ڤِينْكَا

لقد تواعدنا غدًا بموعد غرامي؛ تُحدثني عن عيناي كم هنَّ جميلتين حين يلمعتان فور رؤيتك، وأُحدثك عن قلبي كم يدق حين يدك تلمس يداي . مرّت أيام وشهور وسنين ولم يأتِ غدًا . - يا عزيزي أغدًا ألقاك؟! بسنت سيد .

أحد المجهولين امممممم أوكي😂🤔

دا مش أنا دي أيدي 😂😂😂🤡🤡 " مفيش حاجة بكتبها على القناة شخصية ولو لقيت نفسي تلقائي بعمل دا بجود وبغير اللي أنا حساه بس بوصل نفس المعنى، في حاجات كتير متناقضة علشان أنا بعيّش نفسي كل الأجواء "🤍 _ كنت عارفة إن في حد هيبعت علشان كدا فتحت الابلكيشن بسرعة أنت/أنتِ مين بقى😂

كل يوم حب وأنت حبي🤍 بسنت سيد .

كان بمناسبة يوم الحُب اللي فات، ولكن الحُب يبقى دائما ولا ينتظر إلى يومٍ له ❤️"

remember🤍

remember 🤍

وممكن يبقوا كتير وصادقين برضو ساعتها هنا تكون أخدت رزقك كله في الصحاب🤍

لأ هي بستوتة كل سنة بتقضيه سنجل فأتس اوكي😂 هو أساسا يوم ملوش أي أساس من الصحة بس إحنا شعب مراهق وظياط . - لكن أنا متأكدة في المستقبل مع قرة عيني لو مجبليش وردة هطلب الطلاق كدا كدا👍🏻 رأيي بقى . هو الحب جميل محدش يقدر يعيش من غيره لكن ليه وقته علشان تعيشوه صح احتفظوا بمشاعركم الدافية دي جواكم لحد ما ييجي الوقت اللي تكون مدرك فيه يعني إيه حب حتى لو مع الشخص الغلط . أنا متأكدة لو كانت تجربتي في وقت غير الوقت كانت أكيد هتنجح بس إحنا اللي مش بنحكم عقلنا ولا بنسمع نصيحة حد ولازم نجرب علشان نتعلم رغم إن في أمور كتير في الحياة بتبقى واضحة مش محتاجة تجربة . بس هو أكيد أكيد الحب دا أحلى حاجة في الدنيا🤍

عيد حب أي اللي شاغلين بالكوا بيه هو في حب أصلا في الزمن دا!

يحزنُني كوني إنسان فقير الأصدقاء . بسنت سيد .

أي حد مصدر إزعاج في حياتي بحرمه من وجودي في حياته لأن أنا أكبر من إني أفكر في حد أساسا سواء بالحلو أو الوحش . - ودا أقوى عقوبة لأي شخص لأن أنا مبتعوضش ومفيش زيي كدا كدا . بسنت سيد .

ياسمين عز ورضوى الشربيني مش هما اللي هيحددوا حياتكم تمشي إزاي . دول مجرد اتنين بيقدموا محتوى من وجهة نظرهم الخارجية على المستوى العام . كل واحد ليه مشاكل مختلفة ولو في اتفاق عليها كل واحد بيحلها بطريقة تفكيره واللي اتربى عليه . أنتوا وبس اللي تقدروا تحددوا طريقة التعامل مع شريك حياتكم محدش غيركم . لازم تبقوا واعيين إن مفيش إنسان ملاك ولازم الطرفين يغلطوا المهم نفرق بين حجم الغلط هل ينفع نتخطاه ولا نقف عنده . - رضوى الشربيني بتقدم نصايح لكل ست تحافظ بيها على كيانها وكرامتها ومشاعرها وإن دول أهم من الراجل لأن هي ست مستقلة وبتشوف مشاكل كتير وهي صح جدا مع فقة كبيرة من الرجالة وليس الكل . - ياسمين عز بتقدم نصايح للست علشان تفخم دور الراجل في حياتها وهو دا الأهم من الكرامة والكيان وفكرة الاستقلال علشان هي مش عايشة في الواقع الفعلي ومكملة في صورة الخيال اللي هي رسماها للبرنامج علشان تبقى تريند وخلاص لكن هي صح برضو مع الفقة القليلة جدا اللي متبقية من فقة رضوى الشربيني . - في رجالة كتير تستحق أنها تتشال على الرأس وفي أشباه رجال ميستاهلوش تراب رجليكي وكذلك الستات، أنتوا اللي بتحددوا الشخص دا يستاهل أنهي معاملة مش هما! - متمشوش ورا كلام أي حد أنت اللي بتعيش حياتك وأنت اللي بتواجه الأشخاص اسمع النصيحة وقيم هل تتناسب مع الشخص دا ولا لأ، هل ينفع اتصرف بالكلام دا ولا لأ . بسنت سيد .

قمة العبط اللي أنا فيه إني بدعي كل اللي أذوني نفسيًا يبقوا كويسين ويرجعوا في حياتي علشان أنا بحبهم! بسنت سيد .

اكتشفت إني لسا شايلة فرص كتير لناس ميستاهلوش وجودي في حياتهم بس لمجرد إني بحبهم ونفسي يبقوا كويسين معايا علشان يفضلوا دايما جمبي! بسنت سيد .

- نفسي أتجوز واحد طموحه عالي . - نشارك الحياة سوا بمُرها وحلوها، ومجرد ما نسند كتافنا بكتاف بعض ننسى كل هم شايلينه . - نفسي في واحد أبقى أول أولوياته، كل همه يكون بيت هادي ودافي يشجعني ابني مستقبلي وبيتي وأشجعه يثبت نفسه ويكبر ويوفرلي كل احتياجاتي . - واحد كل جمعة بعد الصلاة يحكيلي قصة من قصص الانبياء بصوته حتى لو أنا عارفاهم ويقولي معلومة جديدة وننافس بعض على مين ياخد الثواب أكتر . - واحد بيحب القراءة والمزيكا الهادية والصوت الواطي، كل آماله يبقى شخص ناجح في حياته وفي بيته . - مش عارفة إمتا هبطل أحلم بحاجة عمرها ما هتتحق! بسنت سيد .

متخليش توترك وخوفك يخليك تفقد تركيزك عن اللي بتعمله . - مهما كان حجم قلقك من حاجة معينة اركنها على جمب وركز في كل خطوة بتعملها حتى لو كانت بسيطة علشان هتفرق جدا في النتيجة . بسنت سيد .

أنا زعلتك في حاجة؟ - آ... - شش متكملش أتفلق . بسنت سيد .

التركيز في ذمة الله😂😂😂😂😂😂😂

أنا مش متوحدة ولا كئيبة ولا حويطة . أنا بحب الحياة الخاصة؛ الحياة اللي مفيهاش غيري أنا واللي يخصني! عندي أسرار آه بس محد ليه الحق يعرفها غير لو أنا حبيت أقولها ويوم ما أفكر أقولها هختار ناس بثق فيهم أكتر من نفسي حتى لو كانت تافهة . المنتشر إن الناس بقت حياتها كلها عالملأ لدرجة أننا عارفين هما أكلوا كام مرة فاليوم! لكن الطبيعي إن حياة الإنسان تخصه لوحده بكل تفاصيلها ومش من حق أي حد يسأله عليها . - حافظوا على لسانكم وبيوتكم وحياتكم وأسراركم وافتكروا كويس ⬇️ - مفاتيح البيت لو بقت في إيد حد غير مُلاكها هيخرب . بسنت سيد .