مَلاذٌ آمِن

«خَتْم القُرآن في شَوَّال بُطُولة، وقَليلٌ فَاعِله» -د. خالد أبو شادي💚

قبل أن تظهر عبارة: Stop overthinking, whatever happens happens ‏قال ابن القيم: "لا تحمل هم الدنيا فإنها لله، ولا تحمل هم الرزق فإنه من الله، ولا تحمل هم المستقبل فإنه بيد الله، احمل هماً واحداً كيف ترضي الله؛ لأنك لو أرضيت الله رضي عنك وأرضاك وكفاك وأغناك"💗

قبل أن تظهر عبارة: Stop overthinking, whatever happens happens ‏قال ابن القيم: "لا تحمل هم الدنيا فإنها لله، ولا تحمل هم الرزق فإنه من الله، ولا تحمل هم المستقبل فإنه بيد الله، احمل هماً واحداً كيف ترضي الله, لأنك لو أرضيت الله رضي عنك وأرضاك وكفاك وأغناك"💗

قَال رسُولُ الله(ﷺ): "مَنْ صَامَ رَمَضَانَ ثُمَّ أَتْبَعَهُ سِتًّا مِنْ شَوَّالٍ كَانَ كَصِيَامِ الدَّهْر💗"

﴿أَلَيسَ اللَّهُ بِكافٍ عَبدَهُ﴾ ‏بَلى سُبْحانُه!🤎

إنتهى صِيام الفَرض فمن أعجبهُ المَذاق، فصِيام التَّطَوع مفتُوح وانتهت صَلاة التَّراوِيح فمن أعجبهُ المَذاق، فصَلاة القِيام موجودة سقطت زَكاة الفِطر فمن شعر بِحلاوتها، فباب الصَّدقات لا يُغلق

عيدكُم مُبارك يا أهيل المَلاذ🥳💗💗💗💗" كُلُّ عامٍ وأنتمُ في سُرورِ وجزاكم ربي بأوفى الأُجورِ وعسى الله ألّا يصرم أسباب سعادتكم، وأن يتقبل بقبول حَسَنٍ قرباتكم، وعاد عليكم العيدُ ميمونًا ومباركًا🥹💗💗💗💗

اللَّهُمُّ لا تجعلُهُ آخِر العَهد من صِيامنا إِيّاه🥹🤍🤍🤍

ولأن الجزاء دايمًا من جنس العمل، بُص ربنا كافئهم إزاي! ربنا قالهم: زي ما أخفيتوا عبادتكم عن عيون الناس، أنا كمان هخفي عنكم شكل الجايزة بتاعتكم لحد ما تيجوا وتتفاجئوا بيها: (فَلَا تَعْلَمُ نَفْسٌ مَّا أُخْفِيَ لَهُم مِّن قُرَّةِ أَعْيُنٍ جَزَاءً بِمَا كَانُوا يَعْمَلُونَ). ​والله وتالله وبالله الركعتين بتوع جوف الليل، والسجدة اللي بتطول فيها وإنت بتبكي وتشتكي لربنا همّك ودُيونك ووجعَك وإنت ساجد في أوضتك. هي دي العواميد الخرسانة اللي بتسندك وتقوّيك لما تطلع تواجه ضغوط الحياة والدنيا الصبح! اعمل لنفسك خبيئة، وحياة سرية بينك وبين ربنا، علشان تلاقي اللي يسترك يوم العرض على الله!

المحطة الرابعة - بدايات سُورة الْأَحْزَاب:

بنسيب سورة السجدة، وبنختم الجزء ده ببدايات سورة الأحزاب، السورة دي بتاخدنا لـ أصعب موقف وأكبر أزمة نفسية وعسكرية مَرّ بيها النبي ﷺ والمُسلمين في المدينة، وهي مواجهة الخندق أو الأحزاب. ​تخيّل معايا المشهد المُرعب ده، المدينة المنورة، اللي هي حتة أرض صغيرة، فجأة لقت نفسها مِتحاصرة بجيش تعداده ١٠ آلاف نَفر من كل القبائل! وفي نفس الوقت، خيانة من جوّا المدينة من بني قريظة اللي نقضوا العهد وبقوا بيمثلوا ضربة في الضهر! الجو كان برد قارس، وجوع شديد لدرجة إن النبي والصحابة كانوا بيربطوا حجارة على بطونهم من الجوع، والعدو محاصرهم من كل حتة! وهنا القرآن بيوصفلنا الحالة النفسية في عز الأزمة: (وَإِذْ زَاغَتِ الْأَبْصَارُ وَبَلَغَتِ الْقُلُوبُ الْحَنَاجِرَ وَتَظُنُّونَ بِاللَّهِ الظُّنُونَا * هُنَالِكَ ابْتُلِيَ الْمُؤْمِنُونَ وَزُلْزِلُوا زِلْزَالًا شَدِيدًا) رُعب لدرجة إن العين مِبرّقة مِش عارفة تُبص فين، والقلب كأنه هيتفلِق من الصدر من كتر القلق والرُعب! وشوف بقى انقسام الناس وقت الأزمة. أي أزمة كبيرة أو زلزال بيحصل، لازم يعمل غربلة وفلترة للناس اللي حواليك، وده اللي حصل بالظبط، الناس اتقسِّمت فئتين: ​١. المُنافقين (بثّاثين الإحباط واليأس): دول الطابور الخامس اللي في ظهرك، أول ما لقوا الأزمة طالت والموت قرّب، بدأوا ينشروا الطاقة السلبية ويكسّروا مقاديف الناس، وقالوا بكل بجاحة: (مَّا وَعَدَنَا اللَّهُ وَرَسُولُهُ إِلَّا غُرُورًا)! ضحكوا علينا، مفيش نصر ولا حاجة وإحنا هنموت! وبدأوا ينسحبوا ويهربوا ويقولوا لمؤاخذة بيوتنا عورة ومكشوفة للعدو، يلا سلام عليكم! ​٢. الرِّجال (أهل اليقين والثبات): أما الفئة التانية، المُؤمنين بجد، اللي مِش فارق معاهم أي حاجة، وعاهدوا ربنا إن الدين ده مُقابل أرواحهم، وشافوا نفس الـ ١٠ آلاف نفر دول، وشافوا نفس الخطر، بس لأن عندهم يقين في المُسبِّب مِش الأسباب، قالوا كلمة خلدها القرآن: (وَلَمَّا رَأَى الْمُؤْمِنُونَ الْأَحْزَابَ قَالُوا هَٰذَا مَا وَعَدَنَا اللَّهُ وَرَسُولُهُ وَصَدَقَ اللَّهُ وَرَسُولُهُ ۚ وَمَا زَادَهُمْ إِلَّا إِيمَانًا وَتَسْلِيمًا) ودول اللي ربنا نزّل فيهم الآية العظيمة: (مِّنَ الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ). اللقطات دي مِش قصص تاريخية، السورة دي بتجسّد خَنادِق بنُقع فيها، أو أي أزمة بنمُر بيها، ​لمّا تقع في أزمة مالية والديون تحاصرك من كل حتة! و​لمّا تِمرضي مرض شديد والدكاترة تحتار فيكي وتخافي على ولادك! و​لمّا تقع في مشكلة كبيرة في شغلك وتلاقي نفسك وحيد وبتغرق! دي اللحظة اللي بتبلغ فيها القلوب الحناجر والأزمات دي هي اللي بتفلتَر دايرتك وبتنضّف حياتك! وربنا بيكشفلك وشوش المُنافقين اللي معاك وإنت ناجح بس، ووقت الكسرة كله بيخلع! وفي نفس الوقت، الأزمة دي هي اللي هتبيِّنلك الرِّجال والمعادن الأصيلة اللي هيقفوا في ضهرك ويسندوكي وميسبوكش تغرق أبدًا، وهي اللي هتقوي إيمانك وتخليك تلجأ لربنا وتفوَّض أمرك ليه، وتعرف إن نجاتك عنده هو، والدنيا دي كلها مُجرّد أسباب، ولو انقطعت الأسباب متخافش! هو رب الأسباب ومُسبِّبها.

