♕ بعـثرهہ ツ

لك الله يا أحن المخاليق وش قساك؟ وش اللي نزع " ضحكة " لقانا وكفنها وش اللي تغير وآخر أيامنا وش جاك؟ وش اللي حداك " لكلمة "ما تثمنها و على الروح يا قطعة من الروح وش قواك وهي " روح " أدنى ما تسويه يطعنها

" التمس له عذر وأقول عنده ظروف لين سوى جريمه و أعتقد ما درى قبل يسري وأنا صاحي وعيني تشوف مدّ كفّه و اخذ قلبي و قام و سرى ".

‏" امانه لارحلتي ودعي قلبي شوي شوي تراني منكسر من سيرة الفرقا وطاريها امانه وش معي؟ والا وش اللي من غيابك لي؟ ياكود الونه اللي ماتعدت صدر راعيها على حطة يدك كل الطعون النازفه هي هي بعد حتى انشراحة خاطري مني سرقتيها ! ".

ياعشيري عادني لـ الوعد أضمى وجوع وأنت ما ضني وثوق الوعود تبوقها ليه تقطعني وأنا خابرك منت بـ قطوع وليه ما تعطي كبار الحقوق حقوقها لو تقول الصبر نوره مثل نور الشموع الأمل لـ الحين شمسه ما شافت شروقها لا توضح وأنت قلبك على الصدع جزوع العذر ورد الهقاوي ما بل عروقها

امرّ من بعض الكلام .. إستماعه والذّ من بعض الوصال .. القطيعه - ياللي تـدوّر للخطـايا شـفاعه من وين تلقى للخـديعه ذريعه !

‏اقروا علي الفلق الصدر به ريبه يا ليتني من طواري دنيتي سالم مير اسعفوني بماء بارد و مقري به ثم عوذوني من الشيطان والعالم يالله عساني اذا طالت بي الغيبه ذكري معَ الناس لا مخطي ولا ظالم

• ماشاف دمعي لا نبيه ولا سفيه ‏وإليا اجتمع دمعي ، نثرته فاالتقا ‏عليك ياللي خَذتْ منّي ما تبيه ‏وعوّدت خابرني على ما انت تهقا ‏وش ذا اللقا اللي كَنك مغصوبً عليه؟ ‏اللي مافيه ( ارحب ) ، ولا فيه ( البقا ) ‏ترا الغياب أحيان حفظً للوجيه ‏اخير لك والله . . ولا بعض اللقا •

عطيت ظهري للمشاريه و الصد و أستبشرت كل الليالي بصدي . ما عاد فيني للمجامل ولا حد حتى و لا فيني عناد و تحدي . بنيت لي قصر ٍ من الصبر و انهد و المنتظر .. لا ينتظر بعض ردي . أبي السلامة حيث لي قلب معتد و أبي قلوب ٍ تفتخر بي و قدي

يارب لامن فارقت روحي وشارفت الخِتام هبّ لي صديقٍ يدعي لروحي كثر أمي وأبي يارب أقفي ماتركت إلا حُسن خلق وكلام ولا تركت ندوب في صدر قريّب و أجنبي أضفي عليّ النور لا منه غشَى قبري عِتام وأغفر جَميع الذنوب اللّي على منكبي

‏ماني بحاجة حي ، أنا بحاجة أموات مشتاق لميت خذاه الموت مني عبدالله 🥀

‏خذاه الموت وهو لروحي لذيذ القوت وكبدي من الفرقى عسى الله يواجرها أمي 🥀

سجةٍ تستهوي الصمت وتعيف الكلام ازعلت مني رفيقٍ ما يدري بـ ازعلي قال اسلّم وانت ماعاد رديت السلام يوم انا مانيب داري متى سلّم علي ؟ قبل تلحقني مشاريه ويجيني ملام اعذروني كان سجيت ربعي يا هلي الضلوع العوج كن بينها حرب انقسام حشد من سنة محمد و من شيعة علي ..

في كنف بشت الطواري والسهر واللوعه عشت ياحزن الضمير الي ماهوب هويّن من حوالي حول وطعون الشقى متبوعه مايعالجها طبيب ولا تلاوة ديّن ناهبٍ جور الزمان حقوقي المشروعه وفاقدٍ وجه السماحه والجناب الليّن سجة القلب القديمه كنها مقطوعه ولذة النوم الحقيقيه ماعاد تعيّن

مشرفين لاحد يرسل اي شيء .. الا ما يتم اختيار فيديو خلال يومين ..

السلام عليكم جميعاً .. بنزل لكم 3 مقاطع مصممة ولكم حرية الاختيار كافضل تصميم بنظركم ..