Nada Nasser

يحكى الزمن قصه جميله بكيت حينما قرأتها تقول امرأة لصغيره اذ قرأت سورة الاخلاص بناء الله لك قصرا فى الجنه فأخذ الصغير يقرأ السورة واخذت امه تردد وراءه وفقال لها لاتردد يا امى ياسكنكى معاى اى اجعلكى معاى فى الجنه ما اجملها من كلمات تسعد قلب الام ما الان فأصبح الامر سهل بات كل انسان يذم امه لا يرا أى شئ سوء ذمها وقال الله تعالى لاتقل لهم أف ولاتنهارهم وقل رب إرحمهم كما ربيانى صغيرا صدق الله العظيم نعم نحن جميعا نعصى امهاتنا وما اجمل ان تبقى ضحتكها داخلنا حى ولاحبذا لتلك التى عصى امه يارب احفظ امهاتنا وامهات المسلمين وقد علمت ان الجنه تحت قدامى امى فلازمتها لا اله الا الله فدعو لامك واجعلها فخوره بأنها حملتك تسعه اشهر لاتلمها نحن بنعمه انها بجوارنا هنا ك اشخاص حرم من امهاتهم واخير واسفه على الاطال عليكم ولكن هذا ما اره اليوم ذم الام واخير ادعو الى امك بالرحمه والحمد الله

ليا نصيحة صغيرة لكل اللي الدنيا ضاغطاه او امتحاناته تعباه او مذاكرته كتير ووقته قليل او داخل علي مشروع جواز او حتي اي مشروع: تمنّى علي الله مش علي عباده، اطلب وخليك لحوح اوي في الطلب من ربنا في كل صلاة وفي كل وقت وفي كل فكرة تجيلك ، اقف كتير مع نفسك ونتا بتدعي ربنا وخليك فاهم ومتأكد ان الدعاء استجيب فعلا لكن انتا محتاج تركز عشان تعرف استجابة ربنا كانت فين وازاي. اتمني، ادعي، خليل لحوح في الطلب. #خواطر_قد_تصل د حازم محمد عبد التواب

وتظل تدور خائر القوى لا تدرى ما يكون، ترى فى كل الطرق طريقا، ولا تسلك ايها تظل تبحث عنك فى كل الوجوه عن نفسك، عن روح طفل فقدتها اثناء العبور، طفل ظننت انك بعبورك معه الطريق ستظل محتفظًا به، وتتذكر تحملك لخسرانه وعبراتك التي ذرفتها دما علي امل ان يعود، تتذكره ملوحًا لك قبل العبور، تتذكر عودتك له علي امل منه ان بقبل عودتك وتتذكر ايصاده الابواب في وجهك، تشردك الآن وضياعك من بعده يطل من عينيك، ويمر الزمن بطيئا عليك وانت تتمنى توقفه، ويعاد شريط حياتك فتتمنى لو تنسى من تكون... #آلاء_محمد_عبدالرحمن

عاوزه اقول ان ف الاول وف الاخر ، محدش عارف ولا مدرك كمية المحاولات اللي بتحاولها مع نفسك طول اليوم عشان بس تعديه ، ولا حد عارف عن زقك للاحداث ، حتي التفاصيل وتركيزك فيها الل بيتعبك ويبوظ كل حاجه عدتها بصعوبه وخدت من وقتك وطاقتك محدش عارف حاجة .

" فالموت بالنسبة للروح التى تعيش خارج منطقة الزمن هو بالنسبة لها..لا أكثر من تغيير ثوب..لا أكثر من انتقال.." #رحلتى_من_الشك_إلى_الإيمان

أنت انسانٌ طيب في رواية البعض وشرير في رواية البعض. كفاك قراءةً لروايتهم عنك فأنت ادرى بنفسك عنهم جميعًا. تعلم خير نفسك وشرّها فأكثر من الخير وأصلح الشر وادعُ الله بالستر. #خواطر_قد_تصل د حازم محمد عبد التواب

بالأمسِ كان لقاؤنا وعلي الحبِ اتفقنا هيا معًا إلي الأحلام نمضي طريقَنا صداقتُنا حصنٌ منيع وبكَ صديقي لا لن أضيع ومهما جارت الأيام فأمامُنا دربٌ وسيع حياتُنا تحلو معًا وعهدُنا لن نختصم حتي وإن قست القلوبُ فسوف يطربُها النغم لا يا صديقي لا تضل فالدربُ يملؤها الأمل هيا وخذ بيدي إلي الأمامِ لكي نصل لازال قلبي علي رضا عنك وينبضُ بالوفا لا تنسي موعدَنا المساء حتي نطير إلي المدي. ✍️#هبه_أحمد_عبدالله 🌹

لو بصيت لكل انتقاد مش هعرف اكمّل رسالتي ومشواري. ما تدّيش للناس حق كبير فيك عشان تعرف تعيش. عندك رسالة وهدف نفذهم في صمت وما تسمعش انتقادات الناس. خليك ثابت على موقفك طالما عارف انه صح وقلبك متأكد من كده.

إن لم تحصل على ما أردت يوما ،، فلا تقل من سووء حظي بل قل ،، لعل الله أراد لي الأفضل

اسوأ ما قد يمُر على المرء أن يَحزن من نفسهُ، وعلى نفسهُ 🪐.

