IV Notes 💉

عندك حق فعلا هي تنطق Z ولا والله مفيش أي إساءة , بس أنا بنطقها Z مش S 😂 يمكن يكون في مرة مع سرعة الكلام نطقتها S بس أنا حتى شكيت في نفس رجعت اسمع أول محاضرة ال Basic لقتني بقولها Z وكمان قولتها في أول محاضرة ال Clinical بال Z فمش عارف بقى 😃 عامة جزاكم الله خيراً على لفت النظر وأنا بحب التريكات اللغوية عامة سواء عربي أو انجليزي مفيش مشكلة

أنا مش هدفي إن الناس تجيب سكور عالي شكله حلو في النهاية , أنا هدفي الناس تقيم نفسها حقيقي سواء قبل أو بعد الورشة انا بقفله ساعة الامتحان عشان أخلي اللي بيمتحن يقيم المعلومات اللي في دماغه بالفعل مش اللي هو لسة قاريها في الكارت بعد الورشة ما تخلص هفتح الكروت تاني للإستفادة مفيش مشكلة بس وقت الامتحان قفلها مطلوب عشان الناس تقيم نفسها صح فعلا

Made my day والله 🙏🏻🙏🏻

طيب ما انتوا تمام أهه يا جدعان , خايفين تبتعتوا الاجابة دي على الجروب وبتبعتوها فورم ليه 😃 اه طبعا صح جدا

بخصوص محاضرة ال Cases أولاً أنا مش حابب أبداً تدخل ال Cases وانت لسة مسمعتش الشرح الإستفادة هتكون أقل كتير , فرجاء اللي لسة مسعمش محاضرة الشرح ال clinical يسمعها قبل ما نبدأ cases بكرة https://youtu.be/YToB46Iuqo8 ثانياً ال cases هتكون محاضرة أونلاين خفيفة خالص 4 حالات فقط مش هنطول إن شاء الله , المرة اللي فاتت عملناها على Teams ومكنش لطيف أوي في الشغل , حابب المرادي نجربها على التليجرام هحطلكم دلوقتي لينك القناة اللي كنا عاملين عليها الورشة اللي فاتت اللي حابب يحضر ال session الأونلاين ينضم ليها , هنبدأها بكرة 9 مساءاً إن شاء الله , وهتتسجل إن شاء الله للي مش هيقدر يحضر لينك القناة اللي هنعمل عليها المحاضرة الاونلاين https://t.me/IVnotesWS ولو واجهك أي مشاكل أو استفسارات تقدر تبعت سؤالك على الجروب أو على الفورم دي https://forms.gle/VxmyZjsZF1kUKnEQ6

غالباً كدة أنا فهمت السؤال غلط بسبب لخبطة ترتيب الكلام في السؤال تقريبا كدة انت بتسأل على امتى اعمل Correction dose وامتى أعمل titration مبدئياً كدة ال correction dose بتكون في ال bolus فقطط مينفعش في ال basal أما ال Titration ممكن تكون في ال Basal أو ممكن تكون في ال Bolus عادي ثانياً ال Titration بيكون للنظام وغالباً بنكمل على الجرعة الجديدة او بنعلى عنها كمان , عكس ال correction بيكون لجرعة واحدة وبشكل مؤقت , ولو حصل إننا كررنا ال Correction بشكل يومي فكدة هنضطر نعمل Titration مثال , عيان ماشي على basal regimen عشر وحدات لانتوس مساءاً , سكراته لسة عالية فرفعنا جرعة اللانتوس ل 12 وحدة مساءً (( يوميا )) كل يوم هنعمل كدة , ده اسمه Titration مثال أخر عيان على basal bolus سكراته متظبطة كويس بس حصل في مرة انه فطر جامد شوية فجه قبل الغدا لقى سكره 200 وده مبيحصلش كتير فبنطلب منه يزود الجرعة بتاعة الغدا في اليوم ده فقط وميعملش كدة تاني , ده اسمه correction dose مثال أخر عيان على basal regimen with prandial insulin before major meal بياخد مثلا أربع وحدات Apidra قبل الغدا والدنيا تمام .. حصل في مرة ان سكره بعد الغدا رفع 220 فقولتله يعمل correction dose , بس بكرة حصل كدة وبعده حصل كدة وبعده حصل كدة , الأمر أصبح ثابت خلاص , ساعتها دي مبقتش Correction انت بتعمل titration ثابت خلاص للجرعة بتاعته بدل ما كان بياخد 4 وحدات بقى بياخد 5 مثلا والدنيا ظابطه عليها كل يوم ولو تلاحظ فيه فرق عملي ما بينهم ال Correction dose العيان هو اللي بيعملها من نفسه عشان انت مدربه على حسابها ولو حصلت بشكل مؤقت هو يقدر يظبطها عكس ال Titration دي حاجة انت اللي بتقررها للعيان بعد ما تلاقي السكرات بترفع بشكل مستمر وضحت ؟!

