fa
Feedback

فریب کلاهبرداران را نخورید! تل‌متریو این کانال‌ها را شناسایی و برچسب‌گذاری می‌کند 👉 برای مشاهده برچسب، اشتراک تهیه کنید

ستيتش

ستيتش

رفتن به کانال در Telegram

من قلب واحد فهم شوية من الدنيا لكل حد لسه بيحاول يفهمها ❤️

نمایش بیشتر
6 996
مشترکین
-124 ساعت
-377 روز
+68730 روز
آرشیو پست ها
مش كل فرصة تستاهل تتاخد ساعات الحاجة تبان مغرية بس تمنها راحة بالك أو كرامتك أو وقتك وساعات أحسن قرار مش إنك تقول آه إنك تعرف إمتى تقول لأ… دي مش ليا.
21 نوامبر, 23:25

متحاولش تسبق عمرك كل حاجة ليها وقتها شغل فلوس جواز نجاح حتى راحة البال المشكلة إننا بقينا بنشوف حياة غيرنا كل يوم، فنفتكر إننا متأخرين مع إن كل واحد بيبدأ من مكان مختلف امشِ بسكتك… المهم متقفش عشان غيرك جري أسرع.
21 نوامبر, 02:06

اللي يستاهل يتعاش… مش لازم يبقى كبير قعدة حلوة خبر يفرّح مشوار خفيف حد ترتاح له الحياة في الآخر بتتجمع من الحاجات الصغيرة دي ويمكن أحلى أيامك هي اللي مفيهاش حاجة عظيمة… بس قلبك كان مرتاح.
20 نوامبر, 01:30

أوقات بتفهم متأخر إن الراحه مش في إن كل حاجه تبقى تمام الراحه إنك تبطل تدخل نفسك في كل حاجه وتبطل تحمل كل كلمة فوق طاقتها وتعرف إن في مواقف أحسن رد عليها إنك تعديها العقل لما يهدى الدنيا كلها بتبان أخف.
18 نوامبر, 11:52

أوقات كتير اللي بيخوف مش اللي حصل اللي بيخوف إنك تبقى اتعودت اتعودت على الضغط على الزعل على إنك تقول عادي وعلى إنك تكمل وإنت من جواك مش تمام لحد ما تنسى إنك من حقك تعيش مرتاح شوية ماتتعودش على حاجة بتوجعك لمجرد إنها بقت مألوفة.
17 نوامبر, 12:00

تحط راسك على المخدة وتسكت والحرب العالمية تبتدي جواك
17 نوامبر, 03:14

أكتر حاجة بتريح الواحد لما يبطل يحاسب نفسه على كل حاجة مش كل قرار غلط كان غباء ومش كل حد صدقته يبقى إنت ساذج إنت وقتها كنت بتتصرف بالمعلومات والمشاعر اللي عندك الوعي الحقيقي إنك تتعلم من اللي حصل وتعرف بعد كده تختار أحسن اللوم الكتير مبيصلحش الماضي… بس ممكن يبوظ اللي جاي.
15 نوامبر, 13:29

أجمل حاجة في الرزق إنه ساعات بييجي من حتة عمرك ما حسبتلها حساب باب اتقفل تلاقي غيره اتفتح فرصة راحت تلاقي أحسن منها جت فجأة عشان كده متحكمش على يوم وحش إنه نهاية الحكاية الدنيا بتتبدل أسرع من اللي في دماغك.
15 نوامبر, 01:09

يمكن اللي ناقصك مش حظ يمكن ناقصك نفس طويل كل حاجة كبيرة بتاخد وقت شغل فلوس راحة حتى إنك تظبط حياتك متستعجلش الثمرة وإنت لسه بتزرع خليك ثابت… ساعات اللي بيتأخر بييجي أتقل من اللي كنت مستنيه.
14 نوامبر, 07:29

متعودش حد إنك دايمًا هتعدّي مرة تسكت ومرة تقول معلش ومرة تبررله عشان العِشرة لحد ما يفتكر إنك عمرك ما هتزعل ولا هتمشي خلي حدودك باينة من بدري اللي بيحبك هيحترمها واللي متضايق منها كان مستفيد من إنك ساكت.
13 نوامبر, 04:36

حقيقه ❤️
11 نوامبر, 11:03

😂😂😂😂😂😂
😂😂😂😂😂😂
11 نوامبر, 07:11

أصعب حاجة في الكِبر إنك تبدأ تلاحظ أهلك بيتعبوا تلاقي اللي كان شايلك طول عمره بقى محتاجك تسنده واللي كنت فاكره دايمًا قوي بقى بيتعب وبيسكت ساعتها بتحس إن السنين جريت أسرع ما كنت فاكر خلي بالك منهم طول ما هما حواليك… عشان الندم مبيعرفش يرجّع وقت.
11 نوامبر, 03:35

ساعات أكتر حاجة بتريحك إنك تبطل تشرح اللي عايز يفهمك هيفهمك من موقف واللي مقرر ياخد عنك فكرة غلط مش هتغيره بعشر صفحات كلام وفّر طاقتك مش كل سوء فهم محتاج يتصلح.
10 نوامبر, 10:16

اكتر حاجه ممكن تدمر الواحد هي الحب خصوصا لما تحب الشخص الغلط وتفضل تدي من نفسك لحد ما تخلص تبقى مشغول بيه ومنسى نفسك وتستحمل حاجات عمرك ما كنت هتقبلها فتجنب الحب يا صديقي لو هيخليك تخسر نفسك اصل مفيش حد يستاهل توصل عشانه لمرحلة متبقاش عارف انت مين.
08 نوامبر, 23:24

أغرب حاجة إن الواحد ممكن يفضل سنين بيجري ورا حاجة ولما توصل لإيده يكتشف إنه كان متعلق بفكرة أكتر من الحاجة نفسها ساعات بنفتكر إن الوصول هو اللي هيريحنا وبعدها نكتشف إن اللي كان ناقصنا فعلًا هو إننا نفهم إحنا عايزين إيه من الأول.
08 نوامبر, 15:18

ما خدعنا بعضنا الزمن بينا خان😒
08 نوامبر, 11:58

متستهونش بكلمة حلوة تقولها لحد ممكن تقولها وتنسى بعدها بدقايق بس هو يكون محتاج يسمعها من زمان وتفرق معاه في يوم كان تقيل عليه احنا عمرنا ما بنعرف الكلمة وصلت لفين عشان كده لو عندك كلام حلو لحد قوله يمكن ييجي في وقته بالظبط.
08 نوامبر, 01:11

اللي يكسف بجد إنك تكبر وتفضل نفس الغلطات بتتكرر نفس الناس نفس التسرع نفس القرارات ونفس الندم العمر لو زاد من غير ما نتعلم يبقى اللي كبر هو السن بس إنما الواحد بجد بيكبر لما يبطل يعيد نفس الوجع بإيده.
07 نوامبر, 12:15

مش كل اعتذار بيتقال بالكلام واحد يغيّر طريقته واحد يبطل يكرر نفس الغلط واحد ييجي يصلّح اللي بوظه من غير ما تعمل معاه محكمة وساعتها تعرف إن الندم الحقيقي بيتشاف أكتر ما بيتقال.
05 نوامبر, 14:52