FIDEL POST NEWS

የኢትዮጵያ ኦርቶዶክስ ቤተክርስቲያንን ክብር የሚነካ ቃላት ተናገሮበተመሰረተበት ክስ ማረሚያ ቤት የነበረው ልጅ ያሬድ በዛሬው ዕለት ከስምንት ወር በኋላ ከእስር ተፈቷል።

የማኅበረ ቅዱሳን ሰብሳቢ ሊቀ ትጉኅን ቀሲስ ዶ/ር ሙሉጌታ ሥዩም እና የማኅበሩ ዋና ጸሐፊ መ/ር ዋሲሁን በላይ ትላንት በመንግሥት የጸጥታ አካላት ከመኖሪያ ቤታቸው ተወስደው ሜክሲኮ በሚገኘው የፌደራል ፖሊስ ወንጀል ምርመራ ቢሮ እንደሚገኙ ተገልጾ ነበር። ዛሬ ወደ ቤታቸው መመለሳቸውን ማኅበረ ቅዱሳን አሳውቋል። ምንም እንኳን አመራሮቹ በምን ምክንያት ተይዘው እነደነበር  ያብራራው ነገር ባይኖርም ፥ " በሂደቱ ጉዳዩን በመረዳት #አፋጣኝ_ምላሽ የሰጡንን የመንግሥት የጸጥታ አካላት እናመሰግናለን " ብሏል።

በየአካባቢው የቁም እንስሳት ቅርጫ ማረድ አለመከልከሉ ተገለጸ! በአዲስ አበባ ከተማ የትንሳኤ በዓል ህብረተሰቡ በየቤቱ እና በየአካባቢው የቁም እንስሳትን ቅርጫ ማረድ አለመከልከሉን የአዲስ አበባ ከተማ ሰላምና ፀጥታ አስተዳደር ቢሮ አስታወቀ። ቢሮው ለትንሳኤ በዓል ህብረተሰቡ በየቤቱ እና በየአካባቢው የቁም እንስሳትን ቅርጫ ማረድ ተከልክሏል በሚል በማህበራዊ ሚዲያ እየተሰራጨ ያለው መረጃ ሀሰተኛ መሆኑን አስታውቋል። በየአካባቢው በህገ ወጥ መንገድ እርድ በመፈፀም ለሆቴሎች እና ለስጋ ቤቶች በማከፋፈል ተግባር ላይ የሚገኙ አካላት የቁም እንስሳቱ ጤንነት ባልተረጋገጠበት ሁኔታ የከተማውን ነዋሪ ጤንነት ላይ ጉዳት ስለሚያደርስ  ጥብቅ ቁጥጥር እንደሚደረግም ቢሮው ባወጣው መረጃ አመላክቷል። የከተማው ነዋሪ በዓላትን ሽፋን በማድረግ ጤንነቱ ያልተረጋገጠ እንስሳት አርዶ ማከፋፈል በጤና ላይ የሚያደርሰውን ጉዳት ግምት ውስጥ በማስገባት በህገወጥ እርድ የሚሰማሩ አካላት በሚደረገው ቁጥጥር ተባባሪ እንዲሆን አሳስቧል።

