ڤِينْكَا

مجتش خالص المسدج بتاعتك وأكيد كانت في الوقت اللي اللينك فيه كان بايظ وأنا نزلت هنا اللي كان باعت حاجة يبعتها أنا بنزل كل المسدجات، عدم الرد مش مقصود خالص🤍 . ربنا يرحمهم يارب ويصبر قلوبكم جميعا ويجعل مثواهم الجنة يارب 🤲🏻 ياريت الكل يدعيلهم فضلا وربنا يرحم جميع أمواتنا المسلمين يارب ويحسن خاتمتنا جميعا اللهم آمين 🤲🏻

http://passant213.sarhne.com مع فقرة اسأل بسنت😂🤍 بسرعة لا يوجد وقت للتفسير 😂🙅🏻‍♀ أسئلة بس خلينا نفصل شوية 🫂

- نعمل فقرة اسأل بسنت 👍🏻 - نلغي فقرة صراحة شوية 👎🏻

١- أكيد يا حبيبتي ابعتيلي برايفت 🤍 ٢- يا حبيبتي حقك عليا ابعتيلي مسدج تاني علشان التليجرام عندي عايم في ماية البطيخ 🥲

من السهل تلاقي حد يتابعك بس من الصعب تلاقي حد يتابعك ويحبك ويدافع عنك كمان كدا يااه شكرا شكرا 😂🤍 أنتو أخواتي أوي 😂🤍🤍🤍🤍

والله يا جماعة اللي متابعتي من أول شهر مارس هيعرف إني ولا نصيحة ولا أي حاجة أتكلمت فيها بالدين لأن دي حاجة كلنا بلا استثناء عندنا نقوص فيها ومحدش يعرف دينه بنسبة ١٠٠٪ بس تمام إحنا زي ما إحنا بنفس أراءنا 🤍

حاضر هسيبه 🤍

وتعقيب بسيط على جملة «هتتعبي في حياتك» الحقيقة إن أنا بقالي ٢٠ سنة عايشة بنفس أسلوبي ومبدأيي وكل حاجة زي ماهي وربنا كارمني آخر كرم ولسا بيكرمني ودايما معايا وعايشة مبسوطة علشان أنا بحاول أفهم كلامه صح والرسالة اللي عايز يوصلهالنا ك بشر مش أخد الكلام وأنفر أي حاجة تانية . ووالله في الأول وفي الآخر الآراء دي بترجع لطبيعة الشخص وتعلمه لدينه صح 👌🏻 في ناس بس كل هدفها في الدنيا تطلع بصورة المتشددين أوي واللي ماشيين على الصراط المستقيم وغيرهم إكنه لا يفقه شيء في الدين لمجرد أنه بيحاول يساعد غيره علشان يخرجه من حاجة معينة وأنا بقولها صراحة الله الغني عنهم سيبوا المحاسبة لربنا لا أنا عارفة نوايا كل واحد إيه ولا حد يعرف نوايايا أنا إيه🤍

أهي المسدج جمعت كان عيب في النت عندي مش تجاهل . هقولك حاجة بسيطة جدا . أي حد ليه الحق إنه يقول رأيه في أي حاجة ويلتزم أنه يحترم رأي الآخر . المناقشة اللي أنت بتتكلم/ي عنها دي بتبقى ما بين طرفين مؤهلين يسمعوا لبعض ويحطوا نفسهم في الموقف ويحكموا على أساسه . أنا من كلمة واحدة بعرف شخصية اللي قدامي ودي أنا بشوفها نعمة من عند ربنا . الشخص اللي أتكلم هو مفكرش لوهلة يستوعب المأزق اللي محطوط فيه غيره وأنا شخصيتي ك بسنت متسمحليش أبدا أدخل في نقاش أو جدال مع أي حد عايز يفرض رأيه ويهاجم اللي قدامه . الناس مش زي بعضها ولا تفكير الناس زي بعض زي صوابعك اللي هما من نفس دراعك مش زي بعض أساسا . أنا بقبل الانتقاد جدا ولا بيفرق معايا بالعكس لو حاجة بصلحها طول ما هو إيجابي مش سلبي+ أنا بحترم جدا أي حد وأي رأي لأني اتربيت على كدا واتربيت برضو إني أعرف ديني صح ومببقاش متعصبة، لازم يبقى في حوار وتفاهم وحد يسمع ويدي نصيحة . زي بالظبط الإنسان اللي ملتزم ويجي لحظة يحس أنه مخنوق هل أقوله قوم صلي؟! طبعا لأ هو محتاج يتكلم يعبر عن اللي جواه الفضل الأول والأخير في ربنا . ربنا سخرنا لبعض علشان نهون على بعض مش نأزمها أكتر وأكتر .

