Янги Наманган тумани ҳокимлиги | Расмий телеграм канали

22-июн бутунжаҳон дангасалар куни Дангасалик ҳолати ҳар бир инсонга таниш. Дангасалар байрами, айниқса, диванда ётишни яхши кўрадиганлар шарафига яратилган. Севимли диванингиздан турмасдан, барча кечиктирилган фильмларни томоша қилинг ва тўйимли овқатланинг. Шундагина байрамни муваффақиятли деб ҳисоблашимиз мумкин. 👉 Sayt | Telegram | Facebook | Instagram | Youtube | Guruh

📍 Наманганда 22 июнь куни 38 даража иссиқ бўлади   🗺Республика Гидрометеорология маркази 22 июнь, шанба куни кузатиладиган об-ҳаво ҳақида маълумот берди. 🌤️Наманган вилоятида ҳаво бироз булутли бўлади, куннинг иккнчи ярмида баъзи жойларда қисқа муддатли ёмғир ёғиши, момақалдироқ бўлиши мумкин. Шамол шарқдан 7-12 м/с тезликда эсади. Ҳарорат кечаси 20-25°, кундузи 33-38° бўлади. 📍Республиканинг тоғли ҳудудларида ҳаво бироз булутли бўлади, баъзи жойларда қисқа муддатли ёмғир ёғади, момақалдироқ бўлиши мумкин. Шамол шарқдан 7-12 м/с тезликда эсади, баъзи жойларда 13-18 м/с гача кучайиши мумкин. Ҳарорат кечаси 12-17°, кундузи 23-28° бўлади. 👉 Sayt | Telegram | Facebook | Instagram | Youtube | Guruh

🔰 Муҳандислик соҳаларида кадрлар тайёрлаш ва олий таълим муассасалари фаолиятини янада такомиллаштириш масалалари юзасидан устувор вазифалар бўйича ўтган видеоселектор йиғилишида белгиланган асосий вазифалар. 📊 Батафсил — юқоридаги #инфографикада.

Халқаро гуллар фестивалининг дунёга танилишига катта ҳисса қўшганлар... Қарийб бир ойдан кўпроқ вақт давом этаётган 63-Халқаро гуллар фестивали нафақат Ўзбекистон, балки дунёнинг 50 дан ортиқ мамлакатлари аҳлининг назарига тушиб улгурди. Наманган шаҳрида фестивал доирасида 45 млн тупдан зиёд 50 дан ортиқ турдаги гул кўчатлари ўтказилди. Ушбу гулларнинг экилиши ва уларни бир ой давомида доимий парваришлашда ободонлаштириш ходимларининг хизмати жуда катта бўлди. Уларнинг фидокорлигини ҳар қанча олқишласак арзийди. Ушбу ташкилотнинг меҳнаткаш ходимлари бир ой давомида эртаю кеч фестивал бўлиб ўтаётган жойлар, шаҳар кўчалари ва боғ ичида тозаликка, гуллар парваришига масъул бўлмоқдалар. Шунингдек, томошага келувчиларнинг кайфиятлари чоғ бўлиши учун тинмай хизмат қилмоқдалар. Наманганнинг гуллаб-яшнашида ўз хизматларини аямай меҳнат қилаётган ободонлаштириш соҳаси ходимларига фестивал иштирокчилари ва юртдошларимиз номидан миннатдорчилик билдирамиз.

❗️Давлат олий таълим муассасаларига ўқишни кўчириш учун онлайн рўйхатдан ўтиш 15 июлдан бошланади Олий таълим, фан ва инновациялар вазирлиги маълумотларига кўра, ҳар йили хорижий ва нодавлат олий таълим муассасаларидан республикамизнинг давлат олий таълим муассасаларига ўқишни кўчириш бўйича онлайн рўйхатдан ўтиш 15 июлдан 5 августга (шу куни ҳам) қадар амалга оширилади. Улар учун белгиланган имтиҳонлар 5 августдан 30 августгача бўлган муддат оралиғида ўтказилади. Талабалар томонидан онлайн аризалар Билим ва малакаларни баҳолаш агентлигининг my.uzbmb.uz сайти орқали топширилади.

