Удален

Ассалаума алейкум канал ағзалары. Техникалық себеплерге бола канал линки өзгерди. Жаңа каналда сизлер менен пайдалы контентлерди беретин боламыз. Қоллап кууатлайсыз деген умиттемиз Yurist Awezbekov Yurist Awezbekov Yurist Awezbekov Yurist Awezbekov

Қарақалпақстан Республикасында 28 вакант жумыс орнына кириўди қәлейсизбе ? Аймақлардағы вакант лаўазымлар ушын жәрияланған ашық таңлаўларда қатнасың! Мәмлекет пуқаралық хызметшилери вакант лаўазымларының бирден-бир ашық порталы - vacancy.argos.uz сайтында Қарақалпақстан Республикасындағы вакант лаўазымлар турақлы жәрияланып барылмақта. Төмендеги силтеме арқалы ваканциялар менен танысып шығыўыңыз мүмкин: 👉 Қарақалпақстан Республикасы Тап ҳәзирги ўақытта Қарақалпақстан Республикасы бойынша 28 вакант орынлар жайластырылған. Егер сиздиң қәнигелигиңызге туўры келсе ҳүжжетлериңизди тапсырсаңыз болады. Бул жерде ҳешқандай инсан факторы роль ойнамайды. Ҳүжжетлериңиз автоматик тәризде қабыл қылынады. Егер талапларға жуўап берсеңиз әлбетте. Еслетпе: Вакант лаўазымларға ҳүжжетлер электрон формада қабыл қылынады. Буның ушын порталдан дизимнен өтиўиңиз лазым. 👉 Yurist_Auezbekov 👈

❗️Аймақларды тазалаў ислерине кимлер жуўапкер 👉 абаданластырыў объектлерине - қала ҳәм район абаданластырыў басқармалары; 👉 көп квартиралы үйлер әтирапында - жеке үй-жай мүлкдарлары ширкетлери яки басқарыўшы шөлкемлер; 👉 жеке тәртиптеги турар жай үйлери ҳәм шөлкемлердиң жерлеринде - физикалық ҳәм юридикалық шахслар; 👉 автомобил жоллары ҳәм жасалма жол имаратларында ажыратылған жерде - усы объектлерге хызмет көрсетиўши шөлкемлер; 👉 темир жолларда ажыратылған жерде - темир жол шөлкемлери; 👉 базарлар аймағы ҳәм оларға тутас аймақларда - базарлар администрациясы; 👉 жәмийетлик транспорты бәндиргилеринде жайласқан ўақтыншалық саўда ҳәм хызмет көрсетиў объектлеринде - объект ийелери 👉 саўда дүкәнлары яки басқа саўда орынларына, көшпели шахабшаларға тутас аймақларда 5 м радиуста - сол тараўдағы хожалық жүритиўши субъектлер тәрепинен әмелге асырылады. ❗️Тийкар: Мининстрлер Кабинетиниң 02.10.2018 жылдағы 787-санлы қарары 👉 Yurist_Auezbekov 👈

Қонсысынан көшип кетиўди талап қылыў нызамлыма? Жынаят ҳәм Ҳәкимшилик нызамшылықта қоңсылардың қандайда бир себеп пенен қарама-қарсылықларға барыўы айрықша қылмыс сыпатында квалификация қылынбайды, бирақ келип шыққан ақыбетлерге қарап бир неше ис-ҳәрекетлер ушын ҳәкимшилик ҳәм жынайый жуўапкершилик нәзерде тутылған. Конституцияда ҳәр ким еркинлик ҳәм жеке қол қатылмаслық ҳуқықына, ҳәр ким өз қәдири ҳәм абыройына қылынған басымлардан, жеке өмирине араласыўдан қорғаныў ҳәм турақ жайы қол қатылмаслығы ҳуқықына ҳәмда Өзбекстан Республикасы пуқаралары Өзбекстан аймағында бир орыннан екинши орынға көшиў, Өзбекстан Республикасына келиў ҳәм оннан шығып кетиў ҳуқықына ийе екенлиги белгиленген. Қоңсыға қарата көшип кетиўди талап қылыў әмелдеги нызамшылыққа пүткиллей қайшы есапланады, қоңсы-қобалар менен тыныш-татыўлықта жасаў жәмийеттиң ҳәр бир ағзасының пуқаралық миннети есапланады. 👉 Yurist_Auezbekov 👈

