Fair Q & A✨

الظاهر الاوفثا مريح إلا في مستشفانا(مستشفى تخصصي) يا اني انهلك في الاونكول ولحالي بعد والسكند home-oncall

كويس والله يعطيك العافية الان بقدم عليه اوه وقف ع 99

فير لما اشوف حلطمة الاطباء احمد ربي مية مره اني دخلت اوفثا على اني لسا جونيور لكن لك الحمد ياربي ما عمري حسيت باحتراق وظيفي ولا طفشت ابدا وكل مره اداوم متحمسه و صح انه صعب وما ينفهم بسرعه والتشخيص صعب لكن ممتع ، لدرجة اهلي يحسبون الطب كله كذا راحة بعد التخرج 😂❤️ انصح اطباء الامتياز بالتوجه للعيون👁

فير لاحظت اني من بديت الامتياز وانا مره متحفظه من ناحية زملائي الميل، احرص اني ما اناظر واحد بالغلط ووقت التيبل راوند اذا اظطريت اجلس جمب واحد الف الكرسي كله باتجاه الاستشاريه وما اقبل قهوه او حلا ولا اسولف ويضيق صدري اذا اظطريت ارد عليهم وافكر اجيب حلا وقهوه للكونسلتنت والرزدنت لانهم بنات ولاني مهتمه بالتخصص وشايله هم اني بكون وقتها جايبه للباقي وهم رجال كأني راعية المعمول ذيك 😭 انا مره متعقده من موضوع الاختلاط وانه ماينفع الواحد يتنازل عن مبادئه وحدوده وانه "البعض" تنازلو عن حدودهم ويضحكون ويسولفون وانا مابي اصير كذا فهل اللي انا جالسه اسويه هو الطبيعي او انه مبالغه مني ؟

فير يمكن انا عكس الباقين مدري الباقين عيال اغنياء علشان كذا مو حاسين بفرق الطب فهذي رسالتي للطلبة خاصه اللي اهلهم على قدهم مثلي الطب يسوى خاصه بالنسبة لطبقتنا حنا حسب اغلب الابحاث وسيلة الهروب الوحيدة هي التعليم بعد الله طبعاً، يا جماعة شغل الشركات اللي فيه رواتب عاليه اغلبه يحصلونه بسبب العلاقات الاجتماعية واغلب الناس في طبقتنا مفتقدين لهذا شوفوا كم شخص متخرج حاسب وادارة اعمال وكم شخص توظف فعلاً في هذي الشركات الاغلب متوظف في شركات عادية ورواتب متوسطة ويمكن يمر العمر كله وما تغير راتبه الا شيء بسيط بعكسنا حنا نستلم رواتب اعلى منهم كلهم كشخص fresh graduate يشتغل GP فما بالك لو اشتغلت استشاري بعد البورد ، انا في ايام الامتياز قدرت اشيل نفسي يوم طلعت برا مدينتي للelective قدرت ادفع لنفسي كل شيء لان لو مافيه راتب الامتياز ما قدرت اطلع اهلي على قدهم ومستحيل اقدر اقعد بالرياض شهرين بس هي تعتمد عليك كيف تجمع من راتبك وكيف تستثمره وشف اللي يقول لك الحق شغفك زي بنت الاستشاري اللي فتحت مشروع حبيبي ابوها استشاري اي ضيق مالي يقدر يسندها بس انت بتاكلها لان اللي حولك على قدهم اقصى شيء يصير انه يحطون فاتورتك في فرجت 😅 طبعاً كلامي هذا للطبقة العاملة تقدر تفتح مشروع اذا صرت استشاري وتقابله برواق ودخل مادي جيد وامان وظيفي وتصير انت اللي كسرت حلقة الفقر في عائلتك

طيب خلونا نكون منصفين.. انا اصدقائي المقربين هم اصدقاء المدرسه.. دخلوا مجالات كثير بين تخصصات طبيه وحاسب وادارة وهندسة وعسكرية وفيه منهم اللي راح للتجارة " لكن ابوه مو ملياردير" يعني بزنس على قدر استطاعته، للامانه انا كطبيب افضلهم حال مادي واشتغل بأحد افضل المستشفيات بالخليج وفاتح فيه ملف للوالد والوالده الله يحفظهم ولا يحوجهم له وراتب يعتبر كويس لو احسنّا التصرف فيه وشكر النعم.. عموما المقصد مو تنظير ولكن لا تنظر بعين ضيقه لشخص واحد من تخصص الغالب فيه عطاله وتقارنه بالطب اللي كل من يتخرج منه ١٠٠٪؜ يتوظف براتب ١٨٠٠٠ ويفتح بيت ويأسس نفسه ويقدر مستقبلا اذا يتوجه للتجارة ويبني نفسه.. بالنسبة لي اللهم لك الحمد الطب نقلني شخصيا من طبقه لطبقه ولن انكر هذا الفضل والمعروف والحمدلله دائما ❤️

ايه نعم (الاغلب) كان يسلك ومعظمنا دخل الطب عشان أهله وعشان فلان ولدهم دكتور وعشان الفلوس وحالات خلقت بلسما ، لا نكذب ع بعض احنا بزمن ماديات ، صح فيه جانب إنساني والحمدلله ان شاء الله نكون أديناه ع أكمل وجه لكن أنا محدثكم طحت وقمت عشان اجمع لي قرشين يوصلني لمشروعي وفي وقتي ماكان فيه هذي التخصصات الغير طبية الي صار لها وزنها افضل من الطب فاضطريت أكمل بالطب واسرفس وادخل بورد عشان احوش لرأس المال الي افتح فيه مشروعي باذن الله وكلها ان شاءالله سنة او سنتين وأقدم استقالتي من التخصص بكبره وأكون أنا مدير نفسي والرزق بالتجارة رضينا او لا خاصة بزمننا ذا أعيد واكرر ( زمننا ذا ) حتى وان خسر المشروع بيكون عندي خطط ثانية لمشاريع ثانية باذن الله عكس الطب كانك عبد مو انسان حتى إجازتك تخاف انهم ما يقبلونها وهي من حقك وتكد ليل نهار راح عمرك وتعبت نفسيتك وصحتك عشان راتب آخر الشهر الي يطير من ثاني اسبوع وصدقوني صح ممكن تشوفو نضرتي تشاؤمية لكن بعد كم سنة رح تصير مهنة الطب مهنة وبيئة منفرة ع قد ما تعطي من وقتك وعمرك وصحتك ع قد ما يعطونك اقل ، ومع الخصخصة رح يخصخصونك صح فألي بيدخل الطب الآن يدور له تخصص عليه فلوووووس ومعروفة وشهي التخصصات ذي او يلحق روحه ويدور شي ثاني او يبدًا بمشروع من بدريييي

الي متحسر على دخول الطب اعتقد من اهم الاسباب هي رؤيتنا الغلط للمجال قبل ماندخله ماكنا متصورين انه بهذا التعب والضغط واصطدمنا بالواقع صحيح ان البيئة السيئة تزيد من سوء الوضع بس هذا هو الطب من الازل و ما اعتقد يوم من الايام بيتغير على وقتنا ما كان فيه وسائل تكشف هذا الشي، فاتمنى من الجيل الجاي يصير عنه وعي اكثر بهذا الخصوص