Shaxsiylik | bintu Malik 🍀

Qayerdadir shu atrofda sening haqingda Allohdan eng xayrlisini berishini, rizqingga, vaqtingga baraka ato etishini kuchingga kuch qo'shishini va yomon ko'z, tuhmat so'zlardan omonda saqlashini so'rab duo qilayotgan birisi bor. Muhimi shu ) #qaydnomamiz

#shaxsiy_fikr Siz "bir kun manda ham hammasi yaxshi bo'ladi", deganda nimani nazarda tutasiz ?

Man uchun bu gap orasida yotgan o'ylarim asosi qalb xotirjamligiga taqaladi. Qalbim qachon xotirjam bo'lsa, o'shanda hammasi yaxshi bo'ladi. Qo'limda iPhone yo'q. Uyim qasr emas, o'zim qirolichalardek yashamayman, telegram yoki instagramda millionlagancha obunachim yo'q. Oyligim falon so'm emas yoki shaxsiy biznesim ham yo'q. Ota-onamga ham mashina yoki umraga yo'llanma sovg'a qilmayapman. Men yomon hayotda yashayapmanmi? Yo'q ! Men hozir o'zim bir paytlar duolarda yig'lab so'ragan hayotimda yashayapman va bu uchun Allohga behad hamdlar aytaman.

Ota-onam bilan suhbatlarimiz Alloh roziligiga borib taqalsa, bir birimizga namozni, Qur'onni eslatsak, o'zim, oilam va kelgusidagi hayotim uchun ilm olishga Alloh hidoyat bergan bo'lsa va bu uchun sharoit qilib berayotgan yaqinlarim bor bo'lsa, bu mening shaxsiy fikrim, har kimning o'z tosh-tarozisi bor, meniki shunaqa.

Odamlarning gap so'ziga ishi bo'lmay, avvalo Allohning oldidagi mavqeini o'ylaydiganlar, qiyomatda hozirgi amallari ustidan qanday javob berishiga kuyunadiganlar bilan birga yashaydigan hayotdanda go'zalroq hayotni bilmayman. Bilishni ham istamayman. Men bilgan "bir kun kelib mening ham hayotimda hammasi yaxshi bo'ladi" degan jumla ostidagi ma'no shu.

Siz shu gapni aytganda, yaxshi hayotni qanday tasavvur qilasiz o'zi?

O'zbekni o'zidan urf odatlari ko'proq bo'lsa kerak. Nimaga bunaqa qilasizlar deb so'rang. Javob hammasida bitta "shunaqa qilish kerakda" Tamom, o'zing top, o'zing ol nimaga qiladi buni, nimaga kerak? Sizam bilmaysizda, lekin qilasiz. Keyin siz ham bolangizga shunday deysiz. "Mani ota-bobom shunday qilgan, tamom vassalom". Eh mayli

*)

#kayfiyat Sharifjonga yettidan beshni ayirishni o'rgatyapmiz. Men 7ta barmog'imni ochdim: - qara, Sharifjon, bir, ikki, uch, to'rt, besh, olti, yetti. Shundan 5tasini olib tashladim, mana 5 ta barmog'imni yopdim, nechchi qolyapti? - olti va yetti Boshida hayron qoldim. Keyin hammamiz baravariga kulib yubordik. Shu mitti boshchani aqli ishlagan narsaga bizni aqlimiz ishlamaganiga qoil qoldik😅

#shaxsiy_fikr Biz diniy ilmli kishilardan emas, ular bizning betimizga soladigan gunohlarimizdan qo'rqamiz. Biz ularni emas, ularning oldida o'zimizni ilmsizdek his qilishni xushlamaymiz. Biz ularning xulqlaridan emas, ularning dunyoni tashvishi bilan ishi bo'lmay, faqatgina Alloh roziligini istab yashashlaridan va biz bunday qilolmasligimizdan jahlimiz chiqadi. Biz ularning gap-so'zlarini emas, ulardek haqiqatni tap tonmay aytolmasligimizni yomon ko'ramiz Biz ularning o'zini ilmli ko'rsatishini aytib o'zimizning ilmsizligimizni yopgimiz keladi. Asl yuzimizni bilganimiz sababli ularning ham "asl yuz"ini ochgimiz keladi. Biz ularning xotirjamligiga va Allohga bo'lgan tavakkuliga xasad qilamiz. Chunki ichimizdagi badnafs "men"imizning qanchalar jirkanchligini va bizda shunday tavakkul yo'qligini qalbimizning qayeridadir his etib turamiz. Biz ayni shu hisni yoqtirmaymiz. Biz o'zimizni yoqtirmaymiz. O'zimizdan nafrat qilamiz. Shuning o'rniga ilm olishni boshlasak edi.. Shuning o'rniga qalbimizga nazar tashlasak edi.. O'zimizni o'zgartirishga, o'zimiz bo'lib yashashga harakat qilsak edi (!)

Bormikin ?

* Hammada dard bor. Dardi yo'q odamning o'zi yo'q. * Agar butun dunyo bo'ylab dardi bor, hasrati bor insonlarni bir xonaga yig'sak, dunyoda odam qolmagan bo'lardi.

Shayton odamning dangasa tomirida yashasa kerakda? "Cho'lpon; Qo'limda so'nggi tosh qoldi" kitobidan