𝗘𝘀𝗹𝗮𝗺 𝗚𝗮𝗺𝗮𝗹

سُنة اليوم ☘️ التكبير مع الطلوع والتسبيح مع النزول عن جابر رضي الله عنه قال "كنا إذا صعدنا كبرنا، وإذا نزلنا سبحنا" سُنة بسيطة لو اتعودت عليها هتبقى على لسانك دايماً وتاخد بركتها 🧡

سُنة اليوم ☘️ قراءة سورة الكهف يوم الجمعة "من قرأ سورة الكهف يوم الجمعة أضاء له من النور ما بين الجمعتين" أسبوعك لا يمكن يكون Zero لو بدأته بسورة الكهف 🧡

سُنة اليوم ☘️ السُنن الرواتب شوف الحديث ده 👇 يقول النبي صلى الله عليه وسلم "ما من عبد مسلم يصلي لله تعالى كل يوم ثنتي عشرة ركعة تطوعًا غير الفريضة إلا بنى الله له بيتاً في الجنة" تخيل ١٢ ركعة في اليوم تضمن ليك ايه ؟! بيت في الجنة ومين اللي باني البيت ليك ؟! ربنا سبحانه وتعالى ! تخيل إنك ممكن تشتغل حياتك كلها علشان تشتري بيت ليك في الدنيا وبـ ١٢ ركعة بس ربنا يبني ليك بيت في الجنة .. والله إن ده فعلاً الاستثمار الحقيقي 🧡

سُنة اليوم ☘️ قراءة سورة الإخلاص والمعوذتين صباحاً ومساءًا يقول النبي عليه الصلاة والسلام "قل هو الله أحد، والمعوذتين حين تمسي وحين تصبح ثلاث مرات تكفيك من كل شيء" أقوى حصن ممكن تتحصن بيه يومياً في حياتك وُيشعرك بالطمأنينة والحماية الربانية من كل شيء اعمل منبه في موبايلك يفكرك ⏰ أو علقها في أوضتك 📝 الموضوع يستاهل ولو اتعودت عليها هتحس براحة وطمأنينة كنت مفتقدها 🧡

سُنة اليوم ☘️ الأكل بثلاث أصابع عن كعب بن مالك - رضي الله عنه - قال: رأيت رسول الله - صلى الله عليه وسلم - يأكل بثلاث أصابع، فإذا فرغ لعقها سُنة سهلة تنويها وانت بتاكل وتاخد أجر وبركة اقتدائك بالنبي عليه الصلاة والسلام مع كل مرة هتاكل فيها 🧡

سُنة اليوم ☘️ قراءة سورة المُلك قبل النوم تخيل سورة يقول النبي عليه الصلاة والسلام في فضلها مش حديث واحد إنما أكتر من حديث لدرجة تخليك تتعجب من كل الفضل ده ويكون للسورة دي مكانة خاصة في حياتك "إن سورة في القرآن ثلاثون آية شفعت لرجل حتى غفر له، وهي: تبارك الذي بيده الملك" "من قرأ تبارك الذي بيده الملك كل ليلة منعه الله عز وجل بها من عذاب القبر" "سورة من قرأ بها في كل ليلة فقد أكثر وأطاب" تخيل سورة تشفع ليك لغاية ما يتغفر ذنوبك وتمنع عنك عذاب القبر ومداومتك عليها يومياً كل ليلة كأنك عملت خير كبير تضيعها إزاي من إيدك ؟! اظبط منبه يفكرك بيها ⏰ أو علقها في ورقة قدامك 📝 وقراءتها مش هتاخد منك دقايق كل ليلة لكن تحميك وتكون سبب في نعيمك بإذن الله 🧡

سُنة اليوم ☘️ الدعاء بين الأذان والإقامة شوف الحديث ده : يقول النبي صلى الله عليه وسلم "الدعاء بين الأذان والإقامة لا يُرد" طيب انت مستني إيه تاني ؟؟ ده النبي الذي لا ينطق عن الهوى بيقولك انك دعائك مُستجاب دايماً بين الأذان والإقامة .. يعني عندك ٥ توقيتات في اليوم انت عارف ومتأكد ان دعوتك فيهم مُستجابة يبقى مش هنسيبهم من النهاردة وبعد كده لما نسمع الأذان نردد ونقول الدعاء بعده وبعدها ندعي بكل اللي احنا عايزينه .. احنا بندعي رب كريم 🧡

درس اليوم : فتوحات ال ١٠ الأواخر من رمضان لينك الفيديو : https://youtu.be/ujiohaZCZ4M?si=YxOnupYv2Gw8MSCd

خطة ٢٠ رمضان (ليلة ٢١)

السلام عليكم ورحمة الله وبركاته ❤️ احنا كنا مستمرين بفضل الله تعالى في تجميع ثمن العجل علشان نذبحه ف رمضان ونوزعه علي الناس الفقراء وكان الهدف بتاعنا 50 الف نجيب بيهم عجل وكنا جمعنا منهم 48 الف ولاكن في حد بعت لينا 10 الاف جنيه وحاليا معانا 58 الف وفاضل اخر الفين جنيه علشان بإذن الله تعالى نجيب عجل اكبر ف حدود 60 الف رقم كاش 👇 01140527293

