BUXGALTER UZ | Rasmiy kanal

Иш ҳақини натура шаклида тўлаш тартиби белгиланди “Иш ҳақини натура шаклида тўлашни тартибга солиш тўғрисида” ги Ҳукумат қарори (286–сон, 13.07.2023 й.) қабул қилинди Қарорга кўра, меҳнатга натура шаклида ҳақ тўланиши ходимнинг ёзма розилигига асосан қуйидаги ҳолларда мумкин: ➖ходим ёки унинг оиласи истеъмоли учун иш берувчи томонидан ишлаб чиқарилган ва етиштирилган озиқ-овқат ҳамда қишлоқ хўжалиги маҳсулотлари билан ҳисоб-китоб қилиш; ➖ўзига хизмат кўрсатилиши ва уй хўжалигини юритишда кўмаклашиш мақсадида уй хизматчиларини ёллаган иш берувчилар томонидан уй хизматчиларига озиқ-овқат ва вақтинча яшаш учун уй-жой билан таъминлаш шаклида ҳисоб-китоб қилиш. ➖Шунингдек, иш ҳақини натура шаклида тўлаш шарти ходимнинг розилиги асосида у билан тузиладиган меҳнат шартномасида кўрсатилади. Бунда иш ҳақининг натура шаклидаги умумий суммаси 30 фоиздан ортиқ бўлиши мумкин эмас. Ходимнинг ёзма розилигидан қатъи назар унинг иш ҳақидан: ➖50 фоизгача миқдорда ушлаб қолинса – ходимга натура шаклида тўланадиган иш ҳақининг умумий суммаси 10 фоиздан ортиқ бўлиши мумкин эмас; ➖50 фоиздан ортиқ миқдорда ушлаб қолинса – ходимга иш ҳақини натура шаклида тўлаш тақиқланади. Иш ҳақини натура шаклида тўлашда қуйидагилар тақиқланади: ➖ходимнинг ойлик меҳнат ҳақи қонунчиликда Меҳнатга ҳақ тўлаш ягона тариф сеткасининг биринчи разряди бўйича белгиланган миқдордан оз бўлганда, иш ҳақини натура шаклида тўлаш; ➖қишлоқ хўжалиги товар ва озиқ-овқат маҳсулотларини ишлаб чиқарувчилар томонидан тақдим этилаётган маҳсулотларнинг нархини уларнинг таннархидан юқори белгилаш; ➖алкоголь, тамаки маҳсулотлари, дори воситалари, каннабис ўсимлиги ҳамда қонунчиликда реализация қилиш (бериш) тақиқланган ўсимлик ва бошқа қишлоқ хўжалиги маҳсулотлари билан ҳисоб-китоб қилиш; ➖уй хизматчиларини ёллаган иш берувчилар томонидан тақдим этилаётган озиқ-овқатлар нархини ва уй-жойдан вақтинча фойдаланганлик учун тўловлар миқдорини ҳақиқий бозор нархидан юқори нархда белгилаш. https://t.me/buxgalteruz1

#QQS QQS guvohnomasini qanday yuklab olish mumkin? my3.soliq.uz saytidagi shaxsiy kabinetga kiriladi. “Xizmatlar” bo‘limidagi “Soliq hisobi” menyusidan “Yuridik shaxslarni QQS to‘lovchi sifatida ro‘yxatga qo‘yish” bandi tanlanadi. "Yuborilgan arizalar" bo‘limida "Guvohnomani ko'rish" tugmasi bosiladi. Shundan so'ng ekranda QQS to'lovchi sifatida ro'yxatdan o'tganlik to'g'risidagi guvohnoma aks etadi. Hujjatni pdf formatida yuklab olish va QR-kodini skanerlab haqiqiyligini tekshirish mumkin. Тelegram |Facebook |Youtube| Instagram |Twitter