ፖሊስ 89 ተጠርጣዎችን በቁጥጥር ስር አውሎ በተለያዩ ጊዜ የተሰረቁ በርካታ የመኪና እቃዎችን ማስመለሱን አስታወቀ በልደታ ፤በአራዳና በአዲስ ከተማ ክፍለ ከተማ አዋሳኝ ወረዳዎች  የመኪና እቃ በሚሰርቁ ፣ ህጋዊ የንግድ ፈቃድን ሽፋን በማድረግ የተሰረቀውን የመኪና እቃ ከሌቦች በሚቀበሉ በአጠቃላይ ወንጀሉን ተደራጅተው ሲፈፅሙ በነበሩ  ህገወጦች ላይ  በተወሰደ  እርምጃ 89 ተጠርጣሪዎችን በቁጥጥር ስር በማዋል በተደረገ ምርመራ በልዩ ልዩ ጊዜ የተሰረቁ ከ1ሺ በላይ የሚሆኑ  33 አይነት የተለያዩ የመኪና እቃዎችን አስመልሷል፡፡ ፖሊስ የመኪና እቃ ስርቆትን ለመከለከልና ህገወጦችን ህግ ፊት ለማቅረብ ልዩ ልዩ ማስረጃዎችን በማሰባሰብ በተቀናጀ ኦፕሬሽን በተለምዶ ሱማሌ ተራ ተብሎ በሚጠራው አካባቢ ህግን መሰረት አድርጎ በወሰደው እርምጃ 528 ልዩ ልዩ ፍሬቻዎችን ፣ 187 ስፖኪዮችን ፣ 113 የመኪና መብራቶች ፣ 172 የዝናብ መጥረጊያ  በአጠቃላይ 33 ልዩ ልዩ  1ሺ 269 አይነት የመኪና እቃዎችን መያዙን አስታውቋል፡፡  የተሰረቁ የመኪና እቃዎችን የሚገዙ እና የሚያሻሽጡ 89 ግለሰቦችንም በቁጥጥር ስር አውሎ ምርመራ መቀጠሉን ገልጿል፡፡  የተሰረቁ የመኪና እቃዎችን የሚገዙ ህገ-ወጦች ለወንጀሉ መስፋፋት ዋና መንስኤ በመሆናቸው ፖሊስ በእነሱ ላይ የሚያደርገውን ቁጥጥር አጠናክሮ እንደሚቀጥል አስታውቋል፡፡ የተሰረቀባቸውን እቃ ከወንጀለኞች  የሚገዙ ግለሰቦችም በተዘዋዋሪ ለወንጀል ፈፃሚዎች ምቹን ሆኔታ እየፈጠሩ መሆኑን ተገንዝበው ከዚህ ድርጊታቸው ሊታቀቡ እንደሚገባ  አዲስ አበባ ፖሊስ መልእክቱን አስተላልፏል፡፡ በተለያየ ጊዜ የመኪና እቃ የተሰረቀባቸው ግለሰቦች በልደታ ፣  በአራዳና በአዲስ ከተማ ክፍለ ከተማ ፖሊስ መምሪያዎቸው በመቅረብ  ንብረታቸውን መምረጥ እንደሚችሉም ፖሊስ አስታውቋል፡፡

በካዛክስታን ሴት አስከሬን ሲደፍር የነበረ የሬሳ ክፍል ሰራተኛ ተያዘ ተጠርጣሪው በቁጥጥር ስር የዋለው ሰውዬው ስልክ ሲሸጥ የእሱ እንደሆነ ለማረጋገጥ በገዢ ሱቅ ውስጥ የተቀጠረው ሰራተኛ የስልኩን የፎቶ እና የማህደር ሲያይ ሻጩ በርካታ የሴት ሬሳን ሲደፍር የሚያሳይ ነገር በማየቱ ነው። በመጣበት የፓውንስሾፕ ሰራተኞች ነው። የስልኩን ባለቤትነት ለማረጋገጥ ጋለሪውን እንዲያሳይ ተጠይቋል። ሰራተኞው ወዲያውኑ ለፖሊስ አሳውቆ የሬሳ ክፍል ሰራተኛውን ለፖሊስ አስይዞታል። እስከ 3 አመት እስራት የገንዘብ ቅጣት ይጠብቀዋል ሲሉ ሰሞኑን የሀገሪቱ መገናኛ ብዙሃን ዘግበዋል።

