NooNa Diary - Motivation

ការផ្លាស់ប្តូរអ្វីមួយមិនថាការងារ ឬការសិក្សា អាចនឹងធ្វើឱ្យយើងខ្លាចនេះ ខ្លាចនោះ តែការដែលយើងមិនបានសម្រេចចិត្តអ្វីសោះ យើងនឹងមិនដឹងថាលទ្ធផលនឹងហុចមកបែបណានោះទេ យើងមិនអាចគ្រប់គ្រងអ្វីគ្រប់យ៉ាងក្នងលោកនេះ តែយ៉ាងហោចណាស់ យើងអាចសម្រេចចិត្តថាតើយើងចង់បានជីវិតបែបណានៅពេលខាងមុខ..

ជាប់បាក់ឌុប ឬ ធ្លាក់បាក់ឌុប ក៏អាចបានអាហារូបករណ៍រៀនតឥតអស់លុយដែរ 💡🎖️📒

From classroom to boardroom—are you ready to take the leap? What you will gain from this consultation: 🌱 Start Strong: Learn simple, clear steps to launch your unique career journey. 📄 Professional Toolset: Get hands-on, personal advice to build an outstanding CV/Resume, Cover Letter, and professional emails. 💬 Interview Confidence: Practice and master the skills needed to walk into any job interview with confidence. 🏢 Workplace Ready: Learn what it actually takes to adapt, survive, and thrive in a modern workplace environment. This service is tailor-made for: ✅ Year 3 & 4 College Students preparing for the transition. ✅ Fresh Graduates looking to land their first official role. ✅ Job Movement Hunters ready to take their career to the next level. Your dream job starts with a great plan. Let’s build yours together! 📈 📥 Ready to start? Send us a message directly on Facebook or contact us via Telegram at Insight Academy to book your consultation today!

ព្យាយាមអភិវឌ្ឍសមត្ថភាពជាបន្តបន្ទាប់តាមដែលអាចធ្វើទៅបាន នៅពេលដែលយើងមានសមត្ថភាពលេចធ្លោ ឱកាសនឹងមកជាបន្តបន្ទាប់ ❤️

ជួយគេបានទោស? មិនមែនគ្រប់គ្នាសុទ្ធតែត្រូវការជំនួយទេ… ការមានចិត្តល្អជារឿងល្អ ប៉ុន្តែការជួយខុសមនុស្សអាចធ្វើឱ្យយើងហត់ចិត្ត។ ដើម្បីកុំឱ្យបំណងល្អរបស់យើងក្លាយជាកំហុស ចូរចងចាំថា៖ 1. ជួយមនុស្សដែលប្រឹងប្រែងជួយខ្លួនឯងដែរ។ 2. ចេះប្រកែកខ្លះ បើហួសសមត្ថភាព ឬធ្វើឱ្យយើងពិបាកចិត្ត។ 3. ជួយតែមនុស្សដែលដឹងគុណ និងដឹងតម្លៃរបស់យើង។ 4. បើគេមិនចង់ឱ្យជួយ កុំប្រឹងជួយទាំងត្រដរ 5. ជាពិសេស feedback បើគេមិនសុំ កុំឱ្យ 🫨 ចូរធ្វើជាមនុស្សចិត្តល្អ ប៉ុន្តែត្រូវមានព្រំដែន។ ជួយមនុស្សដែលគួរជួយ មើលថែចិត្តខ្លួនឯង ហើយទុកឱ្យអ្នកដទៃរៀនរស់ដោយខ្លួនឯងខ្លះចុះ!