2022 yil 1 sentyabrdan keyin jami daromadi joriy yil mobaynida ilk marta 10 mlrd soʻmdan oshgan soliq toʻlovchilar shu va keyingi yillar mobaynida foyda soligʻini 7,5% stavka boʻyicha toʻlashga haqli – basharti ushbu ikki yilda soliq toʻlovchining jami daromadi 100 mlrd soʻmdan oshmasa ✅ Soliq hisobotini topshirishdan oldin soliq toʻlovchi my.soliq.uzdagi shaхsiy kabinetning shu nomdagi interaktiv хizmati orqali “Soliq imtiyozlaridan foydalanish boʻyicha murojaat” berishi va soliq organlarining ma’qullashini olishi kerak. SKning 337-moddasi 11-qismi 3-хatboshisida nazarda tutilgan imtiyozni qoʻllash maqsadida bunday murojaatni berganda, soliq toʻlovchi 1 sentyabrdan keyin jami daromad 10 mlrd soʻmdan oshmaganligi bilan asoslangan rad etishni olgan holatlarga koʻp marta duch kelishga toʻgʻri kelgan. Bunda barcha koʻrib chiqilayotgan vaziyatlar, soliq toʻlovchining jami daromadi ilk marta hisobot soliq davrida belgilangan summadan oshgan hollarni birlashtiradi. ✅Misol uchun, 2023 yilning iyun oyida korхona faoliyatini boshlagan paytdan boshlab ilk marta jami daromadi 11 mlrd soʻmni tashkil etdi. Ushbu holat EHF ma’lumotlaridan aniq koʻrinib turibdi. SKning 337-moddasi 11-qismi 3-хatboshisidan kelib chiqqan holda, tadbirkorlik sub’yekti foyda soligʻi stavkasini joriy va keyingi yillarda, ya’ni 2023 va 2024 yillarda 50 %ga pasaytirish huquqiga ega. https://t.me/buxgalteruz1

2023 йил 1 июлдан нималар ўзгаради!!!! 📍1. Чакана савдода сув ва салқин ичимликларни маркировкалаш бошланади Сув ва салқин ичимликларни босқичма-босқич мажбурий рақамли маркировкалаш бошланади. Ферментланмаган мева шарбатлари (узум шарбатидан ташқари) ва сабзавот шарбатлари, шунингдек газланган ва газланмаган ҳамда шакар ёки бошқа ширинлик қўшилган ёки қўшилмаган, спирт қўшилмаган ичимликлар маркировкаланади 01.11.2022 йилдаги 631-сон ВМҚ 📍2. Иссиқхона хўжаликларига эгалик қилувчиларга ишчилар учун ЖШДС қайтариб берилади 2024 йил 1 июлга қадар давлат иссиқхонага ихтисослашган тадбиркорларга уларнинг ишчилари учун ЖШДСни қайтариб беради 14.06.2023 йилдаги ПҚ-192-сон қарор. Бунинг учун учта шартга риоя қилиш лозим: 1) ҳар бир 5 сотих ер майдони учун ойига камида 1 нафар ишчи банд бўлиши керак; 2) ҳар бир ишчи учун ойига меҳнатга ҳақ тўлаш тарзидаги даромад миқдори МҲЭКМнинг 1 бараваридан кам бўлмаган миқдорни ташкил этиши керак; 3) иссиқхонадан олинган даромад жорий ҳисобот даври якунлари бўйича жами даромаднинг камида 60 фоизини ташкил этиши керак. 📍3. Ҳунармандлар экспорт қилиш ва ижарага олишда имтиёзлар олишади Ҳунармандчилик маҳсулотларини экспорт қилишда халқаро почта ва курьерлик жўнатмалари сифатида жўнатиш харажатларининг 50 фоизи, бироқ маҳсулот экспорт қийматининг (жўнатиш харажатларисиз) 50 фоизидан ортиқ бўлмаган қисми тадбиркорларга қоплаб берилади. Давлат мулки бўлган моддий маданий мероснинг кўчмас мулк объектларини ҳунармандчилик фаолияти билан шуғулланиш учун фақат Миллий каталог ва Реестрга киритилган ҳунармандлар ижарага олишлари мумкин. Бундай объектлар онлайн-аукцион орқали тақсимланади https://t.me/buxgalteruz1

