ّ

تنفس صباحك و اذكر الله وكبّ الضيق ‏ترا الضيق حيلة قاصر الشوف والنكره‏ واذا الله حرمك الصبر والحظ والتوفيق ‏لاتحرم لسان الصدق حمد الله وشكره ‏ توكل وراجع مامضى وحسّن التدقيق ‏ ترا مايفوت اليوم تسترجعه بكره

أخاف لا دارت مقادير الاعوام أعيش من تبديل الوجوه ريبي و القى القريب يمرني مر الاكرام و يمرني مر القريب الغريبي عندي أمل في ضحكة الحظ قدام دامك بمقسوم المقّدر حسيبي اعوذ بك من هم تكرار الأيام من دون لا أفرق مشرقي عن مغيبي احفظ حما صدري من أطغاث الاحلام ولا تحوجني يالله لمشرح طبيبي و لا توري زلتي عين لوّام و لا ينذكر في غيبتي غير طيبي "ربي قني من شر نفسي و الأوهام و الأمنيات اللي ما هي من نصيبي"

‏ماعاد أعرف اتّجاهي من يقديني ‏يا نفسي اللي من التقصير حنيتك ‏ذابل وقوفي، ضياع الدرب مشقيني ‏ساكن حنين بـْ خفايا ليل تشتيتك ‏يا جرح قلبي، زوايا البال تنبيني ‏قصة هشيمٍ تشبَّث في طرف بيتك ‏ما كان مجرى شعوري في شراييني ‏وصرت أعشَق الشّعر كلَّه يوم حبيتك ‏وقفت لك ساحة الشعار فـ يديني ‏وعدَّيت كلّ القصايد ما تعديتك ‏" كم قلت لك قبل بُعدك لا تخليني! ‏أنا لو الموت ياخذني ما خليتك ‏وسمعت منك الكلام اللي يواسيني ‏وطحت متساوي من غيابك، وبريّتك "

‏يوم أنا ماني بـْ طامع عن كثير الماء قليله ‏لو تهادى صوتك الأخّاذ؟ ظَلّ الغيم دوحي ‏ما وقف دون أمنياتي لا ديار، ولا قبيله ‏والله أن اللي وقف لي زلةٍ هدّت صروحي ‏وجهك اللي كل ما جاد الصباح، وجاء يشيله ‏كنّ ربي كاتبه في عارض أيامي، ولوحي وجهك اللّي كل ما جاد الصّباح، وجا يشيله؟ ‏كنّ ربي كاتبه في عارض أيامي، ولوحي ‏وقلبك اللّي كنت منه، وكنت لأجله؟ وأنتمي له ‏كيف ما حمّل دروبي نسمة؟ وسيّل سْفوحي ‏لا تحدّ الدرب -يوم الدرب- ما عندي بديلة ‏كان ما ودك تجي؟ طالبك لاتنقض جروحي

‏جفّت الارض منك و كل وادي سألك ‏ومابقى لك ربيع فصدري ، ولا وسم ‏يوم اداري شعورك من رضاك لزعلك ‏كان في خاطري غصه ، وكنت ابتسم ‏ليه اخليك لـ احساسي وهو ما وصلك ‏ما لتايه ظنوني فيك غير الحسم ‏كنت احبك واحب ارضك وناسك واهلك ‏وصرت حتى اكره اشباهك ملامح واسم ‏رح فمان السنين ، وفي وداعة جهلك ‏بكره تعرف قدري زين ، لـ الله قسم

‏يملّ الطريق وتطرق النّود غصن البان ‏وتزود المسافة؛ كلّما زاد بك خوفي ‏عيون السحايب ماتوارى عن العطشان ‏تباين مثل وجهي، وتلويحة كفـوفي ‏هذا الصّبح ما سلّ الزّمن؛ الزّمن خوان ‏يخيط الظنون ويشعب الرّكب من جوفي ‏مثل ما عرفت إن في هدبك الوفير أمان؟ ‏أنا عارف إن اللي ورَا أهدابك حتوفي

‏من يوم غبتي و أنا ماني مدانيني ‏عاجز عن أظهار حبي لك .. و عن قمعه ‏أمشي أدوّر في الدنيا عناويني ‏بالوجه ضحكٍ طفا و دموع ملتمعه ‏أعيش في ذاكرة حزنٍ مخاويني ‏و الناس في جنّة النسيان مجتمعه ما غاب صوتك و صوتك في شراييني ‏رغم التقاليد و الأعراف و السمعة ‏و الحظ و المجتمع ما بينك و بيني ‏عيون متربصّة ، و آذان مستمعة ‏كنتي بعصرية الجمعة تسلّيني ‏و اليوم مدري متى عصرية الجمعة

‏شحَّت بروق اسمك، وجفَّت مرابيك ‏واِجتاحني عقب الزعل ما تهيَّا ‏أعْرِفك وأجهَل ما بقَى من مشاهيْك ‏وأقوْل -يا كلّ المشاوِيْر-: هيَّا ‏عذب المحيَّا، لو تباعَد حراويْك ‏أنْسِج لك دروب السفر في يديَّا ‏قلبٍ تعلَّق في هَواك، ومسارِيك.. ‏حاوَلت فيه يحبّ غيرك.. وعيَّا -محمد السلطان

