Lecture Story

جمعة مباركة يا شباب انا عارفة اني بعت ملف في الاول وكنت هبعت الجزء التاني بس حصل مشكلة وادتني فرصة اجمع الاتنين مع بعض فبعتذر علي اللغبطة ❤️

سلام عليكم ازيكم يا شباب ❤️ انا دلوقتي بجد بتكلم ب صفتي واحد عادي مش صاحب اسامه او زميله في القناه لا واحد بيفتح تلخيصاته في اي حاجه ومبيحتاجش يبص وراها واحد من سنه اولى وهو معتمده لأنه مثبت كفائته و جودة شغله دايما و اضافه بسيطه من ناحيتي لاننا برضه بنشوف جانب يمكن بعيد عنكم إحنا بنشوف كمية التعب اللي بيبذلها في حاجه من وقت بيروح وسهر بيسهره بس بيقول يلا عشان انا ملتزم بحاجه و لأن فعلا الناس بتقدره طبعا وبتشجعه عند كل امتحان فات و كل حاجه كان هو سبب فيها انه يقدر يساعد اي حد ❤️ فانا مستغربتش لما عرفت ان بس مجرد المشكله و الاعتراض حتى مش ان فايل ناقص مع ان ده وارد يحصل جدا في ظل كل حاجه احنا فيها و الضغط من هنا ومن هنا لكن يكون الاعتراض بس عشان في كلام في فايل تاني اسامه عامله محطوش بس في الفايل التاني؟ يبقي بجد ده اسمه ايه انا عايزكم انتوا تفهموني لأن بصراحه الكلام مستفز ويضايق اي حد و لكن نرجع ونقول ان فعلا الكلام ده بيبقي طالع من فئه وخلاص يمكن هي مش حابه الخير و مش حابه التسهيل علي غيرها حتي لو هي مش مسؤوله عن ده ومش هي اللي بتعمل ده يا راجل ده ان حد ينزلك حاجه كدا وانت عارف انها ابتغاء وجه الله بس و ان حد زي اسامه مش مستني و مش بياخد منها حاجه هو بس راجل مسؤول ف هو ميستاهلش ان يتقاله كلمه باسلوب مش كويس طبعا النقد البناء لازم ولازم عشان كل حاجه تطلع في احسن صوره وهو حاجه سهله لكن اللي مبيعرفش يعمله ف هو مش مبيعرفش يعمله هو قاصد ميعملوش... لو تشوفوا اسامه وهو بيعمل فعلا التلخيصات وبيصورلي ويوريني تقول لا ده واحد فعلا عايش في قلق وخوف انه ينسى حاجه او يفوت حاجه او حاجه متطلعش زي الشغل المطلوب اللي متعودين عليه ف ربنا يجازيه خير ويهدي الفئه اللي كلنا عارفينها احنا لا مكملين ان شاء الله و طمعانين في الثواب و عايزين نساعد دايما ولو واحد بس❤️❤️ واخيرا انا عمري ما اهتم برأي حد طالما نيته معروف غرضها ايه وعمري ما افكر حتى اني ارد علي حد طالما هو مفكرش يحترم زميلنا لكن انا بتكلم عشان اسامه فعلا ركيزه اساسيه هنا وحد بجد لا يمكن الاستغناء عنه و لازم نقف لاي حد واقف ضد نشر الخير وشكرا لكل حد اتكلم ووقف و صد الافكار السلييه دي ودايما معاكم وشكرا ليكم❤️