علشان نبقى واضحين أي علاقة تحت سن ال٢٠ فهي كلام فاضي . اللي بعد ال٢٠ المفروض يبقى في نضج شوية من ناحية كل حاجة . بلاش يبقى في باند الارتباط دا أنت متعرفيش نصيبك في الآخر هيبقى مع مين فمتعكيش حياتك تحت مسمى إن دا حب . وكمان متسمحيش لحد يتلاعب بمشاعرك لو بتحبوا بعض يبقى تستنى لحد ما هو يبقى جاهز والعلاقة تبقى محدودة ومعروفة . نصيحة مني ليكي لو أنتي لسا في سن المراهقة أبعدي عن حوارات الولاد علشان لما تكبري هتندمي على ضياع وقتك .

أنا ربنا نصرني😂❤️ أحسنتي يا بنتي والله . دا يا جماعة بالظبط اللي أقصده . ودا اللي خلاني أنهي النقاش مع الشخص اللي حاول يطلعني بفتي في الدين أو إني إنسانة جاهلة معنديش علم . أنا مببحبش أخش في نقاش مع حد مش عارف يحط نفسه مكان اللي قدامه أو مش عايز يشوف الموقف من وجهة اللي قدامه المشكلة إن نسبة كبيرة مننا للأسف حافظين الدين مش فاهمين، مع إن دينا دين يسر مش عسر . أنا بعترف إني بأيد رأيك دا جدا 👌🏻 وبرضو لازم نحترم كل الآراء وفي النهاية هيا ليها حرية التصرف لأنها صاحبة المشكلة وأدرى بحال اللي حواليها .

مهم جدا .

دي مشكلة البنت ودا رأي تالت .

أنا زيك جدا ويمكن أنا تخطيت ليڤيل الوحش وتقريبا شكلنا هنفضل نعاني بقيت حياتنا كدا ربنا يتولانا🥲 أحسن حل إنك تفرغي كل اللي جواكي في ورق وغلك كله طلعيه وأنت بتقطعي الورق دا وهدي نفسك بنفسك بس حاولي تغيري دا علشان ميوصلش معاكي اللحظة إنك تحتاجي لدكتور نفساني مع العلم إن دا مش عيب إطلاقا ومش بتاع مجانين زي ما الناس المتخلفة بتقول دا مجرد وسيلة يخرجك بيها من اللي أنت فيه . بس أنا مرجحش دا علشان مبقاش في حد مضمون دلوقتي .

جماعة في آخر مسدجين بس وصلوا الكلمات فيهم ملغبطة ودا تقريبا اللينك مهنج عندي . مسدج منهم حد بينتقد أسلوبي دا اللي حاولت أجمعه والمسدج التانية مشكلة كتمان برضو ياريت تبعتوا اللي بعتوه تاني علشان أعرف أرد عليكم 🤍 لو حد بعت مسدجات تانية فهي موصلتش مفيش غير الاتنين دول بس .

البنت صاحبة المسدج دي ياريت تبعتيلي برايفت علشان في مسدجات ليكي جتلي كتيرة مش هعرف أنزلهم على القناة 🤍 @passantsayed

ياريت ياجماعة أي حد في علوم يبعت ع صراحة أو برايفت لو حد يقدر يفيدها بأي حاجة 🤍

أنتي متعرفيش الخير ليكي فين ممكن كنتي تدخلي الكلية اللي نفسك فيها بس تفشلي وتقضي سنين كتير فيها . وممكن علوم تكون هيا الخير ليكي ومع الوقت هتعرفي دا لأن ربنا مبيجيبش حاجة وحشة للإنسان وهو اللي عالم بحاله وبمستقبله . ابعدي عن أي ضغط وحبيها الموضوع صعب أنا عارفة بس لازم تتأقلمي علشان تكتشفي الحلو والخير اللي فيها . ادعولها ياجماعة ربنا يوفقكم جميعا 🤍🤲🏻

أكيد هخلي بالي 🤍

بصرف النظر عن آخر سطرين وهعتبرها من ضمن النصيحة مش إساءة . قدامك نصيحتين بناء عليهم أنت اللي تقدري تحددي هتعملي بأنهي واحدة من طبيعة الشخص اللي معاكي هل هو كويس ويستحق أنك تحاولي علشانه ولا عندك شك فيه ولو بنسبة واحد فالمية . وربنا يوفقك يارب 🤍