ការបង្អាប់អ្នកដទៃពេលគេជួបបញ្ហា មិនធ្វើឱ្យអ្នកដទៃសរសើរថាយើងរឹងមាំទេ.. នៅពេលឃើញនរណាម្នាក់កំពុងទន់ជ្រាយ យំសោក ឬបាក់ទឹកចិត្តនឹងបញ្ហាជីវិត បែរជាមានអ្នកខ្លះពោលពាក្យទៅកាន់គេថា៖ 🗣 «រឿងប៉ុណ្ណឹងសោះ ក៏ទុក្ខសោកដែរ! មើលកាលខ្ញុំជួបទុក្ខធំជាងហ្នឹងរាប់រយដង ខ្ញុំនៅតែទ្រាំបាន»។ 📐 ទុក្ខលំបាករបស់មនុស្សម្នាក់ៗមិនមែនជាបន្ទាត់តម្រង់សម្រាប់យកមកវាស់វែង ឬប្រៀបធៀបដើម្បីបង្ហាញថាខ្លួនឯងពូកែ ឬរឹងមាំជាងនោះឡើយ។ 💪 មនុស្សយើងមានកម្លាំងចិត្ត និងកាលៈទេសៈជីវិតខុសគ្នា 🌍 ការយកការទន់ជ្រាយរបស់គេមកធ្វើជាផ្ទាំងស៊ីបប្រៀបធៀប គឺការខ្វះការយល់ចិត្តយ៉ាងធ្ងន់ធ្ងរ។ បើមិនបានលើកទឹកចិត្តគេ 🤐 យើងក៏មិនគួរបន្ទាបតម្លៃការឈឺចាប់របស់គេ ដើម្បីលើកតម្កើងភាពអត់ធ្មត់របស់ខ្លួនឯងនោះដែរ។ ចូររៀនស្តាប់ដោយក្តីអនុគ្រោះ និងយល់ចិត្ត ជាជាងការបង្អាប់បង្អោន។ សេចក្តីរឹងមាំពិតប្រាកដ គឺការចេះយល់ចិត្ត និងផ្តល់តម្លៃឱ្យគ្នា 🤝 មិនមែនការយកជ័យជម្នះលើទឹកភ្នែកអ្នកដទៃនោះទេ... 💧✨

CCTimes Podcast៖ប្រធានបទ "តើការចំណាយពេលច្រើនហួសហេតុលើ «បណ្តាញសង្គម» នឹងជះឥទ្ធិពលអ្វីខ្លះដល់«សុខភាពផ្លូវចិត្ត និង ទំនាក់ទំនង"? ផតខាសពេញ៖ https://youtu.be/4uvQvcNlqtg

🕯ពេលខ្លះ «រឿងធម្មតា» ដែលយើងដឹង អាចជា «អព្ភូតហេតុ» សម្រាប់នរណាម្នាក់ដែលយើងបានប្រាប់... កុំចាំទាល់តែខ្លួនឯងពូកែខ្លាំង ឬមានគ្រប់យ៉ាង ទើបចាប់ផ្តើមជួយអ្នកដទៃ.. ពេលខ្លះ អ្វីដែលយើងគិតថាជា «រឿងធម្មតា ឬដឹងបន្តិចបន្តួច» អាចជា «ពន្លឺ» 🕯 ជួយបង្ហាញផ្លូវឱ្យអ្នកដែលមិនដឹងសោះ ហើយកំពុងតែវង្វេងផ្លូវ។ មនុស្សយើងគ្មាននរណាចេះគ្រប់រឿងឡើយ ហើយការធ្វើល្អ ក៏មិនបាច់ទាមទារឱ្យយើងធ្វើរឿងធំដុំពេកដែរ។ 🪷សេចក្តីល្អពិតប្រាកដ គឺកើតចេញពីចិត្តចង់ជួយ ទោះជាជួយបានតិចតួចក៏ដោយ។ 💡 ឧទាហរណ៍៖ គ្រាន់តែអ្នកប្រាប់ព័ត៌មានអំពីមន្ទីរពេទ្យល្អមួយ 🏥 ទៅកាន់អ្នកកំពុងឈឺធ្ងន់ដែលមិនដែលស្គាល់ពេទ្យនោះសោះ ក៏អាចជួយសង្គ្រោះជីវិតមនុស្សម្នាក់បានយ៉ាងពិតប្រាកដដែរ។ ❤️ ⚠️ បន្ថែមពីនេះ រឿងដែលយើងធ្លាប់ធ្វើខុស រួចយកមកប្រាប់គេ ក៏ជាការជួយដែរ ព្រោះវាជាមេរៀនជួយដាស់តឿនអ្នកដទៃ កុំឱ្យដើរជាន់ដានចាស់ និងមិនបាច់ខាតពេលខាតលុយកាក់ ដើម្បីជួបទុក្ខលំបាកដូចយើង។ កុំលាក់ទុកសេចក្តីល្អអី! ទៀនមួយដើមដែលកំពុងឆេះ 🕯 វាមិនខាតបង់ពន្លឺឡើយ នៅពេលយកទៅបន្តដុតបំភ្លឺទៀនមួយដើមទៀត។ ចាប់ផ្តើមចែករំលែករឿងតូចៗដែលយើងដឹងនៅថ្ងៃនេះ។ នៅពេលយើងជួយគ្នាម្នាក់បន្តិច ពិភពលោកនឹងកាន់តែមានភាពកក់ក្តៅ។ ☀️

