IV Notes 💉

امبارح في البوست اللي فوق ده على طول اتكلمنا عن ال D dimer وعلاقته بتشخيص ال Pulmonary embolism وجبنا سيرة ال wells score بس موضحناش هو عبارة عن ايه 🙌 https://t.me/IV_NOTES/506 هو ايه ال wells score ده يا جماعة ؟ ده عبارة عن شوية crietria في العيان وجودها من عدمها بيرفع الشك في pulmonary embolism أو بيقلله 🤌

تحليل ال D-dimer في حالة ال pulmonary embolism بيكون good negative sign وليس good positive بمعنى لو شكيت إن الحالة دي PE وحاولت تجمع ال criteria بتاعتها على ال Well's score لقيتها low probability وكان ال D-dimer negative فساعتها تقدر تـ exclude pulmonary embolism بقلب مطمئن 😇 أما كون ال D-dimer إيجابي بشكل مستقل عن باقي ال criteria فده ليس له أي معنى لأن ال D-dimer يعتبر acute phase reactant ممكن يعلى لعشرين سبب أخر 🤷‍♂️ #By_Dr_Mo #IV_Notes

في عيان هتحجزه معاك في المستشفى أياً كان تشخيصه ايه بس هو Diabetic وعلى علاجات سكر أياً كان نوعها ايه بردو .. هتتصرف معاه إزاي في السكر هتقيسله سكر كل قد ايه ؟ وهتكمل على علاجات السكر بتاعته ولا هتوقفها ولا هتغيرها ولا هتقللها ولا هتزودها و .... و .... 🤔 تعالى نشوف في عشر دقايق https://youtu.be/4EYJwWZKxAE

عشان توفر على نفسك وقت ومجهود وتوفر على العيان وقت ومخاطر مهم جداً تعرف العيان بتاعك ده غالباً ايه ال complications اللي ممكن تحصله نتيجة الحالة المرضية اللي هو فيها , خلينا ناخد مثال وانت تفهم قصدي 🫰 عيان لسة عامل Aortic valve replacement ايه اللي احط عيني عليه أخاف ليحصله ؟ 🤔 1️⃣ Aortic regurgitation : due to unfit size of valve or improper position 2️⃣ Ischemic stroke : due to embolization of calcified valve 3️⃣ Myocardial infarction : due to obstruction of coronary ostia 👌 ده منظر ال Valve في الصورة يا إما حجمه مش مظبوط وهيعمل ارتجاع ⛔️ يا إما هيحصل عليه ترسيبات وتفك وتعمل stroke 🧠 يا إما هيسد فتحة ال coronary اللي هي قريبة من ال valve جدا وتعمل MI 🫀 🤝 أي شك ولو صغير في الأمور دي في عيان مغير صمام لازم تتاخد على محمل الخطورة والجد لأنه معرض ليهم أكتر من غيره فبدل ما تقعد تفكر في كتاب الباطنة كله لو جالك اشتكالك من أحد ال complications دي لأ وفر وقتك ووقته و focus على مشكلتك 🧐 #By_Dr_Mo #IV_Notes

هو أيه الفرق بين ال plasma & serum ؟ 🤔🤔 بإختصار ال Blood بيتكون من : Cells + Plasma ال Plasma بتتكون من : Serum + coagulation factors وبالتالي ال serum يعني Plasma من غير coagulation factors ✋️✋️ وهنا كام سؤال مهم : يعني أيه Clot : يعني cells + fibrin يعني ايه coagulation : يعني coagulants تحول ال fibrinogen إلى fibrin وبالتالي هل ال Blood يقدر يعمل clot ؟ أه هل ال Blood يقدر يعمل coagulation ؟ أه هل ال plasma تقدر تعمل clot ؟ لأ لأن مفيش cells هل ال Plasma تقدر تعمل coagulation ؟ أه هل ال serum يقدر يعمل Clot or coagulation ؟ لأ لأن لا فيه cells ولا coagulants 🤝🤝 طيب ده يفيدنا عمليا ازاي ؟ نفترض انك بتاخد عينة blood عشان تفحصها او تنقلها او اي حاجة .. هل تفتكر انك محتاج تحط فيها anticoagulants؟ اه طبعا محتاج لان ال blood يحتوي على coagulation factors طيب نفترض انك بتاخد عينة serum هل محتاج تحط عليها anticoagulants ؟ لأ لان ال serum لا يحتوي على coagulation factors #By_Dr_Mo #iv_notes

