NAVOIY VILOYATI BOJXONA BOSHQARMASI I RASMIY KANALI

Тадбиркорлик фаолияти билан яқиндан танишиш, сохада яратиб берилаётган қулайликлар билан уларни таништириш мақсадида Жиззах вилояти божхона бошқармаси бошлиғи бошчилигидаги Ишчи гуруҳ ходимлари замонавий автомобиллар ишлаб чиқариладиган “АДМ-Жиззах” МЧЖда бўлишди. ✅Йиллик ишлаб чиқариш қуввати 100 мингтани ташкил этувчи мазкур корхонада хозирда “KIА”, “Chery”, “Renault”, “Lada” “KIA Sonet” ва бошқа 10 хил русумдаги енгил автомобиллар йиғилмоқда. Айтиш керак, ушбу машиналар юқори сифати, замонавий дизайни, шинамлиги ва қулайлиги билан харидорларга жуда маъқул келмоқда. ✅Учрашув давомида божхона масъуллари корхонага берилаётган имтиёзлар, қолаверса, қабул қилинаётган янги меъёрий ҳужжатлар ва уларнинг тадбиркорлар учун афзалликлари хусусида тушунчалар беришди. Корхона вакилларининг соха юзасидан таклиф ва фикрларини тинглашди. ✅Шунингдек, бошқарма бошлиғи Жиззах политехника институтида ҳам бўлиб, у ерда бунёд этилган муқобил энергияларни тадқиқ этиш илмий-амалий маркази фаолияти билан ҳам яқиндан танишди. ✅Хабарингиз бор, мухтарам Президентимиз томонидан Жиззах политехника институтининг қуёш панелларини ишлаб чиқариш бўйича лойиҳаси мақул деб топилиб, ушбу лойиҳани амалга ошириш учун Божхона қўмитаси томонидан ҳомийлик асосида 5 млрд сўм миқдорида пул маблағи ажратилган. Бугунги кунда, институтга Хитой Халқ Республикасининг “Wuhan Ooitech Trading Co., Ltd” компаниясидан умумий қиймати 348 000$ бўлган ускуналар олиб келиниб, Ёшлар технопарки махсус биносига ўрнатилди. Шунингдек, даслабки ишлаб чиқаришни ташкил қилиш мақсадида ҳамкор компаниядан умумий қиймати 65 000$ га тенг, умумий қуввати 300 кВт бўлган 600 дона қуёш панеллари ишлаб чиқариш учун етарли хом ашёлар олиб келинди. ✅Бошқарма бошлиғи маскандаги қуёш панелларини ишлаб чиқариш жараёнлари, лаборатория ва маҳсулотларни тест жараёнларидан ўтказиш фаолияти, шу билан бирга, институт ҳудудида ўрнатилган қуёш панеллари ҳолати билан ҳам танишди. ✅Хусусан, институтнинг бош ўқув биноси автотураргохига 200 кВт.лик, 2-ўқув бино ҳудудига 100 кВт.лик, 3-ўқув бино том қисмига 150 кВт.лик ҳамда талабалар турар жойи том қисмига эса 100 кВт.лик, жами 550 кВтлик қуёш панеллари ўрнатилган. Бунинг натижасида йиллик иқтисод 275 минг.кВт/соат бўлиши кутилмоқда. Қолаверса, талабалар турар жойи том қисмига 10 та, қуввати 2000 литрлик қуёш сув иситиш тизимлари ҳам ўрнатилган.

21 июнь - Халқаро кинологлар куни ! Хавфсизлик асосий устувор йўналишлардан бирига айланган замонавий дунёда хизмат итлари ҳимоя тизимида алоҳида ўрин тутади. Итлар нафақат чегарада ёки бошқа соҳаларда инсонга жуда яқин дўст ҳисобланади, балки мамлакатимиз иқтисодий хавфсизлигини ҳимоя қилишда божхоначилар билан елкама елка хизмат қилаётган содиқ хизматдошдир ҳам. Бугунги кунда Ўзбекистон Республикаси божхона хизматида 190 дан ортиқ хизмат итлари ишлаб келмоқда. Мамлакатимизга гиёҳвандлик воситалари, ўқотар қурол ва ўқ-дорилар, психотроп моддалар каби тақиқланган товарларнинг кириб келишини олдини олишда уларнинг ўрни беқиёсдир.

