✞︎ቤተ ቅዱስ ሚካኤል ✞︎የትምህርት ክፍል ✞︎⛪️

                        †                            🕊   💖  ዼጥሮስ ወዻውሎስ  💖   🕊                          🕊                          [  እንኩዋን ለብርሃናተ ዓለም ቅዱሳን ዼጥሮስ ወዻውሎስ ዓመታዊ የዕረፍት በዓል በሰላም አደረሳችሁ   ] ❝ ስማቸው ጴጥሮስና እንድርያስ ፣ ያዕቆብና ዮሐንስ ፣ ፊልጶስና በርተሎሜዎስ ፣ ቶማስና ማቴዎስ ፣ ታዴዎስና ናትናኤል ፣ የእልፍዮስ ልጅ ያዕቆብና ማትያን በመባል ለሚጠሩ ለ ፲፪ ቱ የመድኅን ሐዋርያት ሰላምታ ይገባል። ❞ ▬▬▬▬▬▬   †    ▬▬▬▬▬▬ ❝ አቤቱ በስምኽ የሰበኩ ፤ በታላቅ መከራ በረኀብና በጥም ፤ በብርድና በመራቆት ፤ በመውዛትና በመድከም ፤ ከነገሥታትና ከመኳንንት ዘንድ ተፈርዶባቸው መከራን በመቀበል በምድር ኹሉ ውስጥ የቃልኽን መዝገብ ስለዘሩ ስለነዚኽ ደቀ መዛሙርትኽ ብለኽ በምሕረትኽ ዐስበኝ ፤ በእሳት በመከራ የተቀበለ አለ ፤ በጦርም የተወጋ አለ ፤ በሰይፍም የተቆረጠ አለ ፤ በመንኰራኲርም የተፈጨ አለ ፤ በደንጊያም የተወገረ ፤ በበትርም የተቀጠቀጠ አለ ፤ ስለነርሱ ብለኽ ማረኝ አስበኝም ፤ ስለሥቃያቸው ስለመቸገራቸውና ስለደማቸው ብለኽ የእኔን የአገልጋይኽን የዕዳ መጽሐፌን ቅደድ ፤ አሜን። ❞ [   ተአምኆ ቅዱሳን   ] ሕዝብ ቅዱሳን ሐዋርያት ክቡራን አዕማደ ቤተክርስቲያን ፣ ሰመየ ስሞሙ ደቂቀ ብርሃን ጴጥሮስ ወጳውሎስ። †     🕊   እንኳን  አደረሰን    🕊    † 🕊                        💖                       🕊                                    

                         †                           [      🕊  ፍኖተ ቅዱሳን   🕊      ] [ የቅዱሳን አባቶቻችን የቅድስናና የተጋድሎ ሕይወት ] ▬▬▬▬▬▬   †    ▬▬▬▬▬▬ [  ተርእዮን [ መታየትን ] አለመውደድና ለታይታ ብሎ ምንም ነገር አለማድረግ !  ] 🕊 " በጆሮህ ትመገብ ስለ ነበር ነው .... ! " ........ በአንድ መንደር ውስጥ አብዝቶ ከመጾሙ የተነሣ "ጾመኛው" እየተባለ እስከ መጠራት የደረሰ አንድ ሰው ነበር፡፡ አባ ዜኖ ስለ እርሱ ሰማና ወደ እርሱ እንዲመጣ ላከበት፡፡ "ጾመኛውም" በደስታ መጣና ከጸለዩ በኋላ ተቀመጡ፡፡ አረጋዊው አባትም በፀጥታ ሆኖ ሥራውን መሥራት ጀመረ፡፡ አረጋዊው የማያዋራውና ምንም የማይለው በመሆኑ "ጾመኛውን" ይሰለቸው ጀመር፡፡ ስለዚህም ለአረጋዊው ፦ "አባ ፣ ልሄድ ነውና ጸልይልኝ" አለው:: አረጋዊውም "ለምን?" ሲለው "ምክንያቱም ልቤ ልክ በእሳት ላይ እንደ ተጣለ ያህል ሆኖ ይሰማኛል ፣ ነገሩ ምን እንደ ሆነ አልገባኝም። በምኖርበት መንደር ሳለሁ በእውነቱ እስከ ምሽት ድረስ ስጾም ምንም ዓይነት እንዲህ ያለ ነገር ተሰምቶኝ አያውቅም ነበር" አለው:: አባ ዜኖም ፦ "በመንደር ሳለህ በጆሮህ ትመገብ ስለ ነበር ነው:: ነገር ግን አሁን ሂድና ከዚህ በኋላ በዘጠኝ ሰዓት ተመገብ ፣ የምታደርገውን ማንኛውንም ነገር በስውር አድርግ" አለው:: በዚህ ምክር መሠረት ማድረግ ሲጀምር "ጾመኛው" እስከ ዘጠኝ ሰዓት መቆየት ከባድ ሆነበት። በፊት እስከ ምሽት ድረስ ሲጾም ያውቁት የነበሩ ሰዎችም በዘጠኝ ሰዓት ሲመገብ ሲያዩት ፦ "አይ ፣ ዛሬስ ጾመኛውን ሰይጣን ይዞታል!" ይሉ ጀመር፡፡ እርሱም ወደ አረጋዊው አባት ሄደና ይህን ነገረው ፣ አባ ዜኖም ፦ "ይህ መንገድ እንደ እግዚአብሔር ፈቃድ የሆነ ነውና በዚሁ ቀጥል" አለው:: " የአባቶቻችን ጸሎትና በረከት ይደርብን፡፡ †                       †                         † 💖                    🕊                     💖