ودي رسالة لكل أب وأم: إنت مش هتقدر تراقب إبنك، ولا هتقدر تراقب موبايله ٢٤ ساعة، ولا هتقدري تمشي ورا بنتك في الجامعة. الحل الوحيد إنك تزرع جوّاه الضمير والمراقبة الذاتية، تزرع جوّاه الخُوف والرُعب من رب العالمين، وإنه شايفه في النور وفي الضلمة، وفي البر وفي البحر، ومنين ما يروح ومنين ما ييجي، ساعتها بس هترتاح وهتطمِّن عليه. ​٤. صناعة القائد وتقوية الشخصية: (يَا بُنَيَّ أَقِمِ الصَّلَاةَ وَأْمُرْ بِالْمَعْرُوفِ وَانْهَ عَنِ الْمُنكَرِ وَاصْبِرْ عَلَىٰ مَا أَصَابَكَ). لقمان هنا بيبني "راجل مؤثّر" مِش مجرد كائن عايش بياكل ويشرب! قاله صلّي ومتسيبش فرض علشان تِصلِح نفسك، وبعدين انزل صلَّح في المجتمع وقول للناس المعروف وأمرهم بيهم، وخوِّف الناس من المعاصي وانهاهم عنها، ولأنه عارف إن اللي بيحاول يصلح ويقول الحق لازم هيتعرض لأذى وتريقة من الناس، قاله استعد: (واصْبِرْ عَلَىٰ مَا أَصَابَكَ)! إحنا النهاردة -وبكل أسَف- بنربّي جيل هَش نفسيًا، جيل نوتي وتوتي، بيُقع ويِكتئب من أول مَطبّ أو كلمة نقد! علِّموا عيالكم يشيلوا مسئولية، ويقولوا كلمة الحق ولو على أنفسهم وميخافوش، وعلِّموهم إن طريق النجاح والالتزام محتاج صبر وجِلد، وإن مش كل حاجة في الحياة مُتاحة! لا، فيه مُباحات وممنوعات، وحلال وحرام! ​٥. الذكاء الاجتماعي: بيختم معاه بأعظم قواعد الإتيكيت وعلاج الغرور اللي دمّر حياتنا: ​ - (وَلَا تُصَعِّرْ خَدَّكَ لِلنَّاسِ): متلويش بُوزك ومتتتكبرش على حد، ومتتعالاش على العامل أو الحارِس ولا الأقل منك ماديًا. - ​(وَلَا تَمْشِ فِي الْأَرْضِ مَرَحًا): عالج ولادك من عُقدة المنظرة والاستعراض باللبس والماركات والعربيات، وفهمهم إن (إِنَّ اللَّهَ لَا يُحِبُّ كُلَّ مُخْتَالٍ فَخُورٍ). - ​(وَاقْصِدْ فِي مَشْيِكَ): خليك مُتزن، ماتجريش في الحياة بغباوة، ولا تتباطئ وتكسّل وتكبّر دماغك. - ​(وَاغْضُضْ مِن صَوْتِكَ): ودي القاضية لكل إنسان فاكر إن قوة الشخصية بالصوت العالي وخشونة الحنجرة والجعجعة! لقمان بيقول لابنه وطّي صوتك واتكلم بأدب وهدوء، لأن لو الصوت العالي دليل على القوة أو الهيبة، كان الحُمار بقى مَلِك الغابة (إِنَّ أَنكَرَ الْأَصْوَاتِ لَصَوْتُ الْحَمِيرِ)! ​سورة لقمان منهج شامل في التربية، بطلوا تبنوا لعيالكم عِمارات وعقارات وتسيبوا عُقولهم قَرعة وملط، وبطّلوا تهتموا بنوع لبسهم وأكلهم وتنسوا أخلاقهم وضميرهم! واصنعوا إنسان قبل ما تصنعوا دُكتور ومُهندس وظابِط وطيّار، لأن الإنسان السويّ هو اللي هيشيلكم لما تعجزوا، وهو اللي هينفع المجتمع، وهو اللي هيكون صدقتكم الجارية ليوم القيامة!