ទង្វើតូចៗដែលយើងភ្លេចខ្លួន នឹងធ្វើឱ្យ«អ្នកជួយ»ហត់ចិត្តបន្តិចម្តងៗ រហូតកាត់ផ្តាច់ទំនាក់ទំនង.. ការបាត់បង់មនុស្សល្អៗ មិនមែនមកពីការឈ្លោះគ្នាធំដុំទេ ប៉ុន្តែវាផ្តើមចេញពី «ទង្វើតូចៗដែលយើងភ្លេចខ្លួន» ធ្វើដាក់គេជារឿយៗ។ នៅក្នុងទំនាក់ទំនង យើងច្រើនតែភ្លេចខ្លួន៖ • ភ្លេចពាក្យគួរសម៖ ឆាតទៅពឹងគេបែបបញ្ជា ឬនិយាយកាត់កង់ ដោយគ្មានពាក្យសួរសុខទុក្ខ។ • ភ្លេចពាក្យដឹងគុណ៖ ពេលគេជួយហើយ គិតថាជារឿងធម្មតា ក៏ភ្លេចពាក្យ «អរគុណ» ឬមិនសួរនាំពីការហត់នឿយរបស់គេ។ • លេចមុខតែពេលមានអាសន្ន៖ ពេលសុខសប្បាយរវល់ជាមួយអ្នកផ្សេង តែឱ្យតែជួបបញ្ហាភ្លាម នឹកឃើញគេមុនគេ។ ទម្លាប់បែបនេះធ្វើឱ្យអ្នកជួយមានអារម្មណ៍ថា អ្នកមើលស្រាលទឹកចិត្តរបស់គេ និងប្រើប្រាស់គេតែពេលត្រូវការ។ គេមិនស្រែកជេរ ឬខឹងយើងទេ ប៉ុន្តែគេនឹងសន្សំភាពហត់ចិត្តបន្តិចម្តងៗ រហូតដល់ថ្ងៃមួយ គេក៏សម្រេចចិត្តដើរចេញ ទោះលើកក្រោយយើងទៅរក ក៏គេលែងអើពើដែរ។ ដើម្បីកុំឱ្យហួសពេល ចូរផ្លាស់ប្តូរទម្លាប់តូចៗទាំងនេះឡើងវិញ៖ • មុននឹងពឹងពាក់ ចូរចំណាយពេលសួរសុខទុក្ខ និងប្រើពាក្យគួរសម • ក្រោយពេលគេជួយរួច ទោះជារឿងតូចតាច ក៏ត្រូវផ្ញើសារអរគុណចេញពីចិត្ត

