‏𝘚𝘩𝘢𝘩𝘢𝘥

هات من عَذب السوالف ما تهيأ ‏ودي أمسك صُوتك بـ كفّي و أحبه

تسولف لي وأنا منك أتسقى سلوتي لاهنت ‏عليك الله تطوّل فالحكي لا تقول ما أمداني ‏تمهل بالسوالف شوفني عقب صوتك زنت ‏تجمل وأردف الموضوع الأول .. واحدٍ ثاني ‏وش أزين من حديثك مَابه أزين منه إلا أنت ‏تجمعتوا على قلبٍ خلي .. وصار ملياني❤️

صباح الخير يا ضحكة العمر عقب النكايد ‏يا سلوة الخاطر اللي مبطيٍ ما صفى جوه ‏ ❤️

يا واحدٍ جابك اللّٰه حلم و أعجوبة ‏الأرض ماتليق بك خذ موطنك صدري ‏قبلك حياتي ترى ماهيب مرغوبه ‏وشلون جدّد وجودك رغبتي ؟ مدري ‏عن عيني الناس ملغيّه ومحجوبه ‏ما أشوفك إلا سماي وكلهم حدري ‏ ❣️

جيت بين الضلوع الخاليه وأعتليت ‏ضلعٍ يرحبّ فيك — وضلعٍ يهَلي بك ‏ ❣️

في زحمة الإعجاب و هتاف الحضور ‏وش مطمعي بغيرك و أنا كلي معك ؟ ‏ما أخترتك من الناس يا وجه السرور ‏ لأجل أزعزع من ثباتك و أفزعك ‏ لوّك تشوف آثار حبك بالصدور ‏كان إقتنعت إني « محال أستشبعك » ‏ ❣️

الحياة بعد أول رشفة من كوب القهوة ‏تتغير في نظرِي ‏تُصبح صالِحة للعيش ‏أبسط وأصفى

الاكتفاء بالمحبوب من أسمى وأرقى ‏درجات الحُب وهي مرتبه لايبلغها إلا القليل ‏وقيل على هذا السياق : ‏معك اغتنيت من الهوى والحب يامال الغناه ‏وحبّبتني في أيامي اللي ماهقيت - أحبها ‏انت الحياه اللي عطت للناس معنى للحياه ‏وانت النعيم اللي عليه الناس تشكر ربها ‏يا ويييييلي ❣️❣️❣️

مجيّه ما كأنه إلا جيّة ‏وبل مزنٍ ليا هلّا ‏جا وبل العروق بـ ماه وأحياني ❤️

حتى المديح اللي يجيني من الناس ‏« ما هو مثل إطرائك اللي أحبّـه »

يا أحنّ مكسب ‏من السنين كلها ‏ ❤️

أحبّ وهجي وأحب أكون مُشعة ‏ في كل أيامي ومضوية ‏وكل شيء يشهد على سنايّ ‏وأشوف إن هذا النور منبعه روحي أنا ‏حتى وجهي يلوح لي كل مرة اقرأ شطر : ‏« لا تحترين الشمس وأنتِ الصباحات» ‏ ❣️لأن شمسي كامنة فيَّ ماتغيب❣️

انا نضجت ‏لدرجة العلاقة اللي تنتهي فعلاً تنتهي بخيرها وشرّها وشعورها ، لا انتم اصحابنا ولا اعدائنا انتم ايام حلوه ومرّت وخلاص

ويقول الرافعي: "فلو خلص الإنسان من وهمه لخلص من همّه"

يحزّني مخ الإنسان ‏لأنه يضخم أفكار لا تعد ولا تحصى ويعيش تحت تأثيرها ويتأثر فيها في الأخير يطلع هذا كله داخل رأسه فقط

«فاهنَأ بيومكَ لا تحفَل بأمرِ غدٍ»

فاقدك ، و الكون ب غيابك كئيب ‏لا أحد قبلك ، و لا بعدك أحد ‏عفت خلق الله من بعيد ومن قريب ‏و اعتزلت الناس بعدك للأبد ‏كل واحد صار بعيوني غريب ‏من فقدتك … كنّ فاقد لي بلد