قصيد ☪︎

عذرته وسامحته على كل ماسواه ومديت له كف المفارق و ودعته احبه ولكن خاطري جاه ما كفاه يكفيني اني لا جرحته ولا اوجعته

مدهالها القلب وعيوني مراتعها امـوت فيـها وهي للريح تزرعني

فالعروق البيض يزمي علئ راس الطنوف مثل ما تزمي سحال الحليب من الرغاه.!

زعلك ماهو ذنب ندخل به النار ورضـاك مايفتح لنـا بـاب جنـه

تكاثر علي الله يجـازيه كيـف الحال وانا يوم أسوق العمر له ما تكاثرته حـفظـته وددلـته وغنيته له مـوال وتخـيرت قـربه ليتـني ما تخـيرته .!

عقب الهدد ريشه مثل ثوب قصاب عنـده لعطـران الشـوارب عزيـمه .!

صداقة اللاش مثل الشمس تالي النهار لوكان تسعى وراها غايبه.. غايبه وصداقة الكفو بلجيك ما تبغى عيار من حيث ما وجهوها صايبه .. صايبه

الله الله طرف الليل والشعور الحزين كنه شعور المصلي اليا خلا الصلاة قاطعٍ وصله مع الله رب العالمين ومعتليه الذنب ويدور الطوق النجاه بين تنهيده وغلقه وهم ودمع عين وبين حزن ما كتمه الضمير ولا حكاه يا وجودي يوم لديت من مابي حزين وانا رجال عزومه تنقالها ،،، الرواه ابتدت بي ضيقه الخاطر وراح الكنين وانتهت بي يوم جريت بطرس الدواه

‏تشدني عزة رشيد الزلامي ‏حرٍ على وكر الكرامه تعنى ‏هذي دروس الطيبين الكرامي ‏طبوعنا و طبوع اهلنا تبنى ‏اعيش عيشة عز شامخ مقامي ‏الراس طايل ما يعرف يتثنى .

أنا عاشق .. لاهو بمنهي ولا مامور من الضيق ما يملى من الراحه الراحه دعيتيه باسمه من حوالي ثلاث شهور وهو من ثلاث شهور ما عين الراحه يبين لك إنه هادي و خاطره مسرور وهو والله إنه يزعجه صوت مسباحه شجاعٍ حذف لك بندقه والرصاص يثور ولا تذبحينه عقب ماسلم سلاحه .!

للطايله في وجيه أهلها معالم ماجات من شوق ومودة وفرقا الذم بحرٍمن بحور المظالم والمدح برقٍ في نحر كل زرقا يبقى الردي لو جده الزير سالم غصن عليه من الردى عش ورقا من يصنع من كتوف غيره سلالم لا طاح بكرة ما عرف كيف يرقا.!

الردي لا من تردا ماهو غريب البلا لاصار طيب وناويك بردا .!

ماشال هم الذهيب الا مداويره يا مدور العشره اللي في يدك سوه المبغض اعرف وجهه من تعابيره لو كان يلبس ثياب الود ويموه كل يعامل حسب حجمه وتقديره وصنايعه في الرجال يشوفها توه سمحت من جيرة اللي مالهم جيره وسمحت من خوة اللي مالهم خوه

اما يروح ابعد من الجدي وسهيل ولا يصير اقرب من زرار ثوبي .!✋

من شاف وجه القمر فالارض حطه وليف حتى لو انه على حد السراط انحرف مضارب رموشها اللي حدها حد سيف مكانها الصدر واللي غيرها فالطرف في مثل هذي العيون اللي هدبها كثيف تسلم الروح و يموت الشجاع بـ شرف "

ياما تنازلت عن حقي ومصلوحي حتى لو الكلمة العوجا على لساني يقتل حبال الكلام وينقض جروحي اللي على أتفه ذنوبي ينكر أحساني وانا علشان غيري ... موجع روحي ولاحد موجع .. روحه على شاني.!