Chemist Ghazal 3

كل دعواتي الطيبة ليكم ومش ناسيكم وربنا يجبركم ويفرح قلوبكم ويراضيكم من عنده أنتوا أبطال بتواجهوا كل حاجة غلط ومظلومين أنكم موجودين في عصر مادي قائم على المنفعة المادية مظلومين إنكم موجودين في زمان لا يهتم بالتعليم وجودته وإعطاء الحق للمجتهد موجودين في زمن كل حاجة بالفلوس تعليم وصحة وكل حاجة أنتم أبطال إنكم مكملين كملوا بالحلال يا أولادي الدنيا فانية ومش مستاهلة تقابل ربنا وأنت عبد الله الظالم بلاش سماعات بلاش موبايلات بلاش غش سيبوا المجتهد ياخد حقه سيبوا المجتهد يفرح باجتهاده سيبوهم وربنا هيعطي كل واحد قدر إمكانياته يمكن تكون دي آخر كلماتي لدفعة 2026 قبل ما ابدأ بداية جديدة لدفعة 2027 ولكن والله بحبكم وكل كلماتي من قلبي وعقلي اللي بينا كان عشرة عمر وحياة بين أب وأولاده مش مجرد شغل أشوفكم دايما في أحسن حال وهتوحشوني بجد ربنا يوفقكم يا أولادي

حبايبي الغاليين ❤️ الحمد لله على خروجكم بالسلامة، وربنا يعوض تعبكم كله خير يا أبطال. تقييمي المبدئي للامتحان إنه فوق المتوسط ويميل للصعوبة، وده كان راجع بشكل كبير لطول الامتحان وكثافته واحتياجه لتركيز عالي. الامتحان في المجمل كان ممكن يتحل في وقت اللجنة، لكن كان محتاج وقت أطول للتفكير والمراجعة، وده السبب الأساسي اللي خلّى ناس كتير تحس إنه تقيل. وبالمقارنة بامتحانات السنين اللي فاتت، أقدر أقول إنه كان أثقل من أغلب الامتحانات السابقة. كمان كان فيه بعض أفكار الأسئلة من النماذج الاسترشادية، وده كان في صالح الطالب اللي كان مذاكر وحل كتير. وفي نفس الوقت طبيعي جدًا يكون فيه أفكار جديدة، لأن الامتحان بيقيس الفهم والتدريب الحقيقي. مهم جدًا تعرفوا إن إحساسكم بعد الامتحان مش مقياس نهائي. كتير بيخرجوا قلقانين، وفي الآخر النتيجة بتكون أفضل من توقعاتهم. اللي فات خلاص انتهى، فبلاش تضيعوا وقتكم في القلق. ركزوا في اللي جاي، ولسه عندكم فرص كبيرة جدًا بإذن الله 💪 آخر اليوم لما نجمع الأسئلة هابعتلكم الإجابات. اللي حابب يراجع يراجع، واللي شايف الأفضل نفسيًا يقفل الصفحة ويركز في المادة اللي بعدها يعمل كده. ربنا يوفقكم ويجبر بخاطركم جميعًا 🤍

ربنا يوفقكم جميعًا ويكتبلكم الخير حيث كان 🤍 يارب الامتحان ييجي سهل وميضيعش تعبكم ومجهودكم، أسأل الله أن يكون الامتحان جبرًا لكم بعد كل تعب وسهر وضغط، وأن يرزقكم فرحة النجاح والتوفيق اللي تستحقوها بإذن الله 🌷

🔥 التوقعات الذهبية | كيمياء 2026 #س4 مسألة الفلاشة 💾 من المسائل المهمة جدًا والمتوقعة 👌 الفكرة دي جات بنفس الأرقام تقريبًا في امتحان 2024 ✅ لكن الاختلاف هنا إن: المعطى بقى هو المطلوب والمطلوب بقى هو المعطى وده محتاج منك تركيز في فهم السؤال قبل ما تبدأ الحل. فكرة السؤال نفسها مميزة جدًا، وحتى لو مش هتيجي مرة تانية بنفس الأرقام فاحتمال كبير جدًا تيجي بنفس الفكرة لكن بصياغة مختلفة. التركيز هنا يكون على: ✅ فهم العلاقات بين المعطيات ✅ تحديد نقطة البداية صح ✅ عدم الانخداع بتغيير ترتيب المعطى والمطلوب ركز في الفكرة أكثر من الأرقام 👌

