قناة عالية بنت عبدالله🔻

اللهم نشكو إليك ضعف قوتنا وقلة حيلتنا وهواننا على الناس، نشكو إليك تفرقنا وعجزنا. نبرأ إليك من إعراض القادرين وتخاذلهم، وتثبيط المنافقين وخَبالهم. اللهم ارزقنا يقظة من غفلتنا، وهمّة وعزيمة على أرشد أمرنا. الطف بإخواننا وأغثهم، وأنزل عليهم رحماتك وبركاتك وأفرغ عليهم صبرا وسكينة

http://registration.bardyaqeen.com رابط التسجيل

وسألتهُ.. يا شيخُ ما حكم الذي يبكي إذا يشتاق للأحبابِ ؟! فبكى.. وقال الحكم أنّي صِـنوُهُ ! فأعان ربّي غربة الأغرابِ ! الحال واحدةٌ وقومك كلّهم يدعُون باللّقيا بغير حسابِ ! فـلعلّ رَبّ النّاس يُحدِثُ أمرهُ .. ويلمّ شمل النّبض بعد غيابِ 🍃

..

لمن لا يعرف الآكاديمية هذا التعليق يكفي للتوضيح وكمية الفائدة للطالب في الآكاديمية

السلام عليكم :)) في حدث فخم جدا محتاجة أتكلم عنه شوية وهحاول أختصر بإذن الله 😁 الحدث الجميل هو إن حفل تخريج الدفعة التانية من «أكاديمية الجيل الصاعد» هيبقى بكرا بإذن الله، والحدث الحقيقي اللي جاية أكتب عنه بقى إنه تزامنًا مع الحفل: هيتفتح التسجيل في الدفعة الثالثة! يوم الأحد 24 ذو الحجة (بكرا) إن شاء الله.. ودي فرصة عظيمة جدا :") باختصار كده إيه هي أكاديمية الجيل الصاعد اللي بتكلم عنها دايما دي؟ هي أكاديمية إلكترونية (أونلاين) مجانية تمامًا، المشرف العام عليها هو شيخنا أحمد يوسف السيد (ڤيديو سيرته الذاتية أول تعليق).. المهم هدف الأكاديمية دي بقى هو بناء الجيل الصاعد إيمانيًّا وتربويًّا وشرعيًّا وكده، وبتخليه يترفع عن أغلب التفاهات المنتشرة ويبقى عنده غايات حقيقية عايش عشانها.. الجيل الصاعد ده يعني جيلنا اللي هو من 10 لـ 20 سنة، ذكورًا وإناثًا.. طيب إيه المواد اللي بناخدها يعني؟ بيبقى في تنوع في المواد، شوية سلاسل وفيديوهات على شوية كتب على شوية لقاءات مباشرة مع الشيخ أحمد نفسه أو مع مُعلمين نحسبهم على خير وعلم.. على شوية أنشطة ومجالس لذيذة ^__^ ماشي، برضو ليه نسجل في الأكاديمية لما ممكن نقرأ أي كتب أو نسمع دروس دينية مع نفسنا؟ هقول رأيي عن تجربة أربع سنين مع الأكاديمية دي، فهو مش من فراغ ولا من كلام الناس يعني.. الأكاديمية مميزة جدا في أكثر من حاجة، أهمهم حاجتين: 1. المنهجية الواضحة والمقررات اليومية وترتيب المواد بشكل مناسب لإنسان لسة بيقول بسم الله نبدأ نقرأ أو نسمع علوم شرعية، يعني الأكاديمية بتواكب تغيرات جيلنا وبتعالج فعلا مشكلات بنواجهها، وخطة المواد دي مدروسة كويس فعلا وترتيبها مقصود.. 2. الصحبة الجميلة والبيئة الآمنة والمُربين والمربيات اللي بنتعلم منهم كتير والنقاشات الثرية جدا في التفاعليات.. ولو قعدت من هنا للسنة الجاية بتكلم عن جمال الصحبة وفضلهم عليا مش هقدر أوفّي بصراحة والمجال لا يتّسع لِذكر كل الجمال اللي بلاقيه في الأكاديمية.. حقيقي يعني انا طلعت بصُحبة طيبة ومؤنسة للغاية 😅 وعموما، الأكاديمية بفضل الله غيرتني -أنا ومئات الطلاب والطالبات- جذريًّا بدون مبالغة، على مستوى الأفكار والأهداف والآمال، وحتى المهام اليومية.. الأكاديمية بتطلّعك إنسان متربّي على القرآن والسنة، وبتنطلق منهم لكل حاجة ف حياتك.. الأكاديمية بتنقلك من إنسان تافه مشتت لإنسان عارف كويس غاية وجوده في الدنيا دي، وبيشتغل في حياته على أساسها.. والكثير من الجمال يعني، اسمعوا مني وادخلوا مش هتندموا بإذن الله :" أخيرا، أنا كإنسان عاوز يسجل فيها المفروض يبقى عندي إيه؟ = نية صادقة إنك تتعلم دينك، وأي جهاز تفتح منه حساب ع التيلجرام، وممكن تحتاج يوتيوب وزووم.. اقتنعنا إن شاء الله.. 😁 نسجل إزاي بقى؟ رابط التسجيل وبقية التفاصيل هتنزل يوم الأحد (بكرا) إن شاء الله، على حساب الأكاديمية في مواقع التواصل، وأسهل حاجة توصل لها حسابهم ع التيلجرام: https://t.me/JeelAcademySA بالنسبة لمسارات الأكاديمية (هتسمع الكلمة دي كتير😃) هما (جذور- غراس- بذور- إشراق)، هي الأكاديمية متقسمة لأربع مسارات، كل مسار له خطة معينة وبيستهدف سن معين من الجيل الصاعد، فالتعريف بكل مسار هينزل بكرا إن شاء الله وقت الإعلان، ووقتها كل واحد يقدر يحدد المسار اللي هو محتاجه، لكن باختصار في مسارات عامة ومسارات خاصة، الخاصة ميزتها المتابعة القريبة واللقاءات التربوية الأسبوعية مع مربين ومربيات.. والعامة أخف في المتابعة وما إلى ذلك، واختلافات أخرى.. المهم يعني دي تفاصيل هتوضح بكرا بإذن الله لكن أهم حاجة ننوي التسجيل ونشد معانا صحابنا ونقعد نستنى الرابط ف القناة ⌛ وبس كده.. معاكم بإذن الله للإجابة عن استفسارات أو الرد على أي تردد أو مخاوف :)) - تقى أبو جميل♥️

السلام عليكم أحد عنده بوت مكين أو أستاذ قصي العسيلي فيدونا 🌼