ڤِينْكَا

متخسروش أهلكم علشان حد . الأب والأم مبيتعوضوش . الناس بتروح وتيجي وكل حاجة في الحياة قسمة ونصيب سواء علاقتك بصحابك بشريك حياتك في شغلك في دراسة في أي حاجة . - مكسب النفس الحقيقي هو اختيارك لأهلك اللي تعبوا علشانك في كل وقت حتى لو على حساب نفسك وسعادتك . بسنت سيد .

طول ما أنت بتسعى علشان ترضي ربنا هيقف جمبك ويوقع في طريقك اللي يخليك دايما مستمر في مرضيته . بسنت سيد .

بمناسبة إن النهاردة عيد الأم وكدا . فأنا حابة أقول حاجة أنا بشوف عموما إن حبنا لأهالينا مينفعش يبقى لي مناسبة علشان نظهره، ولا ينفع أنه يتعبر عنه بكلمتين ولا بأغنية أو فيديوز . الحب الحقيقي في المعاملة، بر الوالدين اللي نابع من جواك بينك وبينهم وبين ربك مش الكلمتين الحلوين اللي بنشوفهم على السوشيال . - وآه لازم نراعي أخواتنا اللي فقدوا فرد من أسرتهم سواء أب أو أم ومينفعش يبقى اللي قدامنا محروم من إحساس جميل زي وجودهم وأحنا بنحتفل بالقلوب، زي ما برضو مينفعش نيجي قدام واحد قاعد بردان فالشارع ونقف قدامه بعربيتنا وأحنا ملفوفين ببطانية! - الشعور كله واحد باختلاف المواقف . عايز تفرح والدتك في عيد أم ولا عيدميلاد هاتلها هدية بينك وبينها عبرلها بطريقة صادقة مع بعض إحنا ملناش دعوة نشوف دا فعلا ..! عايز تشكر والدك على تعبه وشقاه عليك يبقى تصدق في تصرفك وأثبتله إنه عرف يربي لما يلاقيك بتقدر غيرك وتخاف على مشاعر اللي قدامك . - الحياة بسيطة بس أنتوا اللي عودتوا نفسكم على الحياة البابليك ..!! بسنت سيد .

النهاردة يوم ميلاد صاحبة القناة بسنت هانم الأرمزي😂🤍 @passantsayed دا الاكونت بتاعي أنا بقبل المسدجات عادي😂😌🤍

كان في واحدة مع علاقة بشخص والوضع بينهم زي أي اتنين متزوجين، هي فاقت من الوضع اللي كانت فيه وكانت بتحب الشخص دا جدا وبتدعي ربنا إنها مش عايزه تغضبه تاني وعملت كالاتي .. ألفت حوار بأكتر حاجة بتضايقه واتعاملت بقسوة جدا علشان يسيبوا بعض ومذكرتش السبب الحقيقي عشان هي مكنتش عارفة تقول لأ ولا تعمل استوب لكل اللي بيحصل، وفعلا سابوا بعض لكن في نظره هو إن هي شخصية مش كويسة مقابل أنها كانت بتدعي كل يوم يبقوا مع بعض في الحلال والتزمت بقرارها لسنين . مع مرور الزمن اتقابلوا تاني وهي لسا شايلة حب لنفس الشخص بس هو لسا شايفها بنفس الصورة السلبية رغم إنهم اتعاتبوا وهي صرحته بكل حاجة، بس هو مفهمش يعني أي واحدة قررت تختار علاقتها بربها وتشتري أخرتها مش دنيتها فسبيل أنها تضحي بحب حياتها . - الأيام راحت وجت وهو شاف طريقه وهي كمان في طريقها واتحولت دعواتها من يارب اجمعني بيه في بيت واحد لـ يارب ارزقني بالزوج الصالح اللي يقربني ليك في النور . - وعددت شهور ودلوقتي البنت مخطوبة وخلاص هتتجوز واحد متقبل كل حاجة فيها ووقفتها مع نفسها وبقى يساعدها إزاي تقول لأ، البنت دي ربنا عوضها بواحد بايع الدنيا كلها وشاريها عشان هي اختارت ربنا، اختارت الستر والمغفرة . - حكاية بسيطة من ضمن مشاكل ناس كتير بس العبرة في النهاية، لازم نقول لأ، لازم نختار ربنا في كل حاجة واخرتنا هي المقام الأول والأخير، لازم نبقى متأكدين إن ورا كل قرار اتنفذ بغير رغبتنا في وراه مليون ألف حاجة كويسة وخير جاية في الطريق . - لازم نبقى واثقين إن ربنا غفور رحيم المهم إنك متستمرش لمجرد كثرة ذنوبك لأ دا أنت ممكن توبة بنية صادقة مرة واحدة بس ولا من قلبك تقول يارب ينجيك ويغفرلك كل ذنوب عمرك اللي فات . - مهما كان غلطك وحجمه افتكر إن ربنا أبوابه كلها مفتوحة بس مستني دعاءك مستنيك تنادي عليه وتقوله انقذني . - اوعوا تكملوا مع حد بيبعدكوا عن ربنا اوعوا تستمروا في علاقات غلط، اللي اتبنى على غلط آخرته غلط ونتايجه كلها هتبقى غلط ..!