🔥 التوقعات الذهبية | كيمياء 2026 #س3 من أكثر الأفكار اللي بيحصل فيها لخبطة في الامتحان ⚠️ لازم تفتكر القاعدة دي كويس جدًا: ✅ الماء النقي دائمًا متعادل سواء كان ساخن أو بارد. لكن عند زيادة درجة الحرارة يحدث الآتي: ✔️ تزداد قيمة Kw ✔️ يزداد تركيز +H₃O ✔️ يزداد تركيز OH- ✔️ تقل قيمة pH ✔️ تقل قيمة pOH وده لا يعني إن الماء أصبح حمضي ❌ الماء مازال متعادلًا لأن: pH = pOH مثال مهم جدًا: لو كانت قيمة pKw = 13 إذن: pH = pOH = 6.5 ورغم إن pH أقل من 7 إلا إن الماء هنا متعادل بالفعل ✅ دي نقطة الامتحان المفضلة… خلي بالك منها جدًا 👌

🔥 التوقعات الذهبية | كيمياء 2026 #س2 سؤال رائع جدًا، والأهم إن فكرته اتكررت أكثر من مرة في الامتحانات الاسترشادية والسنين اللي فاتت ✅ وده يخليك تركز عليه جدًا. الفكرة الأساسية هنا: لازم المادة الأولى المضافة تكون قادرة على ترسيب مادة واحدة أو أيون واحد فقط من الثلاثة الموجودين. وبعدها المادة الثانية لازم ترسب واحد فقط من الاثنين الباقيين. نقطة مهمة جدًا في التفكير: أيون الكربونات + أيون الفضة غالبًا بيكوّنوا رواسب مع مواد كتير جدًا. علشان كده غالبًا: مينفعش يكونوا في بداية الاختيار ❌ والأفضل غالبًا: يتحطوا في الآخر أو يتم استبعادهم مباشرة حسب عدد الاختيارات. ركّز في منطق الاختيار قبل ما تبدأ الحل 👌

🔥 التوقعات الذهبية | كيمياء 2026 #س1 السؤال ده من أقوى الأسئلة المتوقعة في امتحان 2026 ⚡ لازم تكون فاهمه كويس جدًا مش حافظه بس. وخد بالك: ممكن الامتحان يطلب تركيز A فقط بدون السؤال عن الزيادة في عدد المولات. وده هيخلّي السؤال أسهل بكتير 👌

مصطلحات علمية + الاسم الكيميائي + استخدامات وأهمية اقتصادية + اسهامات العلماء على مشتقات الهيدروكربونات .. لاسترجاع المعلومات وتسهيل الحفظ

مصطلحات علمية + الاسم الكيميائي + استخدامات وأهمية اقتصادية + اسهامات العلماء .. لاسترجاع المعلومات وتسهيل الحفظ

🚩 في حالة وجود اي مشاكل تتعلق بالمنصه  تواصلو معانا في الدعم الفني علي 01030401827 علي الواتساب #الدعم_الفني

📢 إعلان مهم بخصوص المراجعة النهائية لطلاب الثانوية العامة بإذن الله مواعيد المراجعة النهائية ستكون كالتالي: 🗓 الاثنين 29-6 👨 البنين: 9:00 صباحًا 👩 البنات: 11:00 صباحًا 🗓 الثلاثاء 30-6 👨 البنين: 9:00 صباحًا 👩 البنات: 11:00 صباحًا 🎥 الحصص سيتم عرضها مجانًا على اليوتيوب في نفس اليوم ليستفيد الجميع. 🔥 محتوى المراجعة النهائية سيركز على: ✅ أهم الأسئلة المتوقعة ✅ أهم الأفكار والنقاط المحورية ✅ أبرز جزئيات الامتحانات الاسترشادية ✅ النقاط التي تصنع الفارق في الامتحان ⚠️ تنبيه مهم: الحضور داخل السنتر مقتصر فقط على الطلاب المسجلين قبل نهاية شهر يونيو. 🚫 غير مسموح بحضور أي طالب جديد. بإذن الله تكون مراجعة قوية ومثمرة تساعدكم على دخول الامتحان بأعلى جاهزية. ربنا يوفقكم جميعًا ويكتب لكم النجاح والتفوق 🤍