المحطة التالتة - سُورة السَّجْدَة:

بنسيب سورة لقمان، وبندخل على سورة السجدة، السورة دي ليها مكانة خاصة جداً في حياة النبي ﷺ، ولها سر عظيم لازم كلنا نفهمه. ​تخيّل إن النبي ﷺ كان بيواظب ويحرص إنه يقرأ سورة السَّجْدَة في الركعة الأولى، وسورة الإنسان في الركعة التانية من صلاة الفجر كل يوم جُمعة! تفتكر ليه؟ هل صدفة؟ أكيد لا! لمّا دعبِست في السر ده، هنلاقي إن يوم الجُمعة هو يوم البداية والنهاية فيه اتخلق سيدنا آدم، وفيه القيامة هتقوم! وسورة السجدة بتلخّص شريط حياة الإنسان بالكامل: من أول خلق آدم من طين، لحد تشكيل الجنين في بطن أمه، ونفخ الروح فيه، وبعدين الحياة، وبعدين الموت ودخول القبر، لحد ما نقف قدام ربنا يوم القيامة! ​فكأن النبي ﷺ بيعملنا ريفريش أسبوعي للقلوب والعقول، علشان وإنت بتبدأ أجازتك وأسبوعك الجديد، متسرحش وتِتغَر في دوَّامة الدُنيا، وتنسى إنت أصلك إيه وجاي منين ورايح فين! وفي وسط آيات خلق الكون، السورة بتاخدنا لمشهد عجيب جدًا. مشهد بيوصف الناس بتوع ربنا في نُص الليل، الناس اللي فهمت حقيقة الدنيا فعملت رصيد للآخرة، الآية بتوصف حالتهم: (تَتَجَافَىٰ جُنُوبُهُمْ عَنِ الْمَضَاجِعِ يَدْعُونَ رَبَّهُمْ خَوْفًا وَطَمَعًا وَمِمَّا رَزَقْنَاهُمْ يُنفِقُونَ). ​كلمة (تَتَجَافَىٰ) دي كلمة عبقرية! معناها إن السرير الدافي في عز البرد، أو النوم التقيل بعد يوم شغل وهَدّة حيل، بيبقى جميل أوي ودافي وبيشد الإنسان، بس هو بيعافر، وبيقَاوم، وجنبه بيفارق السرير بصعوبة علشان يقوم يقف بين إيدين ربنا في عِز الضلمة! الآية دي بتلمِس المظاهر اللي عايشين فيها، في زمن كل حاجة بقت بتتصور للناس، الأكل بيتصور، الخروجة بتتصور، وحتى العياط والكسرة، والعبادة بقوا بينزلوا ستوري لحظة بلحظة، لكن الناس دي اختارت حياة الخفاء! اختاروا يكلموا ربنا في وقت البيت كله نايم، مفيش رياء، مفيش حد شايفهم، مفيش لايكات ولا كومنتات. قاعدين بيعيطوا ويدعوا ربنا (خَوْفًا) من فتن الدنيا وعذاب الآخرة، و(طَمَعًا) في رحمته وكرمه وجنته.

​٤. (وَرَحْمَةً): وهنا الوصف والإعجاز القرآني! ربنا خالقنا وعالِم إن البشر بيضعفوا، وإن الحُب وحلاوة البدايات والشغف ممكن يِقلُّوا أو يِنطفوا مؤقتًا مع الوقت، ومع المسؤوليّات وضغوط المصاريف، أو لو حد -لا قدّر الله- مِرض وضِعف وشكله اتغيّر، أو كَرمِش وكِبِر في السِّن. هنا اللي بيشيل البيت وبيكمّل الرحلة هو (الرَّحْمَة)، ودي اللي بتخلّي الزوج يتغافل عن نرفزة مراته وتقصيرها في يوم غصب عنها وهي هلكانة مع العِيال أو هرموناتها مُضطربة، و​الرحمة هي اللي بتخلّي الزوجة تستحمل جوزها لو مَر بأزمة مالية، أو خِسر وظيفته، ومتكسرش عينه بطلبات مِش وقتها، و​الرحمة هي اللي بتخلِّيك تحفظ سِرَّها وتصون كرامتها، والرحمة هي اللي بتمنعكُم من نشر الغسيل على السوشيال ميديا والمَحاكِم لو حصل خِلاف أو إنفصال، والرحمة هي اللي بتمنع الست إنها تِستخدم حِيل مُجرمة وتحرم الأب إنه يشوف عِياله، والرحمة هي اللي بتمنع الراجل إنه يِتشَيطَن ويرمي ولاده ومايصرفش عليهم! ​يا جماعة، القرآن مسبش تفصيلة لدماغ البشر، بس دِماغ البشر هي اللي سابت القرآن، وبدأت تِفصّل دين انتقامي جديد وبعيد تمامًا عن شرع ودين الله؛ لذلك العزوف عن الزواج في أعلى درجاته دلوقتي، لأن الناس دماغها اتبرمجت على إن هو ده الزواج، بالرغم إن فيه بيوت كتير جدًا فيها رجالة وسِتات بحق وحقيقي، ومُستحيل تِسمع عنهم كلمة، ولو بحثت وراهم هتلاقيهم بيطبّقوا روشتّة القرآن، لذلك ربنا بيسترهم وبيصلح بيوتهم وبيجعلهم قدوة للعالمين. البُيوت مبتتبنيش أبدًا بالندّيّة وبمبدأ أنا مِش مِحتَاجَالَك أو أنا هجيب غيرك بكرة. البيوت بتتبني بـ (التغافل، والسكن، والرحمة)، نضّفوا ودانكم ودماغكم من سُموم وتلوُّث المُجتمع، ومِش عيب إننا نتوب ونتسامح ونتغيّر للأحسن، ونقفل بابنا علينا ونسد أبواب شياطين الإنس والجِنّ، ونفتكر مبدأ (لِّتَسْكُنُوا إِلَيْهَا).

