News Of Myanmar

ပြည်ထောင်စုသမ္မတ မြန်မာနိုင်ငံတော် ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင် ဥက္ကဋ္ဌ၊ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုဗဟိုကော်မတီဥက္ကဋ္ဌ၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် - လူငယ်ငြိမ်းချမ်းရေးဖိုရမ် ၂၀၂၆ (Youth Peace Forum ) ဖွင့်ပွဲအခမ်းအနားသို့ တက်ရောက်မိန့်ခွန်းပြောကြား

“လူငယ်ငြိမ်းချမ်းရေးဖိုရမ် ၂၀၂၆” ဖွင့်ပွဲအခမ်းအနားကျင်းပ နိုင်ငံတော်ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင်ဥက္ကဋ္ဌ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ဗဟိုကော်မတီ ဥက္ကဋ္ဌ ဗိုလ်ချုပ်မှူးကြီး မင်းအောင်လှိုင် တက်ရောက်ဖွင့်လှစ်ပြီး အဖွင့်အမှာစကားပြောကြား                                                                               လူငယ်များ၏တက်ကြွသောစိတ်နှင့် လူကြီးများ၏ အတွေ့အကြုံပေါင်းစပ်ပြီး လုပ်ကိုင်ပါမှ တိုင်းပြည်ငြိမ်းချမ်း၍ ဖွံ့ဖြိုးတိုးတက်လာမည်ဖြစ် နေပြည်တော်၊  ဇန်နဝါရီ - ၁၃

နိုင်ငံတော်နှင့် တပ်မတော်၏ ငြိမ်းချမ်းရေးလုပ်ငန်းစဉ်များကို လက်ခံယုံကြည်သည့် PDF အမည်ခံအဖွဲ့ဝင် အမျိုးသား ၅ ဦးတို့သည် လက်နက်၊ ခဲယမ်းများနှင့်အတူ ဥပဒေဘောင်အတွင်းသို့ ဝင်ရောက် နေပြည်တော် ၊ ၂၀၂၆ ဇန်နဝါရီ ၁၃

တီဟီရန်မြို့က ရင်ခွဲရုံတစ်ခုမှာ အကြမ်းဖက်သမားများ၊ အဓိကရုဏ်းကျူးလွန်သူတွေနဲ့ ရာဇဝတ်သားတွေကို ဖယ်ရှားရှင်းလင်းခဲ့တဲ့ ဗီဒီယိုမှတ်တမ်း။ အီရန်အာဏာပိုင်တွေဟာ အစိုးရအဆောက်အအုံများ၊ အရေးကြီးတဲ့ အခြေခံအဆောက်အအုံတွေနဲ့ ရဲစခန်းတွေကို အကြမ်းဖက်တိုက်ခိုက်မှုတွေလုပ်တာက အသက်အန္တရာယ်ရှိစေနိုင်တဲ့ အင်အားနဲ့ ပြန်ရင်ဆိုင်ရလိမ့်မယ်လို့ အကြိမ်ကြိမ်သတိပေးခဲ့ပေကာ အဓိကရုဏ်းကျူးလွန်သူတွေကို အိမ်မှာသာ နေထိုင်ဖို့ ပြောကြားခဲ့ပေမယ့် သူတို့က နားမထောင်ခဲ့ကြပါဘူး။ NOM

ကယားပြည်နယ် ဒီးမော့ဆိုမြို့နယ်အနောက်ခြမ်း၊ ဒီးဘောင်းခူမြို့၊ ဒေါရောက်ခူအုပ်စုအတွင်း အမျိုးသမီးတစ်ဦးကို အကြမ်းဖက် KNPP အဖွဲ့များက ဓါးပြတိုက်ပြီး မုဒိမ်းကျင့်ကာ ရက်ရက်စက်စက် သတ်ဖြတ်သွား သတ်ဖြတ်သွားသူကို ဒေသခံပြည်သူများက သေဒဏ်ပေးဖို့ တောင်းဆိုပေမယ့် KNPP အဖွဲ့ ကာကွယ်ပေးထား။ မှိုင်းဝေ