*_واللى بنهرب منه بالنهار بيجى بالليل 🎻🖤..!_*

عارف لما الموبايل يبق قرب يفصل شحن وتلاقي نوره بدأ يخف ويفضل ينبهك وبعدين يضلم بس ميقفلش يعني شايفه قدامك موجود بشاشته وبطاريته وكل حاجه فيه بس مش مشحون مهماا حاولت تجيبله جراب جديد وتنضفه مش هيرجع ينور غير ب الشاحن بتاعه ، ف ناس كد عندهاا احتياجات يوميه هي اللـ بتشحنهاا ، كلمه حلوه ، ضحكه صافيه ، قلب حنين ، سؤال ، اهتمام ، تعرف ان ف حد بيفكر فيهم مايسيبهمش لحد مينطفوا ولمعه عنيهم تبهت ، الناس دي ع قد ماهي بسيطه وطلباتها بسيطه ممكن متاكلش او متشربش زي مابتستني اهتمام او كلمه حلوه او كلمه "مالك" الكلمه دي تحس انها حضن عامل نفسه سؤال ، لما نحس بيهم هناخد كل اللـ احناا عايزينه وبرضاهم ، اعرف اللـ قدامك واحتياجاته وراعيهاا بجد راعيها وهتعرف تملكه بكل سهوله وهتلاقي حب وحناان واهتماام عمرك م كنت تتخيله موجود ف الوقت اللـ احناا فيه دا ✍عبدالرحمن علاء

اتلعب بمشاعرك مرتين تلاتة أو اتصدمت ف حد فزعلت؟.. إيه يعنى هتقفل ع نفسك يومين تلاتة شهر وتخرج وأنت معاك مناعة تخلى الجدع بعد كده يفكر يلعب بيك أو بمشاعرك.. اتنصب عليك ف فلوس؟.. قد إيه يعنى؟.. مهما كان الرقم بس هتخرج م الحوار وأنت عندك رادار بيشم النصاب من ع بُعد كيلو.. فشلت، اترفضت، اتقفل باب كنت متعشم ف خير م وراه؟.. طظ، الحزن هياخد يومينه وهتنسي وتكمل.. الناس بالنسبة لكل واحد فينا مدارس، وكل واحد فينا بالنسبة لغيره مدرسة.. إحنا مدارس ماشية ع رجلين.. كل م بنتعامل كل ما بنتعلم، ومفيش تعليم ببلاش وكل درس وله ثمن.. والثمن؟.. هما شوية الزعل القاسيين شوية اللـ بيبقوا ورا أي صدمة بصرف النظر عن نوعها!.. الفكرة ف النهاية إنك تطلع متعلم ومستوعب الدرس مش تبقى خسرت الثمن والدرس!.. ثمن الحاجات اللـ بندفعه من أعصابنا، ونفسيتنا ده هو القلم اللـ بيرسم لنا حدود الحياة بالنسبالنا بعد كده هيبقي شكلها إيه.. ثمن الحاجات ف الآخر قليل بالنسبة للـ ممكن نتعلمه. ✍عبدالرحمن علاء

مفيش حاجة بتكسر نفس أي بني آدم، قد اعتياد القسوة من إنسان متعلق بوجوده، بيحاول يبعد عنه ومش قادر، وهو من جواه عارف إنه يستحق الأفضل، بس معندوش لسه الطاقة والقدرة اللي يخلوه يبعد.. التعلُّق بيمرض، بيخليك قايم من النوم كأنك كنت في معركة، ماشي في يومك وأنت دماغك مبتفصلش من التفكير وجلد نَفْسَك على ضعفك.. دايرة مبيكسرهاش غير لحظة تحررك من ذل التعلُّق، لحظة ممكن تبقى أجمل انتصاراتك الحزينة في حياتك.. مش شرط عشان بحبك أبقى مُجبر أتقبَّل أوضاع مش مريّحاني في سبيل الحُب دا، لأ خالص إنتو فاهمين الحُب غلط، الحُب يعني نوصل لنُقطة تفاهُم وندوّر على راحة بعض لكن ما ترميش عليّا الحِمل كُله في سبيل إنّي بحبّك. ما ينفعش تبقى ضاغط اللي قُدامك نفسيًا وكُل تصرُفاتك بتقوله اِمشي ولما فعلًا يقرر يمشي تقول عليه دا بيّاع! هو إنتَ مُنتظر إيه منّه بعد إهمالك وتجاهُلك وقِلة تقديرك لوجوده دا أبسط حاجة مُمكن يعملها إنّه فعلًا يمشي ويحمي نفسه منّك، خليكو مُنصفين شوية يا جماعة وبطلو أنانية لإن والله كُل واحد فيه اللي مكفيه وزيادة. ✍عبدالرحمن علاء

نسيت أسألهم ازاي هانت عليهم العشره دا انا مكنش هاين عليا حتي امسح صورنا مع بعض .

‏مش كل عزلة معناها إن الواحد مش طايق حبايبه.. فيه عزلة تعب، ترتيب أوراق، ولملمة ذات.. عزلة أخد نفس عشان الواحد يرجع أقوى تانى في خناقته مع الدنيا، عزلة إعادة تقييم للأخطاء عشان ماتتكررش.. مش كل عزلة معناها رفض.. يا صاحبي إنِ ارتخت يدي، لا تُفلتها.. إنه ارتخاء تعب، لا استغناء.

لو ملقتش حد كويس خليك انت كويس يمكن حد يلاقيك:"