IIV NUKUS "TEMURBEKLAR MAKTABI" HAL rasmiy telegram kanali

Ishki isler ministrliginiń Nókis Temurbekler mektebi áskeriy akademiyalıq liceyinde pitkeriw ilajı bolıp ótti

---

Ichki ishlar vazirligining Nukus Temurbeklar maktabi harbiy akademik litseyida bitiruv tadbiri bo‘lib o‘tdi

✉️Telegram 🌐Website 📱Instagram 📱Facebook

IIV Nukus “Temurbeklar maktabi” harbiy-akademik litseyi bitiruvchilarining tantanali bitiruv tadbiri bo‘lib o‘tdi

YO‘LING OCHIQ BO‘LSIN, AZIZ BITIRUVCHI! Bugun IIV Nukus “Temurbeklar maktabi” harbiy-akademik litseyi bitiruvchilarining hayotidagi eng muhim kunlardan biri. Yillar davomida bilim, tarbiya va jasorat maktabi bo‘lib xizmat qilgan muassasa o‘z o‘quvchilarini katta hayot sari kuzatmoqda. Tantanali bitiruv marosimi yuksak ruhda, ko‘tarinki kayfiyatda o‘tkazildi. Unda ichki ishlar vazirligi rahbariyati, sohaviy xizmat vakillari, faxriylar, ustoz-murabbiylar hamda bitiruvchilarning ota-onalari ishtirok etishdi. Bu yil litseyni jami 99 nafar bitiruvchi muvaffaqiyatli yakunlab, o‘z hayotlarida yangi sahifani ochmoqda. Ular orasidan 16 nafar iqtidorli o‘quvchiga imtiyozli diplomlar tantanali tarzda topshirildi. Bugun litsey ostonasidan qadam tashlayotgan bu o‘g‘lonlar yosh, ammo qalblari buyuk maqsadlar bilan to‘la. Ular Vatanga sadoqat, xalq osoyishtaligi va tinchligini taʼminlash yo‘lida xizmat qilishni o‘zlarining sharafli va muqaddas burchi deb bilishadi.

IIV Nukus “Temurbeklar maktabi” harbiy-akademik litsey bitiruvchilarining ta’lim yo‘nalishlari bo‘yicha yakuniy davlat attestatsiya imtihonlaridan video lavhalar.

🏛 “Temurbeklar maktabi” o‘quvchilari QDU Yuridika fakultetida bo‘lishdi IIV Nukus “Temurbeklar maktabi” harbiy-akademik litseyi o‘quvchilarining huquqiy bilimlarini yanada oshirish hamda ularning yurisprudensiya sohasiga bo‘lgan qiziqishlarini kuchaytirish maqsadida Qoraqalpoq davlat universitetining Yuridika fakultetiga maxsus tashrif tashkil etildi. Tashrif davomida bo‘lajak vatan himoyachilari: 🔹 Fakultetdagi zamonaviy o‘quv xonalari va sharoitlar bilan yaqindan tanishdilar; 🔹 Huquqshunoslik sohasi sirlari va ta’lim tizimi haqida batafsil ma’lumotga ega bo‘lishdi; 🔹 O‘zlarining nazariy bilimlarini amaliyot bilan uyg‘unlashtirish imkoniyatini qo‘lga kiritishdi. Bu kabi tadbirlar yoshlarning intellektual salohiyatini oshirish va kelajakda yetuk kadrlar bo‘lib yetishishida muhim poydevor bo‘lib xizmat qiladi.

#Xizmatchining_bir_kuni IIV Nukus "Temurbeklar maktabi" harbiy-akademik litseyi o‘quv kursining komandiri mayor Bekpulatov Aynazar Uralbayevichning bir kunlik xizmat vazifasi

#Poligon_2026 IIV Nukus “Temurbeklar maktabi” harbiy-akademik litseyi 1-bosqich o‘quvchilarining dala-o‘quv mashg‘ulotlaridan video lavhalar.