САЎАП АЛАМАН ДЕП ГҮНА АРТТЫРЫП ҚОЙМА Ҳәр жылы 9-май күнинде гүллән халқымыз қәбирстанларға барады, ата-бабаларын еслеп, Қуран тиләўат етеди ҳәм ҳақларына дуўалар қылады. Ҳәттеки, динге исенбеймен деген адамлар да, дуўаларда қолларын көтерип турады. Бул ҳеш кимге сыр емес. Бирақ адамлар зыярат қағыйдаларына қаншелли әмел етип атыр? Қәбирстанларды қандай зыярат етиў керек? Бул сораўларға көпшилик жуўап бере алмаса керек, өйткени көп ҳалларда зыярат етип, саўап алыўдың орнына терис ислерди қылып жүргенлердиң гүўасы боламыз. Көпшилик бул ислерди шәриятымыз буйырған, деп ойлайды. Негизинде бундай ислерден шәриятымызда қайтарық бар, ақыл тәрептен ойлап қарасақ та дурыс емес екени айдын болады. Бундай әмеллер жақын тарийхымыздағы динсизлик дәўиринде кирип қалған. Солардан айырымларын санап өтсек: 1. Қәбирстанларда жанлық сойыў, аўқат тарқатыў. Шәрият тәрепинен қәбирстанларда аўқат жеў мәкруҳ әмел. Медицина тәрепинен де, қәбирстанларда аўқат жеў дурыс болмаса керек, өйткени, ол жерлердеги қазан-табақлардың таза болмаўы күндей айдын. Таза болған жағдайда да, бәрибир қәбирстан аўқат жейтуғын орын емес. Садақаны өз орынларына бериў керек. Қоңсымыз баласының оқыўдағы шәртнама пулын төлеўге қыйналып отырса, ал бизлер жанлық сойып, оны садақаға мүтәж емес адамларға жедирсек, бул динимизге де, ақылға да туўры келмейтуғын ис. Оның орнына сол қоңсымызға жәрдем берген мың мәрте абзал. 2. Қәбир айланыў, топырағын маңлайға сүртиў. Бул ислер де шәриятымызда жоқ. Негизинде Каабадан басқа ҳеш нәрсени айланып таўап етиў дурыс ис емес. Қәбир айланып жүрип ҳәттеки ески қәбирлердиң үстинен басып та кетеди. Шәриятымызда марҳумның ҳүрмети тири адам менен бирдей, қәбирди басыў үлкен гүналардан. 3. Тиләўат ететуғын адам излеп жүриў. Адамларға ҳайран қаламан, мусылманман деп турып еки аятты билмеў мүмкин бе? Ҳәр қандай шаңарақта дастурхан басында, шаңарақ басшысы тиләўат етип, берген неъматлары ушын Аллаҳға шүкир айтыўы, еки аят болса да оқып, өткенлерге бағышлаўы, буларды балаларына да үйретиўи үрдис болған ис ғой. Қәбирстанға барып, жақыныңның қәбири қасына барып, еки аят оқый алмасаң, не деген адам боласаң? 4. Марҳумлардан сораў. Қәбирлерде жатқан пәленши бабадан, деп тилеп бир нәрсе сораў мүмкин емес. Өйткени, марҳумлар бизлерге ҳеш нәрсе бере алмайды, қайтама бизлер оларға бир нәрсе бериўимиз керек, яғный аят оқып саўабын бағышлаўымыз керек. 5. Кийиниў әдебине әмел етпеў. Ҳаял-қызларымыздың көшелерде кийинип жүриўи ҳәдден асып кеткен екени ҳеш кимге сыр емес. Бирақ қәбирстанда ең кеминде көйлек кийгенде лазымды да умытпаўы, басын да жаўып келиўи шәрт. Енди, бул жерлерде де ярым жалаңаш, келте кийимлерди, еркеклердей шалбар кийиў, бул - барып турған әдепсизликтен дерек береди. Ер-жигитлер де басларына тақыя кийип барыўы тийис. 6. Қәбирге жасалма гүл қойыў. Бул әдет жақынға шекем тек христиан динине тийисли адамлардың қәбирстанларында болатуғын еди, ҳәзирлери мусылманлартыкынде де ушырап турыпты. Ҳәдиси шәрийфте, еле ызғары кетпеген шақа, қәбирдегилерге пайда бериўи ҳаққында келген. Ал жасалма гүллер тек көзаба ис ғой, оларды ҳәмме алып барыўы менен қәбирстанлар патасланып атырғаны да сыр емес. Бундай ис қылыў ақылға уғрас емес. 7. Қәбирстанда күлиў. Қәбирстанда екижүзли адам күледи, делинген. Ол жерлер күлисип, ойнасып қайтатуғын орын емес. Ақыретти еслеп қайтатуғын орын. Мен де усы жерге келемен, мени де ағайин-туўысқанларым усы жерге таслап кетеди, соның ушын дүзиў жасаўым керек, бир күн келип ҳәммесине жуўап беремен, деген ойларды қәлбтен өткеретуғын орын. 👉 Yurist_Auezbekov 👈