أثناء ال Dehydration اوعى تنخدع في 3 حاجات في تحاليل المريض : 1- Hematocrit 2- Albumin 3- Uric acid 👌👌👌 ال Hct و ال albumin هيزيدوا بسبب ال hemoconcentration معاك كباية ماية فيها معلقة سكر , ومعاك نص كباية ماية فيها بردو معلقة سكر .. برغم ان الكوبايتين مقدار السكر فيهم ثابت إلا إن اللي فيها ماء قليل تركيز السكر فيها أعلى وده نفس الفكرة اللي حصلت معانا هنا . 🔻 أما ال Uric acid فهو زاد بشكل حقيقي وفعلي مش مجرد تركيزه بس , لأن لما حصل dehydration الكلى حاولت تعمل compensation بإنها تزود ال Na reabsorption والأمتصاص ده لحقه بالتبعية إمتصاص uric acid بردو فزادت كميته في الدم ومن هنا نطلع بمعلومة إن ال dehydration flare up gout 🧠🧠 #By_Dr_Mo #iv_notes

خد الـ celecoxib ده يا باشا أمان ومفيش منه مشاكل 🧨💣 ال selective COX II inhibitors مهماش الرجل الصالح الطيب الورع اللي مبيأذيش حد 😒 البعض عنده تخيل إنهم عشان لا يؤذووا المعدة نظراً إن المعدة بتتأثر بالـ COX I فقط وده الإنزيم اللي ال COX II inhibitors مبيأثروش عليه 👌 بس مش عشان كدة يبقى هما طيبين ومش مؤذيين للكلى مثلاً ! لأ طبعا مؤذيين للكلى وممكن يسببوا AKI لوحدهم عادي جدا 🤷‍♂️ بل إنهم كمان أكثر شراً وتدميراً وفتكاً بال cardiovascular system أكتر من المسكنات العادية ال non selective 🙂 الـ Selective COX II inhibitors مش طيبين , انت اللي طيب 😅 #By_Dr_Mo #IV_Notes

مبدئياً تعالى نتخيل إن حصل bacterial infection رد الفعل المناعي ضدها هينتج عنه خروج pyrogens من خلايا الجسم وساعتها هيبقى اسمها internal pyrogens زي IL1 وكذلك من البكتيريا اللي ماتت وساعتها هيبقى اسمها external pyrogens زي ال toxins الحاجات دي ليها receptors على ال hypothalamus لما تشوفها ترفع ال set point بتاعة الحرارة كنوع من ال defense mechanism إن الحرارة تموت ال bacteria فاللي يحصل إن ال PGE2 تزيد في ال hypothalamus وهي اللي تعلي ال set point عشان كدة antipyretic هما ال anti prostaglandins زي ال paracetamol & ibuprofen لأنهم هيقللوا ال PGs . طيب دي الحرارة ليه بحس بال Chills ؟ عشان لما ال set point زادت هي زودت درجة حرارة الدم لـ 40 أما ال skin & muscles من برة مازالت عند 37 درجة زي ما هي , عشان كدة برة بيكون more cold عن جوة عشان كدة برغم إني سخن بس حاسس ببرد . طيب وليه يحصل Rigors ؟ عشان الوضع ده مش مريح للجسم إن برة ساقع وجوة سخن فيبدأ يعمل muscles contractions عشان ال mechanical energy دي تتحول إلى Heat energy وبالتالي نحاول نوصل برة زي جوة . طيب ليه بدي خوافض حرارة مادام الحرارة ميكانيزم دفاعي ؟ عشان الحرارة ذات نفسها لما بتزيد عن حدها زيها زي ال autoimmunity بالظبط هتضر الجسم فالشئ إن زاد عن حدة ينقلب لضده فببدأ أنا أمسك زمام الأمور من برة بالعلاج بال Antibiotics ساعتها خلاص مش هحتاج الجسم يتدخل بحاجة وادي خوافض حرارة . #By_Dr_Mo #IV_Notes

أيه علاقة إن حرارتي تبقى عالية بإني أحس بالبرد بإني أترعش !!

