RTA Pashto - ملي راډیو تلویزیون

یو شمېر رسنیو د هندي چارواکو له قوله خبر ورکړی، چې د یاد هېواد په اترا پردیش ایالت کې د مذهبي مراسمو پر مهال د زیاتې ګڼې‌ګوڼې له امله ۱۱۶ تنه وژل شوي او زیات شمېر نور ټپیان دي. هندي چارواکو د دغې پېښې لامل د یادو مذهبي مراسمو په ځای کې سخته ګرمي او زیاته ګڼه‌ګوڼه ښودلې. #ملي‌تلویزیون

بغلان کې ۲۵۰ تنه له شپږ میاشتنیو مسلکي او حرفوي زده‌کړو څخه فارغ شوي دي. #ملي‌تلویزیون

د ملي راډیو تلویزیون لوی رییس قاري محمد یوسف احمدي پکتیا ته د سفر په ترڅ کې د شریعت غږ راډيو د نشراتو پرانیسته کړې ده. #ملي‌تلویزیون

تېره میاشت د هېواد ګن شمېر ولایتونو کې ۱۶ زره او ۵۶۲ راستنو شویو کډوالو، بېځایه شویو او د طبیعې پېښو له امله زیانمن شویو کورنیو ته اړینې نغدي، خوراکي او غیرې خوراکي مرستې وېشل شوې. د کډوالو او بېرته راستنېدونکو چارو وزارت وایي؛ یادې مرستې په کابل، پروان، کاپیسا، لوګر میدان وردګ، بامیان، غزني، بغلان، کندوز، تخار، سرپل، سمنګان، جوزجان، بدخشان، فاریاب، کندهار، هلمند، زابل روزګان، دایکندي، ننګرهار، لغمان، نورستان، کونړ، هرات، فراه، بادغیس، نیمروز، غور، خوست، پکتیا او پکتیکا ولایتونو کې د اسلامي امارت او ملي او نړیوالو مرستندویه بنسټونو له لوري وېشل شوې دي. #ملي‌تلویزیون

د عامې روغتیا وزارت له لوري د بلخ ولایت په چهار بولک ولسوالۍ کې د ۵۰ زره ډالرو په لګښت د یوه روغتیايي مرکز رغنیزې چارې بشپړې او ګټې اخیستنې ته وسپارل شو. عامې روغتیا وزارت وایي، دغه روغتیایي مرکز به د یادې سیمې ۱۲ زره ۵۰۰ اوسېدونکو ته روغتیایي خدمات وړاندې کړي. #ملي‌تلویزیون

د ریاست‌الوزرا سیاسي مرستیال مولوي عبدالکبیر د بېلابېلو ولایتونو له یو شمېر علماوو او قومي مشرانو سره په لیدنه کې د دوی غوښتنې اوردلې او ویلي يې دي، چې اسلامي امارت د ولس پر مټ او ملاتړ هغه لويې پروژې پيل کړې چې په تېرو لسیزو کې یوازې د کاغذ پر مخ وې او د پیل شونتیا یې نه وه. د ریاست‌الوزرا سیاسي مرستیال زیاته کړې؛ امارتي ادارې د خلکو په خدمت کې دي او ولس ته چوپړ د حکومت مهم مسولیت دی. #ملي‌تلویزیون

د ریاست الوزرا سیاسي مرستیال: اسلامي امارت هغه لويې پروژې پيل کړي چې په تېرو لسیزو کې یوازې د کاغذ پر مخ وې. https://rta.af/article4137/

په دوحه۳ غونډه کې د اسلامي امارت لاسته راوړنې. https://rta.af/article4136/