Dövlət Proqramı

Dövlət Proqramı təqaüdçüsü Rəsul Feyzullayev ABŞ-nin Minnesota ştatının Senatında iştirak etdiyi təcrübə proqramını fərqlənmə ilə başa vurub. Rəsul bildirir ki, 3 mərhələli seçim prosesindən ibarət olan bu rəqabətli proqramda iştirak haqqı qazanmaqda ona Bakı Dövlət Universitetinin Hüquq fakültəsinin məzunu kimi hüquqi təhlil sahəsindəki bilikləri kömək edib. Təcrübə müddətində o, qanun layihələrinin qanuniliyinin yoxlanılması, hüquqi məsləhətlərin hazırlanması və senatorlara təqdim olunan analitik sənədlərin işlənilməsi sahələrində fəal iştirak edib. Daha ətraflı: https://dp.edu.az/az/news/5000

📣Dövlət Proqramı çərçivəsində 2026-2027-ci tədris ili üzrə sənəd qəbulunun başa çatmasına 5 gün qaldı. ℹ️Namizədlərə sənədlərini təqdim etməzdən öncə rəsmi internet saytımızda yerləşən sənəd nümunələri ilə tanış olmağı tövsiyə edirik. Müraciət edən hər kəsə uğurlar arzulayırıq!

Müqəddəs Qurban bayramı münasibətilə sizi səmimi qəlbdən təbrik edir, bu bayramın hər birinizə sevinc və uğur gətirməsini diləyirik!

Azərbaycan Respublikası Hesablama Palatasında növbəti Kollegiya iclası keçirilib. ℹ️Kollegiya iclasında təqdim edilən “Ali təhsil sistemininbeynəlxalq rəqabətliliyinin artırılması üzrə fəaliyyətin auditinin nəticələrinədair Auditor hesabatı” müzakirə olunub. 📌Müzakirələr zamanı Milli Məclisin deputatları tərəfindən auditin nəticələri ilə bağlı bir sıra fikirlər səsləndirilib, təkliflər irəli sürülüb. ✔️Çıxış edən Elm və Təhsil Nazirliyinin nümayəndələri auditin nəticələrinin aidiyyəti sahədə fəaliyyətin təkmilləşdirilməsinə töhfə verəcəyini vurğulayaraq irəli sürülən təklif və tövsiyələrin nəzərə alınacağını qeyd ediblər. Daha ətraflı: https://dp.edu.az/az/news/4995

🇦🇿🇬🇧Dövlət Proqramı təqaüdçülərinin də iştirakı ilə “Azərbaycan–Böyük Britaniya Gənclər Forumu: köklərimizi hörmətlə yaşadaraq gələcəyimizi formalaşdırırıq” adlı Birləşmiş Krallıqdakı Azərbaycanlı Gənclərin I Forumu keçirilib. ℹ️Londonda yerləşən “Imperial College London” universitetində baş tutan forumun keçirilməsində əsas məqsəd xaricdə yaşayan azərbaycanlılar arasında dayanıqlı əməkdaşlığın inkişafına töhfə vermək, Azərbaycanla institusional və mədəni əlaqələri daha da gücləndirmək, həmçinin diaspor nümayəndələrinin liderlik potensialının və təşəbbüskarlıq bacarıqlarının inkişafını dəstəkləmək olub. Daha ətraflı: https://dp.edu.az/az/news/4991

Elm və təhsil naziri Emin Əmrullayev Böyük Britaniyaya səfəri çərçivəsində Dövlət Proqramı üzrə Vorvik Universitetində təhsil alan tələbələrimizlə görüşüb. Görüş zamanı onların akademik fəaliyyəti və gələcək planları, Azərbaycana qayıtdıqdan sonra ölkənin inkişafına verə biləcəkləri töhfələr barədə fikir mübadiləsi aparılıb, sualları cavablandırılıb.

🔻Dövlət Proqramına hansı ixtisas istiqamətləri üzrə müraciət etmək mümkündür? 🔻Kimlər müsahibə mərhələsindən azad olunaraq birbaşa Dövlət Proqramı iştirakçısı adını qazana bilər? 🔻Proqram qaliblərə hansı imkanları təqdim edir? ✔️Bu və daha çox suala Dövlət Proqramı İdarəetmə Qrupunun rəhbəri Qədir Xəlilovun iştirakı ilə baş tutmuş, İctimai TV-də yayımlanan “Sabahın xeyir, Azərbaycan!” verilişinin müvafiq buraxılışını izləyərək cavab tapa bilərsiniz. ▶️Çıxışın tam hissəsi: https://youtu.be/5B8zpLOCrOk?si=nHFVm__ijbp_rFkn

Elm və təhsil naziri Emin Əmrullayev Londonda keçirilən Dünya Təhsil Forumunda iştirakı zamanı AnewZ televiziya kanalına müsahibə verib. Nazir müsahibəsində özünün də Dövlət Proqramı məzunu olmasından qürur duyduğunu bildirərək proqramın təqdim etdiyi imkanlara diqqəti çəkib. O, 2007-ci ildən bəri minlərlə gəncə dünyanın aparıcı universitetlərində təhsil imkanı yaradan bu proqramın ölkənin gələcək inkişafına yönəlmiş strateji investisiya olduğunu vurğulayıb. Daha ətraflı: https://youtu.be/4bbGOqBfC2A?feature=shared

✔️ABŞ-nin aparıcı ali təhsil müəssisələrindən olan Merilend Universitetində ictimai siyasət sahəsinə həsr olunmuş forum keçirilib. 📌Azərbaycanın ABŞ-dəki səfiri Xəzər İbrahimin də çıxış etdiyi forumun təşkilində Dövlət Proqramı iştirakçısı Kənan Abdiyev yaxından iştirak edib. ℹ️Forum çərçivəsində cənab səfirin iştirakı ilə enerji təhlükəsizliyi, regional əməkdaşlıq və Azərbaycanın Avropa ilə Asiya arasında artan strateji əhəmiyyəti ətrafında müzakirələr aparılıb. Həmçinin tədbir iştirakçıları üçün Azərbaycan🇦🇿 mədəniyyətinə həsr olunmuş stend hazırlanıb və milli təamlar təqdim edilib. 🎓Dövlət Proqramı çərçivəsində Merilend Universitetində dövlət idarəetməsi ixtisası üzrə magistratura təhsili alan Kənan Abdiyev hazırda ictimai siyasət sahəsi üzrə dünyanın ən böyük araşdırma mərkəzlərindən biri olan “Cato Institute”da hüquq sahəsi üzrə təcrübə keçir.

Elm və təhsil naziri Emin Əmrullayev Londona işgüzar səfəri çərçivəsində 2022–2028-ci illər üçün Dövlət Proqramı üzrə Böyük Britaniyada təhsil alan azərbaycanlı tələbələrlə görüşüb. Görüşdə Azərbaycanın Böyük Britaniyadakı səfiri Elin Süleymanov da iştirak edib. Görüş zamanı Dövlət Proqramının perspektivləri, beynəlxalq təhsil təcrübəsinin insan kapitalının inkişafına töhfəsi, eləcə də məzunların ölkənin elm, təhsil və innovasiya ekosistemində rolu ətrafında fikir mübadiləsi aparılıb. Nazir Emin Əmrullayev tələbələrin akademik fəaliyyəti və gələcək planları ilə maraqlanıb. Qarşılıqlı müzakirə şəraitində keçən görüşdə Dövlət Proqramı təqaüdçülərinin fikir və təklifləri dinlənilib. Daha ətraflı: https://dp.edu.az/az/news/4989

🇦🇿Dövlət Proqramı iştirakçısı Elmira Babayeva Londonda keçirilən Avropa Həftəsi tədbirində iştirak edərək Azərbaycanı 15-dən çox ölkə arasında təmsil edib. Avropa mədəniyyəti🇪🇺, tarixi və mətbəxinə həsr olunan tədbirdə ölkəmizə aid stend təşkil olunub, qonaqlara Azərbaycan mədəniyyəti, milli ənənələri və mətbəxi haqqında məlumat verilib. 📌 Təqaüdçümüzün təşəbbüsü ilə hazırlanan təqdimat sayəsində fərqli ölkələrdən olan tələbələr və qonaqlar Azərbaycanı daha yaxından tanımaq imkanı əldə ediblər. 📚🎓 Elmira “University College London”-da dövlət idarəetməsi ixtisası üzrə təhsil alır və hazırda Azərbaycan Respublikasının Böyük Britaniya və Şimali İrlandiya Birləşmiş Krallığındakı Səfirliyində təcrübə proqramında iştirak edir. Dövlət Proqramı çərçivəsində xaricdə təhsil alan tələbələrimizin bu cür təşəbbüslər vasitəsilə beynəlxalq mühitdə fəal və yaradıcı şəkildə ölkəmizi təmsil etməsi bizi sevindirir!