المحطة التانية - سُورة لُقْمَان:

بعد ما عرفنا إزاي نبني البيت ونحافظ عليه، بندخل على سورة لقمان علشان نربي العيال الغلبانة اللي جوّا البيت! لكن قبل ما ندخل في السورة لازم نعرف مين هو لُقْمَان اللي ربنا سمّى سورة كاملة باسمه، وهتُقرأ إلى يوم القيامة؟ لقمان مكنش نبيّ، ومكنش مَلِك، ولا غني! بل إن أغلب الرِوايات بتقول إنه كان راجل بسيط جدًا، عبد حبشي أسمر، بيشتغل نجّار وراعي أغنام بس ربنا إداله مِنحة أعظم من مِنَح الجامعات العالمية: (وَلَقَدْ آتَيْنَا لُقْمَانَ الْحِكْمَةَ)! ربنا بيوصلنا رسالة إن قِيمتك الحقيقية في عَقلك وحِكمتك وعلاقتك بربنا، مِش في شِهادتك ولا عِيلتك ولا رصيد بنكك ولا لون بشرتك. ​لُقمان الحكيم بيقعد مع إبنه قعدة رايقة وصافية، وبيديله كورس "صِناعة الإنسان المُؤثر" وكيف تصنع رَجل سويّ وبنت سويّة في البيت بدون رُوت، وإدّاله ٥ دروس مهمين جدًا، لازم نركّز فيهم لأننا محتاجينهم لعيالنا أكتر من الأكل والشرب والنوادي: ​١. زراعة العقيدة: (وَإِذْ قَالَ لُقْمَانُ لِابْنِهِ وَهُوَ يَعِظُهُ يَا بُنَيَّ لَا تُشْرِكْ بِاللَّهِ ۖ إِنَّ الشِّرْكَ لَظُلْمٌ عَظِيمٌ). أول حاجة بيبنيها هي أساس أي إنسان وهو العقيدة، ودي كارثة عندنا النهاردة في التربية، إننا بنخوِّف العيال من الناس مِش من ربّ الناس، وبنقول للعيّل متعملش كذا علشان الناس متقولش علينا كذا، وعلشان برستيج العيلة والقبيلة، علشان كدا لُقمان بيعلِّم إبنه الخوف من ربنا، وتوحيد عبادته، وبيعلّمه إن الصح صح لله، والغلط غلط لله، وبيلغي نظرة الناس من دماغه. ​٢. بر الوالدين والتوازن: (وَوَصَّيْنَا الْإِنسَانَ بِوَالِدَيْهِ حَمَلَتْهُ أُمُّهُ وَهْنًا عَلَىٰ وَهْنٍ). وهنا القرآن بيتدخّل وبيحُط دُستور وقواعد للإنسان، وبدأ يفكّره بدور الأم بالذّات وهي في حالة ضعف من أول الحمل لحد نهاية فترة الرضاعة، وبيُحط قاعدة عظيمة: إن لو أهلك أمروك بمعصية ربنا: (وَإِن جَاهَدَاكَ عَلَىٰ أَن تُشْرِكَ بِي مَا لَيْسَ لَكَ بِهِ عِلْمٌ فَلَا تُطِعْهُمَا) مفيش طاعة لمخلوق في معصية الخالق، طيب إيه الدنيا نشتمهم؟ وناكلهم عَلقة؟ لا، القرآن بيقول: (وَصَاحِبْهُمَا فِي الدُّنْيَا مَعْرُوفًا) قِمِّة الرُقيّ في التعامل حتى لو اختلفت معاهم في الفكر والثقافة والدين! ​٣. زراعة الضمير: (يَا بُنَيَّ إِنَّهَا إِن تَكُ مِثْقَالَ حَبَّةٍ مِّنْ خَرْدَلٍ فَتَكُن فِي صَخْرَةٍ أَوْ فِي السَّمَاوَاتِ أَوْ فِي الْأَرْضِ يَأْتِ بِهَا اللَّهُ). ودي أعظم آية في التربية الذاتية! لقمان بيقول لإبنه: لو عملت ذنب أو أي غلطة حتى لو قد حبّاية الخردل اللي مبتتشافش بالعين، ومستخبّية جوّا صخرة مقفولة في سابع أرض، ربنا هيجيبها يا حبيبي وشايفها!

أغلبنا قرأ الجزء الواحد والعشرين من القرآن، والجزء ده بيعالج ظاهرة الطَّلاق المُرعبة، وفيه كتالوج بناء البيوت، والتربية، وصناعة الإنسان! الأجزاء اللي فاتت كانت بتنضَّف العقيدة وتظبَّط علاقتك بربنا، والجزء ده بياخدنا في رحلة جوّا البيوت وتربية العيال، وإزاي نكون مُحترمين ومؤثرين، والجزء ده هياخدنا لـ ٤ محطات من ٤ سُوَر، وهمّا: (الرُّوم، لُقْمَان، السَّجْدَة، وبدايات الْأَحْزَاب)، ​تعالوا نمسك الجزء ده محطة محطة، ونعيش تفاصيلها:

المحطة الأولى - سُورة الرُّوم:

علشان نفهم عظمة السورة دي، لازم نرجع بالزمن شوية ونعرف سبب نزولها، السورة دي نزلت في وقت كان العالم مَقسوم لقوِّتين عظمى: (الرُّوم) ودول أهل الكتاب، و(الفُرس) ودول عبدة النار، والقُوِّتين دول حصل بينهم معارك طاحنة جدًا، والفُرس هزموا الروم هزيمة ساحقة! وقُريش اللي همّا عبدة الأصنام، فرحوا جدًا وشَمَتُوا في المُسلمين، وقالولهم: زي ما إخواننا الفُرس طحّنوا الروم، إحنا كمان هنطحّنكم ونخلَّص عليكم! و​في عز الضعف والشماتة دي، القرآن ينزل بـ "مُعجزة جِيوسياسية" تتحدى العالم كله، ويقولهم بكل ثقة: (غُلِبَتِ الرُّومُ * فِي أَدْنَى الْأَرْضِ وَهُم مِّن بَعْدِ غَلَبِهِمْ سَيَغْلِبُونَ * فِي بِضْعِ سِنِينَ) القرآن بِيَتَنبَّأ بنصر الروم في وقت من ٣ لـ ٩ سنين! وفعلاً، بتُمر السنين، وتتحقق المعجزة في نفس الفترة اللي القرآن ذكرها بالملّي، والروم ينتصروا، علشان ربنا يِثبت للمُسلمين وللعالم إن الأقدار كلها بإيده هو، وإن كلامه نافذ مهما كانت الحسابات والقوَّة البشرية، وده بيورّيك مَشاهد عجيبة بتحصل حوالينا النهاردة، وإنت بتبقى قاعد بتضحك وتعمل مِميز ومش فاهم إن دي آيات وقُدرة ربّانية بتتحقق في كل زمان ومكان! بعد ما السورة بتثبت إن ربنا المُعز والمُذل، وهو المتحكم في حركة الإمبراطوريات والجيوش، بتبدأ السورة تستعرض آيات وعلامات عن عظمة ربنا في الكون والسورة بتكلّمنا عن خلق السماوات والأرض، واختلاف اللغات والألوان والثقافات، والبرق والمَطر، وبعدين بتيجي عند آية معيّنة وبتبروِزها، لأنها تُعتبر من أقوى الآيات اللي بتثبت قُدرة ربنا في خلق الإنسان: (وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ). الآية دي بتضرب في صميم أكبر كارثة عايشينها النهاردة، وهي خراب البيوت ونسب الطَّلاق المُخيفة! السوشيال ميديا للأسف صوَّرت الجواز للشباب والبنات على إنه حلبة مُصارعة رُوماني، ها مين اللي هيكسب؟ ومين هيكسر مين؟ ومين اللي هيسوق ويمسك الدركسيون؟ وبقى فيه ندِّيَّة وتحفز، وفئات بتسخِّن البنت على جوزها باسم الاستقلالية، وفئات بتسخِّن الراجل على مراته باسم الذكورية السَّامّة، والنتيجة؟ البيوت بقت عبارة عن بَرامِيل موقوتة! ​بس القرآن دايمًا بيعدل الكفّة، وبيُحط ٤ قواعد ذهبيّة، لو فهمناهم وطبقناهم بيوتنا هتمشي على سِنجة عشرة: ​١. (مِّنْ أَنفُسِكُمْ): ربنا مخلقش الست من كائن تاني، دي من نفسك، حتّة منك وإنت كذلك حتّة منها، والإهانة والتقليل منها هي إهانة لرُجولتك وكرامتك قبل ما تكون كسر ليها، والتقليل من جوزك هو تقليل من وُجودك وقيمتك أصلاً، لولا الراجل ما كُنتي، إنتوا مِش أعداء، إنتوا نفس واحدة وجزئين بيكملوا بعض، وكل واحد من غير التاني ناقِص! ​٢. (لِّتَسْكُنُوا إِلَيْهَا): ركّز في دِقّة الكلمة، ربنا مقالش "لتسكنوا مَعها"، هو قال "إليها".يعني الراجل بيكون برا في سلخانة الحياة، بيحصل فيه كل حاجة وبيتفِرم وبيتهان في وسط مُجتمع مبيرحمش، وبيستحمل علشان يجيب قِرشين يستروه قدامك وقدام عياله، وأول ما بيفتح باب شقّته، بيرمي حُموله على باب الشّقّة علشان يسكُن إليها، ويلاقي الحُضن، والكلمة الطيّبة الجميلة، والابتسامة اللي بتنسّيه الديون والضغط والحِمل اللي شاله! والست المطحونة طول اليوم بين غسيل، وطبيخ، وتربية جيل صعب، ومُذاكرة، وتوتر محتاجة لمّا جُوزها يرجع تلاقي فيه سكن وضهر ومُعين محتاجة كلمة: تسلم إيدك، أنا حاسس بتعبك، مش قادر أوفي شُكرك! مِش يرجع يِقلب البيت، ويورّيهم المَفرمة اللي جاي منها! فلو البيت فَقَد ميزة (السَّكَن) واتحول لـ "محكمة" كل واحد بيحاسب التاني، الطرفين دول خلاص بيتهم رِكب الطيّارة! ​٣. (مَّوَدَّةً): المَودَّة هي الحُب، الشغف، الرُومانسية والذي مِنّه، الوردة اللي بتدخل بيها عليها، الفُسحة الرايقة، الكلمة الحلوة، والتعبير الجسدي والعاطفي ودي بتكون في أعلى درجاتها في بدايات الجواز وفي أوقات الرَّخاء والصحّة. #ختمة_الفهم

-اللهُم أَحيِنا في الدُّنيا مُؤمنين طَائعين، وأمِتنا مُسلمين تَائِبين💗 -اللهُم اِرحم تضرُعنا بين يَديك، وقَوِمنا إذا اِعوججنا، واِهدنا إذا ضَللنا، وكُن لنا ولا تكُن عَلينا💗 -اللهُم اِفتح لِأدعيتنا أَبواب الإِجابة، يا مَن إِذا سُئِل أعطى، وإِذا دَعي أَجاب، يا مَن يقُول لِلشّيء كُنْ فيكُون💗 -اللهُمّ لا ترُدّنا خَائِبين، وآتِنا أَفضل ما تُؤتي عِبادك الصَّالِحين، ولا تَصرِفنا عن بَحر جُودك خَاسِرين💗 -اللهُم آمين، وصِلِّ اللهُمَ وسَلِّم وبَارِك على نِبِيّنا مُحَمّد، وعَلى آلِه وصِحْبِه أَجْمَعِين💗

