مَ

عليك دعواي تلحقك ولو هي مجهوله جعل ما صابني يصيبك الله بها اضعاف جميع مشاكلي بنظر عيني شبه محلوله سوى قربك ليا طرالي نفسي منك تنعاف ماودي اجهر بفعلي ولا ودي اني اقوله ونفذ صبري معك نفاذ بطارية كشاف امشي ورا جرة حبك ونفسي لك مذلوله وعلى ماتبي انا موجود ولي معك ميقاف ادور لي من يستر على نفسي المخذوله سوى بيتً ما دون فوقه وحواليه سقاف صبرك عليه يانفسي المستعجله والعجوله اربعه في اربعه وعليه ثمانية سنين عجاف

في ظل ثورات الكون وماحول الشمس تستدير ماظهرت لي في حياتي الا انت يا غمة عذاب سويت فيني شيء والله العظيم ماهو صغير احاول استر عليك مثل مايستر النجوم السحاب في المواقف خابرن ان يدك على المده قصير واليا زهمته كنك زهمت من يقدم لك شراب منت بـ خويً لي ولا لك عندي المعنى الكبير مير لاتطري معناها وانت واحدً بلايا اصحاب ياكيف تسولف عن الكون لضرير . . يا بصير وياكيف تسولف للملحد عن ماتحت . . التراب وياكيف ابا اتلحق طير النعام وهو . . ما يطير ياطوول رقبة النعام والنعام مايملك . . ناب حاولت معك بالكلام وبالقصيد ومامنك جدير ما كني الا احاول اعلم اليهودي يقرا الكتاب وان كان بغيتو الحقيقه والعلم . . اللي يُثير غلطتي غلطة الضامي يوم انه . . يتبع سراب محمد الحربي .

كل عام وانتم بخير وعسى الله يتقبل منّا ومنكم صيامنا وقيامنا 💙💙.

كل عيد وحرب تجدد امجادها تكحل عيون العدو وتوسم جبينه امجادها ياطولها ويا بعد مداها تشهد بفعولنا مكه و المدينه محمد الحربي .

تعال ابعلمك عن اللي جرالي من سنيني والله اني مافعلت حاجه الا اني لها مُعد والله اني ل اخليك مع الايام تفتخر فيني وتمسح اسم أبِيك وتكتب محمد بن فهد لاتحسبون ان المواقف واقفه تحتريني انا اللي اجيها بكل قوه وبكل . . جهد راسي عالي ويخسى منهو يبغي يوطيني انا اللي اطى عليه وامشي من فوقه واتعد شوفة نفسي وكبريائي عن العالم تكفيني لي الثناء والمدح كل ما اقوم و اقعد لاتناديني في وقت رخاك لانه مايليق فيني مايليق في شرواي الا ليا حان وقت الجد محمد بن فهد .

جعل يغزيك التعب ويغزيك الشيب حتى ان في شبابك جعلك ما اتهنى وجعل ما جاك تدنق راسك من العيب وكل من فينا عليك مضحكً . . سنّه وجعل كل مرضً ياتيك وفيك يصيب ودك بالموت وجعل مايتحقق ما اتمنى ياماخذن مني حبيب واقرب . . قريب دعواي عليك لو اركبي في صلاتي ما اتثنى لو بعيون العرب رجال بعيني بك عذاريب ياكيف الرجال اتعدى على من منهم سكنا وان كان تبا تقولي رزق و قسمه و نصيب جعل نصيبك في اخرتك فقدان الجنه محمد بن فهد .

يالله انت العالم وش هو خير لي ماهو بيدي رضا طموحاتي اللي بنيتها تروح حاجات تمنيتها واحسبنها لي وتاتيني حاجات ما قدني تمنيتها حديت سكين جمبي ل شيء مُنالي والا يليت سكين جمبي ماحديتها انظر للقمر واشوف وجه وبدر خلي الا ياكيف بيدي اتعنى لجل جيتها للوجيه المبتسمه ميضاح وانظر للي فاقدن له مبتغاه وعهدً علي ما تناسيتها ياكم راحت حاجات وانا احسبنها لي وياكم جاتني حاجات ماقدني تمنيتها ملي يانفسي عن امانيك اي بالله مليّ ما فاد معي الصبر ولا جت اللي بغيتها محمد الحربي .

يا مشرع البيبان طالبك قفل الباب  جرح الهوى ما زال بداخلي باقي  انا لي احباب وصوبكم لي احباب  وغلطتي اني وسعت نظري واحداقي وصديت ولكن الشوق كان غلاب وكني بـ صدي زودت الأمي وأرهاقي واطرقت باب السؤال ولا لقيت جواب وياليت عارفين وشهو اللي بأعماقي  وخلوني بعد محبه وخلوني بأكتئاب  وخيبو ظن اللي كان بهم هاقي  راحت سمعتي مثل سمعة الغراب بي تشاؤم ويصعب عليهم اصداقي محمد بن فهد .  

يقولون انك عودت وقد انك لبست تاج  الا بعلمك ان اللي فوق راسك هو تاجي  لا تلبس حاجتن ما بينك وبينها مزلاج  وانا عودت وقد معي مفتاح مزلاجي  خذ بيمناك ان كان تبي منع الاحراج  ولا تحاول انك تسبب لي احراجي  انا ذيب مايعود الا على شبك بها نعاج وانت حصيني مايصفى له إلا شبك الدواجي  محمد بن الحربي

اي بالله اني ارتكبت خطأ والله يعلم انه كبير لا يشمل خطاي المغفره ولا من الدوله عفو احاول أصغر ما فعلته وادري انه ماهو صغير واحاول اتناساه مع ان اللي حولي رددو واهتفو ولا بحولي انصاف الحلول ولا في حاجتي خبير ادور من يوجهني ولو ان الموجهين قد اختفو لكن أملي ورجاي بالله ولو الحبل غدى قصير لاشك يعلم انها غلطه وكانت من عبدً هفو ياالله عسى انك تدمح الخطأ ولو مال له تبرير انا طالبك يا الربّ ياللي ما تنام عيونه ولا تغفو محمد بن فهد .

ما احب ولا اداني الحب وانا منه زعلان الا معك وقعت وصرت احب الشراكه اخسر الدنيا واذا خسرتك انا الخسران وش حيلة اللي خسر . . جميع املاكه محمد الحربي .