Eleven Sports

  နာပိုလီအသင်း၏ နည်းပြသစ်ဖြစ်သူ ကွန်တီသည် အသင်း၏ဂျော်ဂျီယာကြယ်ပွင့်တောင်ပံကစားသမား ခွါရတ်စကယ်လီယာ (၂၃ နှစ်)အား လုံးဝရောင်းချမည်မဟုတ်ကြောင်း အတည်ပြုပြောကြားခဲ့သည်။ ခွါရတ်စကယ်လီယာသည် နာပိုလီအသင်းနှင့်အတူ အကောင်းဆုံးခြေစွမ်းပြနေနိုင်သူဖြစ်ပြီး ၂၀၂၂-၂၃ ရာသီအသင်း၏ သမိုင်းဝင်စကူဒက်တို ချန်ပီယံအောင်ပွဲတွင် အဓိကနေရာမှ  ပါဝင်ခဲ့သူဖြစ်သည်။  လက်ရှိတွင်ခွါ ရတ်စကယ်လီယာအားခေါ်ယူရန်အတွက် ပြင်သစ်ထိပ်သီးကလပ် PSG အသင်းကစိတ်ဝင်စားနေပြီး ချဉ်းကပ်မှုများပြုလုပ်နေခြင်းအပေါ် နာပိုလီအသင်းနည်းပြ ကွန်တီက တုံ့ပြန်ခဲ့ခြင်း ဖြစ်သည်။ 

  အာဆင်နယ်ကွင်းလယ်ကစားသမားဟောင်း ဂီလ်ဘာတိုဆေးလ်ဗားက ဘရာဇီးလ်တိုက်စစ်မှူး ဂါဘရီရယ်လ်ဂျေးဇူးအား ထောက်ခံအားပေးရန် အသင်းဟောင်းကို တိုက်တွန်းပြောကြားခဲ့သည်။  အသက် ၂၇ နှစ်အရွယ်ရှိ ဘရာဇီးလ်လက်ရွေးစင်တိုက်စစ်ကစားသမား ဂျေးဇူး သည် ၂၀၂၂ နွေရာသီတွင် မန်စီးတီးအသင်း မှ အာဆင်နယ်အသင်းထံသို့ ပေါင် ၄၅ သန်း ဖြင့် ပြောင်းရွှေ့လာခဲ့သူဖြစ်သည်။ ၎င်းသည် ပြီးခဲ့သည့် ၂၀၂၃-၂၄ ရာသီက ဒဏ်ရာပြဿနာများနှင့် ရုန်းကန်ခဲ့ရပြီး အာဆင်နယ်အသင်းအတွက် ပြိုင်ပွဲစုံ ၃၆ ပွဲတွင် ရှစ်ဂိုးသာ သွင်းယူပေးနိုင်ခဲ့သည်။