سُنة اليوم ☘️ دعاء كفارة المجلس قاعد قعدة مع أهلك أو أصحابك تتعود إنك تختمها دايماً بدعاء كفارة المجلس (سبحانك اللهم وبحمدك أشهد أن لا إله إلا أنت أستغفرك وأتوب إليك) يقول النبي عليه الصلاة والسلام "من جلس في مجلس فكثر فيه لغطه، فقال قبل أن يقوم من مجلسه ذلك: سبحانك اللهم وبحمدك، أشهد أن لا إله إلا أنت أستغفرك وأتوب إليك، إلا غفر له ما كان في مجلسه ذلك" احنا عايزين كل أوقاتنا تشهد لينا مش علينا .. والدعاء ده لو اتعودت عليه هتفرح بيه يوم القيامة لما تلاقي نفسك اترحمت من أوقات كتير كانت هتتحسب عليك اكتبه في ورقة وعلقها في الأماكن اللي بتقعدوا فيها كتير 🧡

كمان 100 ج ❤️ كمان 200 ج ❤️

سُنة اليوم ☘️ البسملة قبل الوضوء وقول الشهادتين بعده هتبدأ وضوء تقول "بسم الله" خلصت وضوء تقول "أشهد أن لا إله إلا الله وأن محمداً عبد الله ورسوله" ثوابك إيه بقى ؟ تخيل ؟ يقول النبي صلى الله عليه وسلم : "ما منكم من أحد يتوضأ فيبلغ -أو فيسبغ- الوضوء، ثم يقول: أشهد أن لا إله إلا الله، وأن محمدا عبد الله ورسوله؛ إلا فتحت له أبواب الجنة الثمانية، يدخل من أيها شاء" هي ازاي التفاصيل البسيطة دي مش بنعملها ؟؟ 🙈 ومضيعين كم الثواب ده على نفسنا ! الشيطان كان عامل عمايله معانا 🙃 لكن من النهاردة هنحطها قدامنا ان شاء الله وهنفتكرها .. دي أبواب الجنة الثمانية 🧡🧡

وصل كمان 300 ج ❤️

وصل اول 100 ج ❤️

مازلنا بنجمع لتمن العجل واللي ان شاء الله هنذبحه ونوزعه في رمضان في اخر عشر ليالي ويمكن ربنا يكرم ونوزع ف ليلة القدر علشان الثواب يضاعف آلاف المرات حاليا معانا حوالي 46 الف جنيه لتمن العجل وفاضل حوالي 4 الاف علشان نكمل 50 الف ونجبها الموضوع خلاص فاضله جزء بسيط ويتم علشان نفرح الناس الغلابه في الايام دي وافتكر حديث الرسول صلى الله عليه وسلم ❤️ ( أحب الأعمال إلي الله سرور تدخله علي مسلم) وصدقني مفيش حاجة هتفرح الناس الغلابه زي حاجه هم نفسهم فيها ومش قادرين يجبوها لنفسهم واولادهم الصغيرين رقم فودافون كاش 👇👇 👇 👇 01140527293

سُنة اليوم ☘️ الجلوس بعد الصلاة وهو إنك بعد ما تسلم من الصلاة تقعد شوية تستغفر وتقرأ آية الكرسي وأذكار الصلاة (بيسموه الجلوس الثمين) لإن الرسول عليه الصلاة والسلام قال "الملائكةُ تصلي على أحدِكم ما دام في مُصلاه، ما لم يحدثْ: اللهمَّ اغفرْ له، اللهم ارحمْه" تخيل كم الرحمات اللي هتتنزل عليك وكم الذنوب اللي هتتمسحلك بسبب دعاء الملائكة ليك طول ما انت قاعد .. واحنا بنستعجل نقوم بعد ما نصلي علطول ؟! من النهاردة ان شاء الله هنتعود نقعد ولو ٥ دقايق بعد كل صلاة ناخد فيها البركة الجميلة دي 🧡🧡

سُنة اليوم ☘️ مسح أثر النوم عن الوجه باليدين لقول ابن العبّاس: ‏ "فاستيقظ رسول الله ﷺ فجلس يمسح النوم من وجهه" عادة بسيطة تتعود عليها كل ما تصحى من النوم وتاخد بركة الاقتداء بالنبي عليه الصلاة والسلام 🧡

السلام عليكم ورحمة الله وبركاته ❤️ بعد ما عملنا 150 شنطه تكلفة حوالي 75 الف حاليا بنجمع لتمن العجل واللي ان شاء الله هنذبحه ونوزعه في رمضان في اخر عشر ليالي ويمكن ربنا يكرم ونوزع ف ليلة القدر علشان الثواب يضاعف آلاف المرات حاليا معانا حوالي 44 الف جنيه لتمن العجل وفاضل حوالي 6 الاف علشان نكمل 50 الف الموضوع خلاص فاضله جزء بسيط ويتم علشان نفرح الناس الغلابه في الايام دي وافتكر حديث الرسول صلى الله عليه وسلم ❤️ ( أحب الأعمال إلي الله سرور تدخله علي مسلم) وصدقني مفيش حاجة هتفرح الناس الغلابه زي حاجه هم نفسهم فيها ومش قادرين يجبوها لنفسهم واولادهم الصغيرين رقم فودافون كاش 👇👇 👇 👇 01140527293

سُنة اليوم ☘️ دعاء الخروج من المنزل شوف الحديث ده كده 👇 يقول النبي عليه الصلاة والسلام "إذا خرج الرجل من بيته فقال: بسم الله توكلت على الله ولا حول ولا قوة إلا بالله قال: يقال حينئذ: هُديت وكُفيت ووُقيت فتتنحى له الشياطين، فيقول له شيطان آخر: كيف لك برجل قد هُدي وكُفي ووُقي" يعني كلمتين تقولهم وانت خارج من بيتك الشيطان يفقد الأمل انه يعمل معاك أي حاجة .. اللي هو ده اتحصن خلاص هنعمل معاه ايه ! علقها على باب البيت وابدأ اتعود عليها من النهاردة 🧡