                          †                           [    🕊    ገ ድ ለ   ቅ ዱ ሳ ን   🕊     ] ▬▬▬▬▬▬   †    ▬▬▬▬▬▬ [  የአባታችን የቅዱስ መቃርዮስ የተጋድሎ ሕይወቱና ትምህርቱ  ] [        ክፍል  አሥራ ሦስት         ] 💛 በስመ አብ ወወልድ ወመንፈስ ቅዱስ አሐዱ አምላክ አሜን፡፡ [ ወደ ቅዱስ እንጦንስ ዘንድ መሄዱ ! ]                          🕊                          ❝ ቅዱስ መቃርዮስም ተነሥቶ ከጸለየ በኋላ ወደ ቅዱስ እንጦንዮስ ጉዞ ጀመረ፡፡ ከቅዱሱ አረጋዊ ከእንጦንስ ጋር በተገናኘ ጊዜ በታላቅ ፍስሐ ተቀበለው፡፡ ቅዱስ መቃርዮስም ልጅ በአባቱ ፊት እንደሚሆን ሀሳቡን ሁሉ ገለጠለት ፤ ምንም ነገር አልደበቀውም፡፡ ቅዱስ እንጦንዮስም የቅዱስ መቃርዮስን ራሱን ሳመው ፤ እንዲህ አለው ፦ "ልጄ መቃርዮስ ሆይ እንደ ስምህ ትርጓሜ ብፁዕ ትባል ዘንድ አለህ ፣ እግዚአብሔር አምላኬ የአንተን ግብር ከብዙ ዘመን አስቀድሞ ገልጦልኛልና ፤ ወደ እኔ እንደምትመጣም ነግሮኝ ነበር፡፡ ስለዚህም ወደ እኔ መምጣትህን ስጠብቅ ኖርሁ ፤ ስለ ደህንነትህም የማስብ ሆንሁ" አለው፡፡ ቅዱሱ አረጋዊ እንጦንስ በብዙ ነገር እየተናገረ  ለምንኩስና ግብር እንደሚገባ መከረው አጽናናው ፤ የሰይጣናትን ጾርም እንዴት እንደ ሆነ ገልጦ አስረዳው ፤ እነርሱ በክፉ ህሊና በስውርና በገሃድ እስከ ሞት ድረስ አጽንተው እንደሚዋጉት ነገረው፡፡ "ቢታገሉህም እስከ ሞት ድረስ ፈጽሞ የምትታገሥ ሁን" አለው፡፡ ቅዱስ መቃርዮስም ከእርሱ ጋር ይኖር ዘንድ ለመነው፡፡ እርሱ ግን አልፈቀደለትም ፤ እንዲህ አለው ፦ "ከእኛ እያንዳንዱ እግዚአብሔር በወሰነለት ቦታ በትዕግሥትና በአርምሞ ይኑር" አለው፡፡ ቅዱስ መቃርዮስ በቅዱስ እንጦንስ በነበረበት ጊዜ የምንኩስናን የአኗኗር ሥርዓት ተማረ፡፡ ከዚያም በኋላ ወደ በአቱ ተመለሰ፡፡ ለአባ ሰራጵዮን እንዲህ አለው ፦ "በቅዱስ እንጦንስ ዘንድ በነበርኩበት ጊዜ ሁሉ ሌሊት ፈጽሞ ተኝቶ አይቼው አላውቅም፡፡ ትዕግሥቱና ገድሉ ሁሉ የሚደነቅ ነበር፡፡" እግዚአብሔር የአንዱን ገድል ለሌላው ገልጦ ያሳየው ነበርና፡፡ ❞ የአባታችን የቅዱስ መቃርዮስ ምልጃና ጸሎቱ አይለየን፡፡ ይቆየን ! †                       †                         † 💖                    🕊                     💖

✝ደቂቀ ነቢያት ቅዱሳን አሠርቱ ወክልኤቱ፤ እለ አውኃዙ ትንቢተ ለክርስቶስ በአፍቅሮቱ፤ ሶፎንያስ ዘገብረ ለእግዚአብሔር ዘከመ ሥምረቱ፤ አቡቂር ወዮሐንስ ጽዑራነ ዘሞቱ! ✝እንኳን አደረሰን ! https://t.me/zikirekdusn