♕ بعـثرهہ ツ

كان للبدو قديمًا حكمة شهيرة تقول : ‏" الرمح غالي والفريسة ذبابة 🪰 ". ‏بمعنى المعارك الوهمية مع الناس التافهة تعطلك عن حياتك وتشتت تفكيرك وتعيق خططك ‏وبعد فترة ستدرك أنك خضت معارك ليس لها علاقة في حياتك . ‏ ‏الكثير من الأشياء في حياتنا لا تستحق منا حتى ردّة فعل.

حاول تخلي جلستك عند العرب ركعة وتر خفيفةٍ تقضي لزومك اذا صليتها وحاول تخلي كلمتك عند العرب ليلة قدر كلٍ يدورها ولا يدري متى توقيتها وحاول تخلي كلمتك وقت العتب رشة عطر يفطن لها المخطي ولا تندم اذا رشيتها

• للشتا قدره على نبش الشعور الخافي ‏ذروة احساس الفصول ان كان فيها ذروه ‏الله الله بالشعور وبالكلام الدافي ‏اللي ادفى من لهيب النار ومن الفروه ‏اذكريني كل مالبرد استحلّ اطرافي ‏واذكرك بدعاي مابين الصفا والمروه ! •

‏من يوم ماشفت القمر يجتاح في جالة سحاب عرفت بـ ان اللي قدر ينثرك يقدر يجمعك تشوف نفسك بالخطا واشوف نفسي بالصواب وان كان مانت بـ مقتنع ماهو بـ لازم اقنعك مافيه داعي تكتب الاعذار في وجه الغياب دامك مقفي ويش اسوي بالعذر خله معك

• صارح بكل الامور الحاصله صارح ‏وعقبني الصبه ان ماشلها متني ‏والله ماني بمستانس ولا فارح ‏من يوم الاقدار قفت بك وخلتني ‏جتني مشاريهك البارح وانا البارح ‏اقدر على الرد يوم انها تنصتني ‏وحنيتك من الكلام الموجع الجارح ‏وسكت وانا ماعاش اللي يسكتني •

• بكيتش وأنا اللي مابكى غير من فرقاش ‏وببكيش . . . لين ان المخاليق تبكيني كسرني رحيلش جعل جنة عدن مثواش تلاشت عزومي . . . وذبلت زهرة سنيني اقبّل ثرى قبرٍ . . سكن جوفه محياش وانادي وارد الصوت .. يا يمه توحيني عسى الله .. يغفرلش كثر ماعطت يمناش وعسى الله يصبرني ، كثر مابكت عيني •

‌‎نهاية حلمك الأقشر نِجاةٍ من عذاب الهُون على نفسك جنَيت وعظّم الله أجرِ من جابك !

عسى قسمي عصا موسى مادام ان الهوى فرعون عسى مالي من جروح القدر ما كان بأسبابك

عز نفسك والزمن " فرقا وجمَعه " والليالي كان ما طاعتك طعها ؟ ٰ مثلي أنا لا بكيت بكل دمعه ، ماتطيح إلا يطيح إنسان معها ..

عبدٍ من عبادك ولي كبدٍ تفور أجزع ليا جاني من الغالين حيف ألهمني الغفران قوّه يا غفور الوقت قسّاني وأنا عبدٍ ضعيف وإجعلني أطوي هالثرى مثل الطيور على الهبوب أمرّها حملي خفيف يهمّني لا من تفقّدت الصدور تلقى على جور الملا قلبي نظيف

إشمخي يانفسي اللي كلها عزة وأنافة لك علي إني ما أعرضك المهانة والمسبة مايخاف المؤمن اللي فيه من ربه مخافة مصدر الخوف الحقيقي واحد ماخاف ربه شيمة الإنسان ميزان إعتداله وانحرافه تنذره لاشافت الأوضاع ماهي مستتبة إن عجزت إنك ترد النفس عن شيٍ تعافه ماقدرت تحط نفسك فالمكان الي تحبه

‏اللهمّ إني كنت أستند على دعواتها كجبل أتكّأ عليه كلما هبّت رياح الظروف عليّ اللهمّ ارحم من كانت ترفع يديها لأجلنا أكثر من نفسها اللهمّ أغدق على حبيبتي أمي بالنعيم في قبرها حتى تُبعث إلى فردوسك الأعلى يارحيم ياقدير