ធ្វើជាយុវជនម្នាក់ដែលឈ្នះលើអារម្មណ៍ខ្លួនឯង រក្សាពាក្យសម្តី និងហ្មត់ចត់.. ការប្តូរចិត្តភ្លាមៗតាមអារម្មណ៍យូរៗទៅនឹងប៉ះពាល់ Personal Branding! តើអ្នកដឹងទេថា អ្វីដែលធ្វើឱ្យយុវជនម្នាក់លេចធ្លោជាងយុវជនម្នាក់ទៀត? វាមិនមែនជាភាពឆ្លាតវៃតែមួយមុខនោះទេ តែវាគឺជា Personal Branding! វ័យយុវជន ជារឿយៗតែងតែមានអារម្មណ៍ប្រែប្រួលលឿន ងាយហត់នឿយ ងាយធុញ និងចង់ដូរចិត្តភ្លាមៗតាមតែចិត្តនឹកឃើញ។ ប៉ុន្តែ រាល់ពេលដែលយើងបណ្តោយឱ្យអារម្មណ៍មួយឆាវមកបញ្ជាឱ្យយើងក្រឡាស់ពាក្យសន្យា ឬធ្វើការងារចុងដៃចុងជើង នោះ Brand ផ្ទាល់ខ្លួនរបស់យើងនឹងថយម្តងបន្តិចៗ។ ក្នុងពិភពខាងក្រៅ គេមិនមកអង្គុយស្តីបន្ទោស ឬអប់រំយើងឡើយ តែគេនឹងចំណាំស្ងាត់ៗថា «យុវជនម្នាក់នេះមិនមានវិន័យ ការងារសំខាន់ កុំចេះតែបណ្តោយឱ្យកាន់»។ ការបាត់បង់ឱកាសល្អៗ និងការមិនទទួលបានការគោរពពីអ្នកដទៃ នឹងបន្តកើនឡើងជានិច្ច ប្រសិនបើដកខ្លួនមិនទាន់ពីទម្លាប់ធ្វើតាមអារម្មណ៍នេះ។ ចាប់ផ្តើមពីថ្ងៃនេះ នៅពេលដែលអារម្មណ៍ចង់បោះបង់ ឬចង់ប្តូរចិត្តមកយាយី ចូររំលឹកខ្លួនឯងថា «យើងជាយុវជនមានទំនួលខុសត្រូវ ហើយយើងកំពុងកសាង​ Personal Branding»។ នៅពេលដែលអ្នកធ្វើបាន នោះឱកាសធំៗក្នុងជីវិតនឹងចាំស្វាគមន៍អ្នកជានិច្ច

យំខ្លះក៏បានដែរ... កុំធ្វើដូចខ្លួនឯងជា Robot ពេក ថ្ងៃខ្លះ មានអារម្មណ៍ថាហត់នឿយ ហើយធ្វើអ្វីក៏មិនសប្បាយចិត្ត.. សូម្បីមេឃមិនអាចភ្លៀងរហូតដោយគ្មានថ្ងៃរាំងនោះឡើយ។ Robot អស់ថ្ម ក៏ត្រូវសាក! ជីវិតយើងក៏អញ្ចឹងដែរ គ្មានអ្នកណាពិបាកចិត្តរាល់ថ្ងៃ ហើយក៏គ្មានអ្នកណាសប្បាយចិត្តរាល់ថ្ងៃនោះដែរ។ ពេលហត់ ក៏សម្រាកបន្តិចសិនទៅ អារម្មណ៍ចង់យំ មិនមែនមានន័យថាជាមនុស្សទន់ជ្រាយ ឬបរាជ័យនោះទេ។ វាគ្រាន់តែជាសញ្ញាប្រាប់ថា ខ្លួនប្រាណ និងបេះដូងរបស់អ្នកហត់ហើយ ត្រូវការសម្រាកខ្លះ។ រឿងមិនល្អទាំងនោះ វាចេះមក ហើយវាក៏នឹងចេះទៅវិញក្នុងពេលឆាប់ៗ។ ប៉ុន្តែ... កុំបណ្តោយឱ្យភាពពិបាកចិត្តនេះគ្រប់គ្រងអ្នកយូរពេកអី។ យំរួចហើយ ហត់នឿយរួចហើយ ត្រូវដកដង្ហើមវែងៗ រួចចាប់ផ្តើមធ្វើរឿងតូចតាចខ្លះដើម្បីឱ្យអារម្មណ៍ធូរស្រាលឡើងវិញ។ ទៅញ៉ាំទឹកមួយកែវ ស្តាប់បទចម្រៀងដែលចូលចិត្ត ឬដើរចេញទៅមើលមេឃខាងក្រៅបន្តិច។ ការផ្លាស់ប្តូរសកម្មភាពតូចៗទាំងនេះ នឹងជួយដាស់អ្នកឱ្យងើបចេញពីភាពងងឹតបន្តិចម្តងៗ។ «ទោះមេឃភ្លៀង ក៏យើងអាចដើរទៅមុខបាន ដោយគ្រាន់តែបើកឆ័ត្រ។» បើថ្ងៃនេះមិនល្អ យើងនៅតែអាចធ្វើឱ្យថ្ងៃស្អែកល្អបាន។ ចូរញញឹម ហើយប្រាប់ខ្លួនឯងថា៖ «ថ្ងៃនេះមិនល្អមិនអីទេ ស្អែកខ្ញុំនឹងធ្វើឱ្យវាប្រសើរជាងនេះ!»

