កម្ពុជាថ្មី International

🚨អ្នកដំណើរជាង ២២ ០០០នាក់ បានជាប់គាំងនៅអាកាសយានដ្ឋានអន្តរជាតិ Soekarno-Hatta បន្ទាប់ពីជើងហោះហើរ ចំនួន ២០៩ជើង ត្រូវផ្អាក ដោយសារតែការផ្ទុះភ្នំភ្លើង Anak Krakatau។ តាមសេចក្តីរាយការណ៍របស់ BBC នៅថ្ងៃអាទិត្យ ទី៥ ខែកញ្ញា ឆ្នាំ២០២៦ ភ្នំភ្លើងនេះ បានផ្ទុះកាលពីល្ងាចថ្ងៃសុក្រ ដោយជះផ្សែងនិងបាញ់ផេះ យ៉ាងក្រាស់ ឡើងលើមេឃ ធ្វើឲ្យប៉ះពាល់យ៉ាងខ្លាំង ដល់ការធ្វើដំណើរផ្លូវអាកាស ខណៈក្រសួងដឹកជញ្ជូនប្រកាសថា ការផ្អាកនេះ ប៉ះពាល់ខ្លាំងបំផុតដល់ជើងហោះហើរអន្តរជាតិ ទៅមកសិង្ហបុរី ទីក្រុងដូហា ស៊ីដនី និងគួឡាឡាំពួ។ ភ្នំភ្លើង នៅតែបន្តសកម្មភាព ពេញមួយចុងសប្តាហ៍នេះតែម្តង ដោយឥទ្ធិពលរបស់វា ក៏គ្របដណ្តប់លើភូមិឋាននានា ដែលតម្រូវឲ្យអាជ្ញាធរចេញការព្រមានអំពីគ្រោះថ្នាក់ដល់ផ្លូវដង្ហើម ប៉ះពាល់ដល់ភ្នែក និងស្បែក សូម្បីតែសាលារៀនក៏ត្រូវបង្ខំឲ្យបិទទ្វារ ជាបណ្តោះអាសន្នផងដែរ ដើម្បីសុវត្ថិភាពសិស្ស។ សូមជម្រាបថា ភ្នំភ្លើង Anak Krakatoa មានទីតាំងស្ថិតនៅច្រកសមុទ្រ Sunda ចន្លោះកោះជ្វានិង ស៊ូម៉ាត្រា ខណៈបច្ចុប្បន្ន វាកំពុងស្ថិតក្នុងស្ថានភាពផ្ទុះកម្រិតធ្ងន់ (ពណ៌ក្រហម)៕ ប្រភព៖ BBC 📲 JOIN កម្ពុជាថ្មី International