا العام حدث لاينسى ! ومليون أهلاً فيك ! متحمسين نشتغل معك ونتعلم منك ....😆❤️‍🔥 👇🏻 https://forms.gle/QxEXqsRr1F2UoVQE8

شباتر برمجة 1 الجديدة -جامعة طيبة ينبع ☝🏼