القرب من الله . .♡🫀''''''.

نشأة النبي  ﷺ #السيره_النبويه_بالعاميه (٥) أول ما وصلوا لقوا محمد الطفل إللي عمره سنتين وكم شهر واقف وشه متغير خايف ومصدوم من إللي حصل له.. فأبوه سأله : إيه إللي حصل لك يابني..فبدأ يحكي إللي حصل قال:جاءني رجلان لابسين ملابس بيضاء فواحد منهم صرعني، يعني وقعني في الأرض ، وشق صدري وطلع قلبي ، وأخرج من قلبي علقة سوداء حاجة زي بذرة سوداء، وقال له : هذا حظ الشيطان منك.. فأخذ قلبه وغسله في طِست من ذهب مليان بماء زمزم يعني غسل قلبه في طبق كبير من الذهب مليان بماء زمزم، وبعدين رجع قلبه مكانه وخيط صدره وسابوه ومشيوا... ☆إنت بتقول إيه؟؟!!😀 حادثة شق صدر محمد رسول الله صلى الله عليه وسلم ثابتة في صحيح مسلم..تقدروا تقولوا إن رسول الله اتعمل له عملية قلب مفتوح من أكثر من ١٤٠٠سنة مكنش في وجع مكنش في مخدر مكنش في غرفة عمليات معقمة، مكنش في نزيف مكنش...مكنش... إللي شق صدر رسول الله كان جبريل عليه السلام بأمر من الله جلا وعلا الله إللي أمر النار إنها الا تحرق إبراهيم عليه السلام.. الله إللي أمر السكين إنها لا تذبح إسماعيل عليه السالم.. فهو هنا برده أمر الجسم إنه لا يشعر بأي ألم، وأمر الدم إنه ال ينزف، وأمر...وأمر... فهو إذا أراد شيئا إنما يقول له كن فيكون.. ◇طيب ماهو ربنا كان قادر إنه يخلقه من غير ما تحصل القصة دي كلها ربنا لا يفعل شيء إلا لحكمة..خلينا كده نشوف بعض الحكم من الحادثة دي.. أولا : تمهيد للطفل محمد ده إنك مش إنسان عادي..إنت بيحصل لك حاجات غريبة مختلفة..فاستعد...ولكم أن تتخيلوا مشاعر الطفل ده كانت عاملة إزاي ساعتها وهل ممكن إنه ينسى الحادثة دي في حياته... ثانيا: تمهيد للناس إللي هيسمعوا ويعرفوا قصة محمد وإن الطفل ده له شأن في المستقبل فالناس تبدأ تركز معاه ويجذب انتباههم له.. ثالثا: الإيمان بالغيب..من صفات المؤمنين إللي هيدخلوا الجنة إنهم يؤمنون بالغيب، وقصص الأنبياء من الغيب والجنة والنار من الغيب، والأحداث إللي حصلت لرسول الله واحنا مشفنهاش من الغيب فلما تحصل حادثة زي كده ورسول الله نفسه يحكيها ويقول عنها أنس بن مالك إنه شاف أثر الخياطة في صدر رسول الله صلى الله عليه وسلم، يبقى احنا لازم نؤمن بها من جملة الإيمان بالغيب.. لأن إللي يؤمن بإن جبريل رفع قرية لوط بطرف جناحه لحد السماء وبعدين قلبها في الأرض، يصدق حادثة بسيطة زي شق صدر رسول الله... #يتبع #صلى_علي_حبيبك . .♡🫀''''''.

