هُوجَـاس

لاتحسب أن حبك في خافقي مات رغم المشاغل وانقطاع الرسايل القلب ماينسى من يحب هيهات لو ان شمّر تترك بلاد حايل مانساك لو طويق يرحل لبانات ونجد العذيه تجحد عيال وايل مانساك لو ينسى الجنوب الحويطات ويرحل جبل سنجار لاقصى محايل مانساك لو زايد نسته الإمارات حبه على كل المقاييس طايل أسمك حفرته باوسط القلب والذات ومن شان ماننسى فتحنا فوايل هـذا الوكاد ولاّش بالهرج سكّات والصدق يبقى دوم والزيف زايل

شمر سنام المجد طيب وحمايا شمر سناعيس الفخر خير تمثيل يكفي ليا منك صرخت الطنايا الارض حسه من مهابتهم تميل

الحياة ملكّعة تبغى لها نسبة لكاعة وأنت غامر لا تفكّر فالزمن جوده وشحّه بس تكفى لا يصيبك قلّ دين قلّ طاعة لو تمر بقلّ مال وقلّ نوم وقلّ صحة : متعب بن مرزوق

‏"ما سلم من ظلم الأقراب خير المرسلين ‏كيف عاد اللي من الذنب مالي منكبه؟"

" معي راعةٍ من طاري الفقد والحرمان ‏مثل راعة السربوت من لمعة السفتي "

‏"إن جا .. نحطّه بين طيّات الأهداب ‏وان صدّ ما عشنا العمر في إنتظاره"

‏صحت نجدٍ على صوت النباح ولجّة الغربان ‏عوافي.. قرِّبي منْك الوساده وادخلي لحافك ‏كأنك ما تعوّدتي على التجريح والنكران ‏من اللي زادهم في ما مضى من لحم أكتافك ‏تغطّي.. ما عليك الا الرضا ورعاية الرحمن ‏صياحٍ ما يساوي طلّتك من راس مشرافك ‏عليتي يا عماد الدين وجمرة شيمة الفرسان ‏كثير الظلم ما ضرّك ولا هو سرّنا انصافك ‏ولو كسب المعارك هرج سادوا غيرنا عربان ‏نبا سيف الحروف وما نبت في الحرب أسيافك ‏نَحسب إيران تكرهنا.. وكلّن في الهوى إيران ‏عسى يفداك من حب وعسى يفداك من عافك ‏متى يا قبلة الدنيا عرفتي الذل والحقران ‏ومنهو اللي تجرّا يقهرك أو يكتف كتافك ‏تهاوى عرش كسرى وانتهت سطوة بني عثمان ‏وانتي مثل خشم طويق في عزمك وميقافك ‏أنا والله مدري وش تبي يا الثاير الزعلان ‏تظن بلادنا ترجيك ، أو ان شيوخنا تخافك ‏تبي سلمان ! ناظر في السما كانك تبي سلمان ‏تخيب يديك ما طلته ولا طالوه أسلافك

‏سلمان أبينا الصامل الوافي البار زيزومنا زيزوم كل المسيرة كفه مثل سيفٍ على الحق بتّار يقطع به إرقاب الوجيه الشريرة وولي عهده فالمهمات مغوار عسْر الأمور إن قام فيها، يسيرة يثبت على الشدة مثل ضلع سنجار لو إنها مثل الرحى المستديرة عرّاب نهضتنا على كل الأقطار نجدٍ تبيه وماتبي نجْد غيره قلته وأنا من دولةٍ .. كلها أحرار من لدّ فيها العين نلعن شويرة 🇸🇦 : راكان بن ملهي