تعالى نشتغل بقى معادلة بسيطة بقى بسط ومقام .. في البسط هنحط رقم المعامل اللي هو ( 1800 أو 1400 ) حسب نوع الإنسولين ال bolus , هنا هو بياخد novoraid اللي هو rapid acting اللي المعامل بتاعه 1800 يبقى هنحط في البسط 1800 وفي المقام نحد ال TDD اللي هي 40 ونطلع النتيجة هتطلع 45 ال 45 ده بقى هو عدد ال mg/dl of blood glucose that will be lowered if you give this patient 1 unit of insulin novorapid وبالتالي لو العيان جه يقيس سكره قبل وجبة الغدا مثلا ولقى سكره 100 تمام 110 تمام 120 بردو مفيش مشكلة ولكن لو كان الرقم 150 أو 190 أو 230 مثلا دي كلها أرقام عالية قبل الأكل , ده معناه ان بعد الاكل هترفع أكتر وأكتر فانا لازم أديله جرعة إنسولين للأكل وجرعة إضافية للحبة الزيادة اللي في الدم دول , طيب أديله كام وحدة زيادة , المعادلة اللي انا عملتها دي هي اللي هتقولي .. هنا المعادلة بتقول كل 45 درجة فوق التارجت اديها وحدة واحدة , فلو سكر العيان 200 مثلا كدة هو محتاج وحدتين ((( زيادة ))) فوق عدد الوحدات اللي هو بياخدها قبل الأكل أصلا يعني لو بياخد 10 نخليهم 12 عشان نظبط السكر على التارجت اللي احنا عايزينه هات ورقة وقلم بقى كدة واعمل بنفسك كذا سيناريو للعيان وكل سيناريو حط فيه نوع انسولين مختلف وجرعات TDD مختلفة وأرقام سكر Pre-prandial مختلفة عشان تقيم نفسك فهمتها ولا ايه

الموضوع مشروح في المحاضرة وال PDF بإختصار الأول ال Correction factor ده بيخص ال Prandial dose اللي هو rapid acting or short acting insulin اللي بيتاخد مع الوجبات أما ال Basal فده ملوش correction dose ده ليه titration ممكن أعلى الجرعة في العموم لأنها مش كافية في تظبيط سكر العيان الصايم .. تمام كدة 🙌🏻 تعالى بقى لل Correction factor أولا 1️⃣ بنحدد نوع الإنسولين اللي بياخه 1- Rapid acting ( Novorapid - apidra ) OR 2- Short acting ( Actrapid ) معامل ال Rapid acting هيكون 1800 معامل ال short acting هيكون 1400 افتكرها انها ال rapid سريع فهيجيب رقم أعلى 1800 و ال Short قصير فرقمه أقل 1400 ثانيا 2️⃣ بنحدد ال TDD of insulin بتاعة العيان بنعرف هو بياخد قد ايه Basal + bolus وليكن بياخد 20 Lantus و 20 Novorapid في اليوم كله يبقى كدة عدد وحدات الإنسولين الإجمالي اللي بياخده 40 وحدة من كل الأنواع ثالثاً 3️⃣ بحدد تارجت السكر قبل الوجبات في العيان وليكن 110

