ابْنَةُ'ة عُمَرْ🇵🇸🔻

ومقصدش تاخديه مش بيصلي وتقولي هيتغير بعد الزواج

مقصدش طالب/ة العلم وحشين😅 بس المهم يبقى عندهم أساسيات الدين

صراحة الشباب في الواقع طالع عينهم علشان يشتغلوا شغلانة يقدروا يتزوجوا بيها ويشيلوا مسئولية بيت😅 فيارب يوسع عليهم ويعينهم

جاي على عقلي اتكلم في موضوع ^ههبد شوية^ أو عن تجربة أو ممكن تفيد حد في المرحلة بتاعت اختيار الزوج/ة متبقوش موهومين أوي بكلمة طالب/ة علم وقد أي هو/هي بيقرؤا كتب وبيسمعوا بودكاست وبيسمعوا كام دورة والحاجات دي الحاجات دي مهمة وجميلة بس مش هي الأساس، ركزوا على أخلاقه/ها، التعامل، الصفات اللي حابينها هل وقت الزعل بتهون على الطرف التاني؟ مدى تحمل الشخص دا للمسؤولية^سواء الزوج أو الزوجة^ مفاهيمهم للزواج، الراحة في الوقت اللي بينكم، هل الشخص دا طيب؟ طيب بالنسبة ليا بتضم الحنان والعطف والتفاهم والتسامح ومش بيقف على الغلطة^ ركزوا هل الشخص دا محترم أهلكم؟ تعاملات الطرف دا مع النساء/ الرجال ركزوا على الحاجات دي، وقبلها الفروض والأساسيات، زي الصلاة، بر الوالدين، عفة اللسان، يكون بيحب ربنا حتى ولو بالفطرة وبيتقي الله ربنا يختار لينا ما يقر به أعينا يارب

حبيت التلاوة دي جدًا..

"سُبحانك اللهُمَّ تدري ما نُكابِده ‏اشفِ الصّدُور بفضل مِنك ينهمِر."

معلش ليلة من الذكريات سامحوني

يارب مش أفارق حد بحبه تاني

يارب يرحم جدو وتيتا لماما أنا عارفة قد أي هما وحشوا ماما يارب يرحمهم

من كام يوم كده كنت بقول جدو والد بابا وحشني^متوفي في بدايات ٢٠١٢^ أنا كنت بحبه، كان حنون بشكل خدت منه كل الحنان اللي في الدنيا حبيبي يارب يبقى في الجنة يارب أدخل الجنة أنا كمان وأشوفه

يارب يخرج بقا يارب يتجمع مع بناته في عفو وعافية

ما أنا بقول الذكريات دي عقلي هيبعد عنها أزاي بقالي كام ساعة بسترجع في كل الذكريات......

مدخلتش بيتها من يوم الوفاة إلا مرة من أقل من شهر دخلت البيت وأنا مخنوقة وعايزة أمشي يارب تبقى في الجنة حبيبتي يارب

عارفين كمان؟؟ داخلين على السنتين على ذكرى وفاة عمتي ووحشتني نفسي أشوفها ولو في الحلم

بناته كبروا منه ونور كبروا أنا وكلنا عارفين هو كان بيحبهم قد أي وإنهم كانوا ليه كل حاجة في الدنيا كبروا وهو بعيد عنهم

لسه مستوعبة إننا في شهر ٦ ل ٢٠٢٦ وإن عمي محمد منصور معتقل من ١٢/١٢/٢٠٢١ أي السنين دي كلها وأنت بعيد؟ أخر مرة شفته فيها كانت في زيارة ليه كانت في نهاية ٢٠٢٢

عارفين كمان

عارفين اللي يصبر الإنسان على كل حد فقده أي؟ إننا يارب ندخل الجنة ونتقابل هناك

لسه مستوعبة امبارح إن حد كنت بعزه جدًا مر على وفاته ٣ سنين متذكرة يوم وفاته وصدمتنا يارب يصبر بناته

عارفين؟؟ الوقت بيعدي بسرعة على كل حاجة