အမေရိကန်ရဲ့ တိုက်ခိုက်မယ်ဆိုတာဟာ ဆန္ဒပြသူတွေကို သတ်ဖြတ်နေတယ်ဆိုတာနဲ့ ပတ်သက်ပြီး အီရန် အမြင့်ဆုံးခေါင်းဆောင် အယာတိုလာ ခါမေနီဆီ သတိပေးသတင်းစကားပေးပို့ရုံသာဖြစ်ကာ အစိုးရကို တိုက်ရိုက်ဖြုတ်ချဖို့ ရည်ရွယ်တာမျိုး မဟုတ်ဘူးလို့ အမေရိကန်အရာရှိတွေက NYT ကို ပြောကြားခဲ့ပါတယ်။ NOM

အောက်လွှတ်တော် ဒီမိုကရက်တစ် ကိုယ်စားလှယ် ဂျင်မီ ဂိုမက်ဇ်က 'ဂရင်းလန်း အချုပ်အခြာအာဏာ ကာကွယ်ရေး အက်ဥပဒေ' ကို တင်သွင်းလိုက်ကြောင်း Axios က ဆိုပါတယ်။ ဥပဒေကြမ်းအရ အမေရိကန်က ကျူးကျော်ခြင်း၊ သိမ်းပိုက်ခြင်း၊ ဝယ်ယူခြင်း ဒါမှမဟုတ် ဂရင်းလန်းကို အခြားပုံစံနဲ့ ရယူခြင်း' ကို ငွေကြေးထောက်ပံ့ဖို့ ဖက်ဒရယ်ရန်ပုံငွေတွေကို အသုံးမပြုနိုင်အောင် ဟန့်တားမှာ ဖြစ်ပါတယ်။ NOM

ICJတွင်မြန်မာနှင့်ဂမ်ဘီယာတို့တရားရင်ဆိုင်မှုနှင့်ပတ်သက်ပြီးနိုင်ငံခြားရေးဝန်ကြီးဌာနကသတင်းထုတ်ပြန်

ရန်ကုန်-မန္တလေးအမြန်လမ်းမကြီးတွင်ယာဉ်တိမ်းမှောက်သုံးဦးသေဆုံး NOM၊ဇန်နဝါရီ၁၃၊၂၀၂၆ ရန်ကုန်-မန္တလေးအမြန်လမ်းမကြီး (မန္တလေးတိုင်းဒေသကြီး တံတားဦးမြို့နယ်အတွင်း) မိုင်တိုင်(၃၃၇/၂)နှင့်(၃၃၇/၃) ကြား၌ ဇန်နဝါရီ ၁၁ ရက် ညနေပိုင်းက နေပြည်တော်ဘက်မှ မန္တလေးဘက်သို့ မောင်းနှင်လာသည့် TOYOTA MARK II ယာဉ်သည် အရှိန်မထိန်းနိုင်ဘဲ တစ်ဖက် ယာဥ်ကြောဘက်သို့ရောက်ရှိကာ မန္တလေးဘက်မှ နေပြည်တော်ဘက်သို့ မောင်းနှင်လာသည့် TOYOTA ALLION ယာဥ်အား တိုက်မိရာ TOYOTA MARK II ယာဥ်ပေါ်ပါ ခြောက်ဦးအနက် အမျိုးသား တစ်ဦးနှင့်အမျိုးသမီး သုံးဦး အခင်းဖြစ်နေရာတွင် ‌‌သေဆုံးပြီး နှစ်ဦးဒဏ်ရာရရှိကာ TOYOTA ALLION ယာဥ်ပေါ်ပါ သုံးဦးအနက် အမျိုးသား တစ်ဦး ထိခိုက်ဒဏ်ရာရရှိခဲ့ကြောင်းသိရသည်။

မျှော်လင့်ချက်မဲ့မှု၊ သစ္စာဖောက်မှု၊ မယုံကြည်မှု : ကနေဒါကို ထွက်ပြေးခဲ့တဲ့ ယူကရိန်းနိုင်ငံသားတွေဟာ နေထိုင်ခွင့်ရရှိဖို့အတွက် ၅၅ နှစ်ကြာအောင် စောင့်ဆိုင်းရလိမ့်မယ်လို့ CBC က ပြောဆိုခဲ့ပါတယ်။ NOM

ပြည်ထောင်စုသမ္မတ မြန်မာနိုင်ငံတော် ယာယီသမ္မတ နိုင်ငံတော်လုံခြုံရေးနှင့် အေးချမ်းသာယာရေးကော်မရှင် ဥက္ကဋ္ဌ၊ အမျိုးသားစည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှုဗဟိုကော်မတီဥက္ကဋ္ဌ၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် - လူငယ်ငြိမ်းချမ်းရေးဖိုရမ် ၂၀၂၆ (Youth Peace Forum ) ဖွင့်ပွဲအခမ်းအနားတွင် ပြောကြားသည့် အဖွင့်အမှာစကား