-اللهُمّ إن كانت هذه ليْلُة القَدر، فَاقْسِم لِي فيها خَير ما قَسمت، واختم لِي في قَضائك خَير ما خَتمت، واختم لِي بالسعادة فيمن ختمت💗 -اللهُمّ اجعل اِسمي وذُريتي في هذه اللّيلة في السُّعداء، ورُوحي مع الشُهداء، وإِحساني في عِليّين، وإِساءتي مغفُورة💗 -اللهُمّ اِفتح لِي اللّيلة باب كُل خَير فتحتُه لأِحدٍ من خَلقك وأولِيائك وأهل طَاعتك، ولا تسدُّه عنِّي، وارزُقني رِزقًا تُغِيثني به من فَضلك الطيّب الحَلال💗 اللهُمّ ما قَسمت في هَذِه اللّيلة المُباركة مِن خَيرٍ وعَافية وصِحُة وسَلامة وسِعة رِزق، فاجعل لِي منهُ نصيبًا، وما أنزلت فيها من سُوءٍ وبَلاء وشَر وفِتنة، فَاصرِفُه عَنِّي وعَن جَميع المُسْلِمين💗 -اللهُمّ ما كَان فِيها من ذِكر وشُكر فتَقبّلُه مِنِّي وأَحسِن قَبُوله، وما كَان من تَفرِيط وتَقصِير وتَضيِيع فَتجاوز عَنِّي بِسعة رَحْمتك يا أَرحم الرَّاحِمين💗 -اللهُمّ تَغمدني فِيها بِسَابغ كَرمك، واجعلنِي فِيها من أوليائك، واجعلها لِي خيرًا من ألف شَهر، مع عَظِيم الأجر وكَريم الذُخر💗 -اللهُمّ لا تَصرفني من هذه اللّيلة إلَّا بِذنبٍ مَغفُور، وسَعيٍ مَشكُور، وعَملٍ مُتَقبّل مَبرُور، وتِجارةٍ لن تَبُور، وشِفاءٍ لِما في الصُّدُور، وتَوبةٍ خَالصةٍ لِوجهك الكَريم💗 -اللهُمّ اِجعلني وأهلي وذُريّتي والمُسلمين جميعًا فِيها من عُتقائك من النّار، وطُلقائك من العَذاب💗 -اللهُمّ اجعلني في هذه اللّيلة مِمَّن نظرت إِليهِ فَرحمته، وسَمِعت دُعاءه فَأجبته💗 -اللهُمّ إنّي أسألُك في لَيْلة القَدر وأَسرارها وأَنوارها وبَركاتها أنْ تَتقبل ما دعوتُك بِه، وأن تَقضِي حَاجتِي يا أَرحم الرَّاحِمين💗 -اللهُمّ لا تَدع لَنا فِي هذه اللّيلة العَظيمة ذنبًا إلَّا غَفرته، ولا مَريضًا إلَّا شَفيته، ولا ميتًا إلَّا رَحمته، ولا دُعاء إلَّا اِستجبته، ولا تائبًا إلَّا قَبلته، ولا فقيرًا إلَّا أَغنيته، ولا مُؤمنًا إلَّا ثبتَّه، ولا طَالبًا إلَّا وَفقته، ولا مَظلُومًا إلا نَصرته، ولا حَاجة من حَوائِج الدُّنيا والآخِرة هِي لك فيها رِضا ولَنا فِيها صَلاح إلَّا قَضيتها ويَسّرتها بِرَحْمتك يَا أَرحم الرَّاحِمين💗 -يا قَاضِي الحَاجات، يا مُجيب الدَّعوات، اللهُمّ يا فَارِج الهَم، يا كَاشِف الغَم، يا مُجيب دَعوة المُضطرين، لَا يُخفى عَليك شَيء مِن أَمرنا، نَسألُك مَسألة المَساكِين، ونَبتهِل إِليك اِبتهال الخَاضِع المُذنِب الذَّلِيل💗 -اللهُمّ نَدعُوك دُعاء من خَضعت لك رَقبته، وذُلَّ لك جِسمه، ورُغم لك أَنفه، وفَاضت لك عَيناه، يا مَن يُجيب المُضطر إِذا دِعاه ويَكشِف السُّوء عَمّن ناداه💗 -يا رَبّنا، اِجعل خَير أَعمارنا آَخرها، وخَير أَعمالنا خَواتِيمها، وخَير أَيّامنا يَوم نَلقاك، وأَغنِنا بِفَضلك عَمّن سِواك💗 -اللهُمّ ارزُقنا شَفاعة سَيّدنا مُحمّدﷺ، وأَوردنا حَوضه، واسقِنا مِن يَده الشَّرِيفة شَربةً هَنيئةً لا نَظمأ بعدها أبدًا، اللهُمّ كما آمنّا بِه ولم نَره فَلا تُفرق بَيننا وبَينه حتّى تُدخلنا مدخله💗 اللهُمّ اجعلنا مِمّن وُفِّق لِقيام لَيْلة القَدر، ومِمّن نَال خِيرها وعَفوها وكَرمها وفَضلها💗 -ربِّي، إنِّي طَرقت بَابك فَافتح لِي أِبواب سَماواتك، وأَجِرني من عِظيم بلائك💗 -اللهُمّ يا مُسخر القَويّ لِلضّعيف، ومُسخر الجِن لِسُليمان، ومُسخر الطَّير والحَديِد لِداوود، ومُسخر النِّار لِإبراهِيم، سَخِّر لي عِبادك الصَّالِحين، وسَهِّل لِي أُموري، وارزُقني مِن حَيثُ لا أَحتسب💗 -يا وَدُود، يا ذَا العَرش المَجيد، يا مُبدئ يا مُعيد، يا فَعّال لِما يُريد💗 -أسألُك بِنُور وَجهك الَّذِي مَلأ أركان عَرشك، وبقُدرتك الَّتي قَدرت بها على جَمِيع خَلقك، وبِرحمتك الَّتي وَسعت كُل شَيء، لا إِله إلَّا أنت💗 -يا مُغِيث أَغِثْنا، يا مُغِيث أَغِثْنا، يا مُغِيث أَغِثْنا💗 -أستغفِر الله العَظِيم الَّذي لا إِله إلِّا هُو الحَي القَيُّوم وأَتُوبُ إِليه (ثلاث مرات)💗 -اللهُمّ إِنّا نَسألُكَ: زِيَادة في الدِّين، وبَركة في العُمر، وصِحة في الجَسد، وسِعة في الرِّزق، وتَوبة قَبل المَوت، وشِهادة عِند المَوت، ومَغفِرة بَعد المَوت، وعَفوًا عنِد الحِساب، وأَمانًا مِن العَذاب، ونَصيبًا مِن الجَنّة، والنَّظر إِلى وَجهك الكَرِيم💗 -اللهُمّ اِرحم مَوتانا، واِشف مَرضانا، وفَرِّج هُمُومنا، واَغفِر لنا ولِوالدينا ولِموتى المُسلمين أَجمعِين💗 -ياربّ الأربِاب، يا عَظيم الجناب، يا كَريم يا وهّاب💗 ربّ لا تَحجب دَعوتي، ولا تَرد مَسألتي، ولا تَكِلني إلى حَولِي وقُوتي، وارحم عَجزِي، فَقد ضَاق صَدرِي وتَحيّرت في أَمري، وأنتَ العَالم بِسرِّي وجَهرِي، والقَادر على تَفرِيج كَربي وتَيسير عُسري💗

