တောင်ငူခရိုင် ပြည်သူ့ကာကွယ်ရေးတပ်မတော် တပ်ရင်း အမှတ် - ၃၅၀၁

ကျေးရွာများကို မီးရှို့၍ ဓားပြတိုက်ပြန်လာသော စစ်‌ကောင်စီ၏စစ်ကြောင်းအား စောင့်ကြိုတိုက်ခိုက်ရာ စစ်ကောင်စီတပ်ဖွဲ့ဝင် (၃၀)ဦးကျော်သေဆုံးပြီး လက်နက်ခဲယမ်းနှင့် ခိုးရာပါပစ္စည်းများ သိမ်းဆည်းရရှိ ဖေဖော်ဝါရီ ၁၆၊ ၂၀၂၃ ပဲခူးတိုင်း၊ တောင်ငူခရိုင် PDF တပ်ရင်း ၃၅၀၁၊ တပ်ခွဲ ၄၊ တပ်ခွဲ ၆ ပူးပေါင်းတပ်ဖွဲ့နှင့် အကြမ်းဖက်စစ်ကောင်စီတပ်တို့ ၁၆-၂-၂၀၂၃ ရက်နေ့ နံနက်(၉:၀၀)နာရီမှ နေလယ်(၁:၀၀)နာရီဝန်းကျင်အထိ ရေတာရှည်မြို့နယ် ဇရစ်ရိုးကုန်းကျေးရွာနှင့် ရေတာရှည်မြို့နယ် ပိန်းသီလာကျေးရွာ အနောက်ဘက် စစ်တောင်းမြစ်ဘေးတွင် တိုက်ပွဲဖြစ်ပွားရာ အကြမ်းဖက်စစ်ကောင်စီဘက်မှ (၃၀)ဦး‌ကျော် သေဆုံးပြီး အများအပြား ဒဏ်ရာအပြင်းအထန် ရရှိခဲ့သည်။ ထို့ပြင် လက်နက်ခဲယမ်းများနှင့် ပြည်သူများ၏ နေအိမ်များမှ အကြမ်းဖက်စစ်ကောင်စီတပ်ဖွဲ့ဝင်များ ဓားပြတိုက်ခိုးယူလာသော ရွေငွေလက်ဝတ်ရတနာအချို့ကိုလည်း သိမ်းဆည်းရရှိခဲ့သည်။ အကြမ်းဖက်စစ်ကောင်စီဘက်မှ သိမ်းဆည်းရရှိခဲ့သော လက်နက်ခဲယမ်းများမှာ ၁။ MA3 (၄)လက် ၂။ MA11 (၂)လက် ၃။ MA2 (၁)လက် ၄။ ကျည်ဘောက် (၁၈) ခု ၅။ ကျည် (၅၂၀) တောင့် ၆။ (၆၀)မမဗုံးသီး (၂)လုံး နှင့် ရိက္ခာအများအပြားတို့ဖြစ်သည်။ ပြည်သူပိုင်နေအိမ်များမှ စစ်ကောင်စီတပ်ဖွဲ့ဝင်များ ဓားပြတိုက်ခိုးယူလာသော ၁။ လက်ကောက် (၂)ကွင်း ၂။ ဆွဲကြိုး (၁)ကုံး ၃။ လက်စွပ်(၁)ကွင်း ၄။ ဖုန်း(၃)လုံးတို့ကိုပါ ထပ်မံသိမ်းဆည်းရရှိခဲ့သည်။ သိမ်းဆည်းရရှိသော လက်ဝတ်ရတနာများနှင့် အသုံးအဆောင်ပစ္စည်းများကို ပြည်သူ့ကာကွယ်ရေးတပ်ဖွဲ့ဝင်များက မူလပိုင်ရှင်များထံ အတိအကျ ပြန်လည်အပ်နှံနိုင်ရန် ဆောင်ရွက်လျက်ရှိသည်။ ထို့ပြင် (၇-၂-၂၀၂၃)၊ (၈-၂-၂၀၂၃)၊ (၁၂-၂-၂၀၂၃) နှင့် (၁၄-၂-၂၀၂၃) နေ့ရက်များတွင်လည်း တောင်ငူခရိုင် PDF တပ်ရင်း ၃၅၀၁၊ တပ်ခွဲ(၄) တပ်ခွဲ(၆) ပူးပေါင်းတပ်ဖွဲ့များနှင့် အကြမ်းဖက်စစ်ကောင်စီတပ်ဖွဲ့တို့ ထိတွေ့တိုက်ပွဲများ အပြင်းအထန် ဖြစ်ပွားခဲ့သည်။ ၎င်းတိုက်ပွဲများတွင်လည်း အကြမ်းဖက်စစ်ကောင်စီဘက်မှ ထိခိုက်သေဆုံးမှုများပြားခဲ့ပြီး အရေအတွက် အတိအကျကိုမူ ထပ်မံအတည်ပြုလျက်ရှိသည်။ အထိနာလျက်ရှိသော စစ်ကောင်စီဘက်မှ လက်နက်ကြီး၊ လက်နက်ငယ်များဖြင့် ရမ်းသမ်းပစ်ခတ်မှု၊ ဖမ်းဆီးနှိပ်စက်မှုများကြောင့် အပြစ်မဲ့ပြည်သူ(၂)ဦး သေဆုံးခဲ့ရပြီး (၂)ဦးအပြင်းအထန် ဒဏ်ရာရရှိခဲ့သည်။ ထို့ပြင် အကြမ်းဖက်စစ်ကောင်စီတပ်ဖွဲ့များက ပြည်သူပိုင်နေအိမ်များနှင့် မြစ်ကူးတံတားများအား မီးရှို့ဖျက်ဆီးလျက်ရှိသည်။ ပြည်သူ့ကာကွယ်ရေးတပ်ဖွဲ့များမှာ အထိအခိုက်မရှိဘဲ နယ်မြေစိုးမိုးမှုများအား ဆက်လက်ဆောင်ရွက်နေပြီး စစ်ဘေးရှောင်ပြည်သူများကိုလည်း လိုအပ်သော ထောက်ပံ့ပေးမှုများ ပေးပို့နိုင်ရန် အမျိုးသားညီညွတ်ရေးအစိုးရ(NUG)၊ ဝန်ကြီးဌာနများနှင့် ချိတ်ဆက်ဆောင်ရွက်လျက်ရှိသည်။ #ပဲခူးတိုင်းစစ်ဒေသခွဲ #ရိုးမတိုက်ပွဲ #ရင်း_၃၅၀၁_ခွဲ_၄_၆