ABBA - Асацыяцыя беларускага бізнесу за мяжой

⚡️Не прапусціце маштабную сустрэчу беларусаў у Канадзе: 35 З'езд Беларусаў Паўночнай Амерыкі 31 жніўня-2 верасня. Гэта адна з найбуйнейшых і прадстаўнічых беларускіх падзей ў замежжы, арганізаваная дыяспарай і для дыяспары. Традыцыя Сустрэч бесперапынна існуе ад 1952 г. У гэтым годзе АВВА далучаецца да арганізацыі і ўпершыню на з'ездзе адбудзецца бізнес-панэль! Далучайцеся да ўдзелу! У праграме: ▫️Панэль "Хай-тэк і сучасныя тэхналогіі" (ладзіцца дзякуючы галоўнаму спонсару Сустрэчы, беларускаму бізнесоўцу, уладальніку GVA Lighting, мецэнату, сябру АВВА, Уладзіміру Грыгорыку). ▫️Панэльныя дыскусіі аб супрацы дыяспары, незалежных медыяў і бізнес-супольнасці "Узаемадзеянне беларускага бізнесу, медыяў і дыяспаральных арганізацый". ▫️Прыемныя сюрпрызы ад вядомых бізнесоўцаў і блогераў. ▫️Выступы вядомых беларускіх навукоўцаў і даследчыкаў. ▫️Вялікі канцэрт канадыйскіх і амерыканскіх музыкаў. ▫️Прэзентацыі аб выбітных беларусах з дыяспараў ЗША і Канады. ▫️Экскурсіі, нэтворкінг і інш. 🔣 Праграма з'езду. 👉 Рэгіструйцеся па спасылцы. ⭐️ Сябрам і партнёрам АВВА мы аказваем візавую падтрымку. Калі вы зацікаўленыя ў паездцы, калі ласка, звяртайцеся на мэйл [email protected]. Арганізатары і партнёры: Згуртаванне Беларусаў Канады, Беларуска Амерыканскае Заадзіночанне, Асацыяцыя Беларусаў у Амэрыцы, ABBA, GVA Lighting, Парафія Св.Кірылы Тураўскага.

⚡️Запрашаем на бізнес-вячэру і нэтворкінг-івэнт у Таліне 11 ліпеня. У добрай сяброўскай атмасферы паразмаўляем пра бясплатную прафесійную адукацыю ў Еўразвязе і ЗША, фінансавую падтрымку ў Эстоніі і ЕЗ, развіццё бізнесу на рынку ЗША. Далучайцеся! У праграме: ▫️Бізнес-вячэра (АВВА не пакрывае кошт вячэры). ▫️Нефармальнае абмеркаванне з праўленнем АВВА тэмаў, звязаных з развіццём бізнесу ў ЕЗ і ЗША. ▫️Эксклюзіўная інфармацыя пра адукацыю і фінансаванне. ▫️Нэтворкінг з прадстаўнікамі беларускага бізнес-кам'юніці.  Для каго: для беларускіх прадпрымальнікаў з Эстоніі і іншых краінаў Еўразвязу, якія маюць уласны бізнес ці збіраюцца яго адчыняць. Госці сустрэчы: прадстаўнікі праўлення АВВА, у тым ліку Прэзідэнт Асацыяцыі Яўген Буры і Віцэ-прэзідэнт, прадстаўнік АВВА ў ЗША, Алесь Аляхновіч. ⏰11 ліпеня, 18:00-21:00. Спасылку на месца сустрэчы вы атрымаеце пасля рэгістрацыі. 👉 Рэгіструйцеся зараз. Прыходзьце і запрашайце сваіх калегаў!