-عَـــن لَيْلـــة القَـــدْر🤍'| |•هذه الليلة "٢٣" تُسمى بلَيْلة الجُهَني كما ذكر ابن عبد البر رحمه الله في الاستذكار (٣ - ٤١٠) ليلة الثالث والعشرين من شهر رمضان من ليالي الوتر في العشر الأخير، والتي يظن أنها من الليالي التي تكون فيها ليلة القدر، قال ابن عبد البر: هذه الليلة تعرف بليلة الجُهَني بالمدينة |•أخرج الإمام مُسلم في صحيحه عن عبد الله بن أنيس بن أنس الجُهَني، أن رسول الله (ﷺ) قال: «أُرِيتُ لَيْلَةَ الْقَدْرِ ثُمَّ أُنْسِيتُهَا، وَأَرَانِي صُبْحَهَا أَسْجُدُ فِي مَاءٍ وَطِينٍ». قال: فمطرنا ليلة ثلاث وعشرين، فصلى بنا رسول الله (ﷺ)، فانصرف وإن أثر الماء والطين على جبهته وأنفه. |•عن عبد الله بن أنيس قلت: يا رسول الله، إِنَّ لي بادية أكون فيها، وأنا أصلي فيها بحمد الله، فمرني بليلة أنزلها في هذا المسجد، فقال: انزل ليلة ثلاث وعشرين. فقُلت لإبنه: كيف كان أبُوك يصنع؟ قال: كان يدخل المسجد إذا صلى العصر، فلا يخرج منه لحاجة حتى يصلي الصبح، فإذا صلى الصبح وجد دابته على باب المسجد، فجلس عليها فلحق بباديته. (صحيح أبي داود ١٣٨٠)

-عَن أُم المُؤمِنين عَائِشة رَضِيّ اللهُ عَنها قَالت: قُلتُ يُا رَسُول الله أَرأيتَ إِنْ عَلمتُ أيَّ لَيلةِ القَدرِ مَا أقُولُ فِيها؟ قَالَ (ﷺ) قُولِي:"اللهُمَّ إِنّكَ عَفوٌّ تُحِبُّ العَفوَ فَاعفُ عَنِّي🤍"

-مِن بِدَاية اللَّيالِي الوترِية وأَنَا بَسأل نَفسِي لِيه النَّبِي خَصّ دُعَاء:-"اللَّهُمَّ إِنَّكَ عَفُوٌّ تُحِبُّ الْعَفْوَ فَاعْفُ عَنِّا" بِلَيلة القَدر! لِحد مَا قَابِلت إِجَابة كَافِية ووافِية لإِبن القَيم بِتقُول:-"إِن عَفا عَنك، أََتَتكَ حَوائِجُك مِن دُون مَسأَلة🤍"

•°تدعو بإيه في ليلة ٢٧💗؟ -تدعو إن ربنا يزيح من على قلبك كل قلق مُختلج بكل نفس داخل وكل نفثة خارجة بما يطلف به على عباده وبما يقدره سبحانه بمقاديره الواسعة؛ من حيث لا تحتسب. أثقلك التفكير في شيء ما ادعُ الله سبحانه أن يلهمك الصبر عليه وأن يرزقك خيري الدنيا والآخرة وألا يجعل الدنيا نصيبها الأكبر في قلبك. -اسألهُ سُبحانه أن ينزع من قلبك كُل غِل لإخوانك، لأنك رُغمًا عنك في الزمن الصعب ده ساعات بتقهر ويختلجك الغل من حد سبقك أو ربنا أنعم عليه بما ينعم به على عباده. -ادعُ بالزوج الصالح والصاحب اللّين وأن يرزقك بِرّ والديك. -لا تغفل عن الدُّعاء لك ولأحبابك بما تحبُّه لِنفسك وزيادة. •°لو اطّلعت على أفئدة من رُزِقوا إجابة دعواتهم أو من رُزِقوا بالبصيرة الصَّحِيحة ليُجَابِهوا الدُّنيا بما لطف الله عليهم؛ لِما تركت الدُّعاء أبدًا💗