កុំចាំមានបញ្ហា ទើបរត់រកចម្លើយ៖ ស្តាប់ឱ្យបានច្រើន ដើម្បីកុំឱ្យបញ្ហាអាចបំបាក់អ្នកបាន… មនុស្សភាគច្រើនចូលចិត្តរស់នៅក្នុងទម្លាប់ «មានបញ្ហា ទើបរត់រកដំណោះស្រាយ»។ ពេលជួបបញ្ហាភ្លាមៗ យើងច្រើនតែសម្រេចចិត្តខុស ដោយសារតែយើងតែងមិនបានគិតបានស៊ីជម្រៅ ក្នុងស្ថានភាពស្លន់ស្លោ។ ជីវិតមិនមែនជាការប្រឡងដែលបើកមើលមេរៀនតាមក្រោយបានឡើយ ការដែលយើងមិនខ្វល់ខ្វាយស្វែងយល់ពីរឿងរ៉ាវជុំវិញខ្លួន មុនពេលរឿងហេតុមកដល់ គឺជាការធ្វើបាបខ្លួនឯង។ ការឆ្លៀតពេលអានសៀវភៅ ស្ដាប់ផតខាស (Podcast) ឬស្ដាប់ការចែករំលែកបទពិសោធន៍ពីអ្នកដទៃ មិនមែនជារឿងឥតប្រយោជន៍ទេ។ គួរដកពេលដែលយើងចំណាយលើរឿងដែលមិនសូវផ្តល់ប្រយោជន៍ មកជាការផ្តល់ចំណីឱ្យខួរក្បាលខ្លះ! ចូរផ្លាស់ប្តូរទម្លាប់ពីការ «រត់តាមដោះស្រាយបញ្ហា» មកជា «ការដើរមុនបញ្ហាមួយជំហាន» វិញ។ ចាប់ពីថ្ងៃនេះទៅ គ្រាន់តែឆ្លៀតពេលអានបន្តិច ស្ដាប់ការចែករំលែកល្អៗបន្តិច វានឹងក្លាយជាដើមទុនមុននឹងពេលយើងជួបបញ្ហាណាមួយក្នុងជីវិត។ កុំចាំទឹកដល់ច្រមុះ ទើបរៀនហែលទឹក! ត្រៀមខ្លួនជាមុនដោយការរៀនសូត្រជុំវិញខ្លួន! កុំចាំដល់មានបញ្ហាទើបរត់រកចម្លើយ តែចូររៀនសូត្រជារៀងរាល់ថ្ងៃ ដើម្បីកុំឱ្យបញ្ហាអាចបំបាក់អ្នកបាន! • #កុំចាំមានបញ្ហាទើបរត់រកដំណោះស្រាយ • #ដើរមុនបញ្ហាមួ

រៀនធ្វើល្អដាក់គ្នា ទាន់មានឱកាស... មនុស្សម្នាក់ៗដែលកំពុងញញឹមដាក់អ្នក មិនមែនមានន័យថាជីវិតគេគ្មានទុក្ខនោះទេ។ ជារឿយៗ ស្នាមញញឹមគឺជាខែលការពារ ដើម្បីលាក់បាំងតំណក់ទឹកភ្នែក សម្ពាធ និងការឈឺចាប់ដែលពួកគេមិនអាចនិយាយប្រាប់នរណាបាន។ យើងមិនអាចដឹងទេថា ថ្ងៃនេះអាចជាថ្ងៃចុងក្រោយដែលយើងបានជួបគេ ឬនិយាយជាមួយគេឡើយ។ មនុស្សភាគច្រើន ច្រើនតែនឹកឃើញពាក្យសម្តីកក់ក្តៅ និងទង្វើល្អៗនៅពេលដែលបាត់បង់គ្នាទៅហើយ។