በአዲስ አበባ በተደረገ ድንገተኛ ፍተሻ መፀዳጃ  ቤት ውስጥ እርድ ሲከናወን ተገኘ የአዲስ አበባ ከተማ አስተዳደር የምግብ እና መድኃኒት ባለስልጣን በአስራ አምስት ቀናት ውስጥ ከወረዳ እስከ ማዕከል የቅድመ ዝግጅት ስራዎችን በማከናወን ከ805 በላይ የሚሆኑ ተቋማት ላይ የቁጥጥር ስር መስራቱን አስታውቋል።በዚህም ባለስልጣኑ ባከናወነው የቁጥጥር ስራ ለ251 ተቋማት የፅሁፍ ማስጠንቀቂያ ሲሰጥ ሶስት ድርጅቶችን ማሸጉን አስታውቋል። ከታሸጉት  ተቋማት ውስጥ አንዱ  በፆም ወቅት አገልግሎት የሚሰጥ ሲሆን ህግ እና ደንብ በማይፈቅድ መልኩ መፀዳጃ ቤት ውስጥ በግ እና ፍየል እርድ ሲያከናውን መያዙ ተገልፆል፡፡ በተጨማሪም የባለስልጣኑ የብቃት ማረጋገጫ ሳይኖራቸው ፅዳቱን ያልጠበቀ ዶሮዎች ለሱፐርማኬት ሲያከፋፍሉ የተገኙ የስጋ ማቀናባበሪያ እና ሱፐር ማርኬት መታሸጋቸው ተገልፆል፡፡ በፍተሻው የተገኙት ምርቶች በአጠቃላይ የተወገዱ ሲሆን በኮልፌ፣በለሚ ኩራ እና በአራዳ ክፍለ ከተሞች ናቸው፡፡ በቀጣይ ቀናቶች የበዓል ወቅት በመሆኑ  ህብረተሰቡ ህገ ወጥ እርድ የሚያከናውኑ ተቆማቶች በሚመለከትበት ጊዜ በነፃ የስልክ መስመር 8864 ላይ በመደወል ለባለስልጣኑ ማሳወቅ እንዳለበት የባለስልጣኑ የምግብና የጤና ነክ ተቋማት ቁጥጥር ዳይሬክተር አቶ እስጢፋኖስ ጌታቸው  ተናግረዋል።

ትላንት ማታ በአቃቂ የገበያ ማዕከል በደረሰው ድንገተኛ የእሳት አደጋ 16 ሱቆች ሙሉ በሙሉ ተቃጥለዋል። ሚያዚያ  24 ቀን2016   ዓ.ም ምሽት 3:10 ሰዓት ላይ በአቃቂ ቃሊቲ ክ/ከተማ  ወረዳ 03 አቃቂ የገበያ  መዕከል በተነሳ የእሳት አደጋ 16 ንግድ  ሱቆች  ሙሉ በሙሉና በከፊል ተቃጥለዋል። የእሳት አደጋዉን  ለመቆጣጠር አምስት የአደጋ መቆጣጠር ተሽከርካሪ ሁለት የዉሀ  ቦቴ  ከ44 የአደጋ ጊዜ ሰራተኞች ጋር የተሰማራ ሲሆን እሳቱ ወደገበያ ማዕከሉ ተስፋፍቶ በሰዉና በንብረት ላይ የከፋ ጉዳት ሳይደርስ መቆጣጠር የተቻለ ሲሆን አደጋዉን ለመቆጣጠር ሁለት ሰዓት ፈጅቷአል። በአደጋ መቆጣጠሩ ሂደት የፌደራልና የአዲስ አበባ ፖሊስ አባላት ከፍተኛ ድጋፍ ያደረጉ ሲሆን በሰው  ላይ የደረሰ ጉዳት  የለም ። አቃቂ የገበያ ማዕከል ትንሹ መርካቶ እየተባለ የሚጠራ የገበያ ማዕከል ሲሆን ገበያ ማዕከሉ በከተማ ደረጃ ለእሳት አደጋ ተጋላጭ ተብለዉ ከተለዩ አንዱ ሲሆን በገበያ ማዕከሉ በተደጋጋሚ የእሳት አደጋ እያጋጠመ በንብረት ላይ ጉዳት ሲደርስ ቆይቷል። ኮሚሽን መ/ቤቱ ገበያ ማዕከሉ ለአደጋ የተጋለጠባቸዉን ዝርዝር ጉዳዮችን የመፍትሄ ሀሳቦችን አካቶ ለገበያ ማዕከሉ ማህበራትና ለሚመለከታቸዉ አካላት ያቀረበ ቢሆንም የማስተካከያ ዕርምጃዎች አልተወሰዱም። በመሆኑም በቀጣይ መሰል አደጋዎች እንዳያጋጥሙ መፍትሄ እንዲሰጥ ኮሚሽኑ አሳስቧል።

⚡️በካንሰር የሚሰቃየው አንድ የላኦሺያ ስደተኛ በአሜሪካ 1.3 ቢሊዮን ዶላር ፓወር ቦል ሎተሪ አሸንፏል። ገንዘቡን ካንሰሩን ለሚያከመው ለአንድ ጥሩ ሐኪም እንደሚያውለው እና ቤተሰቡንም እንደሚረዳ ተናግሯል።