စစ်ကိုင်းတိုင်းဒေသကြီးဝန်ကြီးချုပ် ဦးမြတ်ကျော်ဟုမ္မလင်းမြို့၊ ဒေသဖွံ့ဖြိုးရေးလုပ်ငန်းများ ဆောင်ရွက်နေမှုလိုက်လံကြည့်ရှုခြင်းနှင့် “နမ့်ပင” အသေးစားရေအားလျှပ်စစ်စီမံကိန်း တည်ဆောက်နေမှုများအား လိုက်လံကြည့်ရှု ဇန်နဝါရီ ၁၃၊ ၂၀၂၆ စစ်ကိုင်းတိုင်းဒေသကြီးဝန်ကြီးချုပ် ဦးမြတ်ကျော်၊ တိုင်းဒေသကြီး အစိုးရအဖွဲ့ဝင်များ၊ တိုင်းဒေသကြီး/ ခရိုင်/ မြို့နယ်အဆင့်ဌာနဆိုင်ရာများ၊ ဟုမ္မလင်းခရိုင်/မြို့နယ် စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌများနှင့် တာဝန်ရှိသူများသည် ဇန်နဝါရီလ ၁၃ ရက်၊ နံနက်ပိုင်းတွင် ဟုမ္မလင်းမြို့နယ်၊ နောင်လွန်ကျေးရွာရှိ တောင်သူဦးဖိုးတာ စိုက်ပျိုးထားရှိသည့် ရော်ဘာနှင့်ကုန်းမြင့်ကော်ဖီသီးနှံ ရောနှောစိုက်ခင်း ဧက(၂၀)သို့ရောက်ရှိရာ မြို့နယ်စိုက်ပျိုးရေးဦးစီးမှူးနှင့် တာဝန်ရှိသူများက ရော်ဘာနှင့် ကုန်းမြင့်ကော်ဖီသီးနှံစိုက်ပျိုးထားရှိမှုများအား လိုက်လံရှင်းလင်းပြသကြသည်။ ယင်းနောက် တိုင်းဒေသကြီးဝန်ကြီးချုပ်နှင့် တာဝန်ရှိသူများက ဒေသခံတောင်သူများနှင့်အတူ ကုန်းမြင့်ကော်ဖီသီးနှံ ကိုင်းဖြတ်နေမှုသရုပ်သမှုများအားကြည့်ရှုခဲ့ကြပြီး ဒေသခံတောင်သူများအား ရင်းရင်းနှီးနှီးနှုတ်ဆက်ကာ လိုက်လံရှင်းလင်းပြသမှုများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးခဲ့သည်။ ဆက်လက်၍ တိုင်းဒေသကြီးဝန်ကြီးချုပ်နှင့် တာဝန်ရှိသူများသည် ဟုမ္မလင်းမြို့နယ်၊ နားသကျိုက်ကျေးရွာအနီးရှိ နမ့်ပငချောင်းပေါ်တွင် တည်ဆောက်လျက်ရှိသည့် “နမ့်ပင” အသေးစားရေအားလျှပ်စစ်စီမံကိန်းပြီးစီးပါက ဟုမ္မလင်းမြို့နှင့်အနီးဝန်းကျင်ရှိ ကျေးရွာများသို့ လျှပ်စစ်ဓါတ်အားဖြန့်ဖြူးပေးမည့် 33KV(၁၀)အမ်ဗွီအေ ဓါတ်အားခွဲရုံသို့ရောက်ရှိရာ တည်ဆောက်ရေးတာဝန်ခံများမှ ဓါတ်အားခွဲရုံတည်ဆောက်နေမှု လုပ်ငန်းအခြေအနေများအား လိုက်လံရှင်းလင်းပြသကြသည်။ ထို့နောက် တိုင်းဒေသကြီးဝန်ကြီးချုပ်က တည်ဆောက်ရေးလုပ်ငန်းများနှင့် ပတ်သက်၍ လိုက်လံရှင်းလင်းပြသမှုများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ်ဆောင်ရွက်ပေးကာ ဓါတ်အားခွဲရုံတည်ဆောက်နေမှုများအား လိုက်လံကြည့်ရှုခဲ့ကြသည်။ အလားတူ တိုင်းဒေသကြီး ဝန်ကြီးချုပ်နှင့် တာဝန်ရှိသူများသည် ဇန်နဝါရီလ ၁၂ ရက်၊ မွန်းလွဲပိုင်းတွင် ဟုမ္မလင်းခရိုင်၊ ဟုမ္မလင်းမြို့နယ်၊ နားသကျိုက်ကျေးရွာအနီးရှိ နမ့်ပငချောင်းပေါ်တွင် တည်ဆောက်လျက်ရှိသည့် “နမ့်ပင” အသေးစားရေအားလျှပ်စစ်စီမံကိန်း လုပ်ငန်းခွင် သို့ရောက်ရှိရာ ရေအားလျှပ်စစ်အကောင်အထည်ဖော်ရေးဦးစီးဌာန၊ အမှတ်-၂ တည်ဆောက်ရေး တာဝန်ခံမှ “နမ့်ပင” အသေးစားရေအားလျှပ်စစ်စီမံကိန်း တည်ဆောက်ရေးလုပ်ငန်းများ ဘဏ္ဍာနှစ်အလိုက် ဆောင်ရွက်ပြီးစီးမှုနှင့် ဆက်လက်ဆောင်ရွက်သွားမည့် လုပ်ငန်းအခြေအနေများအား Power Point ဖြင့် ရှင်းလင်းတင်ပြသည်။ ယင်းနောက် တိုင်းဒေသကြီးဝန်ကြီးချုပ်က တည်ဆောက်ရေးလုပ်ငန်းများ စံချီန်စံညွှန်းမီ အရည်အသွေးကောင်းမွန်စွာဖြင့် တည်ဆောက်ပြီးစီးရေး၊ ဒေသခံပြည်သူများလိုအပ်သည့် လျှပ်စစ်မီးအမြန်ရရှိရန်အတွက် ယခုဆောင်ရွက်သည့်ရေအားလျှပ်စီမံကိန်းအား အမြန်ပြီးစီးအောင် ကြိုပမ်းဆောင်ရွက်ရေး၊ တည်ဆောက်လုပ်ငန်းသုံးပစ္စည်းများ လုပ်ငန်းခွင်သို့ အချိန်မီရောက်ရှိရေး၊ ရရှိထားသည့်ဘဏ္ဍာငွေများ အလေအလွင့်မရှိအောင် သုံးစွဲသွားရေးတို့ အားတာဝန်ရှိသူများအား မှာကြားကာ ရှင်းလင်းတင်ပြမှုများအပေါ် လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။ ထို့နောက် တိုင်းဒေသကြီးဝန်ကြီးချုပ်နှင့် တာဝန်ရှိသူများသည် “နမ့်ပင” အသေးစားရေအားလျှပ်စစ်စီမံကိန်း ဖိအားမြှင့်သံမဏိပိုက်လိုင်း၊ ဓာတ်အားပေးစက်ရုံ တည်ဆောက်နေမှုနှင့် ရေယူအဆောက်အဦ တည်ဆောက်နေမှုများအား လိုက်လံကြည့်ရှုစစ်ဆေးပြီး လိုအပ်သည်များကို တာဝန်ရှိသူများနှင့် ဖြည့်ဆည်းပေါင်းစပ် ဆောင်ရွက်ပေးခဲ့သည်။ အဆိုပါ နမ့်ပငအသေးစား ရေအားလျှပ်စစ်စီမံကိန်းသည် ဟုမ္မလင်းမြို့၏ အနောက်ဘက် ၇.၅ မိုင်ခန့်အကွာ၊ နားသကျိုက်ကျေးရွာအနီးတွင်တည်ရှိ၍ Concrete Gravity Dam တမံအမျိုး အစားဖြစ်ပြီး တပ်ဆင်စက်အင်အားမှာ ၆ မဂ္ဂါဝပ်ဖြစ်ကာ နှစ်စဉ်လျှပ်စစ်ဓာတ်အား - ၃၄.၆၈ သန်းကီလိုဝပ်နာရီ ပျဉ်းမျှထုတ်လုပ်နိုင်မည်ဖြစ်ကြောင်းသိရသည်။