សូមកុំទុកឱ្យពាក្យថា «ស្តាយក្រោយ» មកដាស់តឿនយើង នៅពេលដែលអ្វីៗហួសពេលឡើយ។

ចាប់ផ្តើមធ្វើល្អដាក់គ្នាពីថ្ងៃនេះ ជីវិតមនុស្សយើងខ្លីណាស់ ដូចនេះសូមព្យាយាមធ្វើល្អដាក់គ្នាឱ្យបានច្រើន៖ និយាយពាក្យផ្អែមល្ហែម និងសួរសុខទុក្ខគ្នា។ ផ្តល់ការយល់យោគ និងកាត់បន្ថយការខឹងសម្បារ។ បង្ហាញការបារម្ភចំពោះមនុស្សជុំវិញខ្លួន ទោះជាការបារម្ភតូចតាចក៏ដោយ។ ការធ្វើល្អដាក់គ្នាពីថ្ងៃនេះ មិនត្រឹមតែជួយស្រោចស្រង់ចិត្តដែលកំពុងទន់ជ្រាយរបស់គេនោះទេ ប៉ុន្តែវាក៏ជួយឱ្យយើងមិនមានការស្តាយក្រោយ។

💡 ខ្លាំងពិតប្រាកដ គឺមិនមើលស្រាលអ្នកដទៃ ប្អូនពូកែណាស់ទៅហើយ! បន្ថែមភាពទន់ភ្លន់ និងការគោរពរៀមច្បងបន្តិច នោះប្អូននឹងកាន់តែអស្ចារ្យ ប្អូនៗយុវជនជំនាន់ក្រោយជាទីស្រលាញ់៖ ប្អូនពូកែ ប្អូនឆ្លាត វាជារឿងល្អណាស់! ប៉ុន្តែសូមចាំថា «ភ្នំខ្ពស់ នៅមានភ្នំខ្ពស់ជាង»។ បើប្អូនបណ្តោយឱ្យភាពឆ្លាតវៃ ក្លាយជាអំនួត រហូតមើលស្រាលរៀមច្បង (Senior) ឬអ្នកជុំវិញខ្លួន នោះប្អូនកំពុងតែធ្វើឱ្យខ្លួនឯងអន់ថយទៅវិញទេ។   ចំណេះដឹងអាចធ្វើឱ្យប្អូនដើរលឿន តែការគោរព និងភាពបន្ទាបខ្លួនទើបធ្វើឱ្យប្អូនដើរបានឆ្ងាយ។ រៀមច្បង និងអ្នកដទៃ អាចនឹងមិនពូកែដូចប្អូនគ្រប់រឿង តែពួកគេមានបទពិសោធន៍ និងការលះបង់ដែលប្អូនត្រូវរៀនសូត្រតាម។ មនុស្សគេកោតសរសើរមនុស្សពូកែ តែគេនឹងស្រឡាញ់និងផ្ដល់តម្លៃឱ្យតែមនុស្សពូកែដែលដឹងខុសត្រូវ និងចេះឱនលំទោនប៉ុណ្ណោះ។   បងសង្ឃឹមថា ប្អូននឹងប្រើភាពឆ្លាតវៃរបស់ប្អូនទៅបង្កើតមិត្តភក្តិ គោរពរៀមច្បង និងជួយអ្នកដទៃ។ នៅពេលប្អូនពូកែផង ហើយបន្ទាបខ្លួនផង ប្អូននឹងក្លាយជាមនុស្សដ៏អស្ចារ្យម្នាក់ ដែលទៅដល់ទីណាក៏មានគេស្រឡាញ់ និងជួយជ្រោមជ្រែងជានិច្ច។ ចូរពូកែដោយភាពថ្លៃថ្នូរ និងជោគជ័យដោយភាពបន្ទាបខ្លួន!