⚡️ “Temurbeklar maktabi”da adabiy uchrashuv bo‘lib o‘tdi IIV Nukus “Temurbeklar maktabi” harbiy-akademik litseyida “Mustaqillik davri adabiyoti” mavzusida davra suhbati tashkil etildi. Tadbirda Qoraqalpoq davlat universiteti o‘qituvchisi, filologiya fanlari bo‘yicha falsafa doktori (PhD) M.A.Ataniyazova mehmon bo‘lib, o‘quvchilarga o‘zbek adabiyotining boy tarixi va bugungi rivoji haqida qimmatli ma’lumotlar berdi. Suhbat davomida litsey o‘qituvchilari Z.Jumaniyazova va D.Nazarova ham mavzu yuzasidan o‘z fikr-mulohazalarini bildirdilar. O‘quvchilar mustaqillik davri she’rlaridan namunalar aytib, o‘zlari o‘qigan nasriy asarlar haqida fikr almashdilar va qiziqtirgan savollariga javob oldilar. ✨ Bunday tadbirlar o‘quvchilarda adabiyotga mehr, Vatanga sadoqat va insonparvarlik tuyg‘ularini shakllantirishda, shuningdek, boy ma’naviy merosimizni targ‘ib qilishda muhim ahamiyat kasb etadi.

🎭 Nukus «Temurbeklar maktabi» o‘quvchilari Pushkin ijodiy kechasida ishtirok etishdi Bugun, 19-may kuni Qoraqalpog‘iston Respublikasi Rus madaniyat markazida adabiyot ixlosmandlarini bir davraga jamlagan ajoyib tadbir bo‘lib o‘tdi. Buyuk rus shoiri Aleksandr Sergeevich Pushkin tavalludining 227-yilligiga bag‘ishlangan ushbu adabiy kechada o‘ziga xos ijodiy muhit hukm surdi. Tadbirda IIV Nukus “Temurbeklar maktabi” harbiy-akademik litseyi o‘quvchilari ham faol ishtirokchilar qatorida qatnashdilar. ✨ Adabiyot va ijod bayrami Bo‘lajak vatan himoyachilari uchun bu kecha daho ijodkorning o‘lmas merosiga yaqinroq bo‘lish, uning qalblarni larzaga soluvchi she’rlari hamda asarlaridan parchalarni mahorat bilan ijro etish uchun ajoyib imkoniyat yaratdi. Litseyimiz o‘quvchilarining chiqishlari yig‘ilganlarda chuqur taassurot qoldirdi. 🏆Tadbir yakunida o‘zining yorqin iqtidori va faolligini ko‘rsatgan litseyimiz o‘quvchilari tashkilotchilar tomonidan munosib taqdirlanib, faxriy yorliqlar bilan taqdirlandilar.

🏛 Muzeylar — jonli tariximiz koʻzgusi! Bugun, 18-may — Xalqaro muzeylar kuni munosabati bilan IIV Nukus “Temurbeklar maktabi” harbiy-akademik litseyida davra suhbati boʻlib oʻtdi. “Muzeylar — jonli tariximiz koʻzgusi” mavzusidagi ushbu uchrashuvda Tarix fanlari falsafa doktori (PhD), dotsent A.Alimbetov oʻquvchilar bilan suhbatlashdi. Suhbat davomida muzeylar shunchaki qadimiy va koʻhna buyumlar saqlanadigan oddiy maskan emasligi, balki insoniyat oʻtmishi, boy madaniyati, yuksak ilmiy yutuqlari va maʼnaviy qadriyatlarini oʻzida jamlagan haqiqiy tirik tarix ekanligi alohida taʼkidlandi. Har bir eksponat ortida millatning oʻzligi va ajdodlarimizning dunyo tamadduniga qoʻshgan hissasi yotishi uchrashuvda keng yoritib berildi. Tadbir oʻquvchilarda milliy qadriyatlarimiz va tariximizga boʻlgan hurmatni yanada oshirishga xizmat qildi.

