صُحبة الخَير ♡.

من وجهة نظري، أهم صفة لازم تكون موجودة في شريك حياتك هي إنه بيجاهد نفسه دايمًا وبيضع ربنا في المقام الأول وبيوزن الأمور بميزان الحلال والحرام بيعمل استوب عند الدين ده تاخده وأنت مغمّض ومطمن على نفسك وقلبك وحياتك وأولادك معاه لأن اللي عنده مرجعية دينية وبيتقي الله في حياته بيكون الدار أمان معاه بجد. على النقيض.. الشخص اللي تبعد عنه تمامًا تمامًا هو اللي تسمع منه جملة (كله بيعمل كده، يا عم عادي ده شيء بسيط، ماجاتش على دي يعني.. وما شابه من المعاني دي) ده كارثة بجد.. مش بس بيذنب ويغلط لا كمان بيستهون ويستصغر ذنبه وبيجعل الله أهون الناظرين إليه! أنت كشخص مسلم، لازم يكون رضا ربنا أول هدف ليك والأولوية عندك كده كده هتغلط وتعمل ذنوب ده طبيعي لأنك إنسان بس الطبيعي برضه إنك تجاهد نفسك في تقليل الأخطاء والذنوب دي وماتجادلش في الدين وتحاول دائمًا بدل ما بتعمل ١٠ أخطاء يكونوا ٩ وبعدين ٨ وبعدين ٧ وممكن يرجعوا يبقوا ١٠ تاني وبعدين يقلوا ويزيدوا ويقلوا.. طول ما المنحنى طالع نازل كده أنت ماشي صح.. الله يجعلنا مُسلمين مُؤدبين يستمعون القول فيتبعون أحسنه، ويقولون سمعنا وأطعنا لِما يأمرنا به الله ورسوله. - رنا خالد