Kalu Project

ለቸሩ እግዚአብሔር ምን ይሳነዋል? በቀን ላይ ቀን እየጨመረ፥ በዓመት ላይ ዓመትን እያቀዳጀ፥ ይኸው 2016ን አምና ልንል ዐዲስ ዓመት ላይ አደረሰን። ሃሌሉያ! የአምላካችን ስም የተመሰገነ ይኹን። አስጀምሮ እዚህ ላደረሰን፥ ጸሎታችንን ለሰማን ኤልሮኢ ክብር ይሁንለት። አውጥቶ ላስገባን፥ በሕይወት ላቆየን አዶናይ፥ አምልኮ ይድረሰው። ፀሃይን ላወጣ ጨረቃን ላልከለከለን፥ በወቅቱ ዝናብን ለሰጠን እግዚአብሔር ውዳሴ ይኹንለት። ጠፋን ባልን ጊዜ ላልተወን፥ ባለፍንበት አብሮን ለነበረ ጌታ ስግደት ይብዛለት። ከህመማችን ጋር ለታመመ፥ በለቅሶአችን ለታደመ ያሕዌ እልልታ ይጨመርለት። በማዕበል ውስጥ አብሮን ለተራመደው፥ በእሳት ውስጥ አብሮን ላለፈው ኤልሻዳይ በረከት ይኹንለት። ዓመትን በዓመት ለሚተካ፥ ትናንትን አሳልፎ ዛሬን ለሚያሳይ ልዑል ክብር ይኹን። መጪውን ዓመት በእጆቹ ለያዘ፥ ለታማኙ ጌታ ክብር ይሁን። በሚገጥመን ነገር ሁሉ እረኛችን ለሚኾን ጌታ ክብር ይኹን። ቀናችንን፣ ሳምንታችንን፣ ወርና ዓመታችንን ለሚወስን ንጉሥ ክብር ይኹን። ቀኙን ለሚሰጠን፣ ደስ ለሚያሰኘን፣ ደግሞም ለሚባርከን አምላክ ክብር ይሁን። ሃሌሉያ! "በቸርነትህ ዓመትን ታቀዳጃለህ፥ ምድረ በዳውም ስብን ይጠግባል።" መዝ 65:11 እንኳን ለ2017 ዓ.ም በሰላም አደረሰን። መልካም ዓውደ ዓመት! @kaluproject