🔴 Запісвайцеся на бясплатныя онлайн-кансультацыі па падрыхтоўцы бізнес-планаў. Гэтая паслуга распрацаваная адмыслова для сяброў АВВА. Кансультацыі правядуць дасведчаныя эксперты міжнароднага ўзроўню. Што ўключае кансультацыя: ▫️Зваротнаю сувязь ад эксперта па кожнаму з элементаў бізнес-плана. ▫️Парады па паляпшэнні структуры бізнес-плана. ▫️Дапамогу ў паляпшэнні фінансавых паказчыкаў і разлікаў для банкаў ці іншых фінансавых структураў. ⚡️Звярніце ўвагу: кансультацыі НЕ прадугледжваюць падрыхтоўку, змену ці дапаўненне экспертам бізнес-плана, падрыхтоўку пісьмовых высноваў, прадстаўленне інтарэсаў у банках, удзел у перамовах па крэдытах. 👉 Запоўніце заяўку на кансультацыю і мы звяжамся з вамі для ўзгаднення дэталяў. Рэалізуецца пры фінансавай падтрымцы Еўразвязу #EUforBelarus #ЕСдляБеларусі

🔴 Як беларускім бізнесоўцам за мяжой пашыраць свае магчымасці і быць канкурэнтназдольнымі? Гэтае і іншыя пытанні абмеркавалі на сустрэчы сяброў АВВА ў Варшаве. У нэтворкінгу прынялі ўдзел сябры Асацыяцыі з Вроцлава і Варшавы, віцэ-прэзідэнтка АВВА Марына Гірын і амбасадар АВВА ў штаце Мінесота Віктар Шаўчук. Мы абмеркавалі новыя праекты АВВА, над якімі ўжо ідзе праца: ▫️Адукацыйныя праекты для сяброў АВВА. ▫️Праект АВВА Invest Club для пашырэння магчымасцяў фінансавання для беларускіх бізнесоўцаў за мяжой. Раман Цімафееў, амбасадар АВВА ва Уроцлаве, падзяліўся сваім досведам удзелу ў адукацыйных грантавых праграмах Most+ і INSEAD. Трапіць на навучанне ў прэстыжныя ўніверсітэты дапамагла Асацыяцыя беларускага бізнесу за мяжой. ⭐️Такія нэтворкінг-сустрэчы мы праводзім кожны месяц. Гэта выдатная магчымасць адпачыць у добрай сяброўскай атмасферы, абмеркаваць важныя для вас бізнес-пытанні, выказаць свае запыты і патрэбы. Сачыце за абвесткамі ў нашых сацсетках і далучайцеся да сустрэчаў! ✔️Далучайцеся да АВВА! З намі — выбітныя бізнесоўцы з беларускімі каранямі. Разам будуем моцную бізнес-дыяспару беларусаў свету! Фота: Alexey Pilipenko

🔥 У Канаду на сустрэчу беларускай дыяспары: далучайцеся да супольнасці беларускіх бізнесоўцаў! 31 жніўня-1 верасня пройдзе 35-ты з'езд беларусаў Паўночнай Амерыкі. Упершыню на сустрэчы адбудзецца бізнес-панэль, якую арганізоўвае АВВА. Запрашаем бізнесоўцаў з Канады, ЗША, Еўропы далучыцца да гэтай маштабнай падзеі! Падрабязней пра сустрэчы беларусаў Паўночнай Амерыкі глядзіце на сайце Згуртавання Беларусаў Канады. ⭐️Сябрам і партнёрам АВВА мы аказваем візавую падтрымку. Калі вы зацікаўленыя ў паездцы, калі ласка, звяртайцеся на мэйл [email protected] да 15 чэрвеня. Далучайцеся да АВВА! Па пытаннях сяброўства ў Асацыяцыі звяртайцеся: +48797002890|@ABBA_telegram|[email protected]

