سأكون "تحفيز للمذاكره"

أهدهد نفسي بقول د.أحمد عبد المنعم: "العشوائية أفضل من التوقف." ويُذهِب عني جلد الذات قول الشيخ ناجي: "تروح وتيجي لله، العلم والفهم دول فتوح من الله، تيجي أو لأ.. مش بتاعتك." ويقلقني قول د.هبة : "حطّ المِزاج على الرف وقوم من النوم شوية.. مسيرنا ننام النومة الأبدية." وأتصبر بقول أ. بدر آل مرعي: "من خير النِعم، أن يؤتى الإنسان قلبًا لا تُعطلُه الأحزان عن السَّعي" وأستبشر لقول م.أيمن: "سقف الممكن مذهل." #CP منقول

١- بلاش تتعشّم في الناس. ٢- مع ذلك اعمل خير. ٣- بلاش توقعات كتير. ٤- مع ذلك احلم زي ما انت عايز. ٥- بلاش تهلك صحتك في اي حاجة. ٦- مع ذلك ابذل الغالي والرخيص في طلب العلم. ٧- بلاش تتوقع الإنصاف من كل الناس. ٨- مع ذلك خلّيك عادل مع الكل. ٩- بلاش توقف حياتك عند لحظة ظلمك فيها حد. ١٠- مع ذلك يكفيك قول فوّضت امري لله، تكفيك. #خواطر_قد_تصل

عايزك تاخد الآية دي من منظور مختلف شوية (هل جزاء الإحسان إلا الإحسان) انت لمّا تتقن عملك ربنا هيوفقك وهيستخدمك. انت لما تذاكر كويس ربنا هيوفقك ويشرح صدرك وييسر لك الاجابات والدرجات كمان. انت لما تشتغل بضمير وتساعد غيرك ربنا هيوفقك للي يساعدك. مفيش حاجة هتعملها بحب وإخلاص واهتمام واتقان الا وربنا هيرزقك بسببها بخير كتير. اقرأ الآية تاني. #خواطر_قد_تصل

قُم وانهض أجاءت على تِلك! مالي أراك استسلمت؟

قال رسول الله صلى الله عليه وسلم: "إنَّ ربَّكم حييٌّ كريمٌ يستحيي من عبدِه أن يرفعَ إليه يدَيْه فيرُدَّهما صِفرًا أو قال خائبتَيْن"

ذاكر وبعدين هيجيلك نفس

"يا ساهراً ما أشغلك؟ يا ضوء بدرٍ في الفلك أبشـــــــر بربٍّ خالق ينجيك ممَّـــا كدرك" وتـركم 🌱

‏لِكُلِّ مُجتَهِدٍ حَظٌّ مِنَ الطَلَبِ ‏فَاِسبِقْ بِعَزمِكَ سَيرَ الأَنجُمِ الشُهُبِ إهداء إلى مقامكم الكريم..

اوعى تيأس من قبول التوبة مهما كانت معصيتك ربنا أكبر وأغفر وأرحم #خواطر_قد_تصل

جزء كبير أوي من نجاحك برّك بأبوك وأمّك اوعى تكون وقعتك في عقوقك #خواطر_قد_تصل

عارف وانت قاعد مزنوق على كتاب بتعد سطوره وفقراته وصفحاته وتنسى أوله لما توصل آخره. عارف وانت مستنزف لحظات طويلة زهق وتخبط وفقدان شغف وأمل ورغبة في الضحك. عارف وانت مستني دعوة او مستني حد يدعمك او يقولك كلمة حلوة تكمل بيها الطريق. عارف وانت تعبان جدًا ونفسك تخش تنام وتضربها صرمة وتقول كده كفاية وبعدين تقول لأ عشان ابويا او امي او نفسي. عارف كل دول ، ربنا شايفهم وبيرعاك فيهم كلهم. عارف ان شوية هيقولوا كلام إنشاء مش فارق بس عارف ان شوية اكتر هيصدقوا ان دول كلهم عدّوا عليّا وعدّيت عليهم وبقولكم الكلام من القلب. ابذل مجهودك وادعي ربك وارمي حمولك في الدعاء وكل ما تلقى نفسك تعبت قول عشان ابويا عشان امي عشان نفسي عشان حد محتاجني .. عشان دول قوّيني يا رب #خواطر_قد_تصل د حازم محمد عبد التواب

مش عيب واللهِ إنك تتعثّر أو تقع، العيب إنك تخلي كل الناس تتفرج عليك وإنت واقع عالأرض. قوم كمّل انت مش حجر. #خواطر_قد_تصل

وإنت تعبان اوي في مذاكرتك افتكر ان ربنا وكّلك للمكان دا ووضعك فيه واختاره ليك وبغض النظر اذا كنت جيته برغبتك او جيته غصب عنك فطالما لا يمكن تغييره يبقى رضاك عن ربنا يساوي اجتهادك وعملك وكفاحك ورغبتك انك تنجح مش تيأس وتزعل وتغضب على اختيار ربنا. جزء كبير من النجاح لو مكانش كل النجاح هو في الأصل رضا باختيار الله مش نقمة وزعل وغضب وليه حطتني هنا يا رب! #خواطر_قد_تصل

طالب علم سهران علي كتابه يدرس علمًا نافعًا ويشغل نفسه بما سيفيد الناس ويخفف آلامهم…فلن يضيع هذا عند الله فاحتسب جلستك على الكتاب في سبيل الله و احتسب سهرك على الدراسة في سبيل الله و احتسب تعبك وارهاق جسمك في العلم في سبيل الله و احتسب ارهاقك النفسي بسبب الامتحان في سبيل الله احتسب في سبيل الله ولن يتركك الله❤️

كُن طيّبًا مع الناس دون غفلة عسى أن ينقذك الله بطيب قلبك ❤️ #خواطر_قد_تصل

لن تأتيك لأنك الأفضل. ولن تضيع منك لأنك الأسوأ. حين يعطي الله يعطي دون حساب وحين يمنع يمنع دون جدال. يعطيك كي تشكر. ويمنعك كي تصبر. 🌿عطاء الله غير مشروطٍ بعملك بل مشروطٌ برحمته. فأحسن الى نفسك ولا تهنها امام الخلق. 🌿كن عزيزًا 🌿كن قويًا في حقك 🌿كن ثابتًا على المبدأ ولو في باطن صخرةٍ أو قمة جبلٍ أو قاع بحرٍ سيأتيك فضل الله مهما رفض الكل أو الجلّ أو البعض او الواحد. فالحمد لله أنه الله. #خواطر_قد_تصل