«រក្សាចិត្តលើ «ផ្លូវកណ្តាល»៖ មិនអួតអាង មិនបន្ទាបខ្លួនហួសហេតុ» តើអ្នកធ្លាប់មានអារម្មណ៍ថា ពេលជោគជ័យខ្លាំង យើងងាយនឹងភ្លេចខ្លួន ហើយពេលបរាជ័យ បែរជាមានអារម្មណ៍ថាខ្លួនឯងគ្មានតម្លៃទាល់តែសោះដែរឬទេ? ការរស់នៅជ្រុលទៅម្ខាងៗ មានតែធ្វើឱ្យចិត្តយើងហត់នឿយប៉ុណ្ណោះ។ ជីវិតពិតមិនមែនជាការប្រកួតប្រជែងដើម្បីបង្អួតអ្នកដទៃ ហើយក៏មិនមែនជាការបន្ទាបតម្លៃខ្លួនឯងដើម្បីឱ្យគេអាណិតនោះដែរ។ «ផ្លូវកណ្តាល»គឺជាសិល្បៈនៃការរស់នៅដ៏មានតម្លៃបំផុត៖ កុំមានអំណួតពេក៖ ទោះបីថ្ងៃនេះអ្នកហោះហើរបានខ្ពស់ប៉ុនណា មានចំណេះដឹង ឬទ្រព្យសម្បត្តិច្រើនយ៉ាងណា ក៏ត្រូវចងចាំថា យើងនៅតែជាមនុស្សធម្មតាម្នាក់ដែលអាចខុសឆ្គង។ ការមានអំណួតគ្រាន់តែជាការសាងរបងខណ្ឌដាច់ខ្លួនឯងពីអ្នកដទៃ និងបិទផ្លូវមិនឱ្យខ្លួនឯងរៀនសូត្រអ្វីដែលថ្មី។ កុំដាក់ខ្លួនពេក៖ ការបន្ទាបខ្លួនជាសីលធម៌ ប៉ុន្តែការបន្ទាបខ្លួនរហូតដល់មើលងាយសមត្ថភាពខ្លួនឯង គឺជាការបំផ្លាញកម្លាំងចិត្ត។ អ្នកមានតម្លៃ មានចំណុចខ្លាំង និងមានសិទ្ធិមានមោទនភាពចំពោះអ្វីដែលអ្នកបានខំប្រឹងប្រែង។ ចូរដើរលើផ្លូវកណ្តាលដោយ**ក្បាលងើបត្រង់ ប៉ុន្តែខ្សែភ្នែកសម្លឹងមើលចុះក្រោម**។ ងើបត្រង់ដើម្បីដឹងពីតម្លៃនិងក្តីសង្ឃឹមរបស់ខ្លួនឯង ហើយសម្លឹងចុះក្រោមដើម្បីរក្សាចិត្តបន្

«មិនបាច់ឲ្យពិភពលោកយល់ពីយើងទេ ឲ្យតែបេះដូងយើងមានក្ដីសុខ គឺគ្រប់គ្រាន់ហើយ!» … «ជីវិតអ្នក ជម្រើសអ្នក! មិនមែនរឿងភាគ ឲ្យអ្នកដទៃមកដឹកនាំរឿងឡើយ!» ផ្លូវដែលអ្នកកំពុងដើរ ទោះបីជាគ្មានអ្នកណាយល់ស្រប ឬដើរជាមួយក៏មិនអីដែរ ព្រោះនេះជាជីវិតរបស់អ្នក មិនមែនរបស់គេទេ។ កុំបារម្ភពីពាក្យសម្តីរបស់អ្នកដទៃពេកអី ព្រោះគ្មាននរណាម្នាក់ដឹងថាអ្នកបានឆ្លងកាត់អ្វីខ្លះ ក្រៅពីខ្លួនអ្នកឡើយ។ សំខាន់ឲ្យតែយើងធ្វើរឿងត្រឹមត្រូវ ញញឹមឲ្យបានច្រើន ហើយរីករាយនឹងដំណើរជម្រើសខ្លួនឯងទៅគឺល្អបំផុតហើយ។ បោះជំហានទៅមុខដោយស្នាមញញឹម ធ្វើរឿងល្អៗសម្រាប់ខ្លួនឯង កុំបារម្ភពីការគិតអ្នកដទៃហួសហេតុពេកអី ! #រស់ដើម្បីខ្លួនឯង #មិនអីទេ #កម្លាំងចិត្ត #ជឿជាក់លើខ្លួនឯង

