سأكون "تحفيز للمذاكره"

لا بارك الله فى عمل لهى عن الصلاة

اوعى تستسلم انت مش مخلوق تتهزم انت مخلوق تعبد وتشتغل وتُبْتلى وتصبر انت مخلوق تعمل وتجتهد وتسعى دينك قالّك كده .. قالك مفيش يأس من رحمة ربنا وقالّك مفيش عُسر إلا ومعاه يُسرين #خواطر_قد_تصل

ما تمنّيناه بالأمس ربما ملكناه اليوم فالحمد لله وما تمنّيناه بالأمس ربما لم نحصل عليه حتى الآن رغم السعي فالحمد لله الحمد لله على المنح وعلى المنع احمد الله على كل حال 🧡 #خواطر_قد_تصل

- في وقتِ الاختباراتِ وضغطِها وتكاليفِها أحبُّ أن أذكِّر نفسي بأنَّ رزقَ العبادِ كائنٌ قبل أن يكونوا هم أنفسهم، وأنَّ اللهَ ضمنَ لنا أشياءً وطلبَ منَّا أشياءً، والعقلُ يلزمُ ألَّا ننشغلَ بما ضُمِن على ما طُلِب! فكلُّ ما في الأمرِ أن نسعى ونحاول= المطلوب. الفتح يأتي بأمرِ اللهِ= المضمون. وفي تصوُّرنا الإسلامي الإنسانُ يُحاسب على سعيه، لا على نتائجِه الماديَّةِ، وهذا أرحم تصوُّرٍ بإنسانٍ تهلكُه النتائج في كلِّ خطوةٍ من خُطى حياتِه.. فاللهُمَّ وجِّهنا لما خلقتنا له، واصرفنا عمَّا نهيتنا عنه، ولا تشغلنا بما تكفَّلت لنا به..

واعلم أن الله ما كلّف إلا وأعان فاهدأ وقرّ عينًا فالله من يسّر والله من يعينك على الطريق #خواطر_قد_تصل

خليني اعلمك حاجة اتعلمتها بفعل الزمن اشتغل وانت مبسوط اشتغل وانت زعلان اشتغل وانت في عز نشاطك اشتغل وانت كسلان اشتغل وانت في كل حالاتك مفيش شغل هتشتغله هتندم عليه حتى اللي خسرت فيه مجهود او وقت او فلوس، كلّه هتستفيد منه في وقت جاي أكيد

عارف إزاي تنجح؟ -افهم ان مجهودك ليه مقابل - تصدّق انك تقدر توصل - اقفل ودانك عن كل اللي بيحصل حواليك - ما تسيبش يوم يعدي من غير برّ والدين ومن غير دعاء - تجدد نيّتك كل شوية - الصلاة ، الصلاة - تصدّق ان ربك خلق الكون وصرّفه وانت من الكون - اتعلم ترضى والا مش هتفرح ابدًا - الدنيا مش سهلة ومليانة اشياء قبيحة خليك انت جميل - بلاش تندم، لكن اجتهد وعوّض #خواطر_قد_تصل

اِقرأ من فضلك (فَلَا تَعْلَمُ نَفْسٌ مَّا أُخْفِيَ لَهُم مِّن قُرَّةِ أَعْيُنٍ جَزَاءً بِمَا كَانُوا يَعْمَلُونَ) مش علينا إلا العمل وبذل الجهد والثبات عالطريق والله سبحانه وتعالى يخفي لنا ما يسعدنا في الوقت المناسب ويهيئنا لما تقرّ به أعيننا مهما طال الوقت ومهما تعبنا. #خواطر_قد_تصل

مفيش مجهود عملته إلا وهيرجع ليك خيره في يوم من الأيام. ما تستهونش ابدًا بكلمة يا رب في عز أزمتك وعز تعبك في شغلك او مذاكرتك. ربّنا مطّلع على كل لحظة قضيتها في عمرك وانت بتكافح عشان تثبت في مكانك وتثبت على دورك. لا تتخلّى #خواطر_قد_تصل

كل جهد بذلته له حساب. كل تعب أو سهر على علم او عمل له حساب. مفيش حاجة تعبت عشانها إلا وأجرها مضمون إما في الواقع أو في علم الغيب لأجلٍ مسمّى. اللي بيجيلك أجره عاجلًا اشكر ربنا عليه لأنه فرّحك بيه فورًا واللي اتأجل اشكر ربنا عليه لأن جزاءه متحوش ليك في يوم تاني هتحتاج تفرح فيه من قلبك. شكرٌ جميل و صبرٌ جميل. #خواطر_قد_تصل

خلّي ألف واحد يتفقوا عليك وربنا عايز ينجيك يبقى مفيش خوف من الألف واحد دول #خواطر_قد_تصل

لا نصل بمجهودنا يا صديقي، نصل بتوفيق الله #خواطر_قد_تصل

للعلم احنا هنا 4 مشرفين فى القناه لكن البوت فيه مشرف واحد بس المستر اللى بيرد على استفساراتكم ف معلش لو بيتأخر فى الرد على الرسائل لأننا كلنا فى فترة امتحانات ومضغوطين .

٠🟥هاااااام الفترة دي فترة امتحانات ومزاكره معظم الكليات أوشكت على انتهاء العملى وبداية النظرى ف خلينا متفقين ان مفيش حد هينجز حاجة وهو فاتح الفون،ف الاول علشان تنجز اقفل الفون ع قد ما تقدر الفترة دي. اتعلم تقول لا،لو حد اتصل بيك علشان تخرج قول لا،لو فيه حاجة مش مهمة ونت بتذاكر قول لا متجريش وخلاص. حدد وقت تخلص فيه كمية كبيرة،هات الكتاب من اوله بتركيز وحاول علي اقص مقدرة ليك ان تنجز. خد المواد ال قبلها وقت قليل،يعني لو مادة قدامها يوم بس ذاكرها الاول،او المواد الكبيرة. وقبل كل دول اكيد لازم  تعقد النية لله عز وجل انك هتسعي تنفيذ لامر الله وتطلب توفيقه  وسيب الباقي علي ربنا.

قال ابن الجوزي: إن الخيل إذا شارفت نهاية المضمار بذلت قصارى جهدها لتفوز بالسباق، فلا تكن الخيل أفطن منك! فإنما الأعمال بالخواتيم، فإنك إذا لم تحسن الاستقبال لعلك تحسن الوداع! قال ابن تيمية: العبرة بكمال النهايات لا بنقص البدايات! ويقول الحسن البصري: أحسن فيما بقى يغفر لك مامضى، فاغتنم مابقي فلا تدري متى تدرك رحمة الله. لم يبقي إلا القليل . هى أيام وساعات من التعب لتنعم بالراحة وتشعر بمذاق النجاح .

١- ازرع خير وما تنتظرش رد. ٢- مش عشان الصغير بيسكت قصادك يبقى ضعيف. ٣- مش عشان كبرت تتكبّر. ٤- ربنا خلقنا سواسية رغم انه خلقنا مختلفين. ٥- الحساب يوم الحساب..جملة رائعة لكن مش معناها تاكل حقي واسكتلك. ٦- الحب يُعْطى لكن الاحترام يُسْتحق. ٧- اللي بيدّيك بدون انتظار هما اهلك بس. ٨- اللي هتعمله النهارده شر لأي حد خاف منه بكره على نفسك. ٩- الدنيا دوّارة، خد بالك. ١٠- مش كل اللي بيشكرك بيحبك ومش كل اللي بينتقدك بيكرهك…العاقل يميّز. #خواطر_قد_تصل