#еслатма SOLIQ TOʻLOVCHI – YURIDIK SHAXSNING 2023-YIL IYUL OYI UCHUN KALENDARI 5 июль: iyun oyi uchun: -banklar tomonidan Oʻzbekiston Respublikasining norezidentlariga amalga oshirilgan toʻlovlar (dividendlar va foizlar toʻlovidan tashqari) boʻyicha yuridik shaxslardan olinadigan foyda soligʻini byudjetga oʻtkazishning oxirgi kuni (Soliq kodeksi 355-modda 2-qism); -natura holida toʻlangan daromadlar boʻyicha JShODSni va SHJBPHga majburiy badallarni toʻlashning oxirgi kuni (Soliq kodeksining 390-moddasi 2-qism, 06.10.2005- yildagi 1515 raqamli nizomning 7-bandi). https://t.me/buxgalteruz1

2023-yil uchun yangilangan ishlab chiqarishdagi ish vaqti taqvimi

#mol_mulk_soligi Jismoniy shaxslardan olinadigan mol-mulk solig‘i 👉Qaysi obyektlar uchun to‘lanadi? 👉Qanday hisoblanadi? 👉Stavkalar miqdori qancha? 🎞Batafsil videorolikda Тelegram |Facebook |Youtube| Instagram |Twitter

❗️Янги меҳнат кодексида йиллик асосий таътил муддати узайтирилмоқда Амалдаги кодекснинг 134-моддасига асосан ходимларга ўн беш иш кунидан кам бўлмаган муддат билан йиллик асосий таътил берилиши белгиланган. Янги кодекснинг 217-моддасига кўра ҳар йилги асосий энг кам меҳнат таътилининг давомийлиги йигирма бир календарь кунни (дам олиш кунлари ҳам назарда тутилган) ташкил этиши белгиланди. Эслатиб ўтамиз кодекс 30 апрелдан расман кучга киради. 👉https://t.me/buxgalteruz1

#onlayn_NKT #marketpleys #chek_tahrirlash ✅ Fiskal cheklardagi xatolarni tuzatish imkoniyati beriladi Soliq to‘lovchilardan kelib tushayotgan murojaatlarni inobatga olgan holda, “Soliqchi-ko‘makchi” tamoyili asosida, 3-apreldan 19-aprelga qadar (19-aprel kuni ham) 2022-yil 1-yanvardan (1-yanvar ham kiradi) xato chop etilgan onlayn-NKT va marketplyes cheklarini tahrirlash imkoniyati beriladi. Buning uchun soliq to‘lovchining my.soliq.uz saytidagi shaxsiy kabinetida “YUSh onlayn-NKM va virtual kassa maʼlumotlari” sahifasidan “Tahrirlash” yoki "Marketpleys cheklarini tahrirlash" bo‘limiga kiriladi. Qidiruv tizimiga chekning fiskal moduli (ID) va raqamini kiritib tuzatiladigan chek topiladi. Ochilgan oynada chek maʼlumotlari tahrirlanadi. 👉Komitentlar my3.soliq.uz orqali vositachi (komissioner) tomonidan chop etilgan onlayn-NKT cheklarini tahrirlashi mumkin ✔️Xususan, chek maʼlumotlarini tahrirlashda quyidagilarni o‘zgartirish mumkin: ▫️ MXIK; ▫️ mahsulot miqdori; ▫️ o‘lchov birligi; ▫️chek summasi; ▫️ komitent STIRi; ▫️ to‘lov turi (naqd pul yoki bank karta). 📎 Barcha o‘zgartirishlar kiritilgandan so‘ng, faqat bitta fayl – tadbirkorlik subyektining holat yuzasidan batafsil tushuntirishi bayon etilgan rasmiy xati (muhrlangan firma blankida) ilova qilinishi lozim. “Jo‘natish” tugmasi orqali jarayon yakunlanadi. Shundan so‘ng kiritilgan ma'lumotlar 24 soat ichida o‘zgaradi. Tuzatish kiritish uchun yuborilgan cheklar avtomatik qabul qilinishini inobatga olib, noto‘g‘ri maʼlumotlarni kiritganlik uchun qonunchilikda belgilangan tartibda chora ko‘rilishini eslatib o‘tamiz. 📌Cheklar tahrirlangan taqdirda tadbirkorlik subyektlaridan tegishli hisobotlarni qayta topshirish talab etiladi. ❗️Istisno: isteʼmolchilarga xarid summasidan 1 % qaytarilgan (keshbek) cheklar tahrirlanmaydi. Тelegram |Facebook |Youtube| Instagram |Twitter