រៀនគិតរឿងល្អៗ កុំឱ្យផ្លូវចិត្តហត់នឿយពេក.. ពេលខ្លះ អ្វីដែលធ្វើឱ្យយើងហត់នឿយ និងពិបាកចិត្តបំផុត មិនមែនមកពីកត្តាខាងក្រៅទាំងស្រុងទេ គឺមកពីយើងគិតច្រើន គិតតែរឿងមិនល្អម្នាក់ឯង។ បើក្នុងចិត្តយើងគិតតែរឿងអាក្រក់ រឿងខឹង ឬរឿងពិបាកចិត្ត នោះយើងមុខជាគ្មានថ្ងៃសប្បាយឡើយ។ ការគិតវិជ្ជមាន ឬគិតក្នុងផ្លូវល្អ មិនមែនជាការបោកខ្លួនឯងទេ តែវាជាការជ្រើសរើសមើលរឿងល្អៗវិញ។ គ្រាន់តែប្តូរការគិតបន្តិច ជីវិតយើងនឹងមានក្តីសុខជាងមុន។ ពេលចិត្តយើងគិតតែរឿងល្អៗ នោះខ្លួនប្រាណយើងក៏មានសុខភាពល្អ ហើយស្នាមញញឹមក៏ត្រឡប់មកវិញដែរ! #NoonaDiary

«យឺតជាងគេបន្តិច ក៏មិនមែនជាបញ្ហា សំខាន់គឺដល់គោលដៅ ក្នុងពេលវេលាដ៏សមស្របរបស់ខ្លួន។» ធ្លាប់មានអារម្មណ៍ថប់បារម្ភ ពេលឃើញមិត្តភក្តិជំនាន់ជារួមមានផ្ទះ មានឡាន ឬជោគជ័យក្នុងជីវិតរៀងៗខ្លួន ចំណែកឯខ្លួនឯងហាក់ដូចជាកំពុងឈរធេងធោង «ខកជើងឡាន» តែម្នាក់ឯងដែរទេ? អារម្មណ៍ភ័យខ្លាចខ្លាចដើរមិនទាន់គេ ធ្វើឱ្យយើងខំប្រឹងរត់ទាំងដង្ហក់ គ្មានក្តីសុខ ព្រោះតែខ្លាចពាក្យថា “យឺតយ៉ាវ”។ ប៉ុន្តែ ជីវិតពិតមិនមែនជាការប្រកួតរត់ប្រណាំងឡើយ។ ការដែលអ្នកមិនទាន់បានឡើងឡានក្រុងជើងនេះ មិនមែនមានន័យថាអ្នកបរាជ័យនោះទេ វាគ្រាន់តែជាពេលវេលារបស់អ្នកមិនទាន់មកដល់ប៉ុណ្ណោះ។ ម្នាក់ៗមានកាលវិភាគជីវិតខុសៗគ្នា។ អ្នកខ្លះឡើងឡានមុន តែជួបផ្លូវស្ទះ ចំណែកអ្នកឡើងឡានជើងក្រោយ អាចនឹងជួបផ្លូវស្រឡះបើកលឿនស្លេវក៏មាន។ ចូរឈប់ប្រៀបធៀបល្បឿនខ្លួនឯងទៅនឹងអ្នកដទៃ។ ដកដង្ហើមវែងៗ រស់នៅ និងធ្វើរឿងចំពោះមុខឱ្យបានល្អ។ ទោះបីជាថ្ងៃនេះយើងដើរយឺតជាងគេ តែមិនប្រាកដថាយើងមិនដល់គោលដៅឯណា កុំដាក់សម្ពាធលើខ្លួនខ្លាំងពេកណា។ សំខាន់បំផុតគឺយើងនៅតែទៅដល់គោលដៅនៃក្តីសុខ និងជោគជ័យដូចតែគ្នា ក្នុងពេលវេលាដ៏ល្អឥតខ្ចោះរបស់ខ្លួនឯង។

📣 Exciting news for students and professionals! 📣 Introducing Batch 2 of our Academic Speaking Online Course! Are you looking to elevate your communication skills? Then this course is for you. Join our expert trainers, Ms. Anna Chhum and Ms. Lita Kry, and learn essential skills to: ✅Refine your pronunciation ✅Enhance your listening abilities ✅Master written communication ✅Develop effective speaking techniques Whether you are a college student aiming for success or a young professional looking to make your mark, our course is designed to meet your needs. We also welcome participants with limited English proficiency who are seeking to improve their communication skills. Key Details: 💼Start Date: July 1, 2026 💼Platform: Microsoft Teams / Zoom 💼 Duration: 12 sessions per course 💰Investment: $150 USD only! Don't wait to register and take your skills to the next level.

ចង់ចេះធ្វើ CV ដើម្បីដាក់ពាក្យការងារ HR ហៅទៅសម្ភាស គួរឆ្លៀតទៅរៀនធ្វើ CV free!