⚡️ Xiva va Shilpiq qal’asiga unutilmas sayohat Joriy yilning 17-may kuni IIV Nukus “Temurbeklar maktabi” harbiy-akademik litseyi o‘quvchilari va xodimlari uchun tarixiy qadamjolarga sayohat tashkil etildi. 🏛 Sayohat davomida o‘quvchilarga “Ichan-qal’a” obidalari, shaharning jahon sivilizatsiyasidagi o‘rni va YuNESKO merosiga kiritilgani haqida ma’lumotlar berildi. Al-Xorazmiy va Beruniy kabi shu zamonda yashab, dunyo ilm-fanini o‘zgartirgan bobolarimiz hayoti yoshlar uchun haqiqiy ibrat maktabi bo‘ldi. Shundan so‘ng, Qoraqalpog‘istonning qadimiy yodgorligi — Shilpiq qal’asini borib ko‘rishdi. Yoshlar ushbu inshootning qurilish tarixi, mudofaa va muqaddas marosimlar uchun xizmat qilgan xususiyatlari haqida noyob ma’lumotlarga ega bo‘lishdi. 🌟 Sayohat o‘quvchilarning bilimini boyitib, ularda Vatanga muhabbat, milliy qadriyatlarga hurmat va harbiy-vatanparvarlik tuyg‘ularini yanada mustahkamlashga xizmat qiladi.

#Viktorina 2026-yil 15-may kuni O‘zbekiston Respublikasi IIV Nukus "Temurbeklar maktabi" harbiy-akademik litseyida "Rus tilining kelishiklari" (Падежи русского языка) mavzusida qiziqarli viktorina bo‘lib o‘tdi. Mazkur intellektual bellashuvda litseyning I bosqich o‘quvchilari o‘zaro kuch sinashdilar. Viktorina davomida o‘quvchilar: Rus tili grammatikasi bo‘yicha bilimlarini namoyish etishdi. Tezkor savol-javob shartlarida o‘z mahoratlarini ko‘rsatishdi. Bellashuv yakunida yuqori natija ko‘rsatgan va faol ishtirok etgan o‘quvchilar munosib taqdirlandilar. Ushbu tadbir o‘quvchilarning xorijiy tillarni o‘rganishga bo‘lgan qiziqishini yanada oshirishga xizmat qildi.

#SERTIFIKAT Bugungi kunda yurtimizda xorijiy tillarni o‘rganishga alohida e’tibor qaratilmoqda. Til bilimi — bu zamonaviy dunyoda mustahkam poydevor, keng imkoniyatlar eshigi va shaxsiy taraqqiyot kafolatidir. IIV Nukus “Temurbeklar maktabi” harbiy-akademik litseyi o‘quvchilari ham ushbu yo‘nalishda yutuqlarga erishmoqda. Xususan, bir guruh o‘quvchilar ingliz tili fanidan MILLIY SERTIFIKATni qo‘lga kiritib, bilim va intilishlari orqali o‘z imkoniyatlarini kengaytirishdi. 📖 Ayniqsa, ingliz tili yo‘nalishida o‘quvchilarimizning yildan-yilga yuqori natijalarni qayd etayotgani ularning kelajakdagi ta’lim va kasbiy faoliyatida muhim poydevor bo‘lib xizmat qilmoqda. 👏 IIV Nukus “Temurbeklar maktabi” harbiy-akademik litseyi jamoasi barcha sertifikat sohiblarini va ularning ustozlarini samimiy muborakbod etadi hamda ularga kelgusidagi o‘qish va faoliyatlarida yanada ulkan muvaffaqiyatlar tilaydi!🎉