🔴 Запісвайцеся на індывідуальныя кансультацыі па развіцці бізнесу ў Літве. ▪️Ваш бізнес у Літве сутыкнуўся з нечаканымі перашкодамі для развіцця? ▪️Шукаеце партнёраў/пастаўшчыкоў у Літве? ▪️Хочаце абмеркаваць з літоўскай бізнес-асацыяцыяй стратэгію развіцця бізнесу ў Літве? Прадстаўляем унікальную магчымасць абмеркаваць стратэгію і перашкоды для вашага бізнесу ў Літве разам з партнёрам АВВА — Літоўскай канфедэрацыяй працадаўцаў (Lietuvos Darbdavių Konfederacija, LDK). Вашымі кансультатамі будуць спецыялісты LDK пад кіраўніцтвам Віцэ-прэзыдэнткі Аўрэліі Мальдутыце (Aurelija Maldutytė), якая мае вялікі досвед адвакатавання інтарэсаў бізнесу ў Літве, вялікую сетку кантактаў і досвед міжнароднага бізнесу.   Алгарытм правядзення кансультацыі: 1️⃣ Атрыманне і разгляд заяўкі. 2️⃣ Зваротная сувязь ад LDK/АВВА з прапановай часу сустрэчы на першую кансультацыю. Усе кансультацыі запланаваныя офлайн, фармат онлайн магчымы толькі ў выпадку другой і наступных сустрэчаў з кансультантам. 3️⃣ Першая кансультацыя і вызначэнне плану наступных сустрэчаў, калі ёсць патрэба далейшай супрацы. Час і працяглаць кансультацыі залежыць ад складанасці пытання і аб'ёму неабходнай дапамогі. 4️⃣ Атрыманне зваротнай сувязі (водгуку) адносна кансультацыі. ✔️Увага! Кансультацыі маюць выключна рэкамендацыйны характар і НЕ ўключаюць: ▫️Падрыхтоўку пісьмовых заключэнняў кансультантам. ▫️Адвакатаванне кансультантам інтарэсаў кансультаванага бізнесу. ▫️Суправаджэнне або прадстаўленне інтарэсаў у дзяржаўных установах Літвы, судах, банках і фінансавых арганізацыях. ▫️Падрыхтоўку кансультантам стратэгіі або бізнес-плана. ▫️Змяненне або дапаўненне кансультантам праектаў стратэгіі або бізнес-плана. ▫️Удзел кансультанта ў перамовах з бізнес-партнёрамі з Літвы. ▫️Любыя дзеянні, што супярэчаць заканадаўству Літвы і Еўразвязу. 👉 Запоўніць заяўку на кансультацыю. ✔️Нагадваем, што таксама мы праводзім бясплатныя онлайн-кансультацыі па юрыдычных пытаннях, падаткаабкладанні пры адкрыцці і/ці развіцці бізнесу, кадравых і фінансавых пытаннях. Падрабязнасці і запіс па спасылцы. Рэалізуецца пры фінансавай падтрымцы Еўразвязу #EUforBelarus #ЕСдляБеларусі

⭐️ Магчымасці для бізнесоўцаў і творчых беларусаў: конкурсы ад АВВА з грашовай прэміяй для пераможцаў. Гарачы дэдлайн: Да 10 чэрвеня прымаем заяўкі на конкурс беларускіх бізнесаў III Free Belarus Business Award. ▪️Агульны прызавы фонд конкурсу складае €15 000. ▪️Бізнесоўцы могуць прэтэндаваць на перамогу ў наступных намінацыях: "Бізнес-лэдзі", "Арт-бізнес", "Эка-бізнес". ▪️Удзел бясплатны, фармат — онлайн. ▪️Усе падрабязнасці ў канале @freebelarusbusinessaward. ✔️Конкурс на найлепшы мерч для АВВА. ▪️Запрашаем дызайнераў да cтварэння стылёвага дызайну цішоткі для мерчэндайзінгу ABBA, які будзе падкрэсліваць унікальнасць Асацыяцыі. Удзел могуць узяць як асобныя аўтары, так і калектывы. Пераможца атрымае грашовую ўзнагароду ў памеры €500. Рэгламент конкурсу. Дасылайце вашыя прапановы да 1 жніўня. ✔️Конкурс на найлепшы гімн для АВВА. Запрашаем творцаў да стварэння ўнікальнага гімна, які будзе адлюстроўваць прынцыпы і каштоўнасці АВВА. Удзел могуць узяць як асобныя аўтары, так і калектывы (гурты). Пераможца атрымае грашовую ўзнагароду ў памеры €500. Рэгламент конкурсу. Дасылайце вашыя прапановы да 1 жніўня. Падзяліцеся гэтай навіной! Маеце пытанні? Калі ласка, звяртайцеся да нас на мэйл [email protected]