📧 “2022–2028-ci illər üçün Dövlət Proqramı”na müraciətlə bağlı ən çox ünvanladığınız sualları cavablandırmağa davam edirik. Bu dəfə isə sağlamlıq haqqında arayışın təqdim edilməsinə dair tez-tez verilən suallara aydınlıq gətiririk: 💬 Sağlamlıq haqqında arayışın etibarlılıq müddəti hansı tarixədək qüvvədə olmalıdır? ✅Sağlamlıq haqqında arayışın etibarlılıq müddətinin Dövlət Proqramına müraciət edilən tarixdə qüvvədə olması kifayət edir. Arayış müraciət zamanı etibarlı hesab olunduğu halda sonradan sənəd qəbulu müddəti başa çatanadək etibarlılıq müddətinin bitməsi namizədin müraciətinə maneə yaratmır. 💬Namizəd Dövlət Proqramına müraciət üçün tələb olunan sağlamlıq haqqında arayışı xarici ölkədə əldə edə bilərmi? ✅Bəli, mümkündür. Namizəd Dövlət Proqramına müraciət üçün tələb olunan sağlamlıq haqqında arayışı təhsil aldığı və ya yaşadığı xarici ölkədə əldə edə bilər. Bu zaman sağlamlıq haqqında arayışda yekun rəy olaraq “sağlamdır” və ya “təhsilə yararlıdır” kimi qeyd əks olunmalıdır.

Xaricdə təhsildən dayanıqlı karyeraya gedən ən qısa yol Dövlət Proqramından keçir🌎 📚🎓“Dövlət Proqramı: Xaricdə təhsildən dayanıqlı karyeraya” adlı tədbir çərçivəsində bu il Dövlət Proqramına müraciət etməyi hədəfləyən 100-ə yaxın gəncimizə proqramın təqdim etdiyi təhsil imkanları, qəbul şərtləri və karyera perspektivləri barədə ətraflı məlumat, eləcə də proqram məzunları tərəfindən təcrübələrinə əsaslanan tövsiyələr verildi. 💬 Tədbir çərçivəsində baş tutan panel müzakirədə isə Dövlət Proqramı İdarəetmə Qrupunun nümayəndələri və nüfuzlu xarici ali təhsil müəssisələrində təhsil almış məzunlarımızın iştirakı ilə gənclərin sualları cavablandırıldı. 📌 Qeyd edək ki, tədbir Dövlət Proqramı İdarəetmə Qrupu və Azərbaycanlı Tələbələr və Məzunlar Platformasının (ASAP) birgə təşkilatçılığı, Azərbaycan Respublikası Gənclər Fondunun dəstəyi ilə keçirilib. Daha ətraflı: https://dp.edu.az/az/news/4987

ℹ️ Dövlət Proqramına sənəd qəbulu, habelə sənədlərdə tələb olunan düzəlişlərlə bağlı bildirişlərin göndərilməsi prosesi tam elektronlaşdırılmışdır və yalnız portal.edu.az platforması üzərindən həyata keçirilir. Bu səbəbdən Dövlət Proqramı İdarəetmə Qrupunun yerləşdiyi ünvanda sənəd qəbulu üzrə əyani vətəndaş qəbulu həyata keçirilmir. 📧 Sənədlərin yoxlanılması, düzəlişlər və əlavə suallarınızla bağlı yalnız dp22-28@edu.gov.az elektron poçt ünvanı ilə əlaqə saxlamağınız xahiş olunur. Müraciətləriniz ən qısa zamanda elektron qaydada cavablandırılacaqdır. Sizə uğurlar arzulayırıq!

🎓Azərbaycan Dövlət Neft və Sənaye Universiteti (ADNSU) ilə Vorvik Universitetinin birgə həyata keçirdiyi “Bərpa olunan enerji” ixtisası üzrə beynəlxalq ikili diplom magistr proqramı ilk məzunlarını uğurla yola saldı! ✅ Proqramın ilk buraxılışı üzrə 27 məzun təhsilini müvəffəqiyyətlə başa vurub. 📖 Proqram çərçivəsində tələbələr həm beynəlxalq səviyyəli akademik biliklərə yiyələnib, həm də real sənaye təcrübəsi qazanıblar. Onlar həmçinin Böyük Britaniyada təşkil olunan yay məktəbində iştirak ediblər. Tədris prosesi “Warwick Manufacturing Group” (WMG) tərəfindən təqdim olunan modullar, ADNSU-nun akademik kursları və dissertasiya mərhələsindən ibarətdir. 📌 Proqram “2019-2023-cü illər üçün Azərbaycan Respublikasında ali təhsil sisteminin beynəlxalq rəqabətliliyinin artırılması üzrə Dövlət Proqramı” çərçivəsində maliyyələşdirilir və ölkəmizdə bərpa olunan enerji sahəsində rəqabətdavamlı mütəxəssislərin yetişdirilməsini hədəfləyir. Daha ətraflı: https://dp.edu.az/az/news/4985