انا معرفش اجازة نص السنة دي هتبدأ امتى , بس احنا ممكن نعمل حاجة احسن .. ممكن نستفيد من اللي فات بإننا نسمع المحاضرة وأهه ال PDF موجود , ونعمل workshop جديدة لموضوع Basic جديد لو الموضوع عجب الناس كدة خصوصاً الطلبة , وأهه تبقوا استفدتوا في موضوعين مش موضوع واحد

أنا مقدر فرحتكم بتحرير الأسرى وكدة بس مش لدرجة إن 5% من اللي امتحنوا ال pre-tset فقط يكونوا هما اللي عملوا flashcards لحد دلوقتي 😅 أنا بيبان عندي مين امتحن ومين فتح الكروت على فكرة 😌 لو علمتم مدى عظمة فكرة ال flashcards عامة في المذاكرة لخليتم مذاكرتكم كلها بيها والله , والله المعين يعني ناوي في المستقبل أجمع على هيئة كروت كدة كل خطوة مهمة ممكن تحتاجها في الشغل بحيث بضغطة زرار واحدة يطلعلك التصرف اللي المفروض تعمله سواء في تشخيص أو في علاج أو في جرعات .. ربنا يسهل المهم نخلينا في الإنسولين دلوقتي , قدامك خمس ايام ممكن تقفل فيهم صفحة الإنسولين للأبد وتكون دكتور فاهم وحافظ وشاطر زيك زي أي اخصائي سكر في اللعب بالإنسولين كل اللي عليك تعمل التالي : 1️⃣قراءة ال PDF https://t.me/IV_NOTES/401 لما تقرأ الأول وتيجي تسمع بعد كدة هيبقى مخك ذاكر الموضوع مرتين زائد إنه هيتطرح فيه شوية أسئلة لما تقرأ ال PDF فهيكون منتظر يعرف اجاباتها من المحاضرة فده هيثبت المعلومة , كذلك هيبقى صاحي للمعلومة المهمة اللي هو عايز يدور عليها إنما المعلومات البديهية بالنسباله خزنها في القراءة خلاص .👌🏼 2️⃣ سماع المحاضرة https://youtu.be/YToB46Iuqo8 للعلم المحاضرة دي انا سجلتها في 3 ساعات ونص بتفاصيل مملة أكتر من كدة واضطريت أمسحها وأسجلها من جديد يوم ما نزلت أقل ساعة فبقت ساعتين ونص عشان الناس متزهقش , فدي كدة جايبة أخرها والله 😄 حتى لو حسيت إنها طويلة بس صدقني فيها تفاصيل هتغنيك عن أي مساعدة بعد كدة في شغل الإنسولين .. أنا كنت بحاول أجري في الكلام أصلا وانا بسجل والله , الله المستعان 😅 3️⃣ مذاكرة ال flashcards https://quizizz.com/join?gc=08935024 تكرار المعلومات القصيرة على المخ أفضل كتير ما لو اديته تيكست بوك حدفته في دماغك كدة مرة واحدة , هتحس بده جدا لو جيت في مرة قرأت ال PDF ثم حليت امتحان , ولما تجرب تذاكر الكروت قبل الامتحان درجتك هتزيد 50% تقريبا 🙈 حاول متفوتش حاجة كلها كام يوم والورشة هتخلص ويا إما تكون ردمت على قصة الإنسولين دي يا إما هتفضل عملالك مشكلة , أنا بحاول أساعدك فساعدني اساعدك 🙏🏻

