🥀کَدَرلی سُوزلَر🥀
حؤرمتلی دیلداشلاریم آرامیزا خوش گلیبسیز🌹 گوزل آنا دیلیمزده شعرلر تانینمیش شاعیرلریمیزدن❣ دیرلی آتابابالار سؤزلری(بایاتیلار)💔 و چوخ ماراقلی رسیملی یازیلار 💝 و تمام ایستدیگینیز گوزل شعرلری کانال ساحیبینه گوندرین تبادل:واریمیز @Tak_Turk_az @SARDAR_SABAG
نمایش بیشتر1 504
مشترکین
اطلاعاتی وجود ندارد24 ساعت
-207 روز
-3030 روز
- مشترکین
- پوشش پست
- ER - نسبت تعامل
در حال بارگیری داده...
معدل نمو المشتركين
در حال بارگیری داده...
من ایستهییرم بولودلار آغلاسین
اوشاقلار آغلاماسین
آنالی یا آناسیز
من ایستهییرم
گوللر آچیلسین
گوللـهلر آچیلماسین
آمانلی یا آمانسیز
من ایستهییرم قاپیلار قاپانسین
سویوق اولاندا هاوا.
گؤزلر قاپانماسین
سؤزلر قاپانماسین
من ایستهییرم
یانغینلار سؤنسون
اومودلر سؤنمهسین
مئیوهلر دَیسین اؤز فصلینده
اورکلره سؤز دَیمهسین
هر شئی اینسانا باخسین
اینسان اله باخماسین
من ایستهییرم سئوینج، سعادت بول اولسون
اورکدن اورگه، اؤلکهدن اؤلکهیه
آچیق یول اولسون...
🖌 #رسول_رضا
☀️☔️ @Kaderli_sozler☔️☀️
🔥⃟☆ᵗᵃᵏᵗᵘʳᵏ༉
فدا
جانیمین جؤوهری اول لعل گُهر باره فدا
عؤمرومون حاصیلی اول شیوه رفتاره فدا
درد چکمیش باشیم اول خال سیَه قوربانی
تاب گورموش تنیم اول طرّۀ طرّاره فدا
گؤزلریمدن ساچیلان قطرۀ اشکیم گُهری
لبلریندن تؤکولن لوءلوی شهواره فدا
چاکِ سینهمدن اولان قانلی جگرپارهلری
مست چشمینده اولان غمزۀ خونخواره فدا
پاره-پاره دل مجروح پریشانیمدن
سرِکویونده اولان هر ایته بیر پاره فدا
جان و دل قئیدینی چکمکدن اؤزوم قورتادیم
جانی جانانهیه ائتدیم، دلی دلداره فدا
ائی فضولی! نولا گر ساخلار ایسَم جانی عزیز
وقت اولار کیم اولا اول شوخ ستمکاره فدا...
🖌 #حکیم_فضولی
☀️☔️ @Kaderli_sozler☔️☀️
🔥⃟☆ᵗᵃᵏᵗᵘʳᵏ༉
کورونا ایلیندن یادگارلیق اولسون بو غزل
بو نه "یاز"دیر؟! آمان آللاه ائلیمی غم بورویوب!
گولمهییر هئچ کیم، هامی عالَمی ماتم بورویوب
فرق قویمور نه کاسیبدیر، نه ده کی وارلیدی بو
چرچینین میوهسی تک، هاممینی دَرهم بورویوب
کسیلیبدیر کوچهمیزدن ائلیمین های-هارایی
نه اولوب؟ بلکه دومانلیقدی بورا، چن بورویوب؟!
بوغاناقدیر بوراسی؟ هاممی نییه ماسکالیدیر؟!
یئری یئرده، گؤیو گؤیده، هاوانی سَم بورویوب
آت چاپیر غم سینهمیزده، بئله کی چاققا-چوروق،
بو جهنّم آتیدیر، میلّتی دؤردَم بورویوب
سالدی دئپرم، ائله کی اَیدی بوتون آرزولاری
نه بلادیر گؤرهسن خالقی ناکؤندم بورویوب؟
گؤرسهدیر قانلی دیشین، هئی آپاریر شنگولومو
گؤرهسن فتح ائلهدی عالمی، یام-یام* بورویوب؟
باخیرام، آمما حیَطده وئجینه آلماییبان،
گوللـهییب باغچا-باغیم، هر یانی یؤندم بورویوب
غم یئمه! بیر-ایکی گونلوک خزله قول بویونوق
یارامیز گوللـهنهجک، گؤر نئجه مرهم بورویوب...!
🖌 #سحر_خیاوی
*یام-یام: آدام یئیَن قبیله
☀️☔️ @Kaderli_sozler☔️☀️
🔥⃟☆ᵗᵃᵏᵗᵘʳᵏ༉
ترپنمه آماندیر، بالا، غفلتدن آییلما!
