Haramaya University Hiwot Fana Comprehensive Specialized Hospital

በሐረማያ ዩኒቨርሲቲ ሕይወት ፋና ኮምፕርሄንሲቭ እስፔሻላይዝድ ሆስፒታል ሲሰጥ የነበረው የልብ ቀዶ ህክምና አገልግሎት በስኬት ተጠናቀቀ ። በታዝማ የውስጥ ደዌና የቀዶ ህክምና ልዩ ማእከል የልብ ቀዶ ህክምና ሰብ እስፔሻሊስት ዶክተር ብርሀኑ ኀይለማሪያም እንደተናገሩት ለመጀመሪያ ጊዜ በሐረማያ ዩኒቨርሲቲ ሕይወት ፋና ኮምፕርሄንሲቭ እስፔሻላይዝድ ሆስፒታል ለ11 ህፃናት የልብ ቀዶ ህክምና አገልግሎቱን በስኬት መስጠት ችለናል ብለዋል ። ዩኒቨርስቲ ሆስፒታሉ ለህክምናው ያደረገው አስፈላጊ ቅድመ ዝግጅት የአገልግሎቱ ውጤታማነት ላይ ጉልህ ሚና እንዳለው ጠቅሰዋል ። ዶክተር ብርሀኑ አክለውም ታዝማ የውስጥ ደዌና የቀዶ ህክምና ልዩ ማእከል ይህን አገልግሎት በኢትዮጵያ በሁሉም የአገራችን አካባቢዎች ተደራሽ የማድረግ ግብ እውን እንዲሆን ብርቱ ጥረት በማድረግ ላይ እንገኛለን በዚህም ስድስት ዩኒቨርስቲ ሆስፒታሎች ላይ እስካሁን መድረስ ችለናል ወደፊትም ይቀጥላል ። በዩኒቨርሲቲ ሆስፒታሉ ውስጥ ታካሚዎች ቀጣይ የክትትል ሂደታቸውን የሚያደርጉ ሲሆን ሁሉም በተሻለ ጤንነት ላይ ይገኛሉ ብለዋል ። የህክመናው ተጠቃሚ ህፃናት ወላጆች በሰጡት አስተያየት ይህን አጋጣሚ እንድናገኝ እና ልጆቻችን ህክምናው ተደርጎላቸው በጥሩ ሁኔታ ላይ ሆነው በማየታችን የተሰማን ደስታ ከፍተኛ ነው ፣ በዚህ በጎ ተግባር ላይ ለተሳተፋ አካላትን ሁለ ከልብ እናመሰግናለን ብለዋል ። ዘጋቢ :- ታደለ ጥላሁን ፎቶ ግራፈር ፡- በሐይሉ ግርማ ነሃሴ 28/2018 ዓ.ም የሐረማያ ዩኒቨርሲቲ የጤናና ህክምና ሳይንስ ኮሌጅ ህዝብ ግንኙነት እና ኮሚኒኬሽን ለልማት መሰረት እንጥላለን !!