၂၀၂၅ ခုနှစ်၊ ပါတီစုံဒီမိုကရေစီ အထွေထွေရွေးကောက်ပွဲ အပိုင်း(၃) အောင်မြင်စွာ ကျင်းပနိုင်ရေး လုပ်ငန်းညှိနှိင်းအစည်းအဝေးကျင်းပ ဇန်နဝါရီ ၁၃၊ ၂၀၂၆ ၂၀၂၅ ခုနှစ်၊ ပါတီစုံဒီမိုကရေစီ အထွေထွေရွေးကောက်ပွဲ အပိုင်း (၃) အောင်မြင်စွာ ကျင်းပနိုင်ရေးလုပ်ငန်းညှိနှိုင်းအစည်းအဝေးကို ယမန်နေ့ နေ့လယ်ပိုင်းက ရန်ကုန်တိုင်းဒေသကြီးအစိုးရအဖွဲ့ရုံး၊ မင်္ဂလာခန်းမတွင် ကျင်းပရာ ရန်ကုန်တိုင်းဒေသကြီး ဝန်ကြီးချုပ် ဦးစိုးသိန်း၊ ရန်ကုန်တိုင်းစစ်ဌာနချုပ်၊ တိုင်းမှူး ဗိုလ်ချုပ် ပြည့်စုံလင်း၊ ပြည်ထောင်စုရွေးကောက်ပွဲကော်မရှင်အဖွဲ့ဝင် ဦးအောင်စောဝင်း၊ တိုင်းဒေသကြီးအစိုးရအဖွဲ့ဝင်များ၊ ရန်ကုန်တိုင်းဒေသကြီး ရွေးကောက်ပွဲကော်မရှင်အဖွဲ့ခွဲမှ တာဝန်ရှိသူများ၊ တိုင်းဒေသကြီးဌာနဆိုင်ရာ အကြီးအကဲများ၊ ခရိုင်/ မြို့နယ် စီမံခန့်ခွဲရေးနှင့် အုပ်ချုပ်ရေးကော်မတီဥက္ကဋ္ဌများနှင့် တာဝန်ရှိသူများ၊ ခရိုင်/မြို့နယ်ရွေးကောက်ပွဲကော်မရှင်အဖွဲ့ခွဲများမှ တာဝန်ရှိသူများ တက်ရောက်ကြသည်။ ဦးစွာ ရန်ကုန်တိုင်းဒေသကြီး ဝန်ကြီးချုပ် ဦးစိုးသိန်းက အဖွင့်အမှာစကားပြောကြားရာတွင် လွတ်လပ်ပြီး တရားမျှတသော ပါတီစုံဒီမိုကရေစီအထွေထွေရွေးကောက်ပွဲ အပိုင်း (၃) ကို အောင်အောင်မြင်မြင်ကျင်းပနိုင်ရေး ပူးပေါင်းဆောင်ရွက်ကြရန်၊ မဲစာရင်းအမှတ်စဉ်များကို မဲဆန္ဒရှင်ပြည်သူများ ကြိုတင်သိရှိစေရေး၊ မဲဆန္ဒရှင်ပြည်သူများ ဆန္ဒမဲပေးနိုင်ရေးအတွက် သက်ဆိုင်ရာ မြို့နယ်အထွေထွေအုပ်ချုပ်ရေးဦးစီးဌာန၊ မြို့နယ်ရွေးကောက်ပွဲကော်မရှင်အဖွဲ့ခွဲမှ တာဝန်ရှိသူများက ပူးပေါင်းဆောင်ရွက်ကြရန်နှင့် ပါတီစုံဒီမိုကရေစီအထွေထွေရွေးကောက်ပွဲကို အောင်မြင်စွာ ကျင်းပနိုင်ရေးအတွက် ဌာနဆိုင်ရာများက အဆင့်ဆင့် အလေးထားဝိုင်းဝန်းပူးပေါင်းဆောင်ရွက်ကြရန် စသည်တို့ကို ပြောကြားသည်။ ထို့နောက် ရန်ကုန်တိုင်းစစ်ဌာနချုပ်၊ တိုင်းမှူး ဗိုလ်ချုပ် ပြည့်စုံလင်းက ၂၀၂၅ ခုနှစ်၊ ပါတီစုံဒီမိုကရေစီအထွေထွေရွေးကောက်ပွဲ အပိုင်း (၁)၊ အပိုင်း (၂) ဆိုင်ရာသုံးသပ်ချက်နှင့် အပိုင်း (၃) အတွက် အကြံပြုချက်များကို ရှင်းလင်းတင်ပြသည်။ ဆက်လက်၍ ရန်ကုန်တိုင်းဒေသကြီး ရွေးကောက်ပွဲကော်မရှင်အဖွဲ့ခွဲ အတွင်းရေးမှူး ဦးဇော်နိုင်ဦးက ၂၀၂၅ ခုနှစ်၊ ပါတီစုံဒီမိုကရေစီအထွေထွေရွေးကောက်ပွဲ အပိုင်း (၃) အတွက် ကြိုတင်ပြင်ဆင်မှုလုပ်ငန်းဆိုင်ရာ ဆောင်ရွက်နေမှုအခြေအနေများကို ရှင်းလင်းတင်ပြသည်။ ယင်းနောက် ရန်ကုန်တိုင်းဒေသကြီး ဝန်ကြီးများနှင့် တက်ရောက်လာကြသူများက ၂၀၂၅ ခုနှစ်၊ ပါတီစုံဒီမိုကရေစီအထွေထွေရွေးကောက်ပွဲ အပိုင်း (၃) ကြိုတင်ပြင်ဆင်ခြင်း လုပ်ငန်းဆောင်ရွက်နေမှုအခြေအနေများနှင့် မဲဆန္ဒရှင်ပြည်သူများ မဲပေးနိုင်ရေး ပြင်ဆင်ဆောင်ရွက်မှုဆိုင်ရာ ကိစ္စရပ်များကို ဖြည့်စွက်ဆွေးနွေးခဲ့ကြပြီးနောက် ရန်ကုန်တိုင်းဒေသကြီး ဝန်ကြီးချုပ် ဦးစိုးသိန်းက လိုအပ်သည်များကို ပေါင်းစပ်ညှိနှိုင်းပူပေါင်းဆောင်ရွက်ပေးကာ နိဂုံးချုပ်အမှာစကားပြောကြားခဲ့ကြောင်းသိရသည်။