سؤال للي سمع المحاضرة 🔻🔻 عيان Type II DM بياخد نوعين الإنسولين اللي في الصورة ال target في السكر بتاعه قبل الغدا يكون 100 هو قاس لقاها 200 والمفروض إنه بياخد 10 وحدات قبل كل وجبة و 20 وحدة basal ليلاً ده في العادي , حد يقدر يقولي المفروض ياخد كام وحدة قبل وجبة الغدا دي تحديدا ؟ اللي مسمعهاش يروح يسمعها https://youtu.be/YToB46Iuqo8 😒

اه الإنسولين بيعمل Hypokalemia و أه ال Diuretics بتعمل Hypokalemia وده واقع لازم أتعامل معاه مفيش أي تعارض في المنطق ولكن لو السؤال إزاي هديهم مع بعض وهما بيعملوا Hypokalemia فكدة هنضر العيان يعني ! فأولاً ال effect بتاع الاتنين مؤقت خصوصا الإنسولين تأثيره على البوتاسيوم قصير الأجل جدا .. ثانياً هما دول مع بعض هيمثلوا مشكلة فعلا لو كان بالفعل فيه Hypokalemia فده كدة هيزيدها سوءاً , أما لو ال serum potassium normal فالهبوط البسيط قصير الأجل اللي هيحصل مش هيكون مؤثر ... وده بردو مختلف من انسان لأخر , بمعنى فيه واحد ال Kidney عنده بصحة وعافية وال Homeostasis بخير فالجسم دايما قادر يتأقلم ويظبط نسبة ال serum electrolytes فال Normal range وفيه واحد تاني his kidney تعبانة وممكن متساعدش الجسم ياخد هذا القدر من الادوية اللي بتعمل electrolyte imbalance فهنلاقي فيه البوتاسيوم بيقع .. لذلك هنيجي في عيانين وهنضطر نعوضهم بوتاسيوم سواء Oral or IV عشان مضطرين ياخدوا أدوية توقع البوتاسيوم , أو بنعمل معاهم حل كويس نضيف على ال Diuretic بتاعهم K sparing diuretic زي spironolacton اللي بيعمل Diuresis بس بيرجع البوتاسيوم للدم فبيحمي من ال Hypokalemia المقصد إن لو الجسم قدر يظبط أموره خير وبركة , لو مقدرش فده واقع وأنا مضطر أتعامل معاه لأن عيان ال HF لازم ياخد diuretics ولو عنده DM لازم ياخد Insulin ولازم نواجه الحياة للأسف 🤷‍♂️

عظيم التدقيق ده أنا بحبه والله 😁 ممكن نفرق بين حاجتين ✌🏻 إن يكون فيه تعارض في ال Mechanism مش مفهوم وإن يكون فيه adverse effect بيحصل غصب عني , هو مضر اه بس اوك يعني ده الواقع واللي مضطر اتعامل معاه للأسف

بنبدأ قبل ال Main meal وممكن نعلى بعد كدة

اللي قرأ ال PDF https://t.me/IV_NOTES/401 وسمع المحاضرة https://youtu.be/YToB46Iuqo8 يذاكر ال flashcards https://quizizz.com/join?gc=08935024

- الحاج حسين عيان عنده 55 سنة , داخل عليك العيادة عشان يتابع السكر الله عنده Type II - بتراجع أدويته لقيته إنه ماشي على نظام غذائي مظبط أكله وبياخد معاه Metformin أو جلوكوفاج يعني والمفروض الدنيا تمام عليهم - بتسأله عن أي شكوى جديدة فبيقولك فيه إرهاق وبقى نادراً ما يخش يعمل حمام بول - فحصته لقيت ضغطه 150/100 وفيه peripheral edema وسكره العشوائي 150 - طلبتله معامل جديدة تطمن عليه لقيت التالي : - Serum creatinine: 1.6 (N 0.6-1.1) - eGFR: 28 ml/min (N >60 ml/min) - Haemoglobin: 10.5 g/dL (N 13.5-17.5 g/dL) السؤال ⬇️⬇️⬇️