‏ماقدرت أنساك يالوجه الجميل الراضي ‏و أنت جرحك فـ الهجر مالكني بـ معروفه ‏الجفى حكمه علينا مثل حكم القاضي ‏لين .. ما صارت تفاصيل الجفى مآلوفه ‏لا تقول إني عن شعور الهوى متغاضي ‏تدري إن نفسي على يوم الوصل ملهوفه ‏ليت عندي قدره أرجع لـ الزمان الماضي ‏و آتأمّل في جمال " الصوره المحذوفه "

‏« للعين دمعه وحتى القلب له دمعة ‏احاول اصخيبها لاغرّد القمري ‏من سبّة اللي لاجت عصرية الجمعة ‏ادعيلها كل ماجيت ادعي لـ عمري! » -فلاح بن فراج

‏«وقّفت للماضي من العمر ؛ تبجيل ‏والذكريات الموجعة .. وقّفت صف ‏ ‏وأضویت للحزن العتيق ؛ القناديل ‏حتی تمادی بي .. ولا قلت له كِف» ‏ - عبدالله البديري

‏في كنف بشت الطواري والسهر واللّوعه ‏عشت ياحزن الضمير اللي ماهوب هْويّن ‏ ‏البدايه ضيق بال وضحكةٍ مصنوعه ‏والنهايه وقعها تحت المحاجر بيّن ‏ ‏من حوالي حول وطعون الشقى متبوعه ‏مايعالجها طبيب .. ولا تلاوة ديّن ‏ ‏ناهبٍ جور الزمان حقوقي المشروعه ‏وفاقدٍ وجه السماحه والجناب الليّن ‏سجّة القلب القديمه كنّها مقطوعه ‏ولذّة النوم الحقيقيّه ماعاد تْعَيّن

‏تسلَّا بـ عمري، فدوة لْوجهك الوضَّاح ‏مفاليك، فيَّة جلستك، شجرْتك، دوَحك ‏إلى مرَّ غيرك في ربوعه مرور جْراح؟ ‏يجمّع طيوره في غصون الشجر : ضوَحك ‏عسى ما عليك خْلاف يا غصيِّن التفاح؟ ‏فقدك القمر، وعتاب الأحباب، وسْطوحك ‏وأنا ما فقدتك، فاقد إحساسك المزَّاح ! ‏جعل ما آتفقّد من بعد غيبتك : بوَحك ‏عيونك، مثل ظبيٍ فلك من وراه سْلاح ! ‏رغم خوفه؛ أجمل من يذكّرك بنزْوحك ‏فصول السنة ذودٍ حيام، ودلو ميَّاح ‏يميني يمينك، والليالي فدا روحك ! ‏أحبّك، وما يعني أحبّك رضى، وأفراح؛ ‏أحبّك بـ قِلّك، وإنكسارك، وبجروحك ‏فـ لولا ظروفك؟ ما تشوّقت للّي راح ‏ولا علّمتَني ضيقتك : قيمة مزوحك

سرى اللّيل والذِّكرى ثلاثيّة الأبعاد ‏بعد ما تغيب الشمس تبدأ طواريها ‏على الساعة الثنتين في وقتها المعتاد ‏عسى الله يعين اللّي سواتي يعانيها ‏حنينٍ على الماضي وشوق وعنا وجهاد ‏وجمرة غضى لا هبّت الرّيح تحييها ‏يا كمّ ذكرياتٍ نزفها فالحنايا حاد ‏لو أتصنّع النسيان مانيب ناسيها

‏حبيبي وإن عذرتك والعذر مثل الخطا محسوب ‏على شان السنين اللي تعبَها ؛ ملح أمانيها ‏طلبتك والظنون تكرّه المحبوب .. فالمحبوب ‏لا عاد تشوفني بالصوره اللي شفتني فيها ‏أخاف أصحى بـ يوم ولا معي قلبٍ عليك يذوب ‏ولا لي عين يِزعلها البطا منّك.. و ترضيها ‏ياليتك كثر ما تخطي تخاف إن الزعل ماهو بـ : ‏مجرد وقت .. و تعود المياه الى مجاريها

كل ما لك من الماضي غدى اليوم جثّة ‏راحت أيامك اللي كنت فيها منوّر ‏ما بقى في رماد الأمس ماضي تحثّه ‏ما بقى غير ندبة جرح كانك تدوّر ‏وندبة الجرح ما تبقى سوى للمغثّة ‏لا هي اللي تروح ولا هي اللي تعوّر

‏حبك موقّف لي الدنيا على اربع حروف ‏ووصالك مجوّد ٍ قلبي بحبل ٍ وثيق ‏انتي لو انك نظر ماارتد قدْم الصفوف ‏وانتي لو انك نفَس بيصير كله شهيق ‏قد قلت لك : ماني بعجزان اعدّ الوصوف ‏لكن من يوصّف الخزنه لقاطع طريق ؟!

‏لك الله ياقلب من الهم وش ينجيه ‏وعين يغربلها السهر كلما طرّف ‏من البارحه يوم الشفق تلّني تاليه ‏وعيوني تقارع دمعها بس ماذرّف ‏يدور الزمان وكل قلب على مافيه ‏والاقدار مامعها من الناس متصرّف ‏وسود الليالي ماتدور لسود وجيه ‏محاذيفها راس ابلج ذكره يشرّف ‏- عبدالله بن مشهور