Президент раислигида муҳандислик кадрларини тайёрлаш тизимидаги устувор вазифалар юзасидан видеоселектор йиғилиши бошланди. Йиғилишда 36 та олийгоҳ ректорлари ҳам қатнашмоқда. Давлатимиз раҳбари бугунги мураккаб вазиятда барча давлатлар ички ресурсларга таяниб, инновацияга интилаётганини қайд этди. Мамлакатимизда ҳам сўнгги йилларда илм, таълим ва инновацияга эътибор тубдан ўзгарди. Масалан, ўтган тўрт йилда 1 минг 727 та амалий, инновацион, фундаментал ва стартап лойиҳаларга 2,2 триллион сўм йўналтирилди. Шундан муҳандислик-техника йўналишидаги 176 та лойиҳага 152 миллиард сўм берилган. Тадқиқот, тажриба-конструкторлик учун харажатлар 2 баробар ўсган. Бу маблағларнинг 41 фоизи давлат улуши бор корхоналарга, 34 фоизи хусусий секторга ва 25 фоизи олийгоҳларга тўғри келган. Facebook|Instagram|X

Шу билан бирга, олийгоҳлар фундаментал тадқиқотлар ўтказиш билан чеклангани, иқтисодиёт учун амалий ишланмалар жуда камлиги кўрсатиб ўтилди. Муҳандислик йўналишида юзлаб стартап ва инновацион лойиҳалар амалга ошмай қолиб кетаётгани қайд этилди. Сабаби – олийгоҳ билан саноат ўртасида узилиш бор. Ректорлар корхоналарга бориб, янги технологиялар билан танишмаётгани, ускуна ва дастгоҳларни ўрганмаётгани, ҳоким ва вазирлар эса ўртада кўприк бўлиб, буни ташкиллаштирмаётгани ҳақида қатъий эътироз билдирилди. Facebook|Instagram|X

Давлатимиз раҳбари бу борада яна бир мисолни келтирди. Жорий йилда тўқимачиликда 776 та лойиҳа амалга оширилиб, 72 минг иш ўрни яратилади. Шундан 4 мингта муҳандисга талаб бор. Лекин, бу йил муҳандислик олийгоҳларини “енгил саноат конструкцияси” йўналишида Бухорода – 86 нафар, Жиззахда – 117 нафар, Сурхондарёда – 56 нафар, Фарғонада – 126 нафар, Тошкент шаҳрида бор-йўғи 153 нафар талаба битирмоқда. Ҳокимлар ўз ҳудудида аниқ мутахассисга шунча эҳтиёж бўла туриб, ректорлар билан ишламаётгани, олийгоҳларга буюртма бермаётгани танқид қилинди. Facebook|Instagram|X

Президент соҳадаги муаммо ва ечимларга тўхталиб ўтди. Юртимизда йилига 3 мингта саноат корхонаси ишга туширилиб, уларда 150 минг атрофида иш ўрни яратилмоқда. Шундан 35 мингтаси техника йўналишида. Ҳозирда 36 та давлат олийгоҳида ушбу йўналишда 264 минг бакалавр, 3 минг магистр ўқимоқда. Йилига 67 минг нафар талаба битирмоқда. Лекин, техника олийгоҳларида йўналиш ва мутахассисликлар ишлаб чиқарувчилар талабларига мос эмас. Масалан, Давлат техника университетидаги 76 та бакалавр йўналишидан 45 таси, 73 та магистратура мутахассислигидан 51 таси бугунги кунда етакчи хорижий техника олийгоҳларида ўқитилмайди. Оқибатда муҳандисларнинг 60 фоизи ўзи ўқиган йўналишида ишламаяпти. Facebook|Instagram|X