أول ما تبدأ ترضى بقضاء الله كل حاجة بابها اتقفل في وشك هيتفتح من كل الاتجاهات من حيث لا تدري . - أهم حاجة تبقى متيقن إن ربنا شايلك خير وهيجي في وقته علشان ييجي فعلا . بسنت سيد .

لازم تتعلم إنك تكون أد مسؤولية قراراتك أيا كانت النتيجة بالايجاب أو السلب . أوعا ترجع في قرار أخدته أو تحس بالندم بعدين وتقول ياريتني ما عملت كذا لأ ..! - مع الوقت هتكتشف إن قرارك الغلط دا هو المناسب والأصح ليك، إما هيكون قرصة ودن من ربنا ليك عشان تتعلم إزاي تتحمل نتيجة أفعالك وتعمل حساب لكل حاجة، أو يكون أو دا الصح والخير ليك وأنت مش عارف . بسنت سيد .

كل عام وأنتم بخير ورمضان كريم عليكم جميعا يارب ويعود عليكم بالخير يا أمة محمد اللهم آمين 🤍🤍

زي النهاردة من سنتين أنا أخدت القرار إني أعمل القناة دي ومن وقتها وهي نفسي الخارجية . يمكن مفيش لسا تطوير فيها لكن كفاية إن أنا ستيل بتطور . عايزة قلوب كتشيرة أوي احتفالا بمرور عامين على صداقتنا ببعض في الاتشانل وعلى وجودها لمدة عامين 😍🤍

- الحب يعني الأمان . شريك الحياة الآمن بيخلي العالم الآخر المخيف هو كمان آمن بالاحتواء والثقة المغروزة في النفوس، بإدراك المسؤولية والسعي لاستمرارية العلاقة بكل تفاهم وحب، اطمئنان يعني صدق أحط رأسي عالمخدة وأنام من غير تفكير وأنا قلبي مرتاح إني هصحى هلاقيه زي ماهو من غدر في أي لحظة، الحب لوحده مش كفاية الحب مش سبب لبقاء أي علاقة، إحساس إن حد يخاف عليك من قلبه ويشاركك كل خطواتك من البداية للنهاية بكل العوائق اللي فالنصف، الجزء الدافي الحنين اللي مجرد سيرته بتهدي أي مناوشة، استقرار الأفكار واحترام المساحة الشخصية والحدود كلها وسائل التعبير عن الحب المطمئن، فيا بخت اللي يزور قلبه مشاعر دافية تخلي باله مرتاح . بسنت سيد .

100% استريس مفيش وقت لدور الإنسان الطبيعي . بسنت سيد .