آچما گوزونو، خواب جهالتدن آییلما!
لای لای، بالا، لای لای
یات، قال دالا، لای لای!
آلدانما، آییقلیقدا فراغت اولا هیهات!
غفلتده کئچنلر کیمی لذت اولا هیهات!
بیدار اولانین باشی سلامت اولا، هیهات!
آت باشینی یات، بستر راحتدن آییلما!
لای لای، بالا، لای لای
یات، قال دالا، لای لای!
آچسان گوزونو رنج، مشقت گورهجکسن
ملتده غم، امتده کدورت گورهجکسن
قیلدیقجا نظر ملته حیرت گورهجکسن
چک باشینا یورغانینی، نکبتدن آییلما!
لای لای، بالا، لای لای
یات، قال دالا، لای لای!
بیر لحظه آییلدینسا قوتار جانینی، یوخلا
آت تریاکینی، چک،بابا قلیانینی، یوخلا
اینجینسه ساغین وئر یئره سول یانینی، یوخلا
ایللرجه شعار ائتدیگین عادتدن آییلما!
لای لای، بالا، لای لای
یات، قال دالا، لای لای!
گوز نوریدیر اویقو، اونو، دور ائتمه گوزوندن
یول وئرمه مبادا چیخا بیر لحظه سوزوندن
اما ائله برک یوخلاکی، حتی گئت اوزوندن
آفاقی دوتان شور و قیامتدن آییلما!
لای لای، بالا، لای لای
یات، قال دالا، لای لای!
صابیر
☀️☔️ @Kaderli_sozler☔️☀️
🔥⃟☆ᵗᵃᵏᵗᵘʳᵏ༉
👏 2🔥 1
عجایب حاله قالمیشام نه یاتمیشام نه بیدار.
نه بوردایام نه اوردایام نه پنهانام نه آشکار.
نه دهانیم نه دانیشار نه زبانیم لال اولا.
نه عیاشام نه محتسب نه مست اولام نه هوشیار.
نه دیلیم وار نه یالواریم نه اغیاره نه یاده.
نه حاجیام نه احرامیم قوربان کسم مناده.
نه گویده یم نه یئرده یم موسی کیمی سیناده.
نه صوفیام نه عابدم نه عصیانه گرفتار.
نه وورقونام نه عاشقم وصلته دیوانه یم.
نه عاقلم نه مجنونام آتشه پروانه یم.
نه مئی ایچن نه ساقیئم باده یه پیمانه یم.
نه دهریئم نه جبریئم نه منده وار اختیار.
کاتب اوغلو خوف و رجا ایکی قاپو رضوانا.
یولچو اولسان دوغرو یولدا خوش واراسان جانانا.
هم گوندوزی هم گئجه لر سیغینمیشام قورآنا.
جمله جهاندان خوش منه یار یانیندا اعتبار
🖌 #کاتب_اوغلو
☀️☔️ @Kaderli_sozler☔️☀️
🔥⃟☆ᵗᵃᵏᵗᵘʳᵏ༉
👍 1
#آللاه
قورخو کؤلگهسینه سیغینمیش بو گون،
صداقت، دیانت، محبت آللاه.
یالان حاکیم اولوب، بؤهتان گؤزتچی،
چورویور زندان دا حقیقت، آللاه.
اَیری، اَیریلییی یئری دیر داشا،
کئچیب اَیریلیک ده هامیدان باشا.
دوغرو حسرت قالیب ایستی بیر آشا،
گؤرن هارا گئدیر بو ملت آللاه!
هفتهلر دَییشدی، گونلر دَییشدی،
طرفلر دییشدی، یؤنلر دییشدی.
قبلهلر دییشدی، دینلر دییشدی،
ایته اوت وئریلیر، آتا اَت آللاه.
عنوانی دییشیب رذالتین ده،
قایماق دا ساتیلیر شور قییمتینده.
ایندی صداقتین سلطنتینده،
اَیلهشیب حؤکم ائدیر خیانت آللاه.
ها چیغیر، ها باغیر، یالان آییلماز،
یاخشینی یاماندان آییران اولماز.
ساتسان، اوزونه ده باخان تاپیلماز،
نئجه اوجوزلاشیب لیاقت، آللاه.
یالانلار حقیقت قیافهسینده،
یئک لر جؤولان وئریر شئش خانهسینده.
اوغرولار، اَیریلر زمانهسینده،
اَیریلیک ساییلیر فراست آللاه.
🖌 #بختیار_وهابزاده
☀️☔️ @Kaderli_sozler☔️☀️
🔥⃟☆ᵗᵃᵏᵗᵘʳᵏ༉