السلام عليكم ورحمه الله وبركاته ازيكم يا شباب انتم عملتم الي عليكم وزيادة وربنا يجازي كل واحد تعب وكتب كلمة ولو حتي كلمة واحدة نفعت حد احنا أغلبنا وان لم يكن كلنا معتمدين اعتماد بشكل كامل علي الفايلات دي هي الي بتنجزنا وقت الزنقة ومش دفعتنا وبس والدفعات الي بعدنا بيكلمني ناس من سنة أولي وتانية مبيذاكروش غير من الفايلات دي لانها منظمة ومترتبة كويس ومعمولة بمجهود ربنا يجازي كل واحد شارك كل خير يا رب ثانيا : سواء الفايلات أو ريكوردات الشرح أو اي حاجة بتنزل محدش عارف هي بتاخد وقت قد ايه علي ما تتعمل بتاخد وقت كبير جدا ومجهود كبير جدا جدا فواجب علينا احنا نقدر ده كفاية أنه بيتعمل بدون اي اي مقابل واي فايل بيتحط بيبقي اجتهاد من الشخص الي حطه ومش بيحطه من دماغه لا بيلجأ لكذا مصدر وكذا مكان وبيلف كتير علشان خاطر في الاخر يطلع product كويس يقدر الكل يستفاد منه واحتمال الخطأ وارد الدكاترة الكبار نفسهم ممكن يغلط في محاضرة بيحطها لان احنا بشر طبيعي نغلط مفيش حاجة حتي لو اي حد شايف اي غلط يتكلم ويقول في واحد اتنين تلاتة واي حد بيعمل اي فايل هو مش تبع المرحلة الي بتحط الامتحان لا ده طالب زيه زينا بيدخل الامتحان بيتفاجئ بإلي موجود زينا زيه بالظبط وكلنا عارفين أن الكلية ماشية بنظام open source وself learning يعني مفيش مصدر معتمد بنسبة ١٠٠٪ حتي محاضرات الكلية نفسها بتبقي حاجة مبسطة بتفهمك هتعمل ايه هل بندخل الامتحان بنلاقي الكلام الي موجود في المحاضرات كامل مكمل لا فاحنا بنجتهد ونسعي والباقي مش بتاعنا سواء امتحان أو نتيجة وكل واحد مننا ربنا بيديله ملكة معينة حاجة بتميزه ففي شخص شايف أنه بيعرف يجمع المنهج بطريقة مبسطة واستغل الملكة دي وطورها علشان يستفيد بيها غيره مش لنفسه بس يبقي واجب علينا أن احنا نشجعه ونقدر المجهود ولو بالكلام "الكلمة الطيبة صدقة " ولو في نقد ننتقد بس من غير ما نجرح حد أو نزعل حد الدراسة هتخلص والكلية هتخلص وكلنا أن شاء الله هنتخرج علي خير فمش هيفضل بين الناس وبعضها غير المواقف والذكريات والتعامل الطيب المعروف بين الدفعات الأكبر والأصغر إن دفعتنا من أفضل الدفعات الي مرت على الكلية سواء كأدب أو كدراسة يبقي نعين بعض علشان نحافظ علي السيرة الطيبة دي ونبقي قدوة لغيرنا وعلشان ربنا يكرمنا وينفع بينا ونبقي ذكري جميلة في حياة بعض ربنا يكرمنا جميعا و نتخرج علي خير ونكون دكاترة كويسين ومجتهدين ننفع الناس ولو بشئ بسيط ونعين بعض دايما بعتذر علي الإطالة

كلكم عارفين lecture story من أولى وعارفين كم المجهود الجبار اللي اتعمل منهم في وقت احنا كلنا بنبقى مزنوقين فيه وهما اللي بيشرحوا ويلخصوا كل حاجة ومعتقدش حد فيهم بخل على حد بمعلومة النقد البناء مطلوب وكويس ومحدش بيزعل منه، بس النقد ليه طريقة يا جماعة ياريت نقدر الناس اللي بتعمل التلخيصات والشروحات دي بغرض مساعدتنا فقط لا غير شكرا lecture story على تعبكم معانا ال ٣ سنين دول، مفيش حد م الدفعة مفتحش تلخيصاتكم وشروحاتكم ربنا يجازيكم خير وتكون صدقة علم ينفع عنكم ❤️

مساء الخير ي شباب اتمني الجروب الاول يكون ادي الامتحان ب خير للاسف دي هتكون اخر رساله ليا علي الجروب اتمني يكون ال ٣ سنين الي كنت معاكم فيها قدرت افيدكم او خففت ع الاقل موضوع من مواضيع الدراسه ويشهد الله اني قدمت كل ما املك ابتغاء وجه الله الفتره الاخيره شفنا مواقف مش حلوه مكناش ننتظرها منكم لعله خير ونتقابل علي خير ان شاء الله ولو حد محتاج حاجه هيكون معايا الداتا بتاعتي ❤️

باقي تلخيصات الفاميلي اللي كانت زميلتنا شهد عاملاهم بالتوفيق ان شاء الله ✅❤️

رب أدخلني مدخل صدق وأخرجني مخرج صدق، واجعل لي من لدنك سلطانًا نصيرًا، رب اشرح لي صدري ويسر لي أمري واحلل عقدة من لساني يفقهوا قولي، بسم الله الفتاح، اللهم لا سهل إلا ما جعلته سهلًا وأنت تجعل الحزن إذا شئت سهلًا يا أرحم الراحمين، اللهم افتح عليَّ فتوح عبادك العارفين، اللهم انقلني من حولي وقوتي وحفظي إلى حولك وقوتك وحفظك، اللهم اجعل لي من لدنك سلطانًا نصيرًا. بالتوفيق لكل زمايلنا اللي هيبدأوا امتحانات انهرده ربنا يفتح عليكم و يكون امتحان بسيط و تطلعوا منه مبسوطين ان شاء الله♥️

كان ستيشن ف امتحان الفاميلي نسا السنة ال فاتت واطلب مني انزل الريك تاني 👍🏻

شرح ال audiogram ✅♥️