مفيش مشكلة نبقى غلط النهاردة وبكرة وبعده، المشكلة إن الأيام تتكرر بدون update، ولا في مشكلة الفرصة دي تروح مننا المهم نبقى على يقين أن في فرصة تانية أحلى محفوظة عند ربنا وهتيجي في الوقت المناسب، مفيش حد مثالي ولا حد ناجح دايما لأن مفيش طريق straight لازم يبقى في حبة مطبات وطوب وعفرة المهم أننا نكمل، الأمل شيء جميل وخطير ومفيش حياة بدون أمل ولا سعي من غير إدراك لكل اللحظات المتوقع حدوثها في المستقبل الأهم إزاي نمنعها أو نعالجها ونفضل مستمرين بكل حب وشغف في الحياة . بسنت سيد .

تقدير الناس واحترامهم ليك مرتبط بتقديرك لنفسك وكرامتك الأول واحترامك لذاتك . كل ما قدرت تعزز نفسك داخليا وخارجيا مع الجنس الآخر كل ما هتفضل غالي وكرامتك متصانة وزعلك مهم . وكل ما استهونت بنفسك كل ما هتبقى عالهامش لحد ما هتقع واللي رايح واللي جاي هيدوس عليك . النفس غالية ومفيش أي حاجة في الدنيا تستاهل تبقى في مرتبة أعلى منها . بسنت سيد .

اللي مجاش النهاردة هيجي بكرة وأحسن منه علشان نصيبنا محفوظ عند ربنا وهناخده في الوقت المناسب، الوقت اللي نستحق الحصول عليه . بسنت سيد .

مفيش حاجة اسمها I can fixe him . محدش عايز يتغير بيستنى حد ييجي يغيره . اللي ناوي بيجري ورا الفرصة لحد ما نفسه يتقطع علشان يبقى أحسن ليه مش لحد . - محدش يقدر يغير حد هو مش عايز ولا بيتقدم خطوة ..! بسنت سيد .

لا يهم ما يفعله الآخرين في أنفسنا من كثير الجوانب . المهم دائمًا هو ما نفعله نحن في أنفسنا وما نسمح به أن يدور بداخلنا . - آراء الناس لا تهم، دفاعك عن ذاتك وحده كافي لشعورك بالسعادة . بسنت سيد .

@passantsayed البنات ابعتولي لينك بروفايلكم وابعتلكم أدد 🫶🏻 الشباب support بفولو 🫶🏻 ممنونة ليكم كلكم بلا استثناء وقلب أبيض🤍

https://www.facebook.com/profile.php?id=100077690875108&mibextid=ZbWKwL جماعة أنتوا لي مش عندي على الفيس🌚 لي عدد الڤيو والريأكتات الحلوة دي متبقاش على بروفايلي🥲 عايزين نشد حيلنا مع بعض ونبقى أكتيڤ كدا عشان نتبادل ال positive energy واللڤلڤه😂🤍

عدم ملاحظة الآخرين بتغيرك لا يعني بالضرورة أنك لم تنجح . لا تجعل خطواتك مقيدة بآراء أحدهم، فكل شخص يمتلك القدرة على التعبير . - اهتم فقط بما بدأت به منذ البداية دون أن تلتفت حتى لا تقف في منتصف الطريق . بسنت سيد .

مهم جدا ندرك أننا عايشين علشان نحب ونقدر نفسينا ونعيش في الحياة من غير استنزاف مشاعر ولا طاقة . موجودين عشان نبذل مجهود لحياتنا مش حياة غيرنا، عشان نغير الجزء المظلم اللي جوانا مش اللي جوا الناس، عشان نتعامل بالطريقة اللي إحنا حابينها ومناسبة لينا مش للناس . إحنا هنا علشان نوصل رسالتنا بصدق ووضوح وأمانة وصفاء نية . - مش موجودين عشان نبذل مجهود مع حد أو لتغيير حد ..! بسنت سيد .