ရေးချင်တာရေးမယ်

သားမောင်စစ်သည် ဆိုတဲ့ကလောင်အမည်နဲ့ ဒေါက်တာမောင်မောင်အကြောင်းလေး ဒီစာအုပ်ကကျတော့ အဖေတစ်ယောက်အကြောင်းကို.သားတစ်ယောက်က ပြောပြတဲ့ ပုံစံမျိုးမဟုတ်ပဲ သားဖြစ်သူရဲ့ အကြောင်းနဲ့အတူ သူမြင်တွေ့ခဲ့တဲ့ သူ့အဖေအကြောင်းလေးဆိုပိုမှန်မယ်။ တူညီတာတစ်ခုက အဖေဖြစ်သူကို ဂုဏ်ယူပီး ရေးထားတာခြင်းတူညီတယ်။ သတိပြုမိတာတစ်ခုက တိုင်းပြည်အရေးကြီးနေတဲ့ အချိန် ဒေါက်တာမောင်မောင်က စစ်ထဲပြန်ဝင်ဖို့ ပြောတဲ့အခါ ဦးနေဝင်းကြီးက ခွင့်မပြုခဲ့ဘူး။ ပညာရှင်ရှားပါးတဲ့ခေတ်မှာ ပညာရှင်ကို တန်ဖိုးထားတယ်ဆိုတာလေး လေးစားဖွယ် မှတ်သားရတယ်။ တကယ်တော့ လူလူချင်း စစ်တိုက်နေတယ်ဆိုပေမယ့် လူ့တန်ဖိုးချင်းက တူညီနေကြတာ မဟုတ်ဘူး။ တဘက်က လူသားအရင်းအမြစ်တွေ အခြားတဘက်က ကလေးကအစ တွေ့တဲ့လူ အကုန်ဆွဲ ဆေးကျွေးပြီး စစ်တိုက်နေတာ ပညာရှင်တွေဆိုတာ ချက်ချင်းမွေးထုတ်လို့မရဘူး။ သားတစ်ယောက်က အဖေတစ်ယောက်အတွက် ဂုဏ်ယူပြီး ရေထားတဲ့ စာအုပ်လေးမှာ သားသမီး တစ်ဦးချင်းစီက မိဘနဲ့ ပတ်သက်ပြီး ပြောထားတဲ့ အမြင်လေး... '' အကောင်းဆုံး အမွေမှာ အကျင့်စာရိတ္တကောင်းနှင့် နာမည်ကောင်း ဖြစ်ပါသည်။ '' '' အဖေ၏ သွန်သင်မှု၊ အဖေ၏ နာမည်ကောင်းပေးခဲ့ မှုကြောင့် ကျွန်မတို့ မိသားစုသည် လူအများအလည် တွင် သိက္ခာရှိရှိ၊ လုံခြုံစွာ အများနည်းတူ သွားလာနိုင် နေနိုင်ခြင်းသည် အဖေလိုလားသော ဆန္ဒတစ်ရပ်ပင် ဖြစ်ပါလိမ့်မည်။ '' '' ဖခင်ကွယ်လွန်ပြီးနောက်ပိုင်းတွင် မြန်မာ့နိုင်ငံရေး၌ ဒေါက်တာမောင်မောင်သည် အဂတိတရားကင်းစင်၍ အကျင့်စာရိတ္တကောင်းမွန်သော၊ ဥာဏ်ပညာအရည် အသွေးပြည့်ဝသော ပုဂ္ဂိုလ်တစ်ဦးအဖြစ် ပြည်သူလူထုက အသိအမှတ်ပြုခြင်း ခံရပြီး ကျန်ရစ်သည့် သားသမီးများ အနေဖြင့်လည်း လူပုံလယ်တွင် မျက်နှာမငယ်စေရန် စစ်မှန်သည့် မျိုးရိုးဂုဏ်သိက္ခာအမွေကို ပေးခဲ့ပါသည်။ '' လူသည် မျိုးဆက်အလိုက် သွားတာ ဖြစ်သည့်အတွက် လူမှာ နာမည်တစ်လုံးက အရေးကြီးလှတယ်ဆိုတာကို အထင်အရှား မြင်နိုင်တာသည် မြန်မာ့နိုင်ငံရေးတင်မက၊ အိန္ဒိယနိုင်ငံရေးမှာလဲ နေရူး မိသားစုကို ကြည့်ရင် တွေ့နိုင်တယ်။ ဂုဏ်သိက္ခာရှိတဲ့ နာမည်တစ်လုံးကို လူတွေရဲ့ နှလုံးသားထဲမှာ သမိုင်းတွင်ကျန်ရစ်အောင် ကဗျည်းထိုးခဲ့သူများသည် '' လူသေသွားသည့်တိုင် နာမည်မသေပဲ တိုင်းပြည်က ထာဝရ အမှတ်ရနေပေလိမ့်မည်။ '' ပုထုဇဥ် လူသားတွေဖြစ်သည့်အတွက် လူသည် လူကြားထဲမှာ လှုပ်ရှားရုန်းကန် ရှင်သန်နေထိုင် ကြရမှာပဲ မဟုတ်လား။ '' အစဥ်နုပျိုနေသောသူ၊ အစဥ်သစ်လွင်နေသော အရာဝတ္ထု ဟူ၍မရှိ၊ ဖြစ်ပျက်ပြောင်းလဲ၍သာ နေသည်။ အရေးကြီးသည်က ကောင်းသောအစဥ်အလာ မပျက်ဖို့၊ တန်ဖိုးကောင်းတွေ မပျောက်ဖို့၊ ပို၍ကောင်းမြတ်သော တန်ဖိုးများ ဖြစ်လာဖို့ ''ဆိုပီး ဒေါက်တာ မောင်မောင်က သူ့သားသမီး တွေကို ဆိုဆုံးမစကားပြောကြားခဲ့တာလေးနဲ့ စာအုပ်ကလေးကို အဆုံးသတ်ထားသည်။ Credit ###Ko Lay Nge🌿🌿🌿