ထရမ့်အစိုးရဟာ ၂၀၂၅ အတွင်း ဗီဇာပေါင်း ၁ သိန်းကျော်အထိ ရုတ်သိမ်းခဲ့တယ်လို့ နိုင်ငံခြားရေးဌာန ဒုတိယပြောရေးဆိုခွင့်ရှိသူက ပြောဆိုလိုက်ပါတယ်။ ဒါဟာ ဘိုင်ဒင်လက်ထက် ၂၀၂၄ အတွင်းက ရုတ်သိမ်းခဲ့တာထက် ၂ ဆကျော်ပိုများတဲ့ ပမာဏဖြစ်ပါတယ်။ NOM

မွန်ပြည်နယ်အတွင်းရွေး ကောက် ပွဲအပိုင်း(၁)နှင့် (၂)အပြီးတွင်မွန်ညီညွတ်ရေးပါတီမှ ကိုယ်စားလှယ်လောင်း ၁၇ဦးအထိအနိုင်ရရှိ NOM၊ဇန်နဝါရီ၁၃၊၂၀၂၆ မွန်ပြည်နယ်အတွင်းရွေး ကောက်ပွဲအပိုင်း(၁)နှင့် (၂) အပြီးတွင်မွန်ညီညွတ်ရေးပါတီမှ ကိုယ်စားလှယ်လောင်း ၁၇ဦးအထိအနိုင်ရရှိထာသည့်အတွက် ဒုတိယအများဆုံးအနိုင်ရပါတီ ဖြစ်ကြောင်း ယင်းပါတီမှတွင်း ရေးမှူး ဦးစံတင်ကပြောကြားခဲ့သည်။ မွန်ညီညွတ်ရေးပါတီမှ ရွေးကောက်ပွဲအပိုင်း(၁)နှင့် အပိုင်း(၂) အပြီးတွင် ပြည်သူလွှတ်တော် ၅ နေရာ၊ အမျိုး သားလွှတ် FPTP ၃နေရာ PRမှ ၂နေရာ၊ပြည်နယ်လွှတ်တော်တွင် FPTP မှ ၄နေရာ၊ PRမှ ၃နေရာတို့အနိုင်ရရှိခဲ့သည့်အ တွက်လက်ရှိအချိန်ထိ ကိုယ်စား လှယ်လောင်း ၁၇ဦးအနိုင်ရှိထားသည်။ "မွန်ပြည်နယ်မှာအပိုင်း၃မရှိပါဘူး ရွေးကောက်ပွဲကပြီးသွား ပါပြီးကျွန်တော်တို့ပါတီကမွန်ပြည်နယ်အတွက်ကိုယ်စား လှယ်လောင်း၃၈ဦးဝင်ပြိုင်ခဲ့တာပါ ၁၇ဦးအနိုင်ရရှိပါတယ် မွန်ပြည်နယ်မှာတော့ဒုတိယအများဆုံနိုင်တဲ့ပါတီပါ ပြီးခဲ့တဲ့၂၀၂၀ရွေးကောက်ပွဲမှာလည်း၁၆ဦးအနိုင်ရရှိခဲ့တဲ့အတွက် အရင်ရွေးကောက်ပွဲထက်အခုက အနိုင်ပိုပြီးများလာပါတယ်"ဟု မွန်ညီညွတ်ရေးပါတီမှအတွင်းရေးမှူး ဦးစံတင်ကပြောကြားခဲ့သည်။ မွန်ပြည်နယ်၌ ရွေးကောက်ပွဲအပိုင်း (၁) နှင့် (၂) အပြီးတွင် လွှတ်တော် (၃) ရပ်အတွက်ပါတီအသီးသီးမှ အနိုင်ရကိုယ် စားလှယ် (၄၅) ဦး ထွက်ပေါခဲ့ရာတွင်ပြည်ထောင်စုကြံ့ခိုင် ရေးနှင့် ဖွံ့ဖြိုးရေးပါတီမှ (၂၁) ဦး၊ မွန်ညီညွတ်ရေးပါတီမှ (၁၇) ဦး၊ တိုင်းရင်းသားစည်းလုံးညီ ညွတ်ရေးပါတီမှ (၂) ဦး၊ ပအိုးဝ်အမျိုးသားဖွံ့ဖြိုးတိုက်တက်ရေးပါတီမှ(၁) ဦး၊ ပြည်သူ့ပါတီမှ (၁)ဦး ၊ ပြည်သူ့ရှေ့ဆောင်ပါတီမှ (၁) ဦး၊ အမျိုးသားအကျိုးစီးပွားတိုးတက်ရေးပါတီမှ (၂) ဦးတို့ ထွက်ပေါ်ခဲ့ကြောင်း ပြည်နယ် ရွေးကောက်ပွဲကော်မရှင်အဖွဲ့ခွဲ က ထုတ်ပြန်ထားကြောင်း သိရသည်။