Бош прокурор лавозимига янги муддатга тақдим этилган Ниғматилла Йўлдошев номзоди маъқулланди Сенатнинг эллик учинчи ялпи мажлисида Ўзбекистон Республикаси Бош прокурори лавозимига янги муддатга тақдим этилган Ниғматилла Тўлқинович Йўлдошевнинг номзоди кўриб чиқилди. Н. Йўлдошев прокуратура органлари томонидан амалга оширилаётган ишлар ҳақида маъруза қилди. Номзод ҳақида фикр билдирган сенаторлар Ниғматилла Тўлқинович ташаббускор ва ташкилотчилик қобилиятларига эга, тажрибали раҳбар эканини эътироф этди. Мажлисда Ўзбекистон Республикаси Бош прокурори лавозимига янги муддатга тақдим этилган Ниғматилла Йўлдошевнинг номзоди маъқулланди. Маълумот учун, Н. Йўлдошев кўп йиллар прокуратура ва адлия идораларида раҳбарлик лавозимларида фаолият олиб борган. 2015-2019 йилларда Сенат Раиси сифатида мамлакатимиз ривожига улкан ҳисса қўшган. Юксак давлат мукофоти – I даражали "Шон-шараф" ордени билан тақдирланган.

🔰 Магистратура ва докторантурага кириш учун талаб этиладиган чет тили сертификатларининг рўйхати тасдиқланди ▫️Бунда қайси мутахассисликка C1, B2 ва B1 даража талаб этилиши белгиланган. Мисол учун, тарих мутахассислиги учун B2 даража, соғлиқни сақлаш учун эса B1 даража талаб этилади.

❗️ Ўзбошимчалик билан эгаллаб олинган ер участкаларига ҳамда уларда қурилган бинолар ва иншоотларга бўлган ҳуқуқлар эътироф этилмоқда  Сенатнинг ялпи мажлисида “Ўзбошимчалик билан эгаллаб олинган ер участкаларига ҳамда уларда қурилган бинолар ва иншоотларга бўлган ҳуқуқларни эътироф этиш тўғрисида”ги Қонун маъқулланди. Таъкидланганидек, ушбу Қонуннинг мақсади ўзбошимчалик билан эгаллаб олинган ер участкалари ҳамда уларда қурилган бино ва иншоотларга бўлган ҳуқуқларни эътироф этиш соҳасидаги муносабатларни тартибга солишдан иборат. Қонун билан ер участкаси ва унда қурилган иморатга бўлган ҳуқуқни, шунингдек якка тартибдаги уй-жой қурилган ўзбошимчалик билан эгаллаб олинган ер участкасига ижара ҳуқуқини эътироф этишнинг аниқ тартиблари белгиланмоқда. 👉 Sayt | Telegram | Facebook | Instagram | Youtube | Guruh

🔰 Мактаб директори лавозимига номзодлар менежерлик ўқув курсларини битиришлари керак бўлади ▫️Бу бўйича ҳукумат қарори қабул қилинди. Унга мувофиқ, Абдулла Авлоний номидаги педагогларни касбий ривожлантириш ва янги методикаларга ўргатиш миллий-тадқиқот институтида менежерлик сертификатини электрон шаклда бериш тизими жорий қилинади. 2024 йил 1 сентябрдан бошлаб менежерлик сертификатига эга бўлган қуйидаги раҳбар ходимларга ушбу сертификатнинг амал қилиш муддати давомида лавозим маошига ҳap ойлик қўшимча устамалар тўланади: мактаб директорларига - 50 фоиз; мактаб директори ўринбосарларига - 30 фоиз.

🔰 Мол-мулк ва ер солиқларини тўладингизми? ▫️Йўлларимиз равонлиги, таълим ва тиббиёт ривожи, кексаларимизнинг ўз вақтида пенсия олиши, умуман, юрт ободлиги биз тўлаётган солиқларга боғлиқ. ▫️Шундай экан солиқларни ўз вақтида тўлашни унутманг!