يـاعـل بيتٍ من حنانك غمرتيه مايفقدك يومٍ ولا تفقدينه ❤️

تعبت أسافر في عروقي ومليت من جلدي اللي لو عصيته غصبني ياما تجاوزت الجسد واستقليت عن الألم ..لاشك جرحي غلبني أنا سجين الحال..مهما تسليت وانا الطليق وكل شيٍ قضبني حريتي لعلّ ..يا كود ..ياليت ما شفت حيٍ جاد لي ماسلبني وليت يا ليل التباريح وليت اما محاني الحزن.. ولا كتبني كل السما في دفتري وان تجليت مثل الشموس  غبار قبري حجبني لي صاحب وان ما تخلى تخليت لا بد ما نهدم  ولا بد نبني بدر بن عبدالمحسن

‏النفس طابت والحياة اجبرتني ‏اساير ايامي على قدر الامكان ‏والوقت قاسي والظروف اتعبتني ‏والحظ مايل عن مساره ولا زان ‏حتى الليالي من هناها نستني ‏ماكن لي قلبٍ للافراح شفقان ‏زادت غرابيل الزمان وعصتني ‏ماصدها موقف ولا حاجة انسان

‏لقيتك ما تشابهني ولا ديارك هي دياري ‏ولا طبعك مثل طبعي ولا مثلك يناسبني ‏شريت البُعد .. و أخترت الفراق إجباري ‏و أنا اللي ما هقيت بيوم زماني عنك يبعدني ‏فمان الله .. يا قلب عطيته أجمل أسراري ‏فمان الله حتى لو ضميرك ما إستحى مني

«يارب لا ضاقت عليّ السبل من كل إتجاه وأصبحت تايه لا طريق ولا إتجاه ولا سبل أنت الرجاء وأنت الأمل وأنت الفرج وأنت النجاة من كل همٍ ينعقد له في معاليقي حبل» __محمد القثامي

كل فزّة شمس أهدي لك قصيدة خايف إنك عن حياتي تغربين ولو تغيب الشمس تبقين الوحيدة مشرقة تسطع على روحي وتبين ما أبي في دنيتي شمسٍ جديدة بس أبيك أنتِ بعمري تشرقين مشرقك يمحي مواجيع شديدة ومغربك جرحي وآلام السنين

يا عاشق الدنيا ترى مالها جار ‏كم واحدٍ في حبها طار شوعه ‏اليوم تضحك له وتعطيه الإنذار ‏وبكره تلحويها محاني ضلوعه ‏خلك على صكات الأيام صبّار ‏ويومٍ يفوتك لا تمنى رجوعه

‏أحيان أحس إني جبل متصديٍ وجه الرياح ‏وأحيان أحس إني غصون كل ريح تهزها ‏أبتعلى بالهوى وأرفّ فالجو الجناح ‏وإن كان ماعزيت نفسي ماحدٍ بيعزها

‏أدراه وأخشى عليه اللوم و أحنه ‏ولا معي شك في قدره وفي قدري ‏أحب لي شخص جعلني ماخلا منه ‏حبٍ لعب فيني السبله وأنا مدري ‏إذا بكى ودي إني اللي بكى عنه ‏وإذا ضحك ودي أضمه على صدري

‏اللي بقى من فصول الذاكره فصل اخير ‏مع خالص الود لـ أيام الغلا الأولي ‏ما ودي أصارحك ، لكن خسرت الكثير ‏حتى أنت ما عاد فيك أشوف مستقبلي ‏ماني بـ مثلك حزين من الفراق و كسير ‏نفسي تناست هوى الماضي و قلبي خلي ‏لا تحسب إني عقب فرقاك ماني بخير ‏بخير أبشرك .. والله لا يغيّر علي :)

بعد ما ربي أراد أتشافى من جروح العام تخطِّيتك مثل جندي تخطَّى جثَّة صحيبه

و تمرني مثل أكتوبر، مابين الشهور ‏غريب وأسرارك أسرار و زمانك زمان وأنا على موعدك عقرب شعوري يدور ‏أخاف لا جت سبع و أخاف لا جت ثمان بعض الأماكن أسميها أماكن شعور ‏عظيم يا هالشعور إللي يعيش في مكان