ဇန်နဝါရီလ၁၃ရက်နိုင်ငံတကာသတင်းတိုများ NOM ၁။အီရန်သည်စတားလင့်မှတစ်ဆင့်အင်တာနက်သုံးစွဲမှုများကိုဖြတ်တောက်ရန်စစ်ဘက်သုံးဂျမ်ဘာများကိုအသုံးပြုလျက်ရှိသည်။ ၂။အမေရိကန်သမ္မတထရမ့်ကဆိုရှယ်မီဒီယာတွင်တင်ထားသောသူ၏ဓါတ်ပုံအောက်တွင်ဗင်နီဇွဲလားယာယီသမ္မတဟုစာတန်းထိုးလိုက်သည်။(ဓါတ်ပုံ) ၃။အီရန်နိုင်ငံခြားရေးဝန်ကြီးကနိုင်ငံအနှံ့ဆူပူအုံကြွမှုများကိုထိန်းသိမ်းနိုင်ပြီဟုကြေညာသည်။ရုပ်သံမှလည်းအစိုးရထောက်ခံသူများလမ်းအပြည့်ထွက်ကာတန်ပြန်ဆန္ဒပြနေသည်များထုတ်လွှင့်ခဲ့သည်။(ဗီဒီယို) ၄။ရုရှားသည်၂၀၂၅ခုနှစ်အတွင်းစစ်လက်နက်ဘီလီယံ၇၀ဘိုးအထိစံချိန်တင်ရောင်းချခဲ့ရကြောင်းရုရှားဒုတိယဝန်ကြီးချုပ်ကသမ္မတပူတင်ကိုအစီရင်ခံလိုက်သည်။(ဗီဒီယို) ၅။ယူကရိန်းကိုရုရှားကနံမည်ကျော်အိုရှက်နစ်ဒုံးပျံဖြင့်တိုက်ခိုက်ပြသခြင်းသည်ယူကရိန်းကိုနေတိုး၏ထောက်ခံမှုရပ်ဆိုင်းရန်ရုရှား၏အချက်ပြမှုဟုနေတိုးအတွင်းရေးမှူးချုပ်ရတ်ကပြောလိုက်သည်။