IIV Nukus “Temurbeklar maktabi” harbiy-akademik litseyi jamoasi Ikkinchi jahon urushi va front orti qatnashchisiga quvonch ulashdi. ❇️ 9 may – Xotira va qadrlash kuni bayrami arafasida Ikkinchi jahon urushi va front orti qatnashchilarining holidan xabar olinib, mehr-saxovat, hurmat-ehtirom namunalari koʻrsatilmoqda. ❇️ Litsey jamoasi tashabbusi bilan harbiy xizmatchi va oʻquvchilardan iborat bir guruh bu yil 95 yoshni qarshi olgan Ikkinchi jahon urushi va front orti qatnashchisi Samarkanova Raushan xonadonida boʻlib, uning holidan xabar olishdi. Urush qatnashchisiga Ikkinchi jahon urushida koʻrsatgan mardligi va matonati uchun minnatdorchilik bildirildi.

#9_may_Xotira_va_qadrlash_kuni IIV Nukus “Temurbeklar maktabi” harbiy-akademik litseyi o‘quvchilari “9-may — Xotira va qadrlash kuni hamda Ikkinchi jahon urushida fashizm ustidan qozonilgan g‘alabaning 81 yilligi” bayrami munosabati bilan Nukus shahridagi “Shahidlar xotirasi” yodigorligi va “Motamsaro ona” monumenti poyiga gul qo‘yib, yurt tinchligi yo‘lida jonini fido qilgan qahramonlar xotirasini chuqur hurmat va ehtirom bilan yod etdilar. Mazkur tadbir o‘quvchilarda vatanparvarlik tuyg‘usini shakllantirish, tarixiy xotirani asrab-avaylash, milliy qadriyatlarimizga hurmat ruhida tarbiyalash maqsadida tashkil etildi.

Ustozlarining samarali mehnati va o‘quvchilarning izchil sa’y-harakatlari natijasida IIV Nukus “Temurbeklar maktabi” harbiy-akademik litseyi o'quvchilari navbatdagi yutuqqa erishmoqda. ✅Litseyning 15 nafar o‘quvchisi fizika fanidan Milliy sertifikatni muvaffaqiyatli qo‘lga kiritdi. 📚 Bu natija o‘quvchilarning chuqur bilimga ega ekanligi, ustozlarining puxta tayyorgarligi va doimiy qo‘llab-quvvatlashi samarasi ekanini yana bir bor namoyon etdi. 📚 Mazkur yutuq litsey jamoasi uchun katta faxr va motivatsiya bo‘ldi. 👏O‘quvchilarimizni ushbu muvaffaqiyat bilan muborakbod etamiz va kelgusida yanada yuksak marralarni zabt etishlarini tilaymiz!

IIV Nukus “Temurbeklar maktabi” harbiy-akademik litseyining iqtidorli o‘quvchilari yana bir bor o‘z bilim va intilishlari bilan yuqori natijalarni qo‘lga kiritdilar! 📄 TARIX fanidan bo‘lib o‘tgan milliy sertifikat imtihonida jami 45 NAFAR O‘QUVCHImiz muvaffaqiyatli ishtirok etib, SERTIFIKAT sohibiga aylanishdi. Bu yutuq o‘quvchilarning tarix faniga bo‘lgan qiziqishi, intilishi va tinimsiz mehnati natijasidir. Ularning bilim olish jarayonida "Ijtimoiy gumanitar fanlar" kafedrasi tarix o‘qituvchilari katta hissa qo‘shib, o‘quvchilarga samarali ta’lim berdilar hamda imtihonga puxta tayyorgarlik ko‘rishlariga yordam berdilar. Sertifikat egalari kelajakda tarix fani bo‘yicha yanada yuqori cho‘qqilarni zabt etish, oliy ta’lim muassasalariga muvaffaqiyatli tayyorlanish va o‘z bilimlarini rivojlantirish niyatida. O‘quvchilarni ushbu yutuqlari bilan qutlab, ularga ilm yo‘lida ulkan zafarlar tilaymiz! 👏