𝓟𝓱𝔂𝓼𝓲𝓬𝓼 𝟙𝟚 𝓪𝓭𝓿𝓪𝓷𝓬𝓮𝓭 ²⁰²⁷🇦🇪

حفظ الشحنة vs حفظ الكتلة عشان جالي السوال دا كذا مرة يشباب مبدا حفظ الكتلة هو مبدا فيه قصور شويه مينفعش افصل الطاقه عن الكتلة خصوصا الطاقات العالية جدا ف مبدا حفظ الكتلة ف أحداثنا اليوميه ممكن يشتغل تمام بدون اي قصور عشان عالمنا المادي مفهوش طاقه عاليه لكن ع المستوى الذري و عند السرعات القريبه من سرعة الضوء بيفشل عشان بيبقا مرتبط ب طاقه الجسم يعني ع سبيل المثال انت لو كتلتك الحاليه رقم ما لو قدرت توصل ل سرعه الضوء كتلتك هتتغير تماما ف انت هنا فشلت ف حفظ الكتلة لكن عدد ذرات جسمك و إلكتروناتها و بروتوناتها ثابت دايما عند اي سرعه ف هي مستقلة تماما مثال على الموضوع دا زي الصور فوق الي عامل عليها تظليل بالوردي ان الفوتون جسم عديم الكتلة جسيم الضوء ممكن يحدث تفاعل و يتحول ل إلكترون و بوزيترون دول اجسام عندها كتل ف من جسم عديم الكتله ل اجسام ذات كتل لكن الفوتون كان عنده طاقه و زخم بجانب كتلته ف دا مينفعش تفصلهم و لكن لما تيجي تبص للشحنة الفوتون معلهوش شحنة كمان شحنته صفر مثلا انتج لي ايه؟ انتج لي زوج من الشحنات الكترون -q و بوزيترون +q يبقا المحصله صفر برضو ف حفظ الشحنة طلع شغال عند الطاقات و السرعات العاليه

صباح الخير شباب معلش أنا ممكن اتاخر بس يوم او يومين في رفع حصة كولوم عشان عندي ظروف بعتذر هحاول ارفع في اسرع وقت ♥️

الناس الي لسه مخلصتش نص الفيديوهات حاول تلم اسرع شويه قبل ما تختم الوحدة الفيديوهات مشروح فيها كل التفاصيل و بين السطور بعمق شديد مش هتلاقيه في اي مكان عشان يساعدك في الامتحان و اكتر من الامتحان ك تفكير و فهم♥️ اللهم ارزقنا الفهم

ً ⭕️شرح فيزياء بريدج⭕️ حل اسالة إضافيه على طرق الشحن الفيديو هيخليك تحل اي سوال قدامك ب3 خطوات فقط

الخطوات: 1- تمثيل الشحنات على الأجسام بعدد زوجي 2- اختبار الاتزان الكهربائي 3- اذا فشل اختبار الاتزان نبدأ بتحريك الشحنات اما بطريقة الشحن بالتوصيل او الحث

دول 20 سوال الي هيكونو محلولين في الفيديو باذن الله لتثبيت و تقوية الافكار ان شاء الله ارفعه بكرا الصبح ♥️

بما انه اكتر حاجة كانت نجمع اساله زياده ف ان شاء الله فيديو النهردة هيكون عن طرق الشحن و الاسبوع الجاي كولوم ( متقلقوش كولوم ممكن نخلصها كلها الاسبوع الجاي باسالتها مش هاخد وقت طويل فشرحها طالما شي رياضي مفيش معلومات كتير لا تقلقو هتخلص بسرعه ) هرفع الفيديو بليل او بكرا الصبح تذاكروه في الويكند

بعض من اسالة المراجع التركية 🇹🇷 حل و ابعتلي @ur_fav_eng24 او ابعت في قروب المناقشات لو عايز تتاكد من حلك