🎓 “2022-2028-ci illər üçün Dövlət Proqramı” çərçivəsində Helsinki Universitetində kimya və molekulyar elmlər ixtisası üzrə magistr dərəcəsi əldə etmiş Səma Məmmədova Beynəlxalq Atom Enerjisi Agentliyi (IAEA) tərəfindən dəstəklənən və qalibi olduğu Maria Sklodovskaya-Küri təqaüdü çərçivəsində biliklərini artırmağa davam edir. ⚛️ Bu proqram hər il dünya üzrə 100-150 nəfərdən ibarətolmaqla məhdud sayda qadın mütəxəssisin nüvə elmləri sahəsində inkişafını dəstəkləyir. 📚 Səma Dövlət Proqramı çərçivəsində magistratura pilləsi üzrə təhsilini tamamladıqdan sonra Maria Sklodovskaya-Küri təqaüd proqramının dəstəyi ilə təhsilini Helsinki Universitetində radiokimya və nüvə analitikası sahəsində davam etdirib. Daha ətraflı: https://dp.edu.az/az/news/4984

📢 Dövlət Proqramı ilə xaricdə təhsil almaq istəyən əziz gənclər! Sizi “2022-2028-ci illər üçün Dövlət Proqramı: Xaricdə təhsildən dayanıqlı karyeraya” adlı tədbirə dəvət edirik! “2022-2028-ci illər üçün Dövlət Proqramı”nın təqdim etdiyi imkanlara dair tədbir zamanı siz proqrama müraciət şərtləri və seçim meyarları, sənəd hazırlığı və müraciət zamanı diqqət edilməli məqamlar, eləcə də qəbul prosesi və müsahibə mərhələsi haqqında ətraflı məlumat əldə edəcəksiniz. ℹ️ Tədbir əsasən ali təhsil müəssisələrinin bakalavr və magistr tələbələri, məzunlar və ümumtəhsil müəssisələrinin yuxarı sinif şagirdləri üçün nəzərdə tutulub. 🗓️ 6 may, 15:00 📍 Bakı Konqres Mərkəzi 🔗Qeydiyyat üçün keçid: https://docs.google.com/forms/d/e/1FAIpQLSdVq7VTD7_Kr-d0dU9tAQ32S9fA4Caa_A5weCb_y00UA5aQSg/viewform?pli=1

💡 Uğur çox vaxt ilk cəhddə deyil, israrlı və məqsədyönlü addımların nəticəsində qazanılır. Dövlət Proqramına müraciət zamanı uğurlu nəticəni ilk yox, növbəti cəhdlərində əldə edənlər də var. 🎓 2023-2024-cü illərdə Böyük Britaniyanın “Lancaster” Universitetində data elmi ixtisası üzrə təhsil almış məzunumuz Humay Rzabəyli də məhz bu gənclərdəndir. 🖋️ Bu müsahibədə Humay öz təcrübəsini səmimi şəkildə sizinlə bölüşür. İlk müraciətində aldığı imtina cavabından sonra motivasiyasını necə qoruduğunu və ikinci cəhdə qədər öz üzərində hansı istiqamətlərdə çalışdığını açıqlayır. 🔗 Müsahibənin tam hissəsini oxumaq üçün linkə keçid edə bilərsiniz: https://dp.edu.az/az/news/4983

Elm və Təhsil Nazirliyi nəzdində Dövlət Proqramı İdarəetmə Qrupunun rəhbəri vəzifəsinə yeni təyinat olub. Bu vəzifə hüquq elmləri üzrə fəlsəfə doktoru, dövlət idarəçiliyi sahəsində uzunmüddətli təcrübəyə malik Qədir Xəlilova həvalə edilib. Daha ətraflı: https://dp.edu.az/az/news/4982

📣 Dövlət Proqramı iştirakçıları üçün yeni imkan yaradılıb. 🌐 Portal.edu.az platformasında həyata keçirilmiş son yenilik nəticəsində Dövlət Proqramı iştirakçıları üçün məzun hesabatlarının təqdim edilməsi prosesi sadələşdirilmişdir. Artıq proqram iştirakçıları məzun hesabatlarını birbaşa şəxsi kabinetləri vasitəsilə onlayn şəkildə təqdim edə biləcəklər. Daha ətraflı: https://dp.edu.az/az/news/4980