نشأت النبي ﷺ.. #السيره_النبويه_بالعاميه (٤) بالنسبة لهم أحسن ليلة يناموها، فلما صحيوا تاني يوم زوجها بيقول لها: يا حليمة إنتي شكلك أخذتي نسمة مُباركة قالت له : فعال والله وهم راجعين الاتان إللي حليمة راكبة عليها بتسبق القافلة كلها، وحليمة عمالة تهدي فيها ودي منطلقة، لدرجة إن النساء إللي كانوا معاها قالوا لها: هو إيه إللي جرى للأتان بتاعتك..هو إنتي غيرتيها والا هي نفسها .. فقالت لهم :مغيرتهاش وال حاجة ..هي نفس الأتان إللي أنا جيت عليها... ولما وصلوا أرض بني سعد ..حليمة بتقول إن مفيش أرض جدباء مفيهاش زرع زي أرض بني سعد .. وفجأة لقيت الغنم بتاعها راجع من المرعى شبعان والضرع بتاعهم مليان لبن، فالناس مستغربين اشمعنى حليمة! .. فكانوا بيقولوا للغلمان بتوعهم روحوا ارعوا مع غنم حليمة .. وعاش محمد بن عبد الله مع حليمة في بني سعد، قالت عنه حليمة كان بيكبر بسرعة، يعني لما كان وصل عمره سنتين كأن عمره ست سنين، وكان بيتكلم كلام واضح جدا وهو عمره سنتين.. بعد ما بتخلص السنتين بتوع الرضاع الناس بترجع الأطفال لاهلها بعد ما يكونوا فطموهم ويشوفوا إللي عايز يسترجع أبناؤه أو يخليهم مع البدو مدة أطول، حليمة فطمت محمد وأخذته هي وزوجها الحارث ورجعوه إلى آمنة زي باقي الناس.. فلما وصلوا عندها قعدوا يقنعوها إنهم يرجعوا بمحمد مرة تانية ويخلوه عندهم عشان خايفين عليه من أمراض مكة، فمن هنا لهنا أقنعوها ورجعوا فعال به لبني سعد.. ☆سبحان الله في الاول كانوا زاهدين فيه وأخذوه وهم مضطرين ، دلوقتي هم إللي حريصين عليه وعايزينه معاهم.. بعد ما رجعوا بحوالي شهرين ثالثة كده..كان محمد ومعاه أخ له من الرضاعة وسط الأغنام وفجأة حليمة لقت الأخ جاي وعمال ينده عليها هي وزوجها وبيقول لها: إلحقوا أخويا القرشي ..جاءه رجلين لابسين هدوم بيضاء وقعوه في الأرض وفتحوا بطنه...فبسرعة حليمة وزوجها الحارث راحوا يشوفوا إيه إللي حصل... #يتبع #اوعوا_تنسوا_الصلاة_ع_النبى . .♡🫀''''''.

السلام عليكم ورحمه الله وبركاته اخبارك يـ رفاق انا بعتزر على تقصيري معاكم الكام يوم اللى فاتو لانه كان معاى امتحانات ولسه فاضل كام ماده كمان ياريت تسامحونى على تقصيري وتدعولى بالتوفيق ، وبما أن النهارده السبت ف هنتكلم عن السيره النبويه باذن الله . .♡🫀''''''.

مجالس القُرآن لها بهاءٌ وجلالٌ لا تجده في غيرها . الشيخ ⨾ ياسر الدوسري . .♡🫀''''''.

عَسَانا في قَائمة دَعوَات أحدهم . توَاسِينَا الدَّعوَات فَلا تنسُونَا . .♡🫀''''''.

تأجيل التوبة أمر مرعب جدًا لمن كان له قلب ! ‏مهما تكرر ذنبك تب في حينها .. لا تتأخر ! ‏ لا تدري متى رحيلك . .♡🫀''''''.

قيل لأحد الصالحين ما سر السكينة التي تعتريك؟ قال : "قرأت قوله تعالي: ﴿يُدَبِّرُ الْأَمْرَ﴾ فتركت أمري لصاحب الأمر. وقرأت قوله تعالى:﴿ إِنَّ مَعَ الْعُسْرِ يُسْرًا﴾ فأدركت أن العسر زائل لا محالة. وقرأت قوله تعالى: ﴿فَمَا ظَنُّكُمْ بِرَبِّ الْعَالَمِينَ﴾ فأدركت أن خير الله قادم لا محالة . .♡🫀''''''.

البوست دا لو حد قراه عِندك هيخليك تشيل جبال من حسنات بإذن الله وكُلنا مُحتاجِينها الصراحة فلا تغفلوا!. - ‏سُبْحَانَ اللَّهِ وَبِحَمْدِهِ , عَدَدَ خَلْقِهِ , وَرِضَا نَفْسِهِ , وَزِنَةَ عَرْشِه , ومِداد كَلِماته. - ‏لا إله إلا الله , عَدَدَ خَلْقِهِ , وَرِضَا نَفْسِهِ , وَزِنَةَ عَرْشِه , ومِداد كَلِماته. - ‏الله أكبر , عَدَدَ خَلْقِهِ , وَرِضَا نَفْسِهِ , وَزِنَةَ عَرْشِه , ومِداد كَلِماته. - ‏أستغفر الله وأتوب إليه , عَدَدَ خَلْقِهِ , وَرِضَا نَفْسِهِ , وَزِنَةَ عَرْشِه , ومِداد كَلِماته . .♡🫀''''''.

​​إنَّ الصَّلاةَ على النَّبيِّ لَبَلْسَمٌ ‏يشفي الفُؤادَ ويُذْهِبُ الأوْجاعَا . .♡🫀''''''.

واخيراً ... اتمنى تكونوا استفادتوا و اسأل الله ان يستعملنا ولا يستبدلنا ..♥♥🕊. اللهم اهدنا واهدِ بنا واجعلنا يا رب سبباً لمن اهتدى ..♥♥🕊. متنسوش التفاعل الجميل بتاعكم ♥♥🕊 . دمتم بخير ي رفاق . .♡🫀''''''.