٧- سُنّــة دُعَــاء قُنــوت الوِتــر💗" #سنة_مهجورة

​الفئة الأولى (المبهورين بالمظاهر): شافوا الموكب، فقلوبهم ضِعفِت وحسوا بالنقص وقالوا: (يَا لَيْتَ لَنَا مِثْلَ مَا أُوتِيَ قَارُونُ إِنَّهُ لَذُو حَظٍّ عَظِيمٍ)! ياريتنا مكانه، ياريتنا أغنياء زيه، ده محظوظ وعايش حياته! ​الفئة التانية (أهل البصيرة): دول اللي مبيتغروش لو عملتلهم إيه، قالولهم فوّقوا: (وَيْلَكُمْ ثَوَابُ اللَّهِ خَيْرٌ لِّمَنْ آمَنَ وَعَمِلَ صَالِحًا). ​- النهاية المُفجعة: الكِبر والمنظرة نهايتهم دايمًا مُرعبة، ربنا في اللحظة دي مسح قارون وكنوزه من على وش الأرض: (فَخَسَفْنَا بِهِ وَبِدَارِهِ الْأَرْضَ فَمَا كَانَ لَهُ مِن فِئَةٍ يَنصُرُونَهُ مِن دُونِ اللَّهِ) والناس اللي كانت بتحسده إمبارح وبتتمنى تعيش عيشته، صحيوا الصبح مخضوضين وبيقولوا: (لَوْلَا أَن مَّنَّ اللَّهُ عَلَيْنَا لَخَسَفَ بِنَا) الحمد لله إن ربنا مداناش زيه علشان مانتخسفش معاه! القصة دي بتفوّقنا من فخّين كُبار بيحصلوا معانا يوميًا: ١. فخ الافتخار: لمّا تنجح وتعمل فلوس ومشاريع، إياك تتغر وتقول زي قارون (ده بشطارتي وذكائي وتخطيطي)! ذكائك ده سَبَب، لو ربنا مباركش فيه ومسخّرلَكش الأسباب والأبواب، كنت هتفشل فدايماً قول (هَٰذَا مِن فَضْلِ رَبِّي) علشان النعمة تدوم. ٢. فخ الانبهار: كل يوم بنقلّب في السوشيال ميديا، بنشوف فلان راكب عربية موديل كذا، وفلانة عندها مشروع كذا، فتلاقي نفسك بتقول من جواك (يا ليت لنا مثل ما أوتي فلان) بتحس بالنقص، وتكتئب، وتكره عيشتك، وتكرهي زوجك! إوعى تتغر بـ (زينة) الناس على الشاشات! إنت بتشوف الـ "شو" والموكب من برا، بس الله أعلم فلوسه حلال ولا حرام! والله أعلم دفع إيه مقابل النعمة دي! ارضَ برزقك، واحمد ربنا على سترك وعافيتك، علشان ماتجيش في يوم تقول (لولا أن مَنّ الله علينا لخسف بنا)!

المحطة الرابعة - بدايات سُورة العَنكَبُوت:

بنسيب سورة القصص وبنختم الجزء ببدايات سورة العنكبوت. نزول السورة دي بيمثّل صدمة إيجابية علشان تفوّق المُسلمين في عِز استضعافهم، وبتصحح مفهوم خطير جداً عندنا عن الإيمان! ​السورة بتبدأ بسؤال استنكاري: (أَحَسِبَ النَّاسُ أَن يُتْرَكُوا أَن يَقُولُوا آمَنَّا وَهُمْ لَا يُفْتَنُونَ * وَلَقَدْ فَتَنَّا الَّذِينَ مِن قَبْلِهِمْ ۖ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ) ناس كتير فاكرة إن الإيمان مجرد صلاة وصيام وكلمتين حلوين بنقولهم وإحنا مأنتخين، وإن طالما أنا مؤمن يبقى حياتي هتبقى وردي وزي القشطة! الآية دي بتصدمك وتقولك: لا، الإيمان الحقيقي مش أنتخة، الإيمان لازم يدخل فرن الاختبار، ولازم تعدّي على جهاز كشف الفتنة، علشان يبان الصادق من الكدَّاب. ​إيمانك بيتم اختباره لمّا يتوافقلك على شغلانة بمرتب خيالي بس فيها نسبة حرام أو رشوة، وتقول لأ علشان خايف من ربنا! ​إيمانك بيتم اختباره لمّا تكوني بنت شابة وسط صحبة كلها تبرج وانفتاح، وتتعرضي للتنمر، وتثبتي على حجابك وحيائك! ​إيمانك بيتم اختباره في (مرض مفاجئ، أو أزمة مالية طاحنة، أو تأخر في الزواج والخِلفة). هل هترضى وتصبر، ولا هتسخط وتيأس وتقول ليه يارب بتعمل فيا كدا؟! السورة بتتكلم عن الناس اللي سقطت في الاختبار، وباعوا دينهم ومبادئهم علشان يرضوا مدير، أو يمسكوا منصب، أو يجمَّعوا فلوس الناس دي اتسندت على أسباب دنيوية ضعيفة وافتكروها هتحميهم، فربنا ضربلهم أعظم وأخطر مثل في القرآن: (مَثَلُ الَّذِينَ اتَّخَذُوا مِن دُونِ اللَّهِ أَوْلِيَاءَ كَمَثَلِ الْعَنكَبُوتِ اتَّخَذَتْ بَيْتًا ۖ وَإِنَّ أَوْهَنَ الْبُيُوتِ لَبَيْتُ الْعَنكَبُوتِ ۖ لَوْ كَانُوا يَعْلَمُونَ). ​ليه ربنا اختار "العنكبوت" بالذات؟ العنكبوت بيبذل مجهود خُرافي علشان يبني بيته من خيوط مُتشابكة، وبيبقى فاكر إنه بنى أفخم قَلعة حَصينة هتحميه! بس الحقيقة إن أوهن البيوت وأضعفها هو بيت العنكبوت. مبيحميش من حرارة شمس، ولا من مطر، وأقل نفخة هوا أو مسحة بإيدك بتهده وتجيبه الأرض! ومِش بس ضعف مادي، ده ضعف أسري واجتماعي. عُلماء الحشرات أثبتوا إن أنثى العنكبوت -الوِليّة القادرة- بتاكل الذكر بعد التزاوج، وبتاكل ولادها في أوقات الجُوع! بيت كله غدر وتفكك من جوّا! الآية دي متفصلة على أي إنسان ساب ربنا واتسند على واسطة، أو فلوس، أو منصب، أو علاقة مصلحة، علشان يحمي نفسه! إنت عامل زي العنكبوت. فاكر إن شبكة علاقاتك وفلوسك دي قلعة حصينة محدّش هيقدر يوقعك طول ما هي معاك، بس هي في الحقيقة هي أوهن من خيط العنكبوت! أقل أزمة صحية، أو استمارة ٦، أو أزمة اقتصادية هتهد القلعة دي فوق دماغك، وهتلاقي اللي كنت مسنود عليهم هما أول ناس غدروا بيك وباعوك زي عيلة العنكبوت بالظبط! السند الحقيقي اللي عُمره ما يتهد ولا يميل، هو اعتمادك على رب العالمين عز وجل.