🔴 Круглы стол з уладамі Уроцлава: новыя магчымасці для сяброў АВВА і падтрымка Асацыяцыі на высокім узроўні. 6 чэрвеня мы правялі круглы стол з прадстаўнікамі ўладаў Уроцлава, а таксама Нацыянальнай і Ніжнесілезскай гандлёва-прамысловых палатаў. З вітальным словам да ўдзельнікаў сустрэчы звярнуўся прэзідэнт гораду. Вынікі канферэнцыі: ▪️Мы атрымалі шмат карыснай інфармацыі, у тым ліку па праграмах фінансавання бізнесу, якой у хуткім часе падзелімся з сябрамі АВВА. Абмяркоўваліся шляхі прыярытэтнага прадстаўлення сябрам АВВА інфармацыі пра магчымасці для атрымання фінансавання, а таксама пра ўдзел у праграмах для замежнікаў. ▪️Улады Уроцлава запэўнілі ў максімальнай падтрымцы сяброў Асацыяцыі. Яны адзначылі, што абраныя арыентыры, смеласць і адданасць дэмакратычным каштоўнасцям заслугоўваюць павагі, а бізнес-этыка зараз карыстаецца вялікім попытам у грамадстве. ▪️Прызначаны амбасадар АВВА ва Уроцлаве — Раман Цімафееў, уладальнік кампаніі Lasera Plus. Звяртайцеся да яго з пытаннямі і прапановамі: [email protected]. ▪️У мерапрыемстве прынялі ўдзел каля 60 чалавек, мы атрымалі новыя заяўкі на ўступленне ў Асацыяцыю. 🙌 Дзякуем усім за актыўны ўдзел, давер і адданасць каштоўнасцям сумленнага бізнесу! Далучайцеся да нашых падзеяў, далучайцеся да АВВА!

⭐️Тры галоўныя парады для прадпрымальнікаў-пачаткоўцаў. Прадстаўляем новы фармат на ют'юб-канале Асацыяцыі беларускага бізнесу за мяжой: размовы з паспяховымі беларускімі бізнесоўцамі. Лайфхакі, гісторыі поспеху і пераадольвання цяжкасцяў, матывацыя і годныя парады. Шчыра пра бізнес — гэта ў нас! Больш глядзіце на YouTube. ✔️Падпісвайцеся, каб не прапусціць новыя відэа. На відэа: Раман Цімафееў — уладальнік кампаніі ва Уроцлаве ў галіне медычнага і касметалагічнага абсталявання Lasera Plus, сябра АВВА.

⚡️Запрашаем бізнесоўцаў сектару HORECA на Круглы стол у Вільні. Абмяркуем развіццё сферы HORECA у Літве з Прэзідэнткай Асацыяцыі гатэляў і рэстаранаў Літвы Эгле Шышкаускене (Egle Šiškauskienė). Супольна пашукаем адказы на пытанні, якія хвалююць беларускі бізнес: ▫️Асаблівасці і перспектывы рынку HORECA Літвы. ▫️Ці даступна дзяржаўная/еўрапейская дапамога ў сектары? ▫️Парады па маркетынгу і развіцці бізнесу. ✔️Рэгіструйцеся па спасылцы. Запрашаем прадстаўнікоў беларускіх кавярняў, рэстаранаў, хостэлаў і гатэляў у Літве. ⏰ 10 чэрвеня, 16:30. 📍 Вільня, дакладнае месца сустрэчы вы даведаецеся пасля рэгістрацыі.