اللي بيزهق من القراءة شرحتهالك فيديو https://youtu.be/Ux3PxbNItQg?si=joT8dYb-uX6j5Uvk

حاجة بسيطة بس محيرة بالنسبة للبعض خصوصاً لو مش معاك تمريض شاطر بيعرف يحسب الجرعات وال rate كويس 😨 لو انت معاك كمية fluids فيها دوا معين عايز توصله للعيان ب rate معين أو على وقت معين فبتقول للتمريض مشيلي ال 100 سم دول على ساعة مثلا ، وبتسيبه وتمشي بس لو هو مش معاه infusion pump هيضطر يعتمد على شطارته في الحساب ، ولو هو مش شاطر في الحساب هتضطر انت كدكتور توضحله الكمية دي هيمشيها للعيان ازاي عشان متلاقيش الساعة بقت ربع ساعة أو بقت أربع ساعات . 😁 مبدئيا لو عندنا بامب أو دايل فلو هنبقى كفينا نفسنا شر الحساب وخلصنا الحمد لله ، طيب لو مش معانا تعالى نعرف نحسبها ازاي .. 🤔 أولاً لازم تحدد انت شغال بأنهي line بالظبط مع العيان : 1- Blood transfusion line = 10 drops/ml وده أتخنهم في ال Diameter فهيوصل الكمية في عدد Drops أقل لأن كل نقطة فيها كمية كبيرة من ال fluid عشان كدة كل ١٠ نقط منه بتساوي ١ سم . 2- IV line = 15 Drops/ml يعني كل سم فيه ١٥ نقطة . 3- Soluset = 60 Drops/ml وده أرفع Diameter فهيوصل ال سم في كمية نقط كتيرة لان النقطة صغيرة عشان كدة ال ٦٠ نقطة منه بتساوي ١ سم . طيب ده هيفرق معايا في ايه ؟ كل ما ال Diameter قل كل ما هتزود عدد النقط اللي بتعدهم في خلال الدقيقة عشان توصل الكمية اللي انت عايزها في الساعة تعالى نشوف 😀 لو بتوصل في جهاز وريد عادي وده اللي غالباً بيحصل فانت هتعمل الأتي : الكمية اللي انت عايز توصلها بالسم هتقسمهم على ٤ في عدد الساعات اللي عايز توصلهم فيه مثال : عايز توصل ١٠٠ سم محلول ملح في ساعة 100 ÷ ( 4x1 ) = 100 ÷ 4 = 25 يبقى محتاج تعد ٢٥ نقطة في الدقيقة عشان توصل ١٠٠ سم في ساعة واختصاراً للوقت ممكن تعد ٤ نقط في ١٠ ثواني 🔥🔥🔥🔥 طيب لو بوصل في سوليوسيت ، يبقى الحسبة كالتالي الكمية اللي عايز توصلها على ١ في عدد الساعات اللي هتوصلها خلاله مثال : عايز توصل ١٥٠ سم محلول ملح في ٣ ساعات 150 ÷ ( 1 x 3 ) = 50 يبقى محتاج تعد ٥٠ نقطة في الدقيقة أو اختصاراً للوقت ٤ نقط في خمس ثواني 🔥🔥🔥🔥 طيب لو بوصل في جهاز نقل دم ، يبقى هتحسب كالتالي الكمية اللي عايز توصلها على ٦ في عدد الساعات اللي عايز توصل فيها مثال : عايز توصل ٥٠٠ سم في خلال ٥ ساعات 500 ÷ ( 6 x 5 ) = 500 ÷ 30 = 17 يبقى محتاج تعد ١٧ نقطة في الدقيقة أو اختصاراً للوقت عد ٤ نقط في ربع دقيقة 🔥🔥🔥🔥 معايا ولا ايه 😂 #By_Dr_Mo #Iv_Notes

بادئ ذي بدء واحدة جاية ب preeclampsia with severe features أو جاية بكيس طماطم أو جاية تسلم عليك وال vital signs مش مظبوطة يبقى ركز على ال vitals و تنقذ حياة الإنسانة دي ، ما هو عشان كدة سموها vitals 🫡 بمعنى هنا لو فيه Hypoxia يبقى محتاجين oxygen therapy وارفعه فوق ال 94% , ال BP عالي هنزله لل safe level الأول يعني تحت 160/110 , عندها pulmonary edema يبقى انزلها ب furosemide , تمام ✋ 🔻طب ايه اهم labs اعلمها حالا CBC1️⃣ ALT AST2️⃣ Urea & creat3️⃣ هتعرف ليه كمان شوية 🤌 ~~~~ 🔻عشان تعالج العيانة دي محتاج تسأل نفسك سؤالين : ✌️ - Mild or severe features ؟ - preterm or full term ؟ هتعرف ليه كمان شوية 🤌 ~~~~ 🔻أيه ال severe criteria ؟ لو لقيت حاجة من دول يبقى انت كدة في منطقة الخطر - systolic BP 160 (( OR )) diastolic 110 in two times 4 hours apart - low platelets below 100000 - elevated liver enzymes X2 - renal insufficiency , new onset of creatinine above 1.1 mg/dl - new onset of cerebral or visual disturbance - pulmonary edema - epigastric or RUQ pain ~~~~ 🔻طيب هي جاية ب severe features ورايحة ناحية ال termination خلاص ايه أهم حاجة اعملها دلوقتي في ال management : - ظبط vitals الأم - steroid for lung maturity - MgSO4 for seizures prophylaxis - penicillin IV for GBS prophylaxis 🤰🤰🤰🤰🤰🤰🤰 تعالى بقى نتكلم واحدة واحدة🤌 مبدئياً كدة أيه هي ال preeclampsia ؟ هي new onset of HTN in the second half of pregnancy with new onset of proteinuria طيب يعني أيه HTN يعني systolic BP above 140 ((OR)) diastolic BP above 90 اتقاس مرتين ما بينهم 6 ساعات على الاقل . طيب يعني ايه proteinuria ؟ يعني - ptn in urine 300mg/24h or more - ptn/cr ratio .3 or more - dipstick +1 or more ~~~~ ده التعريف ال simple بس هل يا ترى لازم دايما يكون معاها proteinuria؟ الحقيقة هو ده ال typical preeclampsia ولكن ممكن تيجي atypical من غير proteinuria بس هنستبدلها بأي حاجة من الحاجات دي : - low platelets below 100000 - elevated liver enzymes X2 - renal insufficiency , new onset of creatinine above 1.1 mg/dl - new onset of cerebral or visual disturbance - pulmonary edema 🙌🙌 طيب هل لو لقيت HTN + proteinuria أقدر أحلف انها pre eclampsia ؟ لأ بردو ممكن ال chronic HTN على فكرة يجيلك ب proteinuria لذلك الصح إني اشوف ال serial change in proteinuria لو لقيتها بتزيد بشكل ملحوظ , اه يبقى ساعتها دي pre eclampsia 🙌🙌 طيب أيه هي أول sign بتظهر ؟ Weight gain وده بسبب ال edema 🙌🙌 طيب أيه أول labs بتظهر ؟ elevated uric acid 🙌🙌 طيب وبخصوص ال management : إحنا قولنا إنه معتمد على سؤالين رئيسيين severe or not preterm or term ~~ والحقيقة السؤال الاول هو ال Dominant ⬇️ 1️⃣if severe and full term (( 37 W )) = terminate pregnancy 2️⃣if severe and pre term لو الجنين عمره أقل من 34 أسبوع هتديها : Dexa for baby lung maturity MgSo4 for eclampsia prophylaxis لو الأمل والحمل stable هيكون قرارك wait & see لو الام أو الحمل Unstable هتـ terminate حالاً ~~~~ طيب لو الحمل أكتر من 34 أسبوع يبقى MgSo4 و تولد بالسلامة ~~~~ لو مفيش severe features تولد براحتها على ال 37 اسبوع 🙌🙌🙌🙌 طيب وايه دور ال antihypertensives ؟ لو mild مش محتاج خالص لو severe ممكن نستخدم IV labetalol or hydralazine or oral nifedipine 🙌🙌🙌🙌 طيب ودور ال MgSo4 ؟ prophylaxis for eclampsia , بس قبل ما اديه لازم اتأكد ان ال kidney تمام وال urine output سليم لأن ده المخرج بتاع الدوا ولأن ال pre-eclampsia أصلا بتعمل kidney insufficiency ~~~~ طب لو حصل toxicity أعرف إزاي ؟ أول علامة هي absent knee reflex 🙌🙌🙌🙌 طيب وأيه دور ال low dose aspirin ؟ ده مفيد ك prophylaxis من ال pre eclampsia في الحمل التالي . 🙌🙌🙌🙌 وال NSAIDs ممنوعين postpartum لأنهم هيزودوا ال BP 🤝🤝🤝🤝🤝 #By_Dr_Mo #iv_notes

في منطقتين بيعبروا عن نفسهم وقت حدوث ال Hypoglycemia منطقة دفاع أولى ( إنذار ) وهي ال Autonomic nervous system ومنطقة عمليات حقيقية ( إنهيار ) وهي ال Brain 🧠 منطقة الإنذار أعراضها طبياً اسمها Neurogenic زي tremor, anxiety, tachycardia, sweating, palpitations, nausea, and vomiting ودي مصدرها بيبقى طالع من ال ANS ⚡️ منطقة الإنهيار أعراضها طبياً إسمها Neuroglycopenic زي Agitation , confusion , seizures , coma ودي مصدرها طالع من ال Brain 🧠 المنطقة الاولى إسمها الإنذار لأنها بتيجي في الأول وبتحاول تنبه الجسم إن فيه كارثة هو داخل عليها ودي طبيعي تيجي في الاول عند الجميع ☢️ أما المنطقة التانية إسمها الإنهيار لأن لو ال Hypoglycemia وصلت لل Brain هيعبر عن نفسه بالإنهيار زي إضطراب درجة الوعي 😴 فين المشكلة بقا ؟ المشكلة هتبدأ تحصل مع عيان ال ANS عنده بايظ فيما يعرف بـ hypoglycemia-associated autonomic failure 😰 وده بيبوظ ليه ؟ 🤔 بالبلدي من ( كتر الإستخدام ) أو (سوء المعاملة ) , كتر الإستخدام ده إنك تخليه يعمل إنذار كل شوية فهيجيله تناحة وهيبطل يطلع إنذار وده طبياً إسمه Recurrent hypoglycemia 🔄 أو يكون العيان كبير في السن Old age بطبيعة الحال أجهزته كلها بعافية شوية 👴👵 أما سوء المعاملة هو إنك مباشرة تعمله Neuropathy زي ما كل عيانين السكر عندهم Neuropathy 🫥 ساعتها ايه اللي هيحصل بقا للناس دي في ال Hypoglycemia ؟ هيحصلهم Neuroglycopenic symptoms مباشرة بدون إنذار ال Neurogenic فهتلاقيهم فجأة بقوا Confused فيما يعرف بـ hypoglycemia unawareness 🥴

- هو كل عيانين ال Hypoglycemia هيجولي بنفس الشكل والأعراض ؟ 🤔 = الحقيقة لأ ❌ - طيب هل ده عشان الأعراض كتير يعني وممكن أي حد فيهم يحصله أي عرض مختلف عن التاني ❗️ = الحقيقة لأ بردو , عايز أقولك إن في قانون بيحكمهم مش مجرد إن أي حد ممكن يحصله أي عرض والسلام .. وده انت هتدركه من خلال فهمك لطبيعة حدوث الأعراض في ال Hypoglycemia 🫡

عندك حق فعلاً السكر مرض زيادة سكر وليس نقصه , ولكن بكل بساطة العيان اللي بياخد Diuretic هو أكثر عرضه لل Hypokalemia مثلا عن غيره , والعيان اللي بياخد Beta blocker هو أكثر عرضه لل bradycardia عن غيره وكذلك العيان اللي بياخد إنسولين هو العيان الأكثر عرضه لل Hypoglycemia عن غيره , ومين بقى اللي بياخد انسولين ؟ هو عيان السكر .. لذلك العيان جاله هبوط في مستوى السكر مش عشان عنده سكر بل عشان بياخد أدوية بتقلل السكر فزود الجرعة أو قصر في الأكل ترتب عليه خلل في الميزان وحصله Hypoglycemia 🤝 بالإضافة لشئ تاني مهم جدا , العيان الطبيعي لو سكره وقع عشان صايم لفترة طويلة مثلا فبالـ physiology كدة البنكرياس هيبطل يطلع إنسولين عشان فيه Hypoglycemia عكس عيان السكر اللي بيحقن نفسه إنسولين , لو عنده Hypoglycemia وفيه إنسولين محقون تحت الجلد هيفضل يكمل إمتصاص ويزود ال Hypoglycemia أكتر لأنه فاقد للميكانيزم الدفاعي اللي ربنا خلقه في ال Physiology 👌 عشان كدة العيان اللي يجيلي ب hypoglycemia وبياخد إنسولين فده منطقي مقلقش , إنما الرعب كل الرعب لما يجيلي عيان مبياخدش أي ادوية تهبط السكر ويجيلي بهبوط سكر , يبقى فيه حوار تاني كبير لازم أدور عليه 👀

هو ليه مريض السكر بيحصله غيبوبة سكر أكتر من اللي مش مريض بالسكر !🧐 في حين إني أعرف إن ال DM مرض hyperglycemia وليس